食神車仔麵

营业中

休息中

7蚊午餐肉得一塊，10蚊河粉底得2啖，豬大腸得5粒要10蚊平均2蚊粒，牛坑腩就骰仔咁細粒得5粒要13蚊，味道一般，個辣汁ok. 淨餸3款起合理，但最小30蚊就奇怪，感覺好等錢洗咁！

價錢又貴，食物份量又少，食物味道又一般，很多車仔麵檔都比這間好味，叫了淨餸豬手，雞翼尖，炸魚皮，好似沒有食過咁，不會再到食神車仔麵食野。衛生環境都不錯，但唔抵食。

如題 點左兩個河粉但面條很碎 即系一夾起上黎 條條都吾夠手指尾長 另外執到幾條毛髮 （已經分吾出頭髮定眼睫毛之類）辣汁有海味既味 小小腥花枝丸應該就咁過一過水 好硬豬腸無咬口炆冬菇就入味 幾好味完

成日都見有人係出面排諗住應該好好味！但原來食評好麻麻！但住附近就點都比次機會佢嘅！星期日未到12點就到左！佢見到我先開埋另外個半閘做生意！做左佢今日第一個客！見到點餐紙價錢都略貴！10蚊麵底！餸就7-12蚊一款！最後點左豬腸、豆卜、冬菇公仔麵！另外加杯凍檸茶！只係咁已經要43蚊！麵一黎真係令我有d震驚！會唔會細碗得太緊要？有d小家law!ok算味道先係最重要！好老實講味道係中上！未至於驚天動地但絕對放得入口有餘！最出色係個香辣湯底！小辣唔算太辣但好惹味！將d餸嘅水平提升埋！而冬菇就一般般！蚊得唔夠入味、外面亦唔夠滑！豆卜就正正常常、豬腸就差少少啦！有少少硬而且隻味唔夠香口！凍檸茶就正常貨式但味道偏淡！不過重點係份量太少！比成9蚊個餸得個3舊同粒一個餸！太唔抵食！雖然佢起係雞地都係target附近豪宅人去食！但再唔改善下份量少問題將會冇咩回頭客！

自YOHO MALL於MIDTOWN啟用後, 雞地多了不少新細舖, 眾多細舖中, 食神車仔麵的名字較受到我的注意, 每次經過此店, 這名字,都使我聯想起星爺電影"食神", 戲中的嗱喳麵, 真的有點衝動想入去試下, 但不竟, 只是路過, 找不到機會或籍口, 入去試一試七月份的一個下午, 終於可以入來試一試這間"食神",如一般小店一樣, 裝修企理,坐位二,三十個貼上懷舊店舖牆紙, 感覺不錯如一般車仔麵檔, 提供食物紙, 給客人選擇食物, 麵款樣樣齊, 但一丁麵及烏冬價錢則有點貴, 至於車仔餸分了三級, 加麻辣汁要一蚊, 其它汁底則免費,不用加最後, 選了油麵,南乳豬手,豬大腸,瑞士雞翼加滷水汁湯底, 其實, 車仔麵好靠醬汁(在食物質素相等的情況下), 就如"永年"一樣, 靠甚麼? 所以, 叫了滷水汁, 這樣已基本可看出這舖對食物,客人的誠意程度噢!! 一試湯底, 已知質素, 只有淡淡的滷水味,且偏鹹, 這樣, 已經估到加了很多........南乳豬手, 淡淡的南乳味, 味不是太濃郁，南乳很貴？至於油麵質素，都OK, 有咬口！豬大腸，真的唔想提，腍到沒有豬大腸的質感，香味亦沒有，自己真的唔知

今日放假，行過yoho, 好想食車仔麵，附近冇乜食肆，最近都要入到市中心，所以行下行下，見到間新新哋嘅車仔麵店，其實唔係太想試，不過附近冇乜好嘢。所以就試一次！要了一個3餸車仔麵，d蘿蔔勁大嚿，好淋又入味，至於紅腸同魚蛋味道一般，紅腸切得夠厚，湯底要了麻辣，不過食唔出有麻辣囉～～整體係ok嘅，至於價錢$40，貴唔貴就見人見志。

由於我住近永年附近所以好小去到YoHo果邊，但聽朋友説了好幾次在那邊新開了一間食神車仔麵比永年好食好多，今日終於去試下！店舖比我想像中細，不過裝修及環境總算舒服及清潔。我点左个油麵，牛坑腩，豬大腸，滷水旦及時菜加香辣汁(中辣)合共$45價錢算合理！先講湯底，本人覺得真的比永年的味精湯好味好多，夠味得尼不覺飲味精湯，牛腩不是車仔麵用開的碎腩，應該是属貴價牛肋腩，夠林亦好入味，豬大腸亦剛剛好林得尼又有口感食得出有滷水香味亦帶小小甜味！，滷旦亦好好味但冇咩色，問老板点解隻旦金黄色唔係滷旦的茶色，原來老板話係用白滷水所以不會太深色，時菜今日係生菜$7有5塊算可以！最後不得不提是个香辣汁，非常香亦辣得剛剛好，不像一般車仔麵的辣汁一尾只得个辣字！總括尼講我本人覺得朋友真的冇介紹錯，尼間車仔麵可以話係—間高水準車仔麵！

不同面類10蚊款 出前一丁14蚊 加底 6蚊 麻辣汁需加1蚊 香辣汁有分大中細辣不同價錢送類都得兩件 客人要求一杯冰水 都話要加2蚊......咁都嗡得出口（現在仲有咁樣食店？）油面煮出來又硬 咖哩魷魚又無咖哩味 豬大腸仲有一d變變地 雖然話車仔面係嗱渣面jar 但都唔係咁丫ma 是是但但煮面類：河粉送類：咖哩魷魚/魚皮鮫/紅腸/豆卜/豬大腸以上加埋10+12+9+9+7+7=54元食神車仔面

d野又貴又小，話嗱渣面姐，食車仔面送烏蠅，豬大腸仲要變左，就連一杯簡單既凍檸茶都出事，都唔知自己飲緊既係檸檬茶定檸皮茶，刀工好到檸檬皮都可以做檸檬茶，真的令人佩服從來未食過咁差車仔面鋪面衛生情況極差，鳥蠅多過人😑 如果唔係費事等位都唔會入，點知一入就中伏真係好差好差好差，因為真係好差所以要講三次

叫左牛腩，豬腸，紅腸，米線。牛腩$12得2舊，而且硬到乜豬腸$9得3件細細件紅腸$7得2片，紅腸有幾貴😒真係離曬譜！腩汁好淡，無乜味。本人對車仔麵都無乜要求，但呢間真係我其中一間食過最唔好食既車仔麵餐廳。

地方細小座位逼。碗深，但麵同餸都好少。湯：可以選牛腩汁，但無味道。麵：唔加底係等如半餅，加底要$6，但份量都係等同於一餅。餸：無論咩價錢嘅餸，都係得兩件。兩個字''唔抵''！我唔多推薦。

車仔面簡單易整, 要整得好味其實只要花少少心機就可以了. 今日黎到呢間新開"食神"車仔面, 門面相片同廣告都做好多, 以為元朗終於有間似樣D的車仔面, 點知極失望而回叫咗最簡單的配料: 蘿蔔, 豬紅, 豬皮. 叫咗辣汁, 滿心期待. 當時下午3點左右, 得4張枱, 隔離枱似乎等咗有一段時間, 到上枱時食物錯咗, 見到該食客都好失望. 輸到我喇, 雖然食物無錯, 不過同樣失望.首先睇下個湯低, 顏色非常清, 而且味道偏鹹, 粗面夾上手, 係平價無口感的薄身粗面, (坊間收得$30以上的車仔面, 一般都用比較貴價彈牙的厚身粗面). 已無乜期望, 再夾下D餸, 蘿蔔, 豬紅同豬皮都係一樣味 = 無味. 似係就咁用清水加少少鹽去焯. 一咬落去得個鹹字.下午茶時間, 埋單$37連一罐汽水 (本人已經係叫3樣都係平價餸), 價錢拍得住灣仔某知名車仔面, 但質素相差怎遠. 新界區有勇氣收呢個價錢, 卻無誠意做返碗似樣車仔面. 一句講晒, 無下次!

見係新鋪，個名咁勁，又收8點咁早，就試下佢。點咗2個麵，合共$72：粗麵 牛坑腩 花枝丸 滷水蛋 滷汁河粉 腸仔 芝士炸蛋 翼尖 腩汁牛坑硬到石頭咁，滷水蛋白雪雪完全無味，粗麵太淋，滷翼尖完全無味及只得4隻。唯有比較正常係個花枝丸總括嚟講，分量少及味道絕對需要改善，不過個人嚟講應該唔會有下次。P.S. 平時食開轉彎果間小店真係好食好多，淨係翼尖分量多一倍又入晒味已經唔洗講其他

第一次去新開的車仔面，整體都乾淨企理，餸品道唔錯，但湯底有d淡最重要係極度唔抵食，$7只有3條生菜葉，堅係3條；$8蚊只有2舊牛栢葉，有圖有真相。另外，枱面沒有任何調味料，連豉油、辣椒油都冇。問樓面，佢會提供，但係是用湯匙裝比你，唔係放係度比你隨意加。埋單時，忍唔住同老闆講生菜同牛拍葉份量極少，佢話係煮房夾錯，夾少左喎

當Yoho Mall啟用後, 開設了不少中高價格的食店, 連帶附近獨立經營的小店都粉飾一番後, upgrade自己, 晚餐閒閒地都百幾二百元。近日商場附近新開了一間平民車仔麵檔, 一碗三餸麵都不過是三十餘元, 庶民美食蠻吸引地區街坊。 尤其當區內曾是首屈一指的"永年"裝修過後, 味道不復當年惹味出眾, 加上長期要排隊, 光顧元朗區的車仔麵真的少之又少。星期六中午就試試這家“食神車仔麵”。 開飯時間, 等了5分鐘才有位。 食店是街坊裝潢的格局, 不算大, 可容納約二十多人。先選麵款: 基本必備的粗幼麵, 米粉, 河粉和油麵都有供應, 款款由$10起。 不過是我太耐沒光顧車仔麵? 還是物價飈升得太高? 從前麵食轉出前一丁只不過加上$2, 但今時今日竟要多付$4! 真是一丁難求。車仔麵的配料挺多選擇, 三十多款由每款$7到$12。多人喜愛點上的蘿蔔, 豬皮和魚蛋少不了, 特別的如牛坑腩, 金錢肚, 南乳豬手亦是食店的推介。汁底有麻辣, 香辣, 滷汁, 牛腩汁和清湯, 特色醬汁選擇較一般車仔麵檔略多一點。而我的車仔麵選擇了:米粉, 瑞士雞翼, 滷水蛋和蝦卷再加滷汁($34)。先嚐一口車仔麵的靈