食得好

营业中

休息中

上次吃過「食得好」這家私房菜以後，對他們的菜式是念念不忘的，所以有好友生日，便約同三五知己一起來大快朵頤，今次我又遲到啦，紀錄到的並不算多，跟大家在這邊分享一下嚕~ 焗釀蟹蓋 ($110/隻) 新鮮焗起，香氣撲鼻，蟹蓋上的芝士幽香撲鼻，令人忍不住想立即就吃掉它。 蟹蓋價錢約$110/個，其實這個價錢相當有道理。因為它相當足料，烘到香脆的芝士表面底下，取起的是滿滿的蟹肉，香噴噴且相當鹹香，就好像把一隻蟹的所有精華收藏在芝士脆皮層底下，加上帶點白汁的，把蟹肉跟配料連合在一起，口感極佳，再加上氣味，整體來說相當不俗。 馬蹄吊片蒸肉餅 ($118) 加入馬蹄的肉餅，除了鬆化的口感跟鹹香的味道之外，還加入一點爽口的感覺，粒粒馬蹄令肉餅多了一種口感，相當討好。另外，不得不提的是吊片，平日我很怕吃吊片，因為那種考驗牙力的感覺並不好受。幸好，這邊的吊片竟然十分淋身，放在肉餅上面令肉餅更香，口感再豐富了。 要是只要蒸肉餅的話，不是不好吃，而是吃得肉太多會滯，但加入了馬蹄跟吊片以後，不但令整體的味道跟口感層次更豐富，感覺愈食愈開胃似的，令我忍不住一口一口的吃，不用點白飯也可以獨自清掉半份肉餅。 紅

午市套餐黎講唔算平，勝在唔洗等位，食物超有住家feel，味道唔覺有味精同整體清淡，前菜選了牛筋豆腐，幾開胃，少少辣，不錯西蘭花班片屬正常；南乳炸雞既南乳味不重，但內裡尚算滑，馬蹄吊片蒸肉餅熱辣辣，幾住家幾好味；南乳齋煲味偏淡，整體好送飯

同同事一齊去天后食開年飯，突燈book左呢間餐廳叫“食得好“，希望新一年大家都可以賺多啲然後同呢間餐廳個名一樣“食得好“!估唔到星期四夜晚都座無虛席，而環境佈置得有好懷舊嘅感覺!蒜香肉排- 每粒排骨都充滿蒜香味道， 唔會太鹹或者好重味精，用酥炸嘅做法，排骨唔會韌到咬唔開，控制火喉好好先做到燒汁茄子- 用咗肥美而厚肉既茄子，加釀左撈左香蔥粒既豬肉碎煎香， 個涵相當有份量，厚厚的舖係茄子上面，第一次可以用鋸扒嘅方式黎食釀茄子，感覺好新鮮!再點埋個燒汁，味道更加突出斑腩豆腐煲- 今一次唔係用燒腩，而係用爽滑既石斑塊，感覺無咁肥膩，係一個正常水準既小菜薑米叉燒炒飯-真係唔夠飽既話， 仲可以食埋個炒飯，鐘意佢同其他炒飯唔同，唔會太乾身，好易入口好快食晒好似呢種充滿懷舊味道既中菜館愈來愈少，食左一餐水準不錯的中菜都好難得，令到我對中菜既好感又大大提升左

同姊妹行完銅鑼灣，到咗食飯嘅時候啦，銅鑼灣嘅餐廳實在太多人，行吓行吓就行咗去天后，俾我哋發現咗一間好嘢！呢隻鴿即係一試再試，一試難忘，一食就停唔到口，真係唔係誇張， 只係豉油糖既汁，但係豉油同堂嘅份量啱啱好，會光行亦都唔會過甜。我一食就食咗三隻啦。雖然郁就唔係好多但係之最嗰啲骨選下選下嗰啲肉汁已經夠晒和味。呢個識落就似沙律醬加炸蝦頭啦，咪買啲青瓜夠晒新鮮好味。熱辣辣吹波波。蟹肉大良炒牛奶，一陣陣奶蘇味又滑又香。配埋下面啲粉絲，口感非常。話呢條茄子好大條呀塞滿晒魚肉喺裏面，再加埋啲燒汁其實食落都幾日式，食咗次咁多肉食返少少蔬菜先。由於BB鴿係非常之有質素，呢個食落就唔係咁有味道啦，先用其實可以重手多少少。食咗咁多油膩野少少菜先，呢個芥蘭夠晒甜。呢個蟹肉雞肉再加，湯底非常之濃郁，雞好滑， 面已經預先煮好晒架啦，肚餓就直接加湯直接食，等都唔使等啦。唔夠飽再嚟個叉燒飯，夠晒多叉燒，正。

餐廳距離地鐵站十數分鐘左右，感覺是家很低調的店子，地方不大只有數張枱，但樓底很高，空間感充足，中間掛著一盞水晶吊燈，環境舒服。餐廳主打傳統粵菜，可以吃到一些懷舊菜式，這晚來到就嚐嚐食得好的滋味。BB鴿 - $88/隻豉油汁盡滲雞乳鴿肉內，入口帶點甜，濃度恰到好處，加上鮮嫩的肉質，實在叫人讚不絕口。山汁明蝦球 - $168醬汁十分特別, 入口有股奶油般的檸檬清香，蝦球肉質爽口彈牙，很開胃。蒜香焗肉排 - $118肉排一點不油膩，不會太干，保留到肉的鮮味，加上蒜香，十分香口野味。生拆蟹肉炒大良奶 - $128考師傅功夫的菜色，夠火喉, 鮮奶滑溜, 而且加上了生拆蟹肉，矜貴。焗釀燒汁茄子 - $118茄子鬆軟配上釀肉，口感豐富，加上燒汁，十分美味。鹹魚茸炒芥蘭 - $98口感爽脆，鹹魚帶起香味，不會過鹹。馳名雞煲蟹（預訂）- $680（大），$500（細）要預訂才有的菜式，很期待，蟹雞味道不會互搶，反而更加鮮味，湯底香濃，雞滑蟹鮮！再加上伊麵，再添兩碗都覺不夠。薑米叉燒炒飯- $108飯炒得干身粒粒分明，不油膩，帶些淡薑味，有別於一般炒飯。

平日多數食開燒乳鴿，第一次食滷水乳鴿， 個汁嘅味道好似瑞士雞翼汁， 調配得相當惹味， 好想將個汁帶埋返屋企添! 鹵水做法可以保持乳鴿肉質嫩滑， 而且好入味，唔會好似平日燒乳鴿咁熱氣，係一個唔錯既食法!這個炒大良奶, 好似賽螃蟹嘅做法，蛋白炒得非常嫩滑一啲都唔會“鞋“，而且仲食到有鑊氣，再加上少少金華火腿碎舖喺蛋白面，提升成道菜既味道，更加有層次，呢個餸好值得推介肉就食得多，係時候要食菜，咸魚炒芥蘭, 芥蘭用蒜蓉炒已經好香， 再加少少鹹魚粒就更香，眨下眼，已經食晒成晚嘅主菜出現啦! 雞蟹煲, 用咗好大隻而肥美嘅花蟹，肉質鮮甜啖啖肉! 雞肉都好嫩滑，成個煲絕對係真材實料! 而個湯底亦都係收集左蟹雞既精華，好鮮甜，一定要試下個湯! 唔夠飽的話，餐廳都好細心準備左麵線，食埋個麵線好滿足

焗釀蟹蓋 表層係香濃嘅芝士，內裏有金華火腿同蟹肉。用焗嘅方式，將芝士同蟹膏溶入D肉饀到，滋味無窮。但食多會膩，少食多滋味。大良鮮蝦蒸牛奶鮮蝦配上牛奶蒸蛋，火喉掌握得好好，所以冇多餘水份，而D蛋又好滑又食到蛋味。一碟好清淡健康嘅餸，如果想有味D可以落秘制鼓油。飄香荷葉飯配料豐富，每一淡都有陣陣荷葉香，但D肉略嫌大舊，如果切細D更容易入口。中式煎牛柳牛好juicy唔乾，D肉幾彈牙。酸酸地，都幾開胃，陽蔥配料出奇地好食，又爽又甜。葡汁鮮菇豆腐豆腐表層煎得好好，不但唔燶反而煎到韌韌地。內裏豆腐又入口即溶，有D似雪糕。可以講係熱版雪米滋嘅感覺紅蔥頭浸雞雞唔算太入味，食到少少雪藏味，如果入味應該可以辟咗陣味

這間餐廳的由來，聽說是一名富豪，請了御用主廚為他主理傳統中菜，當中亦有創意料理，近來開放給大眾訂位進餐，將好的東西與人分享。ＢＢ鴿 $88／隻一上桌已聞到香氣撲鼻，是醬油的味道，BB乳鴿不會太細隻，仍有幾多肉食，肉質非常嫩滑，又煮得入味，真令人回味無窮呢！焗釀燒汁茄子$118這個也是我很喜愛的菜式，簡單的豬肉釀茄子，卻整到好不一樣，豬肉表面是脆香的，燒汁非常惹味濃厚，茄子煮到軟腍，切到一件件好易食。生拆蟹肉炒大良奶$128很特別的菜式好少地方有，蟹肉用人手拆出，而鮮奶和蛋白同炒，口感幼滑奶味香濃，蟹肉提升其鮮味，不過蟹肉份量不多，最後連旁邊襯托的西蘭花也可吃呢。鹹魚茸炒芥蘭$98芥蘭炒得口感爽脆，鹹魚份量剛好，帶起其香味，也不會過鹹。薑米叉燒炒飯$108雖說是薑米，但沒有明顯薑味，對我來說是好事，飯裡充滿蛋碎、蔥、叉燒，每一口都好香好多配料，不會覺得單調，而炒飯偏濕潤，不是很乾那種，感覺也沒那麼熱氣。想不到富豪飯堂會是這麼平民價錢，可以一嚐富豪喜歡吃什麼，完全滿足到我們草根人的好奇心，也不用花費很多，菜式特別，充滿心機。

這間餐廳於天后屹立不倒多年，而且離我家不遠，所以朋友相約於這裡晚飯時我一口便答應。BB鴿 - $88/隻有點像豉油雞，味道帶甜，容易入口，而且肉質夠嫩。山汁明蝦球 - $168蝦球彈牙爽口，味道酸甜，用沙律醬調味的菜式總是令人特別開胃。蒜香焗肉排 - $118肉質味道偏淡，幸好蒜香搭夠。生拆蟹肉炒大良奶 - $128蟹肉不算多，但奶炒得夠滑又不太油膩。焗釀燒汁茄子 - $118燒得很香，茄子夠稔，蘸上醬汁更惹味。鹹魚茸炒芥蘭 - $98芥蘭夠新鮮爽脆，炒得不油膩，加上鹹魚茸的鹹香夠提味。紅燒斑腩豆腐煲 - $148豆腐燒得香滑可口，斑腩嫩滑彈牙。馳名雞煲蟹（預訂）- $680（大），$500（細）雞煲蟹配有伊麵，伊麵吸收了香濃湯底的精華變得十分入味，而煲中的雞肉保持到嫩滑，蟹亦大隻。但湯似乎太多而配料太少，令整體感覺空洞。薑米叉燒炒飯- $108炒得夠乾身，但略嫌米飯偏稔少了嚼感。食物整體不錯但上菜速度較慢。

搭了681那麼久, 也沒有留意, 在維園斜對面, 有這家食得好. 或許不算是隱世, 但起碼是家很低調的店子. 當然, 低調, 並不代表沒有實力. 這天晚上來到這裡, 就碰見名人來用餐. 有實力, 有口碑, 自然能夠吸引到客人.傳統迷你蝦多士 $45 雖然剛剛病好, 也不介意吃煎炸菜式, 吃完才算吧. 傳統迷你蝦多士, 贏在夠脆身, 稍稍乾了點, 但就不太油, 而且蝦肉亦夠鮮味, 手工菜做得好, 不容易.香煎鵝肝薄餅 $198 傳統迷你蝦多士是傳統, 香煎鵝肝薄餅就有新意, 把鵝肝, 芝士, 跟薄餅配合在一起, 肥美而邪惡.生拆蟹肉炒大良奶 $128 說回頭, 這裡供應的, 大都是經典的菜式, 如這客生拆蟹肉炒大良奶, 師傅炒功不俗, 有火氣, 鮮奶滑溜, 有奶香, 而且加上了生拆蟹肉, 矜貴一點.家傳豆腐盒 $88 家傳豆腐盒就真的是很考功夫的菜式, 怎樣把豆腐挖空, 只保留外層, 而把炒雜錦放進此豆腐盒內, 豆腐不會太硬身, 好不容易.住家豉油雞 $190 童年時您愛吃雞嗎? 還記得那時候的豉油雞是甚麼味道嗎? 今天吃到的住家豉油雞, 就是那種懷舊, 傳統的味道. 最重要的是, 雞肉

同班朋友去左天后食「食得好」~名符其實食得好~雖然餐廳唔大，但係樓底夠哂高~所以都唔會話感覺好迫！好有私房菜既感覺真係最強既鹵水乳鴿，一般出面多數都係食燒乳鴿~今次呢款乳鴿係鹵水整法，色澤光鮮油，肉質勁肥美夠哂入味好好食~識人食一個定食埋個w乳鴿頭！頸既肉更樕，腦髓更鮮香a山汁明蝦球，表層既醬汁幾creamy, 食落有陣陣既檸檬既香~蝦球爽口彈牙，食落醒神開胃生拆蟹肉炒大良奶~熱辣辣夠哂香滑！蟹肉勁樕滑又夠creamy~清清地幾鮮味！雞煲蟹~朋友之前訂左所以有得食！！walk in就應該無架啦~所以想食就要訂左先~幾隻花蟹，蟹同雞同一煲到煮~濃底既香濃！再整多個伊麵黎食~入哂味最後整多個薑汁叉燒炒飯，炒到幾乾粒粒分明！陣陣既淡薑味幾入味薑汁成為了主角少少既分別就有大大既轉變

好友家鄉是吃客家菜，竟然有一間能被嘴刁的他推薦的餐廳，我們這班老友當然會比面和他一起去。餐廳的擺設冠麗堂皇得來又不失格調。牆上掛滿了一幅幅的跑車畫作。聽說這位老闆是愛車之人。雖是中菜，但茶是西式紅茶。紅茶和出面普通的茶不一樣，更香更甘，挺消滯解渴的。焗釀蟹蓋 一送上桌，幾乎以為是酥皮撻，但望下底，是貨真價實的蟹蓋 ! 真的好香好香牛油酥皮味，皮超薄超脆，連裡面的蟹肉一起吃，好易入口。沒有海鮮的腥味，絕對可以騙到不喜吃海鮮的人如我來吃下去。2.中式煎牛柳 牛柳好大的一塊，肉感好韌好彈牙，印象最深刻的是其醬料，好濃稠，味道酸酸甜甜，好開胃。3.馬蹄吊片蒸肉餅 舀了一匙，已聞到好新鮮的肉香，馬蹄的爽口，肉餅的彈牙，整個就是很有口感。4.大良鮮蝦蒸牛奶 蒸鮮奶很滑，滑之餘亦有口感，像在吃熱的牛奶布丁，又不會很甜，剛剛好。加上大大隻的鮮蝦，沒有腥味又很彈牙，不錯。5.葡汁鮮菇豆腐 這是今晚比較愛吃素的我的最愛。平時不太敢吃外面的豆腐，要不太酸，要不就是很乾。差不多7成的豆腐也是我吃掉的，但我也沒有吃到一塊酸的 ! 好新鮮的豆腐! 更難得的是皮入面的豆腐依然超滑超有水分，一點也不乾。葡汁亦很豐富濃

元宵節時，跟親戚一大班人品嚐了精緻的私房菜。它每道餸即叫即做，而且味道十分細緻～ 餐廳是在天后的食得好。老實說， 地點並非地鐵站那邊的那些大街大巷。步行數分鐘OK～餐廳的位置也有點兒擠迫， 無計啦香港的租金是瘋癲離地的～ 但看得出餐廳已盡力將圓台設計到最大，還顧客坐得舒適～ 先上了香煎鵝肝薄餅。厚切的鵝肝大塊得似魚柳。 原本怕「厚切」會有點肥膩， 但均勻的香煎將多餘的油份迫出， 入口只剩下鵝肝的脂香回甘。 講真，一人一件不夠喉，起碼我是這樣... 再來第二款香口小食：傳統迷你蝦多士。 這當然是愛食脆口野的我做的好事(奸笑)。大海蝦的「發育」不錯，沒有挑些「營養不良」的夠足料。多士是酥炸的，炸得甘黃鬆脆。 再來點補身湯品吧：花膠燴蛇羹。 我這碗用料頗豐富。蛇肉條、香菇絲、云耳絲樣樣都有點兒。 但這碗剛勺不到花膠，搶食了媽媽那碗，花膠夠腍身。 戲玉來了，是我最愛的古法羊腩煲。用料算足，羊腩筋肉均稱，肉質柔軟沒韌，不是「癡肥」羊～ 有長輩點了柚子扣肉。 用柚子皮做餸？！不是吧， 準會苦死了，這菜好明顯不是我點的。 本住全台人都話好食的好奇心下 試了一塊柚子皮… 柚皮完全沒想像中

食, 是生命中其中一個最重要的環節. 工作忙碌, 生活艱難, 為的, 也是要食得好吧. 是晚, 我們就來到天后的食得好, 吃頓好的晚餐.店子在天后邊陲, 從港鐵站走來, 也有一段路程. 說真的, 是不會路過的位置, 但一樣有不少客人, 來的, 應該也是早有準備的.傳統迷你蝦多士 $45: 8.5分, 這裡供應的, 不少也是很傳統的菜式, 如這客傳統迷你蝦多士, 多士香脆而不油膩, 蝦肉亦幾爽口, 愛吃香口野的小晴晴, 也蠻喜歡此品呢.香煎鵝肝薄餅 $198: 8分, 另外一款頭盤是香煎鵝肝薄餅, 薄餅脆卜卜, 配上鵝肝及芝士, 很惹味, 很邪惡.家傳豆腐盒 $88: 8分, 還是來一客健康一點的家傳豆腐盒吧, 打開盒蓋, 內裡的是炒雜錦, 做這道菜, 很花功夫, 也見這裡的誠意.生拆蟹肉炒大良奶 $128: 8.5分, 大良炒鮮奶常見, 這裡的版本, 加入了生拆蟹肉, 鮮奶炒得很香滑, 蟹肉亦新鮮, 值得一試.住家豉油雞 $190: 9分, 是晚我最喜歡的, 還要數住家豉油雞, 是很傳統, 家常的版本, 小時候常常吃得到的味道, 來到今天, 已經變得很矜貴. 這客雞, 很入味, 肉嫩,

傳統手工菜，老豆話依家好多地方都開始冇得食。以前邊到邊到，好好味好正，作為年青人既我，又點會食過。不過早排朋友介紹去左，呢間食得好，食到d平時出面冇得食既手工菜，而且價錢又唔會太貴，算係驚喜之作。傳統迷你蝦多士 - $45：香脆厚多士，蝦膠彈牙爽口，份量都好多，配上鬆化多士，唔會太油膩花膠燴蛇羹 - $138：以前細個冬天成日食，不過依家都好少酒樓有。呢到有燴蛇羹食，仲要加埋花膠滋補下，花膠燴蛇羹湯料好多，食完之後成個人暖笠笠，啱晒冬天食。家傳豆腐盒 - $88：好得意既菜式，用淘空的豆腐，裝住好多切成粒粒的肉丁，加入少少密製醬油，用黎伴飯一流順德煎釀鯪魚 - $168：因為工序繁，好多餐廳都唔整，今次呢到既煎釀鯪魚一d都唔腥，而且冇乜骨碎，可牏放心大咬！