食得喜小廚

营业中

休息中

今晚吃飯三波四折，搵到第三間先至來到『吃得喜小厨』，吃得『喜』即係吃得開心，同時亦都吃得起(諧音)，唔會太貴囉。以前試過呢間嘅lunch set ，都幾满意。今次來到，入面已冇位，只可以坐出邊的坐位，無所謂啦，有得吃就算。叫咗八珍豆腐煲，豬肝粉腸粥一碗，因待應話都幾大碗，可以一人一小碗，同埋今晚至好吃嘅欖菜蒸魚鮫。首先出場嘅係豬肝粉腸粥，但係原來發現只有粉腸，没有豬肝，問待應先知沒有豬肝，咁就取消咗，但我吃咗件粉腸，冇計我錢，賺咗講番今晚至好吃嘅欖菜蒸魚鮫，首先好大份，以88蚊來計，平時吃嘅細份又貴，今晚呢個魚肉新鮮嫩滑，蒸到恰到好處下次一定再來過，不過唔好因為我讚好而咁快加價吖。

食咗好多年，一直有帶朋友去幫襯，三五知己飲酒食飯好去處之一，可惜近年食物質素每況如下。如廿一日晚同朋友去食飯，煎條魚一邊熟一邊生，要求加熱，女職員態度囂張，不予理會，又不肯換，好似講句對唔住大晒咁，好激氣！食物又經常換口味，水準保持不定，一碟小炒王都水多過乜。唯一好處就是經理超好人，當每個客人都是老友，陪我哋食吓酒傾吓偈，歸屬感十足，一大班老友要求唔高，飲吓酒都有落脚地。

今日一家三口去食，叫 西蘭花炒雞球點知變左西蘭花炒雞扒，已經好有問題都算，仲有叫左腐乳通菜炒牛肉，炒出來變左蝦醬通菜牛肉，有小朋友唔食得蝦醬叫佢換，職員態度非常不友善，好似係我哋叫錯甘，最後煮咗出嚟係混合味 又有腐乳味又有蝦醬味，真系食到背脊骨落,我話過從此我不會再去這間食店度食嘢，講完，不喜勿插

服務態度堅唔掂.但勝在食到可以！今晚叫咗隻黑椒豬手食.要勁用力先cut開到.仲要發現中間痴住曬d肉cut唔到囉.焗豬手無理由cut唔開嘅.應該好淋架嘛！況且我哋都唔係第一次叫嚟食.驚變咗食生豬肉.梗係同職員講.未食過嘅.你攞返去焗熟小小可以嗎？（從無講過退錢喎）職員拎走咗隻豬手一段時間後.隔咗一段時間 後………………有個女職員攞返嚟話.依味餸係咁個囉.無得焗熱焗熟返啲比你喎....女職員話.一係要.一係同我食咗佢一係取消叫第二樣（😑大家話想焗番熟d食啫🤦‍♀️.因大家都仲有半碗飯未食晒囉），😑但個職員最後發難渣話幫我哋取消唔計錢.你哋可以照食隻豬手囉！😒😒就算佢主動取消張單我地都話生嘅cut唔開，你拿走啦！我地唔會食！之後我哋原封不動放係枱面.埋單走人真係勁失望！

今日朋友們話去荃灣食小菜🤪大家竟然都諗起依間《飯堂》個墨魚餅：勁厚彈牙，口感十足個豪餅就不得之鳥啦：脆漿薄豪仔大大粒，食到朋友邊食邊讚個啫啫炒通菜：內有大大隻蝦乾，好食到呢，一條可送二啖飯個椒鹽茄子我嘅必叫致愛朋友見我叫椒鹽茄子😒唔係化😌之後朋友們竟然第一次食，食到嘩嘩聲，嘩原來都幾好味喎🤣😑個西檸雞，今次個樣好唔掂，味道一般😶個豬手：好食嘅禁囉今餐飽到呢…

今晚屋企人喺度食飯慶母親節，食咗幾次直到今晚坐底左望右望先發現原來有 2 小時泊車，等我哋之前仲比停車場費添 😑😑平日喺度食飯免加一茶介，但由於母親節所以呢幾日收加一。一行 6 大 2 細叫咗 6 個餸，由於是日都是佛誕有人要食齋，所以叫咗 2 個青菜，薑汁芥蘭個汁太稠，腐乳通菜好味，欖角骨好正，最遲上檯最快清碟，大菜花好香好味，有煙肉蝦干同炒，蒸肉餅小朋友最愛餸飯，條魚就普通啦。原本想叫椒鹽豆腐同茄子，但廚房今日唔做椒鹽食物 😭加多 5 個靚仔，埋單 $635，算合理價錢吖 😀

餐廳員工多但做事混亂，員工與廚房之間欠缺默契，廚房起菜太慢，六個小菜要個多小時先到齊，其中一個菜要客人再三追問先知已經賣晒，一個小炒王小菜，芽菜比重太多，好似只是炒芽菜咁，蝦乾好乾又硬，成品又濕又無味道，一款咕嚕肉肉質同味道煮得差過快餐店，啲豬肉炒到好似柴皮咁，仲有一款啫啫雞煲啲雞又乾又無味，其餘小菜食材和味道都只是一般出品，用餐期間見好多枱客人不停追單，有些客人最後都是放棄，埋單離場，我應該唔會再有下次交易。

見到個價錢牌，真係太吸引喇。不理三七二一，即管試試。呢日沒有茄子炆什魚，轉咗冬菜蒸黄花魚，上咗枱，賣相唔錯吃落亦幾好味，够滑。另一個餐係咖哩薯仔牛腩賣相就差D，一噼嘢咁，食落D咖喱味亦怪怪哋

對我呢一啲勞動人民嚟講 ， 因為成日要做粗重嘢又要趕頭趕命 ， 兼且又食無定時，午餐最緊要大份， 最重要多送多飯，乜都大乜都多仲要係平靚正， 冇辦法唔係我擔心但現實就係咁樣。昨天嘅lunch 就係呢間餐廳嗰度買咗一盒飯盒，呢個係兩餸飯盒，就係海南雞拼茄子豬肉， 嗰啲飯唔係白飯係有味飯，係有雞油味嘅，好好味 海南雞都比得唔算少，雖然係有骨嘅但係都叫做厚肉而且雞肉都算幾好幾嫩滑， 加埋有一個酸酸辣辣嘅海南雞醬都幾好味， 蕃茄子豬肉就有少少咖哩味，其實食落好有泰式風味咁樣， 海南雞嘅底隧有啲菜墊底， 總之有茄子又有豬肉又有雞有菜又有飯，我就覺得營養豐富，又平又靚又正。

住在荃灣三十幾年，近四、五年經常幫襯，雖然態度就一向無乜，但勝在食物味道可以，所以我和一班朋友亦經常光顧！生日飯、外賣等，亦推介俾好多朋友。諗住街坊小菜，都算好味！幫下口，希望佢哋好生意。最近一、兩年，越做越旺，價錢加宅完一次又一次，星期日外賣仲要加一。你無睇錯，係加10%服務費，真心嬲咗，外賣得的都係附近街坊！哩間嘢細到喊，每晩擺到入商場，一定係違規，仲要咁串。我一定唔會再介紹朋友來，把鬼火，影埋想去消防處投訴！

今日好隨意地同屋企人去左食小菜，我記得幾年前電視小儀都有介紹過呢間野，佢由以前一間鋪，到擺埋出面，宜家連對面間鋪都變埋佢。我地去到夜晚8點幾差唔多坐爆晒，岩岩有檯卡位走左，咁我地4個就可以坐入去。餐廳好熱鬧，非常光猛又乾淨，難得食小炒環境咁好，最緊要冷氣夠晒凍！除左一般小炒之餘，仲有Ｄ炒粉麵飯，什至乎羊腩煲都有，幾多款式。最後我地叫左4款 Common野，有菜有肉，簡簡單單。西芹炒鮮魷呢個鮮魷賣相實在有點失色，一塊塊的，有功架既師父應該要界下花，令到魷魚卷起，咁先好睇。不過魷魚口感都唔錯，炒得岩岩好，硬度適中。唔知係咪好趕時間，西芹稍為生左少少，味道偏淡。蒜蓉炒白菜蒜蓉夠晒多，白菜好嫩，炒得好有鑊氣，令到Ｄ菜非常爽脆，都係略為淡。咕嚕肉本來想叫生炒骨，因為屋企人鐘意有骨落地，但Waiter話冇，唯有要咕嚕肉啦。個肉炸得好脆，粉唔多，全部都大大舊，好怕見到D咕嚕成粒豆咁細，一D口感都冇，D汁都落得岩岩好包住晒D肉，酸酸甜甜咁。不過青椒又係比較生，個掟都切得唔乾淨。啫啫雞煲上到檯即刻聽到唧唧聲，夠晒熱啲雞冇雪味，整得好滑，好夠味，豬潤都唔會過乾，幾juicy，蔥既量係夠既，不過爆得未夠香。

今日，黎左荃灣行街，行到咁上下，本身諗住買餸同老婆返屋企寫飯食，不過最後都係打消左煮既念頭，我地喺荃灣街市買左小小海鮮，之後黎左食得喜小廚加工。呢度既加工費係$50蚊1斤，價錢合理。環境方面，就係大掛檔feel⋯，除左呢個鵝翼鵝肝滷水拼盤係佢地餐牌野食之外，其他既海鮮都係我地自己買來加工的。辣酒花螺椒鹽瀨尿蝦蒜蓉半邊蝦薑蔥炒蟹蒜蓉蒸扇貝扇貝蒸得有啲老，不過蒜蓉味就好香👍🏾，椒鹽賴尿蝦非常之香口，薑蔥炒蟹非常之野味🤤整體來講，海鮮加工得都唔錯。

昨日約了屋企人一起去拜山，攪咗成日好攰，夜晚大家一齊去呢間食得喜小廚食飯。總共點咗6碟餸，有煎蠔餅，生煎走地雞，涼瓜炆排骨，雜菜粉絲煲，鹵水三腸，黃金蝦；煎蠔餅上檯時熱辣辣食好正，走地雞啲肉鞋鞋哋，屋企人唔係咁鍾意食，涼瓜排骨和雜菜粉絲煲都唔錯，鹵水三腸個個都讚好味，黃金蝦我嫌鹹咗少少，不過一人分一隻食冇乜所謂啦。屋企人都唔係大食之人，9個人食，埋單都係食咗7佰幾，算係好抵食，如果唔計較環境，真係好過上酒樓。

收工收得夜去呢度就再冇死。因為開到12點食個late dinner 都仲可以。呢度好有大排檔feel但係係室內而且感覺乾淨很多。雖然係室內大排檔feel但係食物鑊氣都不輸蝕。見到最多人食墨魚餅梗係唔執輸叫一份試吓。入邊真係好多墨魚粒，而且墨魚餅好彈牙，好味！係熱氣少少囉。自己返屋企飲樽五花茶補番下吧，美食當前唔好諗咁多啦另外叫咗個豉椒排骨河。夠晒鑊氣！味道唔錯，唔會太鹹，河粉亦滑身唔係紙咁鞋。平時叫炒河最怕食到啲硬骨骨的河粉。根本就未熱透好似全部都係肉就叫個西蘭花炒班塊食下啦。點知有驚喜喎，斑塊係真架！唔係雪藏魚塊。而且調味仲剛剛好可以食到魚有魚味。質感很好，食得出係新鮮嘅。叫師傅幫手炒西蘭花炒得淋啲，真係做到喎！有時出面啲西蘭花食落都咬唔開，本人就唔係咁好。總括來說這間鋪頭食物有水準，價錢就唔平但係都算一分錢一分貨啦。

好少行過嚟呢邊舊商場搵食, 今次朋友帶路嚟呢間食得喜小廚晚飯。小炒店其實係茶餐廳, 今晚朋友BOOK左位都被安排在商場走廊位, 感覺有點奇怪, 置身麻甩世界, 很嘈雜, 傾計有難道, 幸好冷氣充足, 唔使食到大汗叠細汗。食得喜小廚主打大排檔小炒, 種類繁多, 價錢實惠, 餐牌好多頁, 太多, 只係影左1/3。客家蛋卷煲 ($78)即蛋肉卷、粉絲時菜煲,  有齊主食粉絲、餸及蔬菜, 上湯都幾好味, 唔太鹹, 加碗白飯, 夠兩個人食一餐飽了。煎蛋包住半肥瘦豬肉碎, 豬肉應該係新鮮貨, 肉汁豐富, 夠肉香, 濕濕地, 大熱天時送飯GOOD。醉乳鴿 ($48/隻)乳鴿浸得好入味, 酒香滲入了乳鴿肉, 酒香兼带點話梅甜酸, 味道很好, 乳鴿肉唔嚡口, 算嫩滑, 今晚最like小炒王貴價配料蝦乾都落得幾疏爽, 夾雜埋魷魚乾、鮮魷魚鬚、炸魚仔、炸花生、芽菜仔及韭菜等, 炒得幾正, 又係飲啤酒/送飯之選鹹魚炒芥蘭白灼鵝腸 ($98)本身對佢已經冇乜好感, 唔 like , 但都會試少少, 從口感及味道, 我覺得係雪藏貨, 冇乜動物腸應有嘅油香, 又唔爽口, 連叫嗰個都覺得麻麻, 滯消!酥炸墨魚餅 ($