食為先海鮮菜館 (已結業)

前晚懶得回家煮飯, 與老爸, 老姊同友人一齊來左呢度約食晚飯. 四個人點了:粉葛鯪魚煲豬踭湯 -- 唔夠火侯, 又唔見有鯪魚, 味道淡, 唔得!椒鹽九肚魚 -- 都算香口, 味道一般.南乳齋煲 -- 冇咩南乳味, 粉線多但太淋, 唔得.燒味拼盤 -- 义燒較肥, 燒鴨又較韌, 一般而已.唔知乜野骨 -- 甜甜地, 味道似士多啤利骨, 一般水準.份量仍然十足, 食到好飽!!飯後甜品仍是綠豆沙, 不過較稀又太甜. 整體比以前的水準退步了, 所以星期六晚市都唔滿, 有位剩.......

食過肥姐後，慢慢步向朗豪坊門口，等齊人之後開始搵飯食，漫無目的經過數間打冷鋪也不合意，一直走到食為先門前，一行五壯丁見餐牌價錢不貴，二話不說便決定入去用膳! 一坐底，見到每張臺都總有一個枝竹羊腩煲，當然要趁熱鬧來一個試試，再點了半隻風沙雞、煎蠔餅、中式牛柳、芥蘭炒牛肉等，慶之所至，但叫了大半打啤酒大家啤啤佢 ^__^ 一邊飲啤酒，一邊竟然談起金融海嘯問題，大家都好像為前途有點擔心，是成熟了嗎? 每人的選擇不同，走的路不同，或者，也不用為人工多寡太介懷了，堅持自己所想總會有出路吧回到正題，先評食物，枝竹羊腩煲內的枝竹煮得入味，羊腩也大大件絕對物有所值，天氣凍了，來個羊腩煲，碌碌跟煲的生菜，一邊點腐乳一點吹水，的確係過癮至極；風沙雞係樓面極力推介，佢話會比貴妃雞惹味 d，賣相還不賴，但此雞偏瘦，無肉食，加上炸皮同大量蒜茸(?)，惹味不來更是十分熱氣；煎蠔餅，只得其形而失其實，內裡的蠔絕不新鮮，味道更有點苦澀，水準亦不及廟街興記，有點失望；中式牛柳，芡汁味道不足，不但令洋蔥失色，連牛柳也失去其神髓，最弊係牛柳明顯事前以鬆肉粉加工，完全失去肉質應有的咬感；炒牛肉也有相同問題，幸芥蘭尚算當造，翠

懷舊菜焗魚腸現今在許多食肆都沒有供應，是它炮製過程複雜？還是這輩食客怕它膽固醇高不健康而不受歡迎？我就對它情有獨鍾，吃得津津有味，每次來到食為先，總要柯打一道，不吃不舒服，吃不完就索性打包回家吃！論這類舊式中式食肆，真是買少見少了，七八十年代盛行的醉瓊樓和泉章居等都走下坡，食為先也免不了同樣命運，可幸它仍在女人街裡默默地生存，為我等食客延續美味的小菜風情。也要一提的，它們的檯布很雪白光鮮，給人很衛生的感覺。這晚兩人叫了二人套餐，一百七十八元，有兩盅海底榔燉三寶，材料當然有海底椰，還有花菰、雞腳和瘦肉等，加上水煮莧菜，燒雞半隻，豉汁倉魚等；莧菜因不是下油炒，所以不肥膩，適中；燒雞皮雖脆嫩香口，但不敢吃了，吃它的肉吧，雞的肉質亦鮮美，略嫌稍鹹，但仍可口；倉魚有點過熟，不過現在盛夏之際，食物處理方面也不宜太隨便，反而過熟感覺會安全一些；此外，當然還有我的最愛－－家鄉焗魚腸，這道魚腸，製法看似簡單，實際上在家中就不會烹調，因為工序也多，而且做得不容易像酒家廚師的質素，所以都選擇在外吃，反正只需二十八元，超值喇！兩個大男人，每人一碗白飯似乎不夠，本想再添白飯，朋友說道不如試試這裡的蠔仔粥，也好，

同女友黎到.....見到$18一盅的老火湯叫了一盅比自己飲....暖肚.....我女友唔飲湯的,..所以我叫左個花生雞腳湯嘩........正......叫左個中式牛柳....幾好味...牛柳夠晒林.......叫埋個菜遠炒花枝片......嘩....d菜心大大棵.....超新鮮......正......叫埋個...bb鴿...每枱既人....人人都有一隻....我都唔叫未走寶嘩......bb鴿都係$23一隻........超好味.....正...........

尋日同屋企人行旺角.....行下行下....鬼死咁肚餓...諗緊唔知食咩好既時候....因為媽咪鍾意食小菜既關係.....於是一諗就諗到呢度....(食為先)呢度係我最中意既餐廳之一....原因係我中意食呢度既豉汁蒸倉魚......我地5個人叫左1個$88蚊2碟餸....有南乳燒雞半隻及豉汁蒸倉魚.....叫左XO醬西芹花枝片.....都幾辣架......仲有$28一隻大大隻既賴尿蝦...叫左5隻用黎椒鹽........仲有叫左碟牛肉炒菜心....小小油左D..不過美味......食完送上....每人一碗既綠豆沙.......可惜我唔食....不過家姐佢地異口同聲話.....好正......

除夕天氣寒冬，想起這裡的羊腩煲的水準不錯，便到這裡吃飯暖暖身體再行街。由於一個例牌的份量也不少，所以便只點了羊腩煲，味道也不錯，但食到一半竟然發現小強，雖然沒有感到不安，但乜即時無哂癮，但部長反映後取消了羊腩煲再改食海蝦蒸糯米飯，等了二十多分鐘後卒之送到，這個糯米飯只得一得字-咸。仲要係超咸，我只吃了飯面的蝦便放棄了，味道和得龍的相差得太遠了。此店將會暫時列入我的黑名單了。

呢度d送樣樣都幾好食,9:00後有$28一碟,但多數都係旦,豆腐,菜呢d禽晚叫左BB鴿,真係好BB,一兩啖就食晒仲叫左個$28 O既蝦米粉絲津菜,清清地又唔會好淡!GOOD,仲有個涼瓜班脯煲,D班脯都好好味,涼瓜就硬左D

24.10.07 是日為展開生日飯之旅的頭炮. 友人似乎係這店的常客, 點了:1.西蘭花炒班塊: 幾新鮮, 塊塊都好大, 唔錯.2.炆班頭腩: ok, 都係啖啖肉啱我d.3.焗砵酒蠔: 麻麻地, 因為蠔size 較細, 煮過後, 更縮水一點, 跟金山的珍寶蠔無得比. 味道也不及金山的酒香. 一般而已.4.糯米飯蒸蟹: 呢個最驚喜. 蟹本身肉夠鮮甜, 膏多, 正呀! 而墊底的糯米飯, 很香很軟, 吸了蟹的鮮味, 正呀!5.眉豆花生煲雞腳湯, 夠老火, 唔錯.估唔到女人街都有呢種卧虎藏龍的食肆.

近月來迷上了攝影, 經常要到旺角的相機舖走走. 在該區順手解決吃的問題總像有點難度, 唯有碰碰運氣. 見是老字號(成立於1963年), 且又座無虛席, 沒道理不試它一試. 點了"皇牌推介"的無錫骨, 銀魚金蒜蒸茄子, 叫多個只售$38的紅燒翅. 見價錢都相當低, 當然不會期望太高, 粗茶淡飯也不會計較的了. 但是, 真沒想到....無錫骨是肉汁全無的肉乾, 而味道活像一些罐頭肉類, 煲內滿滿都是油, 恐怖至極, 填上一些全無味道的洋荵塊. 我真的無法吃得下. 接著上桌的是翅, 是真些翅的, 不過當然芽菜多得多. 反正無所謂, 先喝一口翅湯, 尚可(放心了一點), 再啖一口芽菜, no problem (再放心多一點). 可是跟著下來的一口翅, 竟是腥臭無比, 真係食到作嘔! 那些翅到底完成了浸發和除腥的程序沒有? 如此奉客, 真係免費都難以消受. 最後的蒸茄子味道普通, 但起碼算是正常---除了用油好像唔駛錢之外.....很難想像任何食肆如此出品尚可有捧場客. 或者我見識少, 真是好久好久都沒吃過如此差劣的. 當然列入永久黑名單了.

前幾日朋友o係呢度約食晚飯,六個人叫咗:豉椒炒蜆椒鹽九肚魚椒鹽瀨尿蝦金银蛋豆苗薑蔥蠔蠔仔粥唔知乜野小棠菜--有蝦肉同小棠菜,炸起十分好食!苦瓜排骨個個都好正好食,份量十足,飽到唔識郁!!飯後重有綠豆沙甜品送,有海帶臭草o架!