食得喜小廚

营业中

休息中

今晚吃飯三波四折，搵到第三間先至來到『吃得喜小厨』，吃得『喜』即係吃得開心，同時亦都吃得起(諧音)，唔會太貴囉。以前試過呢間嘅lunch set ，都幾满意。今次來到，入面已冇位，只可以坐出邊的坐位，無所謂啦，有得吃就算。叫咗八珍豆腐煲，豬肝粉腸粥一碗，因待應話都幾大碗，可以一人一小碗，同埋今晚至好吃嘅欖菜蒸魚鮫。首先出場嘅係豬肝粉腸粥，但係原來發現只有粉腸，没有豬肝，問待應先知沒有豬肝，咁就取消咗，但我吃咗件粉腸，冇計我錢，賺咗講番今晚至好吃嘅欖菜蒸魚鮫，首先好大份，以88蚊來計，平時吃嘅細份又貴，今晚呢個魚肉新鮮嫩滑，蒸到恰到好處下次一定再來過，不過唔好因為我讚好而咁快加價吖。