影片
鸭脷洲大街有间士多专卖茶果、糕类(芝麻、红绿豆)、糯米糍、马拉糕😍仲有好多凉果、怀旧饼干(水泡饼、玛利饼、梳打饼、花生酥等)一包包一律$10❗️试咗「眉豆茶果」 价钱超亲民🥹$4/个即日新鲜制，放起蒸笼入面细细个但重手，底部有块荷叶茶果黏黏哋入口烟烟韧韧眉豆磨成蓉，味道咸咸地似端午节糭馅料😋不过略嫌馅料唔够多，同茶果外皮唔成正比但呢个价钱质素绝对收货啦！呢啲店起香港差唔多绝迹，路过一定要买返个支持吓！
继续阅读
呢间士多真系由细食到大详细我都唔知佢有几多年历史呀不过佢有上过电视入面嘅布置非常有历史感你可以买到佢嘅旧式饼干同埋一啲怀旧嘅小食我都有买过佢啲白糖糕砵仔糕红豆饼而家都见少卖少啦如果黎开鸭脷洲不妨去下呢间舖头帮衬下佢支持下呢啲小舖头体验下佢嘅风味
继续阅读
极少机会黎到呢区 机缘巧合之下经过呢间充满怀旧味道嘅士多 必定要帮衬一下公众假期 大约两点几都已经好多糕点卖晒 咁就一于帮衬下砵仔糕 多豆少甜 赞 儿时回忆返晒黎 系细细个嘅味道 满足😌 另外买咗原味&朱古力味蛋卷作为手信😝 都只系💁🏻♀️$10/pack 性价比超高🤭其实仲有好多饼干 凉果都想买 花多眼乱 下次再经过 一定会再帮衬🙌🏻返屋企试咗两个口味嘅蛋卷 口感&味道我都钟意 有几层薄脆 有层次嘅脆感 特别好味 最钟意佢少甜 一次过食晒成包都冇罪恶感😋🤤 原味蛋味浓啲 朱古力味反而椰味重啲 各有各好味🤭
继续阅读
每次黎鸭脷洲，必定要帮衬友和士多，事关呢度嘅怀旧糕点新鲜又好食。坐地铁南港岛线出利东站，A出口斜对面就到，非常方便。今日带左阿妈黎，佢话一眼睇中茶果，3款馅系豆沙花生眉豆，要晒3款啦，$10有3个嘛。我就每次都要食豆沙西米糕，仲有涨卜卜嘅煎堆。两只为食猫出咗门口嗱嗱声啪晒茶果同煎堆，真系食到lam lam脷！带好口罩返入友和士多，阿妈话要买光酥饼同埋鱼皮花生，梗系好，我都有份食嘛。我仲话最好买埋马仔同南乳椒盐饼干，阿妈话我醒目。下次要带老豆黎潮圣。
继续阅读
鸭脷洲大街名物---友和士多！行入友和士多，好似穿越返去旧阵时咁，佢地卖嘅怀旧糕点、零食、饼食，系传统嘅味道！老板俾我影张几相珍藏，好开心！（本身呢度系唔准影相）今日遇正豆沙煎堆啱啱出炉，即刻排队，排我前面嘅食客，都系几个几个咁买，真系好怕轮到我就卖晒，心里面祈祷希望有得食，轮到我真系冇晒，点知前面大叔见我想喊，让左一个俾我，多谢呀！豆沙煎堆实在太香口，外脆内带少少烟韧，豆沙馅冇过甜，真系一绝，食一个系绝对唔够喉，期待有机会再食。另外砵仔糕、西米糕、茶果、带菜糕、眉豆花生糕...都系必食！不过眉豆茶果同带菜糕卖晒，今次试下桂花杞子糕，好清甜㖞，惊喜！最好行入d被巨型山楂饼、米通波波、花生糖吸引左，扫埋就满足回家，下次再黎！
继续阅读