影片
港铁利东站A1出口, 步行约2分钟
继续阅读
营业时间
今日营业
06:30 - 18:00
星期一至二
06:30 - 18:00
星期三
全日休息
星期四至日
06:30 - 18:00
以上资料只供参考，请与餐厅确认详情
每次返嚟鸭脷洲都会必食嘅生菜鱼肉！第二道真系食唔番呢个味，佢个鱼肉系超级弹牙，加醋加埋油，真系连个汤都饮晒！仲有炸烧卖同埋炸麦乐鸡！不过今次去到嘅时候已经冇咗麦乐鸡噜！下次下次返嚟鸭脷洲一定要再食
继续阅读
今日专登入鸭脷洲睇洪圣爷诞场面真系好墟冚！想感受传统文化嘅真系值得一去一场嚟到紧系要食好西呢间食记一早已经听过佢大名煎肠粉沾上鼓油咸香同少少煎㶶边，超好食！我平时食肠粉点都要落酱呢个就咁鼓油底已经劲好味仲有咸香虾米！加上份量好足！建议两个人share一碟就够！其次必食鱼肉！同街边一样，可以配生菜/碗仔翅鱼肉好嫩滑，唔腥，一样份量好足！食得出好新鲜！价钱都唔贵，经开鸭脷洲真系必食唯一缺点就系小铺地方浅窄想堂食可能要排一阵队啦
继续阅读
南区人一定听过大街鱼肉翅🥹离开依到十年，今日咁岩经过就一定要食！最钟意佢个鱼肉翅，鱼肉同平时个啲去唔同，佢超级烟韧，加齐晒胡椒粉同醋，外卖焗佢一齐岩岩好！今日太饱冇食佢啲炒面，下次再嚟一定要食！
继续阅读
街边小店试咗下佢哋嘅碗仔翅，真系有啲嘢想同大家环境就系典型嘅街边档 feel 啦，冇咩花巧装饰，胜在够接地气。店外招牌都几醒目，一眼就睇到系卖碗仔翅嘅。讲番主角碗仔翅啦，卖相都算唔错嘅。望落去，汤汁浓稠到好似要黏住个羹咁，色泽金黄透亮，好似藏住好多宝藏喺入面。捞起一羹，见到里面嘅料都几多下，有爽滑嘅粉丝、细细粒嘅冬菇丝，仲有啲蛋花喺度飘呀咁。试咗一啖，哇，个味道真系几丰富啵！汤底嘅鲜味好突出，应该系落咗唔少同酱油去吊味，仲有啲香油嘅香味。冬菇丝就增加咗口感嘅层次，咬落去有啲嚼劲。肉丝虽然细细条，但都好有肉味，同其他配料搭配得几好。不过呢，都有啲小缺点嘅。过多生份水冇咗𠮶种大然嫩滑有啲可惜。同之前喺铜锣湾试过嘅一间老字号碗仔翅铺相比，呢间嘅汤汁浓稠度就差咗少少，老字号𠮶间真系稠到好似浆糊咁，每一口都好满足。但系呢间嘅价钱就亲民好多啦，一碗先十几蚊，性价比算高。总体嚟讲，呢间街边小店嘅碗仔翅都算有水准嘅，虽然有啲小瑕疵，但胜在价钱实惠，味道都唔错，路过嘅时候可以嚟试下嘅。
继续阅读
今年每个假期都留喺香港寻找食嘅舖头。少有地今次就嚟到鸭脷洲大街，揾到依间怀旧小食舖公众假期1月1号都有开，净系星期三休息，下午茶时间都等咗一两张枱，因为位置唔系好大。细间舖都有三个人喺度，三个都好忙啊餐牌仲要系有啲人手写仲有一块系以前嘅旧式餐牌。麻雀虽小五脏俱全，除咗小食早餐仲有甜品，全部都好有香港特色。啱啱好姨姨炒好一碟炒面，用一个旧式嘅镬倒返出嚟喺个格仔度。叫咗一个煎肠粉系即叫即整，姨姨之后仲会大声问你要唔要芝麻同豉油，净系豉油都已经好好食，个面有少少脆，加埋枱面嘅甜酱口感会仲丰富叫咗个生菜鱼肉碗仔翅，小朋友乜嘢都想食，难得嚟一次，梗系乜嘢都放晒一齐。姨姨会问你要两沟定三沟，其实就系碗仔翅鱼肉同生菜三款个个嚟到都会叫鱼肉佢都好大条，当然如果你好想食重鱼肉嘅，可能就未必适合，碗仔翅够稠，即使生菜喺个底度食落去都仲系爽嘅拣咗米粉同炒面好耐最后都叫咗炒面，侍应哥哥就系用两只差嘅神功即刻喺个格仔度卷俾你，佢仲有大细之分，唔会好咸加埋芽菜仲有丰富口感。希望下次可以试埋佢嘅糖水，去嘅时候系冬天有番薯糖水红豆沙同绿豆沙，见到好多人叫外卖希望香港呢一类型嘅小店都可以继续做落去，听到个姨姨已经周围去旅行，仲有屋企人喺外国你哋都要健康长做长有！
继续阅读