餐館 (已結業)

又到下午茶時間，東匯中心大家樂又迫人，價錢又不算太便宜，於是就去隔離舖間餐館幫襯。餐館勝在搵位容易，座位也算舒適，價錢亦經濟合理，久不久也會光顧。下午茶叫了日式咖哩一口牛($42)，可配飯或意粉，送餐湯和熱飲，凍飲加$3。餐湯是羅宋湯，湯料充足，味道不錯。日式咖哩一口牛配飯上，牛肉夠鮮味，肉厚多汁，就是咖哩味比較淡，不夠濃郁。餐茶是即磨熱咖啡，味道尚可。

 我大約在兩三年前已經發現呢間餐，但個地點比較難搵，可能要用多少少時間先搵到，因為出面冇擺到大型招牌出黎。最初係俾佢個龍蝦餐吸引(兩位起計)。有兩種口味同兩種主菜可以選擇。之前個餐牌都係士焗龍蝦同炭燒龍蝦;主菜係卡邦尼意粉或蕃茄醬意粉。但宜家應該有改變架啦!「波士頓龍蝦餐」我平時黎食都係叫個龍蝦餐架，冇記錯平日就$88位(未加10%)、星期六日公眾假期就此$118位(未加10%)。以又有湯、又有包、又有野飲、又有主菜，仲有半隻波士頓龍蝦，真係物超所值。可以選擇炭燒龍蝦或芝士龍蝦;「海鮮拼盤」另外佢個海鮮拼盤都好值得推薦俾大家。雖然唔係話有蠔食，但啲青口、蝦等等都好新鮮。我覺得餐館的海鮮係特別新鮮!「曲奇沙冰」同時間都有一杯特色飲介紹俾大家-曲奇沙冰。唔會太甜，但係又有粒粒oreo!跟餐其實都係加10蚊。其餘都好似仲有朱古力同椰子拖肥沙冰，不過oreo最好味！今次去我係專登黎試下其他食物的水準。我叫左個雜扒餐(有包有野飲有餐湯)，同一個吞拿魚蕃茄長通粉。「餐湯」呢間餐廳通常都係雜菜湯，但平時雜菜湯個水準就幾參差，一時好飲一時唔好飲。因為有時會太酸，有時太淡，有時又好好味。但總括黎講10次

第一次到餐館，是由一位很要好的舊同事引路的，餐牌跟現在的沒有太大分別，普通四十多元的午餐有好幾款，有魚﹑牛﹑豬﹑雞及沙律的代表，而每日的是日咖哩更是抵吃之選，大概$42(最開初是$40的)，每客午餐包一杯冷/熱飲品及餐湯，以前更有餐包供應。不過餐湯只得一款，沒得選擇。隨著百物騰貴，租金又有加無減，為了不大幅加價，餐廳大概只得將貨就價這方法，故食物質素不如以往，我亦少了光顧呢！是日跟同事找開飯處，見久久沒來這裡，又想坐得稍為舒適一點，故重臨此地。原本是想吃牛扒，但又怕質素跟價錢成反比，吃咖哩又只得海鮮，故最後選了藍莓汁豬扒配薯角，餐湯是頗足料的羅未湯，不過我不好此湯，沒叫上。不用多久已預先煮好的豬扒上出，份量比想像的多了，有兩塊。薯角熱辣辣，豬扒肉質頗彈牙好口，夠鬆化，有豬肉應有的臊味，有點意外的好吃，初時以為藍莓汁怪怪，但調味得宜，既不失淡淡藍莓味，又有正常底料的調味。整體而言，餐館食物並非出色之輩，水準有點飄忽，像港式/茶餐廳式西餐，不過價錢未算太貴，坐得尚算舒適，間中前來開飯尚可。

假日吃早餐，總離不開附近的茶餐廳、快餐店，確實令人有點厭倦，老公提議這星期不如試試商場內的西餐廳。其實我倆曾經來過這裡吃下午茶，不過吃早餐倒還是頭一趟，又看看有乜新意先。這裡早餐價格頗為大眾化，由 $19 - $25 不等，更無需收取加一服務費，與一般茶餐廳無異，快餐價錢，西餐廳格局。原來這兒的早餐也有很多選擇，由美式、英式、健康餐到麵餐，一應俱全。老公點的豬骨湯公仔麵餐 ($23) 其實都幾豐富，隨了牛油麵包外，還有炒蛋、腸仔、薄牛扒配上公仔麵。以籃上的小餐包，外皮色澤夠曬金黃，包身入口亦頗為軟熟，唯一可惜的是沒有先翻熱才上檯，否則以烤熱的餐包配上原粒牛油，相信會更為美味。至於炒蛋，入口唔算特別滑，腸仔就味道正常、反而薄牛扒煎得算唔錯，比起「大家樂」的還要出色，雖然肉味偏淡，但起碼咬落完全唔覺韌，味道更沒有過鹹，水準不俗。公仔麵麵質軟硬度還算適中，不過湯底唔多覺有豬骨味，飲落比起包裝公仔麵的調味湯粉還要淡。跟餐的熱奶茶雖然並不是我杯茶，不過入口都算順喉，茶香和奶香兼備。被英式夾餅的名字所吸引，也點了份英式夾餅配炒蛋 + 腸仔 ($23)，開頭還以為夾餅是雞蛋仔店舖出售的那種格仔餅，會

今晚有飯局，唔想食咁飽，同老公嚟食下午茶餐。諗住叫兩份輕巧啲嘅茶餐，結果見到啲炸嘢又忍唔住口，點咗份洋葱圈伴五香薯角 ($18) 及一份蝦多士 ($24)。個洋葱圈太硬了，一點也不鬆化， Burger King 嘅洋葱圈都做得比佢出色；薯角一啲都唔脆口，淡而無味，要自己動手撒點鹽。 記得以前喺灣仔盧押道有一間叫「炸魚薯條」，個洋葱圈做得金香酥脆，可惜此店已結業多年，唔知係咪人老咗總係鍾意勉懷過去，覺得後生嗰時啲嘢好味啲呢？相反個蝦多士就做得唔錯喇，雖然唔係點覺有蝦，但起碼都叫炸到金黄鬆脆，而且油份不算過多，唔會食到成口油。

今晚第一次去食，叫左個雜扒餐+牛油芒果芝士海鮮焗飯餐，兩個餐都跟湯同飲品。$48/49一個餐呢個價錢以差為好合理，點知我個海鮮飯.......得幾粒牛油果+芒果，海鮮就包括：魷魚4小粒、超迷你急凍蝦一隻、小量三文魚肉碎，仲差過普通茶餐聽的焗飯!!!鐵板戲亦好一般，呢個價錢，我不如去越棧食！環境同侍應服務都麻麻，埋單兩個人$106 唔會再試！

已經知道這裡有西餐很久了，門面不吸引，經常把它遺忘。終於記起了它，試了。我與太太叫了鐵板西冷餐及焗石斑飯。$48一個鐵板餐有上圖的大小，而且鐵板汁是於客人前淋上去的，賣相似乎不錯。我叫的是5成熟，但我切開後發覺足有八成熟，也太超過吧? 所以好"un"，好難"趙"。太太的焗石斑飯則不錯，兩大塊石斑，很多芝士，飯底也不少，味道又不差，抵食。有一點微言是餐廳招待太熱情，未叫餐前已經有三位人士來介紹有甚麼推介的，車輪戰一樣，我想也應該給客人一些選菜的客間吧?我想我也會再來的，不過牛扒不是其強項，不會再叫了。

晚上與友人健身後想找一間餐廳食飯時剛巧在健身室下面接了一張傳單，所以便來試下。去到餐廳門口時已經看見了有幾隻生猛龍蝦放在接待位置隔離，入內後當然係問了那名侍應龍蝦有什麼食法，有特濃芝士焗，意式地中海焗和碳燒…和友人商量了後，便決定了試下碳燒…之後我哋再叫了一個鵝肝薄餅和一個龍蝦汁海鮮意大利粉，碳燒龍蝦不錯，肉質爽口...不過食的時候就比較麻煩…鵝肝薄餅都唔錯…味道咸咸哋…入口都幾脆…不過最好食的都應該係龍蝦汁海鮮意大利粉，意粉個汁好掂有少少酒味和濃烈的香味，內裏有幾款海鮮，意粉食完後會覺得很飽，可能我太鐘意食海鮮的原因，於是我便問了個侍應有冇其他海鮮介紹…發現原來這裏還有法國羔蟹，酒煮鮑魚和海鮮拼盤等等，但已經太飽了，還是下次再和友人過嚟吃海鮮大餐…結帳合共每人一百五十元左右，都算中上價錢><但喜愛海鮮的食家們，這裏都值得一試埸內環境不錯…侍應服務有待改善…

新發現這「意式餐廳」，隱藏在平民化的地下商場內，還是在同一老闆的酒樓旁...（向侍應證實過），可能這老闆想開拓另類客源吧。雖然正門就在酒樓側，欠缺格調及氣氛，但內裡環境幾得架，算高檔，還有各式紅酒供應... 不過個下午茶Menu就好似係茶餐廳copy 過來的，全是港式食物，只有”吞拿魚天使麵”比較像「意式」。叫了日式吉列豬扒烏冬，連飲品都只是$19（不設加一），抵呀！ 雖然份量少了點，烏冬湯冇乜味，急凍配菜都幾硬 ,但這樣的環境，清清靜靜 ，又有雜誌可看，仲想點？註: 環境=3 的意思是: 店外2分; 店內4分, 平均即3分

難食既豬扒飯 豬扒成塊都係肥膏 叫茄汁焗豬扒飯, 完全睇唔到邊到有茄汁!!得D黑蚊蚊既汁.. 十級難食..一定一定一定唔會再去!!!!!