食棧

营业中

休息中

炭燒燒味聽就聽得多，真心香港有幾多，但近日聽朋友勁推在樂富有真心正炭燒燒味，你要知正燒味已經好吸引，炭燒正燒味就更加吸引，所以我就即刻約友人試試真偽。燒鵝拼叉燒（$178），雙拼例牌仲要係燒鵝（我仲好彩有燒鵝脾），價錢合理，份量都好足夠。睇樣顏色燒得靚，炭烤的蜜糖色唔會好燶。嗅落有油香，但未見炭烤香。先食燒鵝，肉味香濃而不會太膩，佢唔係傳統大肥鵝，油脂香味唔會太重，反而肉質會實在帶淡淡鵝味同炭烤香。再食燒鵝脾（尾端），炭香味就更加明顯。要再讚一下，佢地自家梅醬非常好味，唔會係死甜，係有咕嚕肉似的那種甜酸醬味。再到叉燒（特登叫燶邊），又係好好彩，都係靚位部分，梅頭一串串的肉粒，肥瘦分明，掛著的麥芽糖醬唔會太多，顏色靚，目測都有70分。一食不得了，佢炭燒叉燒係有燒豬頸肉的味道，肉質爽而有油香，帶返少少甜味，根本係BBQ蜜汁豬頸肉的翻版，真心令人追住食！簡簡單單，食個拼，叫個飯，飲支啤，太滿足了，佢絕對係我以後的九龍飯堂！

食棧出名燒味、還有好多傳統菜式。滿意燒鵝同乳豬、最好預早打電話叫佢留定。燒鵝皮脆、但係又不算肥。好食在加半隻乳豬、冇得輸而佢哋嘅叉燒係厚賜嘅、口感不一樣半肥瘦啱啱好最後還有以下小菜還讚不絕口😉鹹肉炒藕片乾燒四季豆菠蘿咕嚕肉-賣相好靚蒸肉餅

老人家生日，投其所好，揾間傳統酒樓同她慶祝，聽說此店有炭燒燒味，所以來試試，因為怕它們沽清，所以訂位時訂了半隻乳豬和燒鵝，另外再點了些海鮮和小菜，整體食物一般，比較出色的是乳豬和燒鵝。乳豬皮脆，無肥膏燒鵝熱騰騰，皮脆好味咕嚕肉夠鑊氣，外脆內軟豉椒炒蜆，有鑊氣蜆夠大隻。鮮淮山鮮竹浸白菜金銀蒜蒸蟶子皇夠鮮味黑醋糖醋骨， 落了太多醋，有點苦味椒鹽瀨尿蝦有鑊氣， 瀨尿蝦略細隻。薑蔥炒膏蟹清蒸紅友仔， 豉油出事唔夠鹹味老火湯夠清潤， 有家的感覺

之前都聽過街坊説這裡的燒味好正，無奈爸媽是太興燒味的支持者，所以，一直沒有去試試。直至昨天看到網上媒體介紹，這𥚃是樂富區必吃食店之一，所以，今天下午立定主意去食棧斬料加餸作今晚的晚餐。我喜歡吃乳豬，怎料下午4時多已經賣光，唯有買了基本燒味 -- 叉燒和燒肉。爸媽覺得燒味很好吃，以後除了太興，他們還多了一個選擇😻而我一定一定下次要買到乳豬吃💪🏻💪🏻💪🏻

話說 星期日，媽咪生日一家人去食餐生日飯，就去左呢間「食棧」食D小菜海鮮， 一路食都無乜大問題，直到個12隻「新鮮」蒜蓉蒸扇貝上檯，用快子夾起粉絲後， 可清楚睇到一隻隻完全離殼既扇貝，而且平時橙色痴住扇貝條腸都比人清走左， 再望仔細D，殼上面都好乾淨，完全無本來係痴住隻扇貝既痕跡，加上隻扇貝毫無鮮味， 令人極度懷疑係一隻雪藏扇貝放左上個殼度蒸，睇到呢度當然搵經理理論，點知佢話而家天氣熱 所以會將新鮮既扇貝切左出黎，然後放去冷藏，真係比佢吹賬，咁都講得出，好地地新鮮 既海鮮會拎去自己雪藏？？重要賣成$30幾蚊隻？最後經一輪理論，最終佢話收返4隻錢 （因為我地未睇清楚之前食左幾隻）。 經過今次大家出去食海鮮都要小心D，會唔會係傳聞中既波羅炒飯咁，個殼會不斷再用呢？其實之前係呢間野都有食過蒜蓉蒸扇貝，當時係正常無問題的⋯⋯ 只能概嘆香港飲食業敗壞得太快⋯⋯

清蒸靚肉蟹 時價.唔可以睇少呢隻嘢，一隻蟹等於兩塊面，仲要夠一枱12人分嗰吓先厲害。用上清蒸嘅方法可以保持蟹肉嘅鮮味，將肉汁完全鎖緊，係拆蟹腳麻煩啲。.食棧 (樂富)樂富聯合道182-188號地下金國大廈.#explosion樂富#explosion九龍區#explosion中式

🔻🔻🔻🔻是日點選🔻🔻🔻🔻$78 - 黃沙潤杞子浸時菜 (豬潤不過不失，但份量很足)$88 - 蝦籽炆柚皮 （可惜柚皮夾起來很散，而味道未能滲入其中）$78 - 香蒜帶子滑豆腐 (呢個豆腐非常滑，啲蒜亦好香，好夾味！)食完飯正考慮緊去邊度食糖水之際，侍應叔叔就問我地食唔食糖水仲有紅豆沙同南瓜西米露俾我地揀，最後我哋揀咗紅豆沙，雖然糖水係送嘅，但我食得出有人情味🔻🔻餐牌🔻🔻🔻🔻餐牌🔻🔻

我們一家人一個月總有一、二次要食下先開心😅，係就係舖比較舊，但整睇黎講也算可以的！但食物方面～乳豬真是很好（因本人不太喜歡食太肥的豬）皮很脆囗，燒鵝也很好吃⋯⋯

<吳式飲食- 炭燒燒鵝,燒味食到上癮的酒家>適合人士: 一大班人(一家人) 聚下/飲酒傾計/長坐聚舊/功夫菜環境設定: 地方大, 檯與檯較寬, 平日易找到角落位聊天, 可長坐.洗手間設定: 一般屋村酒樓式廁所, 但可放心使用.侍應設定: 做街坊/熟客生意, 友善 (熟左更友善)點解要去: 燒鵝, 燒排骨和叉燒也是一絕,隻炭燒燒鵝加杯Pinot Noir 紅酒, 無得輸價錢特點: 小炒8x, 頭盤5x, 燒味例牌9x, 半隻鵝18x (人均100, 不計酒)所有燒味也是一絕, 星期五很快 賣完食物特點: 重味/正宗/冇開瓶費/分量夠/海鮮價錢”十分合理”, 有組合式叫法抵食1. 燒鵝不肥, 做到肥而不膩. 肉質鮮嫩, 亦滲出淡淡炭香, 非一般燒味酒家所能做到2. 小炒做得出色, 很有家庭風味, 比起一般酒家並不油膩但偏重味3. 蝦子柚皮以價錢絕對超值。下酒一流                                      綜合評價: 食物>環境>員工                        *綜合性價比: 抵!(不代表平)超乎想像的驚喜!

「食棧」食港式晚飯，啱味道。燒鵝例牌，真係鵝有鵝肉香味，皮有皮脆！燒味拼盤，半肥瘦叉燒唔啱我都要試一件，的確腍滑，但肥叉燒始終不是我的至愛，呢的是無骨燒肉，皮脆到洛洛聲，是一道無譜的美妙樂章，不能分享！鮑汁炆抽皮，鬆化無渣抽皮配好味鮑汁，令我一吃難忘，之前在某大集團酒樓吃過抽皮，與此相比，水準實在相差太遠！雲耳勝瓜炒鮮魷，本是清爽小炒，奈何多油！炒甕菜，有豬肉碎大蝦米乾炒，很香，夠火喉，勁多油，所以很滑，太好吃了，放肆一次罷！廣東白粥，超勁喜歡！南瓜西米露，南瓜清香又清甜，太愛了！是晚消費連加一小費$718.5我們五位美女將桌面佳餚吃個清光，侍應詢問我們可否將桌上收拾，方便我們閒談有個較潔淨的枱面，咁良好服務，怎不令人感動！「辛苦揾黎自在食」是我們香港人口頭禪，自在食，也包含著吃得開心，今晚沒有催時交枱，也沒有叫幫幫茶壼沖滾水，被托手踭，沒有侍應對客人揮手示意，視而不見.....我們也樂意再給少許現金小費，表達欣賞心意！

清明既三日長假, 我揀左其中一日同媽咪去樂富既呢間舊茶樓飲茶。原本真係唔知樂富有呢間食店, 但上次睇過本雜誌介紹「十大好味燒味店」, 話呢到既燒味水準極高, 所以今次特登黎食佢既燒味。點知大約十二點, 一入到門口我就嚇親了。三間地鋪打通既鋪頭, 入面竟然迫爆哂人, 門口就係點心位置, 好多人圍埋係到搶點心, 成個氣氛又嘈又混亂。一問之下先知呢到仲係要自己搵位既。 原來聽日就係清明節, 所以好多人係附近拜完山, 就黎左呢到飲茶。 所以真係人山人海, 但幸運既係有個佰佰同有對夫婦見到我係到等位, 就快快趣飲埋杯茶讓比我一家, 感到人間有愛。點心黎講呢到既價錢算係幾平, 而且只有劃分大點同非大點(小、中、優點) 兩個價錢。但要啲咩點心就一定要出去同人搶喇。由於好多客人, 所以唔好唸住「姐姐」會有好態度, 聲音粗獷伴隨住凌厲既表情, 如果唔想比佢地鬧, 去到就要即刻講得出你要啲咩, 等佢地執比你。但場內又無張貼有咩點心可以叫, 所以都係執生喇。呢到就係我既收獲喇, 其實味道都唔錯既, 不過口感就差啲, 腸粉有蝦味但唔夠滑, 燒賣一樣有肉香但嚡口。 金錢肚係少有既咖哩味, 幾特別, 不過我都係比

行完獅子山 落樂富開餐一直想試食棧既炭爐燒鵝終於有機會 點知 ……點心 正常燒味雙拼 叉燒唔錯 燒鵝難食!最奇是 無。炭。香。瑤柱蛋白炒飯好食乾身 少油 瑤柱炸過飯未到 瑤柱鮮香樸面而來咁好食既野最後當然照鏡收場

我倆中午十二點到，搭枱。沿用現時比較難得一見嘅舊式自取點心，酒家亦會一直用咪廣播有咩點心新鮮出爐。蝦餃每粒都有兩隻蝦，爽口，不過一咬落去就滴油燒賣食落唔油膩，有粒蝦，唔會啖啖肥豬肉鳳爪好大碟，有7-8隻，亦好味四寶棉花雞腐皮包住雞肉火腿棉花粟米芯，雞肉好滑好入味叉燒包裡面好多叉燒，汁甜蝦腸三大條，皮厚，蝦比較細炸春卷外皮凍左，所以無咁脆，裡面有芋頭咸水角略嫌外皮太厚，但味道係幾好我倆偏好呢種自取點心嘅方式，一路食一路感嘆以前要自己拎點心嘅時候就嫌煩，但當全港大部份酒樓都換成寫紙點菜嘅時候就想懷緬返。再加上今次兩個人八樣點心連茶芥只係$125，相信係連鎖大酒樓需要俾多一個Double，想感受香港文化不坊一試。

去到餐廳的時候，雖然只係六點左右，但係已經開始多人，坐左一陣已經聽到侍應話冇晒冬瓜盅，相信如果想食都要預訂。非常出名嘅燒鵝，熱辣辣, 皮脆, 我覺得比深井果D仲好食, 又唔使去到咁遠。仲有一個一魚兩味, 椒鹽炸得非常好, 唔油膩, 放左一陣都仲脆卜卜。另一味就係炒球, 大大塊肉, 唔醎,好食!

比較各酒樓, 仍然這間算最抵。因為物價上升, 這間的大點已有所調整不再是$11/$13。叫了腐皮卷 ($11), 汁味適中, 料足。牛肉腸粉和雞扎 ($12), 試問這樣的價錢, 怎能吃到, 雞扎更有粟米芯和火腿, 好味呢！鳳爪 ($11) 雖然比以前少了一、兩隻, 不過醃得很好味。下午茶價格似乎沒改變。