餃餃餃子 (已結業)

星期五和同事team lunch，到了這間日式餃子店。等左5分鐘左右就有位，不過是樓上像員工室放幾張枱的位子；地下都比較細，有單人bar枱位和幾張細枱。寸金尺土灣仔食店都係咁。食物叫了每人一個set，外加兩碟各5隻餃子，諗住會夠飽啦。set有前菜、8隻餃子和一個細飯或烏冬，另一個set就係大碗飯加4隻餃子。跟set的前菜其實幾好味，幾開胃，有芽菜、椰菜或青瓜。然後來的是跟餐的咖哩飯，咖哩汁店員說有牛來煮，所以如果唔食牛就唔好咖哩飯了。飯唔係大碗，女仕夠食、男仕就一般飽。味道都係OK。到主角餃子上枱，賣相睇落OK，不過一夾就皮餡分離，心情即刻down左。唔知係趕時間整定本身係咁。味道呢，普普通通，唔係特別好或特別差。至於散叫的辛辣餃子和蒜香餃子，賣相好太多了，起碼夾起來係完整的。辛辣的一入口，都幾辣，不過得入口嗰下辣，係tabasco嗰種辣，過左就冇；至於蒜香，我唔係好食到有蒜香味，仲話香港限定喎。說完食物，再說服務，一個字形容：趕；兩個字形容：好趕。排緊時未落單預早落單本來覺幾好，但食完即收碟，又會問邊d食完可以收，都幾annoying。明白午市係趕，但俾我感覺係催你食快d囉。呢間，試

🥟餃子宴🤣水餃子🥟$36/5隻好多蔥花😍配上酸酸既醬油，十分開胃👍🏿招牌chao chao一口餃子$23/8隻標榜皮同函比例係2:8但事實好似唔係😂不過本面煎得香脆！細細隻 兩啖食哂🤣雞肉芝士🧀餃$42/5隻咬開入面既芝士微溶而且都多😍不過無拉絲效果Monchi monchi菇餃子$32/5隻呢個比較差少少，菇既份量少得可憐Shake shake薯條食得多，shake shake餃子又食過未🤣$42/5隻揀左🌽湯味，熱辣辣既🥟shake完d粉均勻咁係上面蟹籽沙律$20蟹籽量頗多，配上青瓜🥒唔會輸😎整體都滿意食物既質量，不過餃子size都細左小小，兩個人食哂都覺得個肚仲有位但呢到埋單已經$215

來到廈門街的餃餃餃子，平均午餐大約$80 左右，有前菜、自選餃子及飯/烏冬等，另有一杯飲品。這間都是我喜歡去的午飯地方，一人獨樂樂，或三數朋友同事相聚也可以。午餐餐牌選擇不但有餃子，還有其他選擇，比單是賣餃子的好。今天點青瓜漬、Chao Chao餃子(8隻一口餃子)及牛筋豆腐煮。前菜青瓜漬調味很好，帶輕微的辣味，質感爽脆。Chao Chao餃子用機器煎，煎出來的餃子皮薄及脆，咬下有點油但都可接受。不過有時煎有點過火，以及拉扯一隻一隻Chao Chao餃子不是完整的。牛筋豆腐煮的辣度比青瓜漬高，不過都是大部份人可接受的辣度。牛筋細細粒，份量不算太大。

剛好這天十分空閒，所以提早下班去吃餃子...這家店賣的都是餃子，連甜品都是餃子。我點了三份餃子，包括一份水餃子、雞翼餃子及朱古力餃。這餃子是典型日式餃子的質感，味道不錯。雞翼餃子其實是釀雞翼，我覺得這有點取巧...釀雞翼的味道很好，外皮香脆，裡面是滿滿的肉汁，十分美味。最後是甜品，我覺得十分特別，暖笠笠的外層，加上融化的朱古力餡，真的十分有趣。我想我每一次來這間餐廳，都一定會點這個美味的朱古力餃子。

任何時候都中意周圍揾野食既我地～今日就去左灣仔既餃餃餃子試下佢d餃子有幾掂！一去到見到雖然鋪頭比想像細 但係已經坐爆人 店內裝修有少少似居酒屋~~餃子款式包羅萬有，有d仲比較新湖～好難簡啊因爲款款都好想試。最後就簡左以下呢幾樣食物～1)蒜香餃子岩岩坐正bar枱所以可以親眼睇住廚師係到煎餃子，一路睇一路聞到好香 終於到我地食喇！一咬落去就已經聽到個皮好脆既卜卜聲，個餡好香蒜味又多汁！如果中意食重味既朋友仔我覺得呢個會岩你！2)枝豆食日本野必定會食既「零食」，平時食枝豆通常都食凍既比較多，今次呢間佢係整熱左，感覺都幾新奇 又唔會整到d豆太軟身！熱左都仲保持到個口感。3)大阪烏冬當日去食個日實在太凍忍唔住要叫碗熱辣辣既烏冬黎暖下身～個烏冬湯底好香～咩調味配料都無落都唔會覺得淡～配上煙韌既烏冬真係好好食👍🏻👍🏻4)蟹子沙律又係必食～呢間既蟹子沙律勝在夠多沙律醬！撈埋新鮮既青瓜絲真係好好食～如果份量再多翻少少就更加好(因為唔夠食hehe)最後就點左杯巨峰梳打～巨峰味好濃 男朋友大讚話呢杯飲品令佢上癮想一飲再飲haha

我係俾menu上面啲餃子圖吸引同埋都幾多人排隊，所以就嚟試下排左3個字左右就入得！入面幾full要搭枱，會有少少迫🤨我地都嗌左lunch set🍱首先前菜，芽菜有好濃既麻油味，唔係睇落白雪雪咁清淡，沙律既醬足夠撈匀所有青瓜絲，所以前菜都唔差入正題，我叫左6個chao chao餃子配咖啡湯烏冬烏冬賣相有啲頹，咖哩味唔太濃，份量如果女仔就應該ok，但男仔就一定唔夠🤦🏻‍♀️餃子幾出色啱啱炸起好香口同好juicy，話就話一口餃子但其實都幾大粒餡幾足料既！男朋友叫左大盛咖喱雞扒飯，呢度啲咖喱真係幾麻麻，無正宗日式咖喱咁甜但又無東南亞果種惹味，只係覺得好淡！所以建議嚟呢度主食餃子就唔會中伏

有好多間分店。7至8點晚市時間多人，安排坐bar枱。叫左16隻chaochao餃子($42)，烏冬。我覺得用同樣價錢，可以食到更好既料理。chaochao餃子係脆and皮薄既，細細食一口咬，不過食到成嘴係油。試其他餃子好d。烏冬就一般般，個湯幾好飲，不過1碗唔夠飽，食完都係肚餓，另外叫左個餃子5隻(冇影相)，5隻餃子尼舍好食d，大隻and冇咁膩。總體，岩岩食完，侍應就即刻收碟，想坐多陣都唔得，趕你就既feel，雖然都知多人等位，不過按食用時間，其他早過我入座既人，仲遲過我走，亦唔趕佢地走......

香港食傳統餃子既地方好多，但日式餃子專門店就好少。呢日嚟到呢間日式餃子專門店，嚟次餃子宴！餃子4盛盒啱哂貪心既人，有蝦餃子、磨菇餃子、九条蔥餃子同洋蔥餃子。餃子皮煙煙韌韌，最鍾意蝦餃子，大大隻蝦好爽好鮮味。蟹肉海老特長豪華餃子棒入面有大大隻蝦，好特別。呢度仲有shake shake餃子添，撈上粟米味既調味粉，又幾惹味。雞翼餃子中間包住肉餡，啖啖肉好正。炸雞外脆內juicy!估唔到甜品都有餃子！朱古力餡既餃子好香朱古力味，加埋冰凍雪糕，又幾夾喎！全餃宴食得滿足！

主打日式餃子既小店無論裝潢定係店員都係好有身處係日本既感覺黎得呢度就更係要食下餃子啦我就選左有雞翼餃子同海老餃子雞翼餃子呢個都算係幾新潮既一個製法餃子皮由雞翼皮來代替, 入面包住餃子餡都可以叫做釀餃子既, 最特別既係佢完全係無骨既廚師將雞翼炸到卜卜趣, 所以食落個口感真係好特別海老餃子海老餃子姐係蝦做餡料既餃子, 一咬落去既時候D汁係湧哂出黎, 勁JUICY!! 都係我第一次食到咁JUICY既餃子, 而且入面既海老係好嫩滑, 完全一點老既感覺都冇, 係好考廚師既手藝日式鰻魚飯主食我選既係日式鰻魚飯, 鰻魚又JUICY, 而個鰻魚汁先係精華所在飯既選用日本米, 食落個口感會綿一點, 而且帶點微甜, 的確唔錯, 鰻魚控都可以一試!!

近日吹起餃子風，主打食餃子既餐廳開得越來越多，餃餃餃餃子就係其中既表表者。對餃餃餃餃子既認識來自同事，記得以前覺得要把餃子當正餐實在有點不可思議，但試過一次後，便從此愛上。餃子店不算很大，裝潢和普通的日式拉麵店差不多，有一個open kitchen，廚師的製作過程，盡入眼簾。餃子店除了餃子外，醬汁是另一款必備的產品，一個好的醬汁，絕對是如虎添翼，這裡的醬汁有4款：辛子味噌，味噌醬汁，餃子醬汁，和辣油。看來其實味道差不多，就是有辣和無辣之別，但其實都有分別。打開餐牌，餃子既選擇果然夠多，絕對有花多眼亂之感。餃子大概$3-$6一隻，價錢真係好實惠，亦有套餐既選項，一次過試足多款不同既口味。枝豆 $20枝豆係作為飯前小食既首選，咸咸地，用黎送啤酒絕對一流。蟹肉忌廉薯餅 $24即叫即炸，所以夠哂熱，忌廉好濃但係都無蓋過蟹肉既鮮甜，帶帶蟹肉絲，呢個價錢絕對抵食。日本咖哩飯 $35淨係食餃子，感覺都真係會有點兒dry，點多一個咖哩飯就剛剛好，呢個咖哩飯會有少量既牛肉送埋，辣辣地好好味。餃子4種盛合 $554款餃子，每款兩件，最岩我呢d心多多既人，4款包括海老餃子，蘑菇餃子，九條蔥餃子，和洋蔥餃子，

香港人個個好忙，食個飯都好趕，而且放飯時間只有一個鐘，於是約同事食個快飯。係灣仔一到食飯時間，度度爆人，好辛苦先逼到入餃餃餃子。係開放式廚房，效率好高好快。事不宜遲，叫左個鹽麴新鮮椰菜，椰菜固之然新鮮爽甜，加上發酵鹽麴味道好有層次，唔係單純既咸，鹽麴比鹽淡而且有回甘既感覺，令椰菜更加鮮甜爆汁，好開胃又好食。到主角餃子上場，未開動前，有簡介教點食，於是裝左餃子汁同味噌醬汁用來點。椰菜豚肉餃子唔係單純得肉，椰菜中和左肥膩感，仲有好多汁，而且外皮酥脆。蟹肉海老特長豪華餃子棒，配上沙律醬，感覺一般，不過其他餐廳比較少見。驚喜位竟然係Puri Puri海老餃子，蝦好彈牙同爽脆，完全冇雪藏味，點上紫菜海鹽已經好入味，正。由於唔夠飽，夾份叫左個鰻魚飯，個塊鰻魚好肥美，粒粒分明飽滿，加上蛋花增加美感同味覺，好飽肚。最後飲上一杯柚子梳打清一清個口，即時感覺精神抖擻，成個人好清新。

近日為了即將與女朋友前往日本的旅行翻閱了不少的攻略書籍，看見不少吸引的餃子店，因此前往餃餃餃子過一過癮先。這間店上次看見門前有好多人排隊等候，今次早來了不用排，終於有機會食到！與日本風格相似的餃子店，店內燈光偏黃，面積也不算大。餐牌選擇種類多，無論飲品，主打的餃子和小食都清楚列明。牛筋豆腐煮第一次嘗這道限定小食，牛筋剛剛好一口便能食到，口感偏軟可口。另外有豆腐和蒟蒻作伴，濃濃的汁提升整道小食的味道，非常不錯的小食。蟹肉忌廉餅一上這道小食之後我們便趁熱吃上一口，內裏的蟹肉忌廉很快便滲了出來，餡料夠多豐富，忌廉的味道香濃，十分喜歡外面軟軟的一層，吃下去口感很舒服。而且不會太黏牙。明太子薯仔餃子終於來到了主打的餃子系列，首先出場的是這個新穎的配搭，一碟3顆白皮透橙的明太子薯仔餃子，賣相也很吸引，夾起咬上一口感覺十分驚喜，薯仔一整顆躲藏在裡面，與明太子有鮮明的對比，明太子味道本身都突出，配搭起來十分新鮮，大讚！紫蘇風味餃子小時候對於紫蘇情有獨鍾，家人有種植紫蘇並且作為配料。這道以紫蘇作為餡料的餃子，食上去濃濃的紫蘇味道十分吸引，也找回了小時候的味道。對於這碟餃子也是十分滿意的，值得一試。雞肉芝

朋友相約放工逛街買衫，既然朋友係灣仔返工就約佢去試餃子，呢間餃子店之前老公領帶過我黎食，質素幾好所以介紹朋友試。我地約七點係廈門街店舖門口等，好彩未滿座，朋友話平日LUNCH 係好多人排隊所以無機會試。店內面積不大，我們入座後不久門外已開始排隊等位了。餐牌除了好多創意餃子之外也有小食烏冬及飯，由於我倆唔好肚餓，所以點了餃子及小吃。有4款餃子醬汁: 味噌醬、辛子味噌、餃子醬汁和辣油京都九條葸蒽餃子皮薄餡料多，九條蒽的香味突出，而且煎得好好，薄薄的皮都不會爛，連平日不太愛吃蒽的朋友也喜歡之個，她說日本的蒽好香，不可能抗拒。沾上味噌醬吃更惹味，豆和蒽的香味同時有口中混和，好吃!厚切日式煙肉煙肉比想像中厚，口感軟腍好像厚厚的火腿扒，而煙肉間有肉的質感及油香，配芥末醬吃微微的辛辣是另一種感受。蟹肉海老特長豪華餃子棒我們都是嗜蟹之士，蟹肉海老特長豪華餃子棒非點兩條不可。長長的餃子內裡真的包著蟹肉和蝦，蟹和蝦的鮮味的滲出來，沾上蛋黃醬吃把蟹肉的香都帶到另一層次。牛筋豆腐煮朋友嗜牛，點了這道牛筋豆腐煮，配料有豆腐及蒟蒻。豆腐及蒟蒻都吸收了微辣的醬汁，這個餸配白飯吃一流。欣賞這餐廳的創意及食物水準，有機

鍾意食餃子嘅我，行開灣仔見到呢間新開嘅餐廳，望下餐牌，價錢抵食，食物種類非常多可以選擇，所以入嚟食。除咗餃子之外，餐牌上樣樣都想食，無諗過仲有墨魚丸，咖哩飯等等，我地真係差不多叫哂所有食物。叫左個牛肉餃子，皮薄，餡料好足，而且肉餃非常鮮味～墨魚丸好彈牙，鷄翼餃好香口！！ 薯餅好味！！咖喱飯好香好入味，烏冬好彈牙。另外，出乎意料之外有驚喜就係佢竟然有雞泡魚乾，我的至愛！！ 整得好香口，香脆，好好味！！ 雞泡魚乾個價錢仲要超抵，係平時出邊居酒屋一半咋！！食到飽飽，叫咁多樣野價錢都唔貴，值得推介，會再encore！！

去利東街打完卡去醫肚餃餃餃子就喺利東街隔離街～平靚正 👍🏻 唔止得餃子㗎我第二次食 lu野菜小食都係 $20價錢唔貴但係質素都幾好蟹子沙律有好多蟹子撈勻哂啖啖都食到「卜卜脆」嘅蟹子～Shake Shake 餃子 Shake 吓 Shake 吓好好玩因為係炸餃子就揀咗梅子鰹魚味酸酸哋清新啲嘛 😂餃子都有拼盤～可以食齊四隻味嘅餃子！Puri Puri 海老餃子啲蝦肉餡好滿綠色嗰個係京都九条蔥餃子，個樣好特別盛合真係好抵食㗎！👍🏻呢個蟹肉海老特長豪華餃子棒係幾豪華嘅$42 得一條 😂但係真係好好食，咬開就見到大大條嘅蟹肉蝦肉！而且一條其實係好長嘅～煎得好靚嘅蒜香餃子～好有蒜味，但係又唔臭喎 😋