饞。台式食堂 (如心廣場二期) (已結業)

收工去咗荃灣行街，去咗如心廣場呢邊，就試咗呢間台灣嘢。餐廳裝修通透簡約，環境舒適。大碗滷肉飯真係大大碗滷肉飯，仲要加隻滷水蛋。滷肉肥瘦均勻，味道濃郁。再加上脆脆，真係好。滷水豆腐凍品滷水豆腐切片，食落爽口，配合蔥花，帶有新鮮嘅感覺。烤粟米本來以為唔會有驚喜，雖然粟米微微地烤過，但係竟然爽甜，粒粒分明。表層沈上孜然粉，真係非常惹味。酒香花雕麻油雞麵碗麵嘅湯底好吸引，好有酒味，再加上杞子，整碗麵都好鮮甜，雞肉又新鮮。