影片
以上资料只供参考，请与餐厅确认详情
价钱唔系好贵，6,70蚊埋单lunch，但佢又冇得坐，拉面质素衰过味千，个面系同自己煮差唔多，个汤系味精汤。至于份量方面，男同事唔够食，食完仲想买嘢食，冇下次！
继续阅读
呢间系我好推介嘅石门外卖店，京瑞广场呢个地方入边好多都系我认为唔好食嘅小店，而且啲嘢食又卖到好贵。依间系唯一一间我系推荐嘅。一间感觉上好似拉面比较主打，但系一直我都未有机会去试，因为佢个拉面比较贵。所以我多数都系食慢煮去骨鸡腿丼饭。慢煮鸡胸对比起一般鸡胸更加废时去完成。而依一个价钱有慢煮鸡胸食，我觉得非常之抵。再配埋温泉蛋捞埋落去食，非常之完美。而且佢当饭入面个汁都系好好食。另外就系佢外卖袋好靓，成个饭都摆到好靓，显得依间餐厅十分之有心思。好推荐大家去食。
继续阅读
石门京瑞广场开咗好多小店，食拉面嘅餐厅真系少，呢间Food Lab有鸡白汤拉面好吸引，今次就试吓呢间拉面店。.Menu除了有拉面、捞面、凉面，还有滑蛋饭及咖哩饭，加$18就可以转套餐，包一份小食/甜品及饮品。.我哋叫了鸡白汤拉面，小食就拣了油扬龙虾沙律及章鱼小丸子；而饮品则是罐装或支装饮品。.鸡白汤拉面身为主角，真系无令我哋失望！汤底超正！！！好好饮，饮完唔会口渴。汤底浓郁鲜甜，好出色👍🏻另外，我好欣赏呢碗拉面有好多配料！包括糖心蛋、秋葵、粟米仔、荀、芦笋、京葱，而鸡肉亦有4大片，非常丰富，而且每块鸡肉都好嫩滑。.油扬龙虾沙律 —油扬包住好多馅，口感好爽，配埋沙律酱一齐食，又冻又甜好开胃！.章鱼小丸子 —我大爱呢度嘅小丸子，因为我钟意佢无姜粒！亦有大大粒章鱼喺入面，每啖都唔会有太多粉浆的口感；表面洒了好多紫菜碎、木鱼碎，沾埋佢个章鱼烧汁好惹味呀！.虽然店舖细细，座位只有3张折台，但食物真系非常高质，下次会再嚟试埋其他菜式😋
继续阅读
平时嘅我都几中意食唔同嘅野食不过当我遇到一间满意嘅 我间唔中就会食佢今次呢间小店都几啱我心水今年食咗3次都依然keep到个水准希望佢可以keep住做落去！.个特浓鸡白汤拉面个汤底够浓 越饮越想饮 但佢又唔系得味精味啲鸡够淋 又有溏心蛋 配料多唔同款式.个人黎讲最中意佢个芝士烧鸡肉软骨棒入面有细细粒嘅鸡软骨啱哂中意有咬口嘅我第一次食呢个系叫外卖嘅觉得唔错第二次系堂食会觉得趁热食真系好食啲😂.拉面+小食+饮品都只系$78完全系性价比之选希望大家都可以多多支持小店❤️
继续阅读
特登黎石门试佢个鸡白汤拉面，同行朋友叫咗个特色捞面，点知个捞面竟然好食过拉面，出乎意料！个拉面个汤OK但系啲肉冇乜味，但胜在份量够多！下次再试吓其他面先！不过堂食个环境就一般
继续阅读