食神車仔麵

营业中

休息中

今日同朋友打完波，經過樓下一間車仔麵，突然間好想食，我哋於是就坐低左，佢嘅車仔麵最少係要點三個餸，我叫左粗面， 送就有酸齋，豬腸，同魚肉春卷。佢仲可以有唔同嘅汁揀，沙嗲汁，牛腩汁同辣汁。佢嘅辣汁好好味，酸齋又夠入味，我仲叫咗杯豆漿。整體味道很不錯。

下午茶時段，入去食左個三餸車仔面。揀揀下見到原來係一定要揀三個餸的！記得揀湯底 台式腩肉 豬大腸 芝士炸彈 油麵 微辣 加腩汁食完，飲左幾啖湯，都冇好勁嘅味精咸味，冇勁口渴，ok的。豬腸有四大舊，啖啖肉。芝士炸彈其實即係芝心丸！佢呢度嘅辣都幾辣，只係嗌左微辣都已經差唔多有平時食小辣嘅程度，其他客人都叫佢出個微小辣

去到元朗又未食午餐，所以見有車仔麵就黎試下。最少要叫3餸，每人用枱子上的點餐紙寫上自己要的粉麵（粗幼麵、油麵、米粉、河粉、米粉，另可加錢轉烏冬）都幾大碗，湯底有鹵水汁、清湯、牛腩汁，可選辣度，另加錢轉麻辣）餸都幾多選擇，有菜、菇、丸、肉、齋等等，味道都okay ,好友話蘿白好甜好入味又大塊，韮菜餃質感都可以，皮都滑，但內餡有點散；台灣腩肉有點硬，酸甜齋口感唔錯，都夠酸甜味度環境都可以，係比較窄一點，有懷舊感覺

平時好少入嚟元朗，今次難得入嚟，唔算好肚餓。就喺附近街搵咗呢間餐廳試。呢間食神車仔麵去到時已經夜晚八點幾仍然好多人，店內幾乎坐門晒人。有幾款餸菜已經售罄。我擇了米粉，酸齋，雞翼，花枝丸三個餸，以及一杯豆漿。湯底揀咗腩汁小辣，小辣比想像中辣。腩汁湯底非常之濃。酸齋得好好食，花枝丸只有兩粒。總體來說味道不錯。

呢間都幾多人排, 結果又真是有D 驚喜。叫左中辣湯底GE公仔麵, 再加左蟹柳, 雲吞仔, 酸JAI。雖然我唔食辣, 但個湯底好香呀, 唔係麻辣/ 韓式辣, 有D 似沙爹/CURRY 果種香, 唔錯唔錯。同埋都幾細心, 佢D 辣汁係用隻SPOON另外擺開, 等你自己溝勻。配料方面都算多元化, 有少見GE 雲吞仔, 酸JAI。雲吞仔是一口的, 幾好食。

食過三次啦已經羅白大大舊好甜呀 第一次試完 之後兩次都有叫 都一樣咁好味咁甜響鈴 魚皮餃 蟹柳 豬皮……等等既送都是正常的湯底可揀 鹵汁或腩汁 分別食過都唔錯架佢既小辣已經勁辣 我會叫佢比BB辣我 (紙上係無既) 好在辣醬係另上唔係撈埋係湯底中 第一次中左蕉 辣到我呢 哈哈佢哩到規定最少叫三個送質素唔錯的 價錢係偏貴左 而且份量唔算多…唔想食咁飽或唔餓既話都可一試

因為和女友趕著去睇戲關係，等不及隔嚟既食店，唯有try try呢間車仔麵，見到食神個名，我相信要對得住'食神'呢兩個字，應該唔會太差掛！環境中規中矩，乾淨光猛食物如門外海報介紹描述一樣，不過充滿'驚喜', 喜既係有超過30 款餸料選擇，也有很少見的黑木耳餃(推介) , 不過價錢都都驚，貴至$14 都有，最少揀3 樣餸！ 個人認為車仔麵嚟講係有d貴，不過既然入到嚟當然即管試下係咪真係咁'食神'級。填好order 紙，上麵速度唔錯，睇見碗麵終於明白點解會咁貴，個香辣汁幾惹味，食得辣不妨叫中，牛坑腩14蚊得2 件，不過幾大件，蘿蔔超甜大舊，都好好味，總括嚟講都可以一食，不過價錢真係唔係太吸引

肚子很饿，走了一圈还是选择了车仔面，可以说在香港我没吃过这么难吃的鱼蛋，很粉，一点都不弹牙，猪脚倒是还是招牌，蛮烂的，猪皮太软烂，猪大肠太大，也没煮烂，有点硬；就是辣椒辣的够爽，没别的了

我記得好奈好奈之前係紅磡食過一次車仔面，果次既經驗係又貴又少又唔好食。元朗呢間食神車仔面開左之後，我初時都係抱住一定搵笨既心態，但係食過一次之後，令我對車仔面完觀。佢貴係貴左D，但係至少真材實料。 我最仲意係牛坑腩，加冬菇，加紅腸，佢D雞翼都唔錯。我覺得份量都唔少，我咁大食都夠飽!  樣樣都好入味，個牛腩湯底又夠濃~ 我食過幾次，有幾次見到有人投訴D材料無落or 有問題既時候，老闆都好有禮貌咁去解決。我唔明白點解會有咁多喊面，再貴再唔好食既大有人在~~~ 呢D小店，我比貴D都係幾十蚊，支持一下，等佢地撐得住，好過食極都係連鎖店。。。。。。。 

又要響雞地搵午餐，天氣幾熱，食麵都係一個不錯的選擇。最後揀左 "食神"中午時分都唔算多人,直入無需等位，入到去地方唔係好大，大約10張枱。叫左油麵加低，豬紅、甜酸齋、牛腩+ 麻辣汁豬紅滑同唔散,得呀(3個餸最好食)牛腩得3舊，有d少，味道一般,舊式牛腩，硬身。甜酸齋都唔錯，唔會食到一口油同甜酸度適中。個麻辣汁就一定要叫，好香又夠辣，不過要畀一蚊就有d唔低，最後3個餸加低，連凍飲埋單53蚊，車仔麵來講價錢有d貴！

今日心血來潮想食車仔麵、行行下又比我見到食神車仔麵，咁就當然入去啦..入到去見到都多人就選擇take away...雖然只係一間普通既車仔麵，但係配料入面當中...有炆冬菇...出面其他地方我少見有「炆」，同埋牛坑腩夠林唔un 、瑞士雞翼..都好入味....😋😋

之前嗰排行過呢間車仔麵鋪，仲見到佢好多人排隊，於是今日lunch就去試下啦， 點知仲曬伏😡😡😡 首先呢間鋪頭嘅價錢都唔算平，再加上佢嘅品質亦都非常之差， 簡直可以稱得上係垃圾。 首先依家麵舖有最低消費，1叫淨餸就要消費30蚊或者要消費三個餸（ 有麵）。 今日我哋叫咗兩碗麵一碗係可分第一碗係粗麵底， 餸小不在話下（ 翼尖8蚊4隻，腸仔七蚊一條）， 而且嗰啲嘢食唔好食，又貴，唔係諗得滯（ 嗰啲粗面好似浸咗十幾個鐘頭水咁，直頭淋到梅曬， 同埋用啲好平價貨嘅麵， 食到好鞋口，真係好難食），一係就係硬到咬唔開（ 嗰啲翼尖係完全咬唔開好似求其攞啲鹵水汁泡咗幾個鐘頭， 然後煮咗十分鐘咁，硬掘掘， 我諗食曬嗰幾隻翼尖，真係要去睇牙醫）， 跟住個湯底完全係味精水， 好似將啲清水加老抽，然後落勁多味精，又鹹又口乾。 呢間嘢係完全冇特色又唔好食又貴，不過值得一讚係佢啲可分幾爽滑彈牙

開頭被“食神”2個字吸引所以入去一試。誰不知，中伏了⊙_⊙是我吃過最唔掂的車仔麵，價錢又貴，最少一定要叫3個餸，仲有，我一個女仔下午茶，但都可以食唔飽，好差。唯一可以讚既係加錢可以加麻辣，個麻辣夠晒麻，但要加幾蚊。

貪近黎食下，不用等位的店，可以講話係無乜服務自助點餸。以前岩岩開都食過一次，果時服務都ok 既味道都幾好。今次啲姐姐完全係零笑容下次時眼神更加唔會交流3餸起，叫左油麵，腸仔，雞冀同咖哩魷魚。咖哩魷魚完全無咖哩味，雞冀又老又孩又淋到一個點而條廚師腸竟然都要7蚊。成碗麵加野飲剛好50蚊呢個價錢食永年，合興更值這個價了。加左麻辣汁完全蓋過晒個湯底個味

香港人的工作量一向非常繁多, 今日Tony趁工作中的忙裡偷閒, 到經過的食神車仔麵 醫肚.這間新開車仔麵店外裝潢樸素, 而店內也十分簡單, 桌上只擺放點菜紙和筆, 在下午茶時間相對地空閒, 不用等位.點餐方面, 先點選面底, 所有面底都是$10, 都是一般的選擇, 油麵米粉等.料方面分開四類, 以價錢區分$12, $9, $7.Tony 選了公仔麵, 咖喱魷魚, 韮菜餃和豬紅: 魷魚一般, 但咖喱汁很香而不太辣. 韮菜餃,韮菜味濃也算夠味, 適合愛濃味的你, 豬紅入味, 略嫌感覺不太新鮮.而麻辣汁就夠辣，不會敗給其他著名的米線車仔麵店。總括而言味道一般, 不過環境OK, 服務都不錯, 不會給員工趕走, 放工或下午茶可以考慮.