食雞

营业中

休息中

咪就係食雞煲囉！兩個不適身子的人走去火鍋🍲好大膽呀，結果到今日都未好番😌不過想講呢間專門食雞煲的店鋪確是不錯，地方好好好寛鬆食得輕鬆，有足夠空間放食飯。出面有個自助蔬菜區及飲品區，款式算多先食雞煲後火鍋，味道不錯👍🏻 點左傳統味道冬菇雞後再點牛 牛有幾款 我覺得牛肩是特別的好味其他配料好新鮮及以數量比那就不用浪費食物啦。這裡還可不限時，你可冇限制🚫咁食食食加吹水、不過基本上兩人食飽就走，多人數就留耐點。記得訂位喇

最近香港地都比較混亂，去什麼地方食東西都要想過，今天我來到大角咀，一個比較安全，沒有太多人的地方食雞。這家餐廳尊門是食雞的，有多款雞可以選擇，門口更有超多錶位，泊車真的不是一個什麼問題，餐廳非常大，裡面地方好乾淨，冷氣夠(不會吸到太多食火鍋的味道在身上)，因為地方夠大，所以坐位都非常寬鬆。坐下後就選擇什麼味道的雞煲，我們都不食辣，所以選擇了芝士雞煲。原來這裡有前菜，叫了雞煲以後，會有一碟涼盤雞腳跟豬肚，兩款都非常入味，雞腳還有爽口的感覺。－兒童適宜芝士雞煲－來的時候已經有一點點熱，裡面的雞上面有各種芝士，還有蟹柳，枱面上有一個流豆，煮三分鐘就可以食啦！熱了把芝士溶入雞裡面，把全部雞都包住芝士的濃香味，雞真的是新鮮的，沒有雪味，雞味非常濃又爽口。兩個人食，雞的份量非常多，還沒食其他已經半飽了。食完雞以後可以叫店員加湯，換成食火鍋，同一時間可以去餐廳的最後面拿其他食材跟飲料，飲料款式非常多，汽水基本都有，還有其他品牌的，另外還有熱茶。食物方面不只有自己拿的，另外還有一張給你點的，款式非常多，又夠特別，其中有一個叫無字豆紙，樣子就像一張黃色的紙，放下去煮一下就會變成一片豆皮，食下去豆味非常重

食雞 網址: https://s.openrice.com/QrbS0vYu900地址: 大角咀洋松街38號地下1-2號舖全程投入來愛你，而無論任何天氣，hotot 對我來說是沒有天氣之分，熱天到34度也照吃！呢間主打食雞煲，仲要係好多口味，而唔係食到悶架重慶雞煲。見有4個新味，養生正氣雞煲從中挑雞件都有大半隻雞，唔會係頭頭尾尾，件件都有肉的 湯好香濃，濃湯芳香聞到好惹味，薑其實唔會辣，夠正氣$258 一位任食，抵呀！食完雞就再食邊爐其他配料,有黑毛豬梅肉片同Angus 肥牛，肥豬肉片我自己都可以ko 一碟了炸魚皮是我最愛餃類同麵食，必定好飽足啦芝士腸，魚皮餃好濃味菜都豐富，點了一大堆，如金菇，冬瓜，芋絲，響鈴，等等，用來吸湯汁架。其他菜自己在冷櫃拎就得啦，補充纖維任食任飲汽水，仲可以自己整湯水降溫消消熱氣門口以為食炸雞，雞煲堅好味抵食，同埋原來無限時架，慢慢食都得

今日係大角咀見完客，十級肚餓。見到雞煲任食+打邊爐任食就流晒口水。就幫襯左呢間「食雞」。又幾有驚喜喎，地方寬躺，位置闊落。坐得幾舒服。雞煲種類有好多種，全部都好創新，比較少見。多心嘅朋友仔唔使怕因為任食嘅關係可以是一隻味再轉另外一隻味食。朋友唔食得辣嘅關係，叫咗秘製椰香雞煲。雞煲上枱，漏斗計時，再倒入香料撈兩撈就食得啦。（店員會好貼心咁幫手）啱啱喺泰國旅行完返嚟，但呢個雞煲竟然令我好似返返去泰國咁。香茅、羅勒葉、青檸同椰青味配搭得啱啱好，令我有返咗去泰國感覺。香料好惹味，雞肉都幾滑而且大小砌得剛好。除咗雞裏面仲有栗子同埋芋頭。不得不提芋頭勁粉同腍，吸晒個湯。平時唔鍾意食芋頭嘅我都覺得超級好食。鍾意食芋頭嘅記得揀多芋頭。雖然好想試吓其他雞煲，但係食完一個煲之後已經飽🤣仲想試埋個火鍋🍲，所以其他口味就留返下次試。食火鍋可以揀用返原本個雞煲就咁加湯或者轉蕃茄薯仔湯。因為太鍾情於個椰香湯底，所以揀咗就咁加豬骨湯。但加咗湯之後，沖淡左，冇原本咁香濃，覺得揀返嘅薯仔湯打邊爐會好啲。佢預先會有一set火鍋配料。睇落都幾豐富。所有嘢都唔錯。個黑毛豬最有驚喜，爽口得來又有豬肉味。食完唔夠仲有點菜紙只俾你

本應一家大細開開心心去覓食，誰知進食過程中已覺得食物好像不太新鮮。。當夜店員服務態度亦不好，多次叫他們都視若無睹。。最可惡的。。食完後當晚我們回家後都感到不適及肚痛！依餐廳我們已列黑名單並不會再去！

大角咀一向多火鍋店，今次朋友帶我黎食雞煲。講起雞煲，你一定會以為好辣，有一大堆辣椒川椒，炒完會好油既感覺～但原來呢間店除左四川風味雞煲，仲有唔辣既養生正氣雞煲、椰香雞煲，照顧埋小朋友口味可以揀芝士雞煲~ 若嫌川味雞煲唔夠辣，可以試下南薑雞~ 啱哂唔同人既口味！　最近中醫師話我脾胃差要避免食辣，所以我地乖乖點左唔辣既養生正氣雞煲。有蓮藕、豆卜、冬菇、蟲草花、紅棗等，以漏斗計時左3分鐘食得，有d似蟲草花蒸雞既效果，雞好滑，味道唔會太濃，亦唔會好油。雞食完係可以加既，不過本身分量都唔少，所以留肚食火煱～食完可以加豬骨湯或者轉蕃茄粟米豬骨湯。我地轉左蕃茄粟米豬骨湯。先送上拼盤，有長長既蟹捧、扎肉片、丸類、炸魚皮。有肉質香而爽既西班牙黑毛豬梅肉。安格斯肥牛外，仲有點餐紙可點牛肩胛、牛小排，呢D都係肉質嫩而牛味比較濃既部位。少喺火鍋店出現既無字豆紙，唔講真係以為係紙，薄薄的又充滿豆香～　蔬菜菇菌類就喺自助柜取。甜品有啫喱、涼粉，備有花奶可加~ 順帶一提，飲品有韓國樂天系列、涼粉爽、道地飲品等選擇，同埋自家菊花蜜。想飲酒既朋友可以加$20，除左啤酒仲有日本果酒、Asahi 任飲～

Overall Verdict: I love this place! This is my go-to for a calorie, splurging, late night feast. The environment relaxed, tables are big and the chicke hot pot is super tasty and the portions are big.What we ordered:1. All you can eat chicken hot pot (first flavour on the menu) - $298 after 9:30PM on weekendsTimer to let you know when your chicken hot pot is done and you can start eating. I wish you guys could smell these photos! This was the first flavour on the menu (the original chicken pot f

雞煲放題@$258 每位尋晚放工朋友無啦啦提議去食雞煲～😓心諗我地都唔食辣而且熱屎辣辣咁食咩雞煲？！但係見間嘢喺屋企附近就半推半就咁去試下～🤷🏻‍♀一坐低店員就擺低兩隻醉雞腳，好啱呢個咁熱既天氣食😚😲估唔到佢地既地方都幾寬敞，唔會同隔離枱太近，坐得幾舒服而且佢話係無限時😲👍🏻👍🏻食完雞煲仲可以任食打邊爐配料！即刻精神為之一振，睇下有咩食先！我地唔食辣咁老公就叫咗個秘製椰香雞煲😲聽到個名唔知點解諗起葡國雞嗰種勁多椰汁但係個煲嚟到我反而聞到好香既泰國香料味，椰汁反而係似椰子煲雞嗰種清香！等到漏斗倒數完就食得😋再加啲青檸果然真係佢地講既泰式感覺，個煲入面啲芋頭同粟子煲到好淋好入味👍🏻但係食雞煲最重要就梗係隻雞啦，餐廳選用芝麻雞，雞肉好嫩滑，煲耐啲等雞肉索多啲湯底先食仲正！食完個雞煲真係齒頰留香，而且不得不提既係呢度既員工都幾有禮貌同笑容😊😂見我地食完雞煲仲主動同我地講雖然個煲可以就咁加豬骨湯再打邊爐，但係都可以轉蕃茄粟米豬骨湯～咁我地又試下啦😆雖然蕃茄湯底無椰香嗰個咁驚艷，但係打邊爐嚟講呢個湯底清清地反而仲食到配料既原味店員先擺低一set火鍋拼盤，食完唔夠仲可以再

近排"食雞" 呢個名好hit 打機係佢 餐廳名都係佢 食雞餐廳當然係食雞啦雖然呢間呢度食雞煲 地點有啲唔就腳食完就知抵返曬呢度雞煲係任食 野飲都係任飲 加$20非酒精飲料都可以任飲 呢度最正係咩呀 係唔限時任點任食真係好抵 好啱一大班朋友黎食 一邊飲酒食雞 一邊吹水 開舖食到收舖店入面環境非常寛敞 一d都唔迫 坐得好舒服呢度有5款雞煲 有川味雞煲 芝士雞煲 南薑雞煲 養生正氣雞煲 秘製椰香雞煲好多都想試 最後決定揀椰香雞煲時間一到就食得椰子味超香濃 成個煲都好正 連裹面d 椰肉都好香好滑今夠雞煲之後就加湯打邊邊個珍寶蟹柳好吸引呢個硬腐皮都好好味 唔係店員介紹都唔識食食埋個啫喱甜品 真係滿足都爆

【食雞🐔】餐廳名叫做“食雞”，簡單直接，主打雞煲火鍋。呢度連雞煲都係任食， 坊間少有，非酒精飲料🥤都係任飲 。仲要係唔限時任點任食，真係好抵，開舖坐到收舖都得。店舖環境非常闊落，坐得好舒適。雞煲口味眾多又新穎，有芝士雞煲、南薑雞煲、養生正氣雞煲同秘製椰香雞煲。太多選擇，都掙扎左一輪，決定食椰香口味。椰子味超香濃，雞比其他同類餐廳滑得多，裡面的芋頭吸曬味超正。之後加湯底打邊爐，食材吸曬椰香味好好食。最後食個涼粉啫喱甜品，真係飽到郁唔到。

去得任飲任食嘅火鍋雞煲，通常都會限時，所以通常都會食得好急趕今日閨蜜帶我去做個任務，代號叫做〈食雞〉。打機😈😈😈其實就係大角咀一間真正無限時嘅任食雞煲火鍋，任飲！任坐！任食！任加雞煲！！🐥🐥🐥雖然話係任坐，但地點都要坐得舒服先係重點！！店內環境相當寬闊，座位之間亦有好大嘅距離，仲有多部電視睇，真係同朋友坐一晚都冇問題。除咗最基本嘅招牌川味雞煲之外，仲有四款新口味雞煲。包括養生正氣，秘製椰香，南薑同埋芝士雞煲，款款都好似好正，真係唔知點揀好。話明任飲任食，當然要即刻去睇下有乜飲品。原來選擇都非常多，可樂汽水全部一應俱全。最後我哋決定揀〈秘製椰香雞煲〉，仲可以選擇多栗子多芋頭，滾好後一打開個下真係超香椰味同芋頭味。滾好嘅雞煲仲可以隨自己口味加入適當嘅鮮榨青檸汁，成個雞煲湯底味道偏向泰式風味嘅椰汁雞湯一樣，配埋超多栗子同埋芋頭，真係勁好味！！！而且雞件都好多肉，好厚身，肉質又夠嫩滑，質素超高。無限encore食左好多雞煲之後，就係時候轉豬骨湯底打邊爐，湯底仲有鮮粟米，菇菌同冬瓜，味道層次好豐富。先來一個大拼盤，最搶眼當然係條超長長長嘅蟹柳！！仲有多款丸類，腐皮同炸魚皮，仲有牛肉片同豬肉片，食

近來發現大角咀出現一間火鍋店(俾隻鷄吸引住)於是停低入去試下(咁啱幾個人想打邊爐又唔去邊)入到去發現坐位都算寬敞舒適!於是店員向我們講解收費星期日至四($258)星期五,六($298)另加一,原來這是一間任飲任吃嘅鷄煲放題,即是吃完鷄煲再打邊爐最正係唔限時,鷄煲都可以任吃,啤酒衹要每位加$20即可任飲(邊個飲邊個加,唔使要硬性全枱加錢)於是我地先吃椰子鷄煲,之後再添吃招牌川味鷄煲,這兩個煲都超正!值得推介

我鐘意食嘢，又鐘意寫日記，所以我每日食完嘢都會寫食評，就好似寫日記一樣，將自己人生既嘢記錄下來，食嘢亦都一樣，而且放係open rice既食評，仲可以畢生都唔會遺失，永留青史😂😂😂😂😂Open Rice其實係我既一本日記簿😬😬😬————————————————————昵區其實好多嘢食，曾經有段時間差不多日夜都係大角咀區食，而且仲食到好多鋪熟哂，今日回娘家係反呢區搵嘢食😝（😊行下行下見到原來有間任食任飲「食雞」火鋦，仲要係無限時任你坐👍👏)唔似其他食肆限住你食，食到趕喉趕命，係昵到食，食得好自在好輕鬆,食完包到嘔😂😂———————————————————-食物供應源源不絶，一定滿足到（你或妳）地方又寛闊，坐位又舒適，招呼又好👍👍煲底有好多款，心大心細款款都想食，我揀左養生雞煲👍雞煲足料，入味，蟲草花、豆卜，冬菇🍄、番茄🍅及其他...............配料多到數唔哂😂安格斯肥牛，肉質嫩滑，油脂豐富👍👍源源不絕的食物食物仲超巨形，大大件蚧柳—-要兩對筷子先夾得起😂魚皮——又係大大件，新鮮脆口👍墨魚丸—用墨魚汁做，入面仲有成粒墨魚，爽口彈牙👍魚片頭——超巨形大大粒又爽口😂蔬菜🥬新鮮翠綠呢

同事介紹大角咀有一間叫食雞的火鍋店，主打雞煲火鍋任食，d雞煲好正，而且地方夠大，坐得舒服，重有一大吸引就是不限時間，好適合約埋一大班人聚餐。今晚甘岩老公有時間，可以去體會一下！入座後就先送上小食。雞腳和牛肚都好入味！雞煲有多款味道選擇，有辣有吾辣，侍應向我們推介數款新味道的雞煲，我們選了秘製椰香雞煲。用了多種香料和自家製醬汁炆煮鮮雞，再加上椰汁，上枱煑滾後，加入另上的青檸我香葉就食得，一打開蓋，椰香味四溢，雞件鮮嫩入味，因為是任食，我們還加了一煲雞！食完雞煲就加入上湯食火鍋。首先第一輪是由店家提供以人頭計的火鍋配料。有西班牙黑毛豬梅肉，安格斯雪花肥牛，韓國珍寶蟹棒，鬼馬扎肉片，極級丸類六天王，魚皮餃，金菇菜，白蘿蔔，炸魚皮。配料新鮮，薄切肉類夠鮮嫩，丸類爽口彈牙！本人最愛激爽魚片頭，名符其實激爽又大舊，正！之後就任點任食餐牌上的火鍋配配料。款式都不少，材料新鮮又無限時任食，實在好抵！設有自助區，醬料、飲品、蔬菜和甜品都是自取的。

雞煲&打邊爐，絕對係香港人嘅至愛，不過，A姐話次次食完麻辣，個嘴又麻，有時太油，又會痾，但邊個話雞煲就只係得麻辣雞煲架？嚟到大角咀食雞，除咗麻辣嘅川味雞煲，仲有養生正氣雞煲、秘製椰香雞煲、南薑雞煲同兒童適宜芝士雞煲，食完雞煲仲可以打埋邊爐，好滿足。南薑雞煲南薑雞煲選用新鮮黃薑、辣椒、原隻新鮮芝麻雞及唔同香料，雖然缺少咗麻辣雞煲麻嘅感覺，但黃薑嘅味道微辛微甜，一樣好有層次。安格斯雪花肥牛呢到嘅牛肉選擇有兩款，除咗牛小排，仲有我哋推介嘅安格斯雪花肥牛，安格斯雪花肥牛嘅油脂分佈平均，牛味香濃，值得encore。西班牙黑毛豬梅肉黑毛豬梅肉嘅豬香味濃厚，豬肉唔會死實，色澤鮮嫩，相當唔錯。腐皮紙少食到嘅腐皮紙呢到都有，輕輕灼熟就食得。韓國珍寶蟹柳、激爽魚片頭韓國珍寶蟹柳超長，索晒湯，正！而魚片頭大大件，超爽口彈牙。而呢度仲有蔬菜櫃、飲品同甜品自取任食。