食神車仔麵

营业中

休息中

有個好先天嘅缺點就係間舖面太細， 但又擺滿曬枱， 簡直連入去坐都冇位， 轉過身轉條腰都轉唔到。佢個價位其實都唔係平， 最少要叫三個餸， 圍埋都40幾50蚊。 蘿蔔係甜嘅， 應該有畀糖水或者湯浸。 但係牛腩有少少硬， 同埋啲餸其實都唔係話畀得特別多， 除咗白蘿蔔好慷慨。 啲生麵幼麵 同深水埗嗰啲麵舖畀都係差一截。 不過你可以見到佢嘅裝修盡量想畀一種以前舊香港感覺。簡單嚟講係一間好普通冇乜特別嘅車仔麵， 分量味道都係中規中矩， 食完即刻走人嗰啲。

近期天清氣朗，諗住去元朗下白泥親親大自然，去得元朗點會唔搵啲好野食？行入雞地就見到呢間食神車仔麵，諗住輕鬆食個麵再踩單車，咁就試下啦！入到去環境都幾乾淨，點餐同其他車仔麵一樣都係用劃紙仔。每次去食車仔麵都必點炆冬菇同蘿白，順便叫左好耐無食嘅雞翼。當日冇乜人等緊，所以好快就出到餐！食過好多唔同嘅車仔麵，有啲鋪頭嘅冬菇同蘿白可以整到又無味又有渣，不過呢間整得幾唔錯，食得出有用心去整！蘿白幾鮮甜、爽口，冬菇炆得夠味、夠淋，湯頭都幾鮮甜，冇話食到好味精，雞翼味道不過不失。整體性價比滿分10分我會俾7分，因為呢個價錢黎講食得有用心機整嘅餸已經唔錯！如果想平平地食個車仔麵絕對會簡呢間。

平時見都好多人食, 今晚約8:30就去試吓, 入去即時有位, 老婆叫咗一碗三餸河粉, 我就三餸油麵 (因為店舖指定最少三餸), 都好快送到, 首先湯底都唔錯, 不過都幾有味精feel, 啲餸就普普通通, 無咩特別, 但啲麵底好唔掂, 油麵唔似平時食開嘅油麵, 好乾身, 無油麵味, 到河粉啦, 河粉可以完全沾唔到湯嘅味道, 食落好重麵粉味, 又係唔似平時食開嘅河粉, 仲好易夾爛, 結果直頭食唔落去, 只係快快食埋啲餸, 即走, 真係車仔麵另類新體驗啊!!!!

如標題所言整體真係一般般，沒有什麼太大驚喜。味道一般，只有牛腩汁，水汁同清湯選擇，當然你可以選擇加辣。餸菜有大約三十款左右，其中有甜酸齋係比較特別。值得一讚係店員服務態度不俗。

本身今日去到雞地附近係想食令一間麵店的，但甘啱嗰間冇開見到附近有呢間車仔麵一心諗住試吓新野。不過聽同事所講呢間車仔麵非常辣所以要小心揀個辣度，我就要左唔辣，同行嘅朋友就叫咗小辣，我嘅朋友一開始食已經辣到飛天，不斷流汗。所以唔係好食得辣嘅朋友唔好亂叫。至於車仔麵嘅餸方面都正正常常，但真心偏貴。有冇咩特色，坐得又好迫，同區嘅車仔麵都係永年出色一啲，如無必要都未必會再回頭吃呢一間餐廳。除非價錢調低一點就可以考慮。

2019年2月9日（星期六）舖面乾淨企理，光線充足，環境唔算逼狹。順應餐廳要求，叫咗三餸車仔麵：蘿蔔、豆卜、鯪魚球河粉。蘿蔔入味、豆卜軟硬適中，鯪魚球味道普通，河粉就一般般。佢嘅香辣汁做得好出色，能夠帶出食物嘅美味，湯底要加分。蘿蔔夠淋，過分甜，擺明唔係本身鮮甜味，應該係糖份或者添加味，所以甜得唔自然，要扣分!

初初開個時無咩人，依家成日去到都爆滿，食完想再食嘅一間車仔面店，食材新鮮，面不會一嚿嚿，特別推薦情滷汁，非常入味，環境乾淨企理，甚少有污跡，店員親切有人情味，老闆長住喺店，親民有善，略嫌空間狹窄，購物後袋子也不知道擺在那裏，本人約兩星期就會去一次，信心推薦👍

呢間車仔麵唔算好近市中心，但見裝潢幾企理，就入去試下！係枱面擺左點餐紙同筆，都幾多選擇可以簡次次食車仔麵對選擇困難症既人都係一種挑戰🙈🙈諗左一陣最尾叫左牛腩、牛筋同滷水蛋配粗麵（微辣）辣醬同湯底分開上。本身對個湯底無咩期望，點知又出奇地好食wo個辣度適中，係會令人上癮既辣！講到配菜，我覺得個牛腩都幾好食，幾有口感，但個牛筋就真係一般，感覺吾係太似牛筋，至於個鹵水蛋就似日式溏心蛋多d,因為我好鐘意食溏心蛋，所以我覺得幾好食份量黎講就真係偏少，作為女仔都係岩岩夠飽。但價錢車仔麵黎講吾算平，所以我覺得性價比一般🙈服務就吾錯既，d呀姐幾好禮貌同helpful

一人晚餐食碗車仔麵都幾唔錯架！原來可以扣底！岩女士或細食既朋友！湯底冇味精，相對較淡～可能加辣汁更佳！車仔麵我覺得油麵比較相襯～ 麵質有咬口，唔係林Bei bei~瑞士雞翼：幾入味！肉質唔係浸左成日梅哂個d，而仲係彈彈地，有咬口！$11兩隻黎講都算幾高質～豬腸豬紅中規中矩！整體：物超所值，因為都真係幾平～ 我個人比較重口味，覺得食物濃少少會正d 不過價錢行先的話，收貨！Try this Chinese noodles if you walk around yoho mall in Yuen long

因為住雞地，地點方便幫襯過10次以上，食物真係普普通通，但服務真係衰到無人有！之前試過外賣比漏餸都算，今次外賣見舖入面得一半客倒，就坐在張2人枱等佢幾分鐘啦，點知坐左一陣比個職員趕走，話我一個人唔比坐2人位喎，指住個角落頭叫我坐埋去個角落等。喂我眼見成間舖重有一半空位囉，坐一陣都唔比咩！我買左2碗車仔麵，同堂食一樣價錢架，真係好鬼嬲！一係你地在舖門口貼住外賣客只可企街等，嚴禁入舖阻住d位囉！不過經過今次永遠都唔會再幫襯，雞地重有大把車仔麵檔態度唔會咁鬼衰！

同朋友去食下車仔面 明明店內好多枱但店員係都要人搭枱 要我地係陌生人對面好尷尬 但明明當時店內一半都未坐到🤑唔知咩服務態度 令人坐得好唔舒服食物方面 餐廳要求最少叫三個餸 啲餸又貴 叫左小辣啦 食落好似冇味咁 原來係店員唔記得加😳要比隻匙羹佢加番食物質素正常啦 冇乜特別 但距離「食神」仲有段距離價錢方面 食三個餸加飲品就已經要五十幾蚊啦🤑車仔面都可以貴到咁 又唔係特別好食 感覺唔值 都係元朗招牌「永年」好好多🤑食緊既期間仲聽到個店員係街大叫番個客番黎話佢比少左錢 但原來係個店員搞錯左 個客人有啲嬲😂 咁既服務態度真係唔好 正常唔會再食🤑

今日入元朗行街 ，見肚餓諗住是但搵間麵食。 落巴士之後 ，就見到呢間車仔麵都幾多人，所以入咗去食。坐低叫咗三餸 ，雞翼 豬紅墨魚丸 ，都係我平時最鍾意叫嘅車仔麵餸 ~熱辣辣唔想食辣所以叫咗鹵水汁湯底， 加杯凍檸茶 。男朋友就叫咗 豬腸蘿蔔 同埋豬皮， 香辣小辣湯底 。兩個都係跟米粉 因為最鍾意米粉索曬啲汁。雞翼都幾大隻同入味。 豬紅有驚喜 ，因為食過好多間豬紅 ，有啲質感好鞋， 但係呢間就好爽口同滑，冇腥味。墨丸就正路可以接受。蘿蔔超大舊， 超淋同入晒味，甜甜地又冇揸！伙記態度我覺得幾好, 好有禮貌，車仔麵鋪少有呀~~食完諗住寫食評先見到咁多負評。。但我個人就覺得絕對可以encore.. 唔貴又好食呀

真係同周星馳套食神一樣，7蚊得一塊午餐肉，14蚊兩舊牛腩、14蚊半餅烏冬，唔講以為去咗酒店食個麻辣味應該同譚仔差唔多，感覺係真係幾辣既，但份量真係少得太離譜，應該以後都唔會再食

平日經過都見好多人食又多人等外買！今日提早左小小落元朗終於走左去試！坐坐下 開始見過附近返工嘅人都嚟食我諗應該價錢不算貴 幾低食至會反工既人都黎食既姐！🤔溫馨提示<!>每碗麵要叫三個餸以上！我朋友都叫左唔同餸一齊食貌相色澤好吸引！ 而且份量適中我女仔黎講 各得幾飽！👍🏻雞翼同韭菜餃必叫！ 🤤🤤🤤

今日lunch12點左右去食 當時仲有一張枱空既 咁我一條友諗住坐啦 阿姐叫住我 叫我搭枱，我都明既可能一陣多人。咁我同個女人一齊坐4人枱，我同佢都放左個袋係隔離。到個女人食完，其實已經有幾張枱吉左。食食下 入左7個人入來，阿姐叫我攞走個袋比人坐 咁我照做啦 反正都食完。食埋最後幾啖 抺埋嘴 起身埋單 原來仲有2張4人枱吉既冇人坐既。。。。。阿姐思維令人費解，寧願吉張枱吾比人坐都一定要人搭枱。食物係吾差既，我食雞翼羅白豬腸，滷水汁微辣。佢啲辣係幾好味 不過真係太辣啦，豬腸個口感又奇奇怪怪咁，不過羅白值得一贊👍🏻不過假如要係元朗食車仔麵既 下次都係食翻永年。平又平過佢 好味又好味過佢 最重要係永年態度好好多！