食雞

营业中

休息中

經常到大角咀買工具等，見到洋鬆街一間新開張的餐廳:食雞，任食雞煲打邊爐及汽水啤酒任飲任食，且新張期間優惠買五送一，都已將食雞放於首選，為免太多人要等位，預早訂了位，今日就專程與太太到來。按自己的訂位時間准時來到餐廳，但侍㒣話要遲 1小時才可入座，不是留了位的嗎????餐廳都比較寬敞，裝修簡潔清雅。餐廳除秘製雞煲，任飲任食的還有西班牙iberico豬肉及多款火鍋配料任食，飲品有汽水啤酒任飲，還包括兩款日本啤酒。還有多款蔬菜等雪櫃任取任食，醬料和飲品可於自助區拿取。先點了個餐廳推介的秘製雞煲，雞煲非常多配料，有芫茜蔥，洋蔥，紅辣椒 ，香芹菜... 等，花椒還可以自己加，自助花椒自己搗碎，自己話事要幾麻辣有幾麻辣呢，雞肉非常之惹味又入味 我們還放了蓮藕粟米。惹味雞煲原汁原味食到差不多後，又可以加入清湯打火鍋。其實食完雞煲都已經覺得都差不多，任點任食的肉類有多款，我們要了安格斯雪花肥牛，牛肉很好牛味，及要了素珍菇，油麥菜...等，任飲任食，感覺非常正。

上網見到介紹 見佢唔限時又任食咁梗係要試下啦！一早訂左位六點半，去到我地係第二枱客。嗰度地方都好闊落，唔會要坐到要櫈貼櫈 台員好有禮貌，一去到就解釋個餐牌。基本上同其他食雞煲嘅地方都係一樣，都係先上一個雞煲（唔夠食可以再添）食夠再加湯打邊爐！先講講雞煲，可以自行揀辣，揀要芫荽洋蔥份量，我地都食辣店員就建議我哋叫小辣（其實都好夠，如果唔係就食唔到雞既味道),佢哋另外在會再有比調味料可以自己添加麻味，雞係好嫩滑既，我諗大概有半隻（我地二人去）店員會幫我地炒雞，除咗食到辣味仲有洋蔥嘅甜味！成煲野可以話好惹味好食(我哋見到有人叫咗粉絲娃娃菜未落湯就放落雞煲度一齊煮，自己未試過但下次再去會試吓因為覺得會好惹味）之後我哋就加湯打邊爐，會先上拼盤. 整體來講牛肉好味但份量太少，每片切得好細好薄，每次都要放四五片先好似係食緊打邊爐肥牛咁。黑毛豬片好嫩唔”鞋”口， 蟹柳真係好大條！值得一試佢嘅德國啤酒腸（唔記得影相） 剝左好耐都食到有啤酒味 當日無試到佢個雲吞，因為已經賣晒，但佢個韮菜餃細細粒應該係自己手造係好好味另外就係任飲啦佢哋有可樂雪碧有道地綠茶解茶烏龍茶仲有另一種嘅涼茶如果飲啤酒就要加錢可以無限

早排呢間餐廳廣告賣得好勁，友人話想食，搵左日收工就幾個fd一齊去試。一坐低，侍應就叫我地一人食隻醉雞腳先。佢話一人一隻，想要多隻都冇。可能我本身鍾意酒味濃，我覺得可以再醉D。飲品任飲，酒類除外唔啱飲凍野嘅人士可以沖杯熱茶自助調味吧都算齊全甜品及蔬菜類侍應叫我地攞定蓮藕同白蘿蔔，雞煲一到就放落去。仲有預備埋啲花椒，麻一麻個嘴。終於熟左，可以起筷！雞肉幾嫩滑，不過骨就多左啲，唔算話好多肉，個味係唔錯嘅。食完雞會上左首輪精選火鍋配料，有魚皮、蘿蔔、蟹棒、牛肉同魚皮餃等。同友人最愛食蟹棒，好大條好滿足。魚蛋好彈牙。黑豚肉色澤分明，不會韌。牛肉油脂分怖平均，好食！食完首輪，我地就再加單，點左響鈴同啤酒腸。第一次食啤酒腸，入面滿滿的啤酒味，很特別。

大角咀新開雞煲火鍋！1個價錢任食包你食到夠👍🏻新開期間買5送1，6位朋友5位價錢！要打電話book枱先有呢個優惠 環境寬敞光猛，座位寬闊，坐得舒服，店員態度良好，細心介紹雞煲食法！ 餐前小食，自家製花雕雞腳，好滑有酒香！食完雞煲後店員幫忙加上湯，變成火鍋湯底。呢個係真材實料煲嘅豬骨湯，清清地同重口味嘅雞煲混合埋就中和返了！店員會預先安排一個火鍋拼盤（所有款式食品都有），入面有齊配料，每樣少少，食過覺得好食可以再encore，雖然係任食的，咁樣真係好，每款都試到！ 丸類都做得相當出色，特別係魚蛋爽口彈牙！仲有炸魚皮，響鈴同樣出色特別推介👉🏻牛肩脊超好食，好有牛味！安格斯肥牛夠嫩滑！黑毛豬梅肉都好有豬味！火鍋配料選擇唔算多，但款款都高質，飲品任飲

Mr.K 住大角咀，知道有新食肆開張立即去試下～～ 呢間雞煲$258一位任食，新開張仲做緊買5送1，不過就要預先打電話book枱先有優惠！餐廳樓底高，當晚人客唔多，坐得好舒服～ 雞煲$258一位，加一份雞就加$20，如果想飲啤酒類飲品就再加$20我幾欣賞佢地o既單係可以重用，雖然都係過左膠，但至少無用紙咁浪費，雞煲的辣度，芫茜，大蔥，洋蔥都可以自己配搭，唔係好食得辣就叫了微辣。先食雞煲再加豬骨湯底打邊爐，落左單概20分鐘就準備好，雞件唔算太大件，普遍來講都屬於口感嫩滑，係間歇有絕幾件無咁嫩，醬汁惹味中帶少少甜，不是一味死辣，餐廳仲準備咗啲花椒係隔離俾你自己加，不過我地就無加到啦～食完雞後可以請店員幫忙加豬骨湯，變成火鍋湯底。另外會上一個火鍋拼盤。打邊爐的醬料都可以o係出面找到，基本上的都有齊~~~火鍋拼盤入面有齊比較受歡迎嘅配料， 西班牙iberico黑毛豬梅肉、安格斯雪花肥牛、極級丸類五天王、魚皮餃、白蘿蔔、韓國珍寶蟹棒、鬼馬扎肉片、金菇和炸魚皮。份量唔多每人至少會有一件，食過覺得好食可以根據需要再encore，唔怕浪費食物。平時o既任食火鍋配料都係一般貨色，呢度竟然有健力士啤酒腸同

不知從那時開始，雞煲和火煱已成為一對形影不離 的好拍檔 ，今晚和E 食dinner, 佢毫不考慮就揀了這對拍檔，我也樂於奉陪餐廳環境開揚，座位舒適餐廳一大特色，自己樁花椒，樁過的花椒香氣四溢，可隨意添加入雞煲內雞煲醬汁鮮香濃厚，雞肉嫩滑鮮味，揀左小辣，加埋小許花椒已令整個雞煲麻辣惹味當中大量的紫洋葱和芫荽更令雞煲錦上漆花，又腍又甜的紫洋葱索哂D醬汁後更是美味無比食完雞煲之後店員隨即加上豬骨湯變成火煱湯底，可以打邊煱la安格斯雪花肥牛，油花靚，勁有牛味，真係食完一碟再一碟，正呀西班牙黑毛豬梅肉有肉的鮮味和香味，肥瘦均勻，忍不住一再encore極級丸類五天王，魚皮餃極彈牙爽口，大大件嘅魚片頭爽彈有魚味，鬼馬扎肉片，口感特别，有豬肉的鮮味 韓國珍寶蟹棒又大條又有蟹肉鮮味，必食之選&新西蘭嫩鴨血嫩滑，豬皮勁爽口，索哂D湯汁好好味德國車打芝士熱狗腸，皮卜卜脆，咬開還有芝士流出，正呀用花盆裝着娃娃菜，生菜和菜心，真的好像一盆盆栽魚皮亦是非常鬆脆新鮮菜蔬和飲料都可以在自助吧任取飲品種類繁多，任君 選擇

呢間雞煲做緊6人同行1人免費，超抵，而且只係$258一個人，任飲任食，早知叫多幾個朋友一齊去啦💓💓💓呢度係先食雞煲再打邊爐，可以自選雞煲既風格！😋我地就叫左微辣，多芫西、洋蔥、大蔥😝😝一上台雞煲香氣四溢，雞肉好滑，唔會過咸！小小辣，食得好惹味！我覺得份量都幾多，同朋友食唔停口！之後就轉打邊爐，會預先比啲火鍋拼盤，唔夠可以再點的😋😋安格斯肥牛肉味重，唔會太過薄切，黑毛豬豬肉片，肉味頗濃的！我覺得最開心係有得食蟹棒，勁大條，索晒啲湯汁！ 其他既配料：魚片頭、丸類同肉類都好正！😋😋😋總括黎講，我覺得呢度好抵食，食材新鮮，服務亦都好好😝

又係食雞煲嘅時候，朋友仔話有間新開雞煲竟然有大熱伊比利亞豬任食，即刻call一班朋友仔一齊食下。雞煲嘅辣度有大中小微可以揀，芫荽、洋蔥、大蔥都可以揀份量佢先上咗個雞煲要煮大約10分鐘，雞肉份量比街外少，但少D骨多D肉，食完雞仲可以好好咁打邊爐，雞煲醬料幾香濃，唔會死咸或辣佢仲有個石磨可以俾我自己加香料花椒，幾個人食，可以按需要加起煲內或點雞漿料任加食到咁上下就可以加湯，佢仲會一次過上個火鍋拼盤有唔同嘅丸喇，大大條嘅蟹棒，安格斯肥牛，同埋伊比利亞豬仲有炸魚皮個人唔識伊比利亞豬一啲都唔失禮，肥瘦均等，好香嘅肉味，即刻嗌多幾碟估唔到佢個牛啲雪花紋咁靚，係Prime 肥牛，食肉獸大有福了起追加紙上發現有健力士啤酒腸，好濃啤酒香仲有日版一丁，老闆似乎太揼本了汽水啤酒任飲食到最尾發現有新張優惠五位入座送一位，我地實在太好彩啦

今日終於凍返啲啦，終於去咗大角咀食雞煲。相信大家對食雞呢個遊戲都唔陌生，今次呢間鋪頭就係用呢個作為主題。佢好特別，因為佢呢除咗有熱辣辣嘅雞煲，即叫即整之外，佢仲有自助嘅飲品區同埋漲了區，特別嘅地方係佢哋有好多唔同種類嘅嘢飲，例如有解茶，加多寶都有啊！食雞煲就一定要食辣野，佢哋好特別，會比一個器皿我哋等我哋可以自己打碎啲花椒八角咁樣加唔同既辣度。佢哋仲有雪花牛肉，你哋可以睇吓啲花紋係好靚，仲有好多好普遍嘅配料，令我覺得特別嘅係佢哋有朱紅，鴨血，仲有台灣腸添！仲有佢哋所用嘅出前一丁，都係用日本版嘅，令些正宗同埋好味呀！總括來講，相信大家好少會嚟到大角咀呢邊，但係間鋪上就算好玩，而且裝修好好，通風系統好好，而且樓底好高，所以大家唔使擔心話食完會好大浸味！

今日同姐姐到兔協買兔糧，買完順便食埋野先返屋企，上網搵吓附近有咩野食先，一致決定去…食雞………煲！個店名好直接、又搞鬼，唔知老板係咪好鍾意打機，連招牌都有個遊戲嘅雞樣。每位$258任食又幾抵喎，6人同行仲可以免收一個，早知約附近返工嘅朋友一齊啦。 可能仲早，定係啱啱開門，入去就有位。室內明亮，坐位之間寬闊，兩邊牆各有2部大電視，雖然未必會睇，但誠意可嘉。覺得張凳坐得幾舒服。雞煲配料多少都可以自己揀，又幾貼心喎。等待期間行去攞飲品，一入門口就見到盡頭嘅飲品櫃，飲品櫃旁邊有調料區，喜歡咩味自己慢慢執。左手邊有蔬菜櫃，用這些盆自助拎菜，成棵盆栽咁。主角雞煲來了，店員細心講解程序，唔記得唔緊要，墊枱紙都有教，掛住傾店員又會過來幫忙，服務值得一讚。另有一個手磨工具，好過癮，內有原粒花椒，店員示範樁2下已經聞到好香，如果有需要，可自行研磨加入雞煲內。雞件新鮮嫩滑，肉質鮮美，加上秘製醬汁，麻香微辣，好好味，一邊傾一邊食，加一罐久違了的涼粉爽，真係爽、爽、爽曬皮啦。食完雞，直接加湯入鍋，變成打邊邊，激爽魚片頭又係幾爽喎，鬼馬扎肉片係咪加咗馬蹄呢?魚皮酥脆無油益味安格斯雪花肥牛牛味濃郁，OK啊。西班牙黑

新開嘅雞煲叫食雞，新開張做緊買5送1優惠要打電話book枱先有架。$258一位任飲任食超值👍🏻👍🏻 入到環境又大又光，座位寬闊，坐得舒服，店員服務好，會介紹雞煲食法，好貼心。上雞煲前先送上餐前小食，係花雕雞腳，好入味！我們點左微辣整得好入味，雞肉好嫩滑😋啖啖肉，食得大家津津有味! 食完雞之後就可以請店員幫忙加上湯，變成火鍋湯底。呢個係真材實料煲嘅豬骨湯，清清地同重口味嘅雞煲混合埋就中和返了！跟一個火鍋拼盤，入面有齊比較受歡迎嘅配料，每樣少少，食過覺得好食可以再來，但都唔可以浪費👍🏻每款都試到！ 😃😃牛肩脊超好食，好有牛味！而安格斯肥牛夠嫩滑，黑毛豬梅肉都好味道，健力士啤酒腸好有口感，韓國珍寶蟹棒，丸類都做得相當出色！火鍋配料選擇不多，但款款都高質👍🏻👍🏻👍🏻

今次去左大角咀的”食雞”食雞煲，一入店內就開始選擇配料，係等緊雞煲的時候店員先送上雞腳作為前菜，食完雞腳後主角雞煲就出現了，雞件有嫩，有結實，都唔錯，雖然選擇了最低辣度，係食第一舊雞時都唔覺辣，但雞肉相當入味，愈食愈辣，食多幾舊後，食唔到辣的我已經棄權，加完湯後色水都係咁紅，但辣味已經減退。由雞煲加湯變打邊爐的同時，火鍋拼盤同時送到，拼盤上的食物之後都可以再叫，炸魚皮都幾脆，但當中最推介韓國珍寶蟹棒及激爽魚片頭，兩樣都超大!!!珍寶蟹棒食落有彈性，而魚片頭爽口彈牙!!!值得再叫。除左火鍋拼盤外，menu上都有唔少選擇，除左menu上的蔬菜，店內重有其他蔬菜可以自己拎，蔬菜選擇非常多，而menu當中的德國車打芝士腸都唔錯，口感煙韌，加埋入面的芝士汁食落都真係幾似芝士，可以一試。

開始凍凍地，又係食雞煲嘅時間，咁啱見到新開左間雞煲係大角咀，又去試下新野。新開張又係平日，未算好多人，可以慢慢傾計食煲，都幾舒服個menu都好多野食，多選擇，亦都有預設嘅拼盤，將最精華嘅食物list out左出黎，唔洗自己諗香噴噴雞煲，叫左微辣都好足夠，雞件都算嫩滑，醬汁又香又濃牛肉係prime牛小排，紋路好靚，食落好濃牛味。仲有珍寶蟹味，真係好大條，食起黎好過癮打邊爐我淨係會食豬頸肉，而呢度嘅豬頸肉都好特別，係西班牙iberico豬頸肉，豬味濃但唔係果隻騷味，又夠嫩，食唔停。打邊爐要有嘅野都齊，值得一提嘅係佢嘅啤酒腸同埋芝士熱狗腸，真係好好食，啤酒腸有酒香，芝士腸亦夠juicy，完全係喜出望外，encore又encore

新年新年約舊公司同事吃飯，因有個是無底洞，故選擇了大角咀新開業的任食雞煲，每人頭258，價錢屬於適中，但食材質素不錯，物有所值。七點前人數不多，但七半後幾乎滿座，建議先打電話訂座。每桌均有花椒石盅讓大家自由調配辣度，盅過後花椒香濃郁散出，即使後加入碗內吃，也與熟食融和出麻辣香辣口味。雞煲配料、辣度均可自由選擇，因有同事不能吃辣挑了最低辣度，令人驚喜是微辣醬汁味道濃郁不淡口，嗜辣的我也異常合口味。雞肉彈牙結實，雞肉香出位，雞皮彈牙而沒什麼肥膏。店家一開始會出火鍋拼盤，大概每人一件的份量。吃完後可任意添加，以每件為單位，大家衡度點菜可減少食物浪費。推薦重點：西班牙黑毛豬梅肉：豚肉色澤新鮮，入口並沒有平日的豬腥味，肉質爽口彈牙，驚喜之嚐。激爽魚片頭：超大一件，咬下爽口彈牙，水準超過粉麵檔。餃類每款皮都超薄，肉餡豐富飽滿，每件小巧易入味。魚皮魚香味撲鼻，入口香脆魚香鮮味重，可燙一下火鍋湯底，吸附湯汁。店內還有飲料及配菜可隨意拿取，記得別浪費唷！

天氣凍成咁，真係好想食番啲熱野同辣野。😬即刻吹雞叫左朋友一齊放工去食雞。朋友問到即係去邊間呀，我:咪食雞囉😹呢間野真係叫 食雞🤣間野係大角咀新開，新張優惠五位仲送一位免費添！即刻打去book位。$2xx無限時秘製雞煲+火鍋配料飲品任食！好抵食，好彩有book位，去到已經full哂。環境好大，好闊落，岩哂一大班人黎食！坐底左，先自己選擇雞煲既味道先。可擇麻辣程度，芫茜洋蔥大蔥既份量。如果驚食雞唔夠喉仲可以加錢叫多半份。另外每張枱都有個盅俾你自己磨麻辣籽，想幾辣就幾辣。雞煲一黎到，已經嗅到超香超麻辣既香味，流哂口水！呢度既雞煲真係唔錯，份量好多件而且都好嫩肉。唔會話啲雞好瘦好鞋。好味到一件夾一件，唔停口。個汁整到好入味好濃郁，唔會得個辣味，食落係好香好開胃的😻👍食完之後就可以加豬骨湯，開始下半埸喇！除左可以任點之外，出面仲有蔬菜🥬自己任夾，同飲品任飲，選擇多，而且竟然有津路/加多寶/自製熱菊花水，岩哂清熱解辣呀！🥰啤酒就加$20就可以暢飲添！🍻火鍋配料都好多選擇，最特別推介係 超長珍寶蟹棒，好正🤣仲有big size 配料:巨形魚片頭，一路滾一路變大，食落好爽口彈牙！巨形車打芝士熱狗腸，