饞。台式食堂 (如心廣場二期) (已結業)

最近收咗工就決定去如心廣場度食飯，呢間餐廳喺廣場入面所以相當方便鹽酥雞扒飯：想食清淡啲，所以決定叫白飯，另外可以加錢叫肉燥飯。本身雞扒已經有醃過，炸得鬆脆，肉本身就比較扁一啲，加埋調味料幾惹味，下面仲有少少沙律菜墊住。牛筋牛腩麵：叫咗四川麻辣，不過嗰陣辣味就唔係好似，辣度係小辣。可以揀陽春麵或者刀削麵，今次就揀咗後者，比較軟腍一啲。牛筋同牛腩嘅份量好足，已經係炆到淋晒，牛味香濃三寶奶茶：入面分別有仙草、珍珠同埋椰果，珍珠大粒煙靭，可以一次過享受食唔同配料嘅感覺，奶茶偏甜，下次應該會叫佢少甜。