饞。台式食堂 (如心廣場二期)

营业中

休息中

今日兩個人中午行到饞。台式食堂 (如心廣場二期一樓）。叫咗一碗四川麻辣牛肉麵及一碗四川麻辣半筋牛肉麵，炸物拼盤，蜂蜜金桔檸檬加椰果及百香綠茶加蒟蒻球。四川麻辣牛肉麵很大碗，牛肉軟淋香口好味，麵條新鮮配上麻辣湯汁好食好味好過癮，牛筋有𡁻口好食，牛肉湯牛骨湯味好濃，炸物拼盤新鮮剛炸起香口好味、有四樣炸物、份量足夠兩至叄人食。蜂蜜金桔檸檬加椰果開胃好飲、精神哂。百香綠茶加蒟蒻球香口好飲、蒟蒻球也好食。餐廳地方光猛乾淨，服務員有禮貌，價錢適中，值得再去。

我哋叫咗試吓食物分享食:🥢鹽酥雞滷肉飯- 鹽酥雞係台灣小食首選之一，餐廳炸到鹽酥雞非常乾身香酸菜滷水蛋，粟米肉燥等等，仲有少少蔬菜非常豐富口，而個飯亦配酸菜，滷水蛋，粟米，肉燥等等，仲有少少蔬菜，非常豐富🥗🥢台灣牛肉麵- 另一試到餐廳水準嘅一定係台灣牛肉麵，份量多，紅燒汁做得好香濃，少少微辣，酸菜辣辣地好惹味，牛肉燉得好腍身，絕對收貨有餘👍🏻小食叫左🥢滷水豆腐做得好入味，冇炸物咁熱氣，值得推介🧋椰果奶茶🧋炭燒烏龍奶茶-欣賞佢可以根據個人喜好選擇甜度同冰嘅數量，茶香奶濃

住喺荃灣附近通常諗唔到食咩就會去食呢間台灣嘢價錢抵得來味道質素都有保證近排覺得佢嘅味道同埋菜式，好似提升咗之前冇得揀鹽酥雞拼小香腸一齊嘅滷肉飯依家竟然有呢個咁吸引嘅選擇另外都叫咗紅燒麻辣牛肉麵麻辣加麵令人好有胃口而且佢嘅牛肉一啲都唔會太硬，唔會係咬唔開嗰種平時會叫吓佢嘅小食，地瓜球都非常好食一係用氣炸鍋炸嘅，所以唔使擔心太過油膩另外可以加錢轉珍珠奶茶不過就一定冇手搖店嗰啲咁好飲叫做可以過吓珍珠奶茶癮

喺荃灣行完街去左呢間台灣嘢食午餐🫶🏻主打台灣夜市必備嘅香口炸物同埋滷肉類飯餐 當然唔少得珍珠奶茶等等各類台式飲品 叫左個香香雞柳滷肉飯 ($59) 果然幾惹味 雞柳非常香脆 外皮炸衣唔算好粉好厚 係平時食開嗰種吉列炸皮 帶少少肉汁 唔嚡口 撈埋滷肉汁、粟米、酸菜 好易食哂成碗😆仲有藥燉排骨麵($72) 湯底清甜又帶藥材香 排骨大件厚肉 麵質幾得意 淋淋地有啲似以前細個食嗰隻蟹黃麵 小食亦好多夜市炸物 叫左個蝦卷($42) 外層微脆 內裡幾彈牙 仲加左杯三寶奶茶(+$20) 有齊珍珠、椰果、仙草 口感好豐富 抹茶珍奶(+$18)茶味好濃 飲落香滑 珍珠煙韌🤭

愛吃台式料理的我，今日就去到如心廣場二期1樓的《饞。台式食堂》，食台灣特色美食。餐廳環境乾淨，坐位舒適，開放式廚房，食物主賣台式麵、飯，小食、飲品等。較特別的有，可自熱小盅燉湯天氣涼涼地，就點咗一碗熱辣辣，滿滿台灣風味的🥢半筋半肉麵（四川麻辣）豐富膠原蛋白的牛筋，加上炆煮至入味的牛𦟌，入口軟腍，加入酸菜、蘿蔔、濃郁的湯底，非常惹味小食🥢椒鹽花枝丸口感細緻，又帶有彈性，帶有椒鹽的香味🥢肉燥青菜香炸蒜片，肥瘦分明、入口香嫩的豬肉粒，加上香濃的醬汁，配入生菜，令普通的生菜更油潤美味🥤白桃烏龍茶配蒟蒻球白桃的甜香，烏龍茶帶甘，加入口感煙韌的蒟蒻球，茶味清爽解膩

🔸半筋半肉麵 慢燉牛筋和牛肉, 肉質柔軟嫩滑, 而滿滿jelly骨膠原嘅牛筋有著彈牙嘅口感, 好滑好入味, 加上香料和調味料, 煮出濃郁的湯頭, 搭配埋麵條, 勁正👍🔸台式炸滷排骨飯豬排骨炸至金黃酥脆, 再浸泡在滷汁中, 所以排骨炸完一d都唔乾, 反而每啖都好入味又多汁, 排骨份量巨多, 切開都有10件, 仲有粟米, 滷蛋, 酸菜, 豆腐乾做配菜, 增添飯餐嘅豐富度和營養度, $59超值到冇野可以彈🥰🔸椒鹽花枝丸花枝味道好濃郁突出, 口感酥脆, 入口彈牙, 味道香辣🔸珍珠奶茶正常發揮

荃灣出名多野食，如心廣場有間台式食肆都唔錯！😍❤️人參蛹蟲草花膠烏雞湯這個湯是自熱原盅燉湯，會自己發熱。入面重設有匙羹仔👍🏻。湯料十分豐富，好足料！😍每樣食材都好滋補！❤️香香雞柳滷肉飯雞炸得香脆，滷肉撈飯一流！😋重有粟米粒🌽、鹵蛋等配菜，口感豐富～❤️酒香花雕麻油雞麵花雕酒的酒香充滿我整個口腔～😍還有爽脆黃芽白、杞子和蟲草花。雞和麵的份量也很多。❤️滷蛋我鍾意食滷蛋就額外嗌多一隻黎食。❤️桂圓紅棗茶夠熱，飲完十分暖身，成個人滋潤晒～🥰

聖誕節假期逛街逛到去荃灣如心廣場，網上見到呢間台灣餐廳評價不錯，加入價格相宜，所以一於幫襯下試試佢！我哋總共叫咗半筋半肉麵、魯肉青菜同香腸魯肉飯。先講半筋半肉麵，真係好有台灣地道牛肉麵既風味！牛肉好腍好有牛香味，湯底好濃郁，食得出層次感，加埋麻辣麵一齊食，真係食得好爽，成個人仲愈食愈熱，冬天食禦寒一流！魯肉青菜份量非常足，香港地最奇怪既地方係菜比肉貴，所以有咁既份量都算係值回票價！香腸魯肉飯相對之下就比較普通，不過台灣腸都係非常好味，肉味好濃，呢個真係無得輸！總括而然呢間餐廳絕對係水準之上，加埋佢相對比較經濟實惠既價格，真係CP值滿滿

台灣菜簡直係我嘅All Time Favourite!!!❤️❤️❤️❤️❤️❤️ #foodieintern學英文👩🏻‍🏫 喺荃灣西附近，不過其實喺荃灣站行都唔算遠！半筋半肉麵🍜 上枱已經聞到一陣牛肉湯嘅香味! 呢度嘅半筋半肉牛肉麵係佢哋嘅招牌菜式，真係好正呀！牛肉，就係半筋半肉！每塊牛肉都好鮮嫩，入口即化。而筋嘅部分更加有嚼勁，牛筋煮得軟腍入味，食落有彈性，唔會咬極都咬唔開。牛肉則係鮮嫩多汁，每啖都可以感受到牛肉連埋牛肉湯嘅鮮美! 麵條彈牙有嚼勁，配合牛肉湯一齊入口，牛肉湯湯底濃郁而不膩，牛肉味融入湯中，正!😋塔香鹽酥雞配滷肉飯鹽酥雞雞肉外脆內嫩，啲皮好酥好薄，肉汁都好豐富。啲雞塊都炸得好金黃，一咬落去，立即可以感受到啲肉汁流出嚟，配搭九層塔啲香料味好清新，加上旁邊仲有生菜絲，好似沙律咁，減少油膩感。滷肉飯就更加令我驚艷! 啲滷肉好入味，肉質鮮嫩多汁，每一口都可以感受到滷汁嘅豐富味道，飯粒都煮得好軟身，入口即化，同滷肉嘅味道真係好夾好。略嫌佢唔夠多汁，唔係我可以食多碗飯🤭🤭仙草奶茶🧋& 蒟蒻球白桃烏龍茶🍑估唔到茶味咁濃郁，奶同仙草配搭得宜，完全冇搶咗主角嘅味道! 甜度適中！至於白桃烏龍茶都好驚

餐廳係荃灣、尖沙咀、灣仔都有分店。今次試左荃灣如心廣場分店，平日lunch full house, 想食要早少少去拎位。。椒鹽粟米 $22椒鹽味勁濃，每粒粟米都沾左椒鹽，加埋粟米爽口嘅口感，正。切到一條條，方便進食。。府城蝦卷 $42唔係冰鮮實的的嗰種。用新鮮蝦肉打成仲有啲配料好爽口，外層用腐竹包住炸到酥脆。好味。。台灣炸豬排飯 $66豬扒炸到脆卜卜，好易咬。調味係類似鹽酥雞嘅味粉，好香口。加$15轉手工滷肉飯。滷肉肥瘦混合，唔會太膩，配埋個汁，撈飯一流，仲要係珍珠米更好食。。白桃烏龍茶 $28好大杯，抵飲。

成日經過見到都好想食呢間台灣菜今日同朋友經過又係食飯時間諗都唔諗就入去食😂😂😂餐廳幾大幾闊落，食物嘅性價比好高下次要再黎試埋其他野食😊😊😊💚大碗滷肉飯 🐷🍚真係好大碗飯呀兩個人SHARE食都差啲食唔晒本來諗住叫滷蛋食，好在無叫到因為滷肉飯係有滷蛋架滷肉肥瘦比例啱啱好雖然好大碗但係啲滷肉份量好夠撈晒碗飯不錯不錯呢😋😋😋💚最佳拍檔🐔有鹽酥雞同台灣香腸呢兩個小食真係好夾呀鹽酥雞好脆，粉漿唔會好厚台灣香腸又煎到脆脆仲有蒜片俾你夾埋一齊食我自己就好鍾意呢個最佳拍檔🤤🤤🤤💚椒鹽甜不辣 🥠炸左嘅甜不辣都依然好QQ椒鹽粉唔會太多啱啱好仲有甜酸醬可以點😉😉😉💚仙草奶茶🧋好香奶茶味，但係又唔會太甜仙草份量都幾多，好味😚😚😚💚蜂蜜柑桔檸檬配椰果🍋🍯飲落口有啲檸檬酸味之後又有蜂蜜嘅甜味兩個比例做得唔錯仲有椰果幾有咬口🤩🤩🤩

收工去咗荃灣行街，去咗如心廣場呢邊，就試咗呢間台灣嘢。餐廳裝修通透簡約，環境舒適。大碗滷肉飯真係大大碗滷肉飯，仲要加隻滷水蛋。滷肉肥瘦均勻，味道濃郁。再加上脆脆，真係好。滷水豆腐凍品滷水豆腐切片，食落爽口，配合蔥花，帶有新鮮嘅感覺。烤粟米本來以為唔會有驚喜，雖然粟米微微地烤過，但係竟然爽甜，粒粒分明。表層沈上孜然粉，真係非常惹味。酒香花雕麻油雞麵碗麵嘅湯底好吸引，好有酒味，再加上杞子，整碗麵都好鮮甜，雞肉又新鮮。

最近收咗工就決定去如心廣場度食飯，呢間餐廳喺廣場入面所以相當方便鹽酥雞扒飯：想食清淡啲，所以決定叫白飯，另外可以加錢叫肉燥飯。本身雞扒已經有醃過，炸得鬆脆，肉本身就比較扁一啲，加埋調味料幾惹味，下面仲有少少沙律菜墊住。牛筋牛腩麵：叫咗四川麻辣，不過嗰陣辣味就唔係好似，辣度係小辣。可以揀陽春麵或者刀削麵，今次就揀咗後者，比較軟腍一啲。牛筋同牛腩嘅份量好足，已經係炆到淋晒，牛味香濃三寶奶茶：入面分別有仙草、珍珠同埋椰果，珍珠大粒煙靭，可以一次過享受食唔同配料嘅感覺，奶茶偏甜，下次應該會叫佢少甜。

是我問題嗎？呢啲麻油雞真係熟？真係食得？我叫個侍應嚟問，佢話無問題係本身紅色喎！真？但啲雞有啲熟有啲唔熟，唔係全部雞都紅色架喎！呢間嘢無事丫嘛？！價錢都唔係好平，$73一碗麵，雞全部唔敢食。

媽媽鐘意食台灣野就陪佢去食啦😆酒香花雕麻油雞麵🐥🍜哩個湯就冇藥膳湯底咁濃味 但係都有淡淡嘅花雕酒味 個面鋪滿左雞 起碼有七八舊🐥 講真 好少餐廳會好似佢咁足料😍藥膳排骨麵🐷🍜雖然個碗就唔係好大 不過個麵嘅份量就好多 佢嘅排骨係豬軟骨嚟 一碗都有四五舊 啖啖肉咁🤤不過我就覺得佢個湯底有少少油 但係個藥膳味好重 啱晒我哩個最愛藥膳湯底嘅人🤭抹茶珍奶和白桃烏龍茶配蒟蒻球🧋佢嘅野飲都幾大杯 抹茶珍奶都有好濃嘅抹茶味 不過就嫌佢有啲甜 所以我個人就比較鐘意白桃烏龍茶 雖然烏龍茶嘅味道好濃 不過都唔會蓋過白桃嘅清香 再加埋蒟蒻球 個口感就更加豐富👍🏻