食味道小廚

营业中

休息中

一個充滿地道人情味的街坊大排檔，食盡鑊氣小菜！環境雖然簡單，不過每晚都熱鬧非常，好有大家庭感覺。最近同幾個老友記相約嚟搵食，試吓馳名嘅走地雞同乳鴿，仲可以帶新鮮海鮮加工！薑蔥霸王雞用上新鮮走地雞，雞肉皮爽滑、肉質結實帶少少彈性，啖啖肉都食到淡淡雞香，配埋薑蔥鹹香又爽口。乳鴿皇則皮脆肉嫩、外香內多汁，咬落仲有少少鴿油，真係唔得了。椒鹽鮮魷鑊氣十足，外層香脆內裡鮮甜。我最驚喜係黃金涼瓜，用鹹蛋黃炒香，苦味被壓到好細，反而多咗份鹹香口感。蒜泥白肉亦超開胃，每片豬肉都吸飽咗香辣蒜泥汁，辣得醒神，配埋冰凍啤酒一流。嚟熟食中心，食住聊住，啖啖人情味，都係最開心嘅晚餐。

在大埔想食小炒幾味，選擇了食味道小廚咕嚕里脊以嫩滑豬頸肉入饌，外層酥香，內裡多汁，火候掌握得宜，令人齒頰留香。酸甜醬汁均勻包裹，每一口都充滿層次感。菠蘿釋出自然果酸與清甜，與醬汁完美融合，提升整體清新度；青紅椒色彩繽紛，脆口微辛，平衡甜味，整道菜視覺鮮明，味道濃郁但不膩，是一道精緻的中式佳餚用新鮮雞熬煮的菜膽雞，湯底澄澈鮮甜，散發濃郁雞香。雞肉滑嫩而富彈性，皮香不膩，入口即化；湯汁精華滲入其中，層層滋味在口中蔓延。菜膽爽脆微苦，與湯底互相平衡，起到清潤提味之效。搭配生菜吸收湯汁後更顯清香柔嫩，增添口感層次與鮮活感。整道菜色清而不淡，味濃而不膩，養生之餘亦富美感。蒜蓉粉絲蒸鮮魷是一道清香鮮甜的精緻之選。鮮魷切件爽脆彈牙，經蒸煮後釋出鮮味精華，滲入粉絲中，粉絲吸飽魷魚湯汁與蒜蓉香氣，口感滑溜又富層次。蒜蓉經蒸煮後香而不嗆，提升整體風味而不奪主，與少許醬油、香油及蔥花搭配，更添鹹香與清新。整道菜清而不淡，香而不膩，是一道將鮮味與蒜香完美融合的蒸煮料理以菜甫粒、蟹肉、蝦干、鮮魷等海味入饌，這道炒飯香氣撲鼻，海洋鮮香層層疊加，鹹香豐富卻不過重。蛋香包裹每粒米飯，口感酥鬆不油膩；鮮魷爽脆彈牙、蝦干

最近喺大埔街市熟食中心食過呢間小廚，都幾有鑊氣。今次兩個人食咗四款：輝哥炒飯~飯粒可以做到粒粒分明，配菜以海鮮為主，口味微辣，非常開胃！蒜蓉粉絲蒸茄子~滿滿嘅蒜蓉香味，搭配清淡有益嘅茄子，口味清爽，一口一件，滿滿嘅幸福感。小炒王~海鮮款式同份量都非常多，只係蝦，都用上蝦乾及新鮮蝦兩款，每款蝦都有唔同口感，另外腰果及小魚乾都非常香脆。西湖牛肉羹~湯羹嘅口感唔算太厚，一匙羹入口豆腐同牛肉都可以食到，比例合適。而且可以帶海鮮加工，幾特別嘅會係......按枱嘅大細及每碟去收費，細枱80/大枱$105蚊蒸；細枱105/大枱$125炒，好似抵過其他按每斤收費嘅店🤭等我下次都拎海鮮去先

今晚帶咗幾位南下旅遊嘅親戚，去大埔墟街市樓上食大排檔。最正嘅係樓下街市有好多新鮮海鮮，今晚食嘅餐廳，「食味道小廚」好歡迎食客買上去加工。我哋就買咗啲九節蝦，上去蒜蓉蒸粉絲，蒜香味四溢，粉絲吸咗蝦汁，味道入味到不得了。廚師除咗廚藝了得，仲攞咗個大圓碟，將蝦砌到成朵花咁靚，上枱非常得體。我哋仲點咗幾道菜，糖醋里脊，外脆內爽嫩，酸甜味道啱啱好。椒鹽鮮魷，味道微辣，鮮味十足，粉唔厚，咬落去口感幾好。西蘭花炒牛肉，牛肉炒得嫩滑，西蘭花保持住脆口。粟米斑塊正常發揮，樣樣都唔錯。值得一提係「食味道小廚」好受歡迎，有興趣嘅記得早啲去攞位。

朋友介紹呢一間海鮮加工，終於試咗感覺唔錯，唔該除咗啲海鮮樣樣都整得好之外，佢自家出品嘅乳鴿好掂好好食。啲乳鴿都算大隻而且炸得皮脆肉嫩，一咬開中保留咗乳鴿嘅肉汁。另外再叫咗碟椒絲腐乳通菜，呢個就正常發揮水準啦。咁多樣海鮮之中加工得最正嘅係呢個蒜蓉粉絲蒸開邊九節蝦，佢啲蒜蓉粉絲蔥花真係正有冇朋友，吸曬啲九節蝦嘅香味，要嚟送飯一流。椒鹽鮮魷都做得唔錯，啲金蒜炒得好香好惹味。豉椒花甲個汁都唔錯。大斑兩味都好食，炒球同炆班頭腩都做得唔錯，最欣賞去斑頭腩唔會好咸。最後仲有一個雜魚豆腐湯，滾得好甜好好味。

放假又帶BB出街玩，今次帶左佢去大埔鐵路博物館，走時經過熟食中心，上到去行左一個圈都唔知食乜好，最後見呢間幾有禮貌，就坐低左試下，叫左2款各$48，凍飲額外加$5，價錢幾抵。乾炒牛河: 味道剛好唔會太咸，牛肉量都適中，食落幾有鑊氣生炒骨: 酸酸甜甜，仲排骨脆口，都唔錯

用餐時間（5:56pm dinner）follow@wojengyea/@wo!正嘢 for more food info🐒 支持我哋發掘更多美食 😋同屋企人喺大埔墟街市買無敵海鮮（花甲、蝦、帶子$300 臘腸班魚 $250）又唔想自己煮，決定上去熟食中心搵其中一間餐廳幫手加工煮。白灼赤紅蝦🦐，清蒸冇咩好講，佢個辣椒豉油惹味。但本身食材新鮮唔使沾豉油都極鮮味。豉椒炒花甲，紅椒、綠椒、洋蔥、草菇，唔辣。個豆豉醬汁又炒得幾好，唔會非常之鹹。👍🏽 蒜蓉清蒸扇貝🐚，粉絲唔係咩貴價嘢，但佢都落得比較少，有啲失望，蒜蓉豐盛，但個人覺得太多蒜蓉會搶走帶子個鮮味。紅燒素豆腐，特登整素食俾我哋，有菜心、菇同走油豆腐。清蒸臘腸班魚🐟，條魚肉蒸得比較老同靭（可能係本身條魚問題都未未定），最大嘅敗筆係佢用隻膠碟去蒸魚，真係O咗咀。🙊薑炒芥蘭，佢啲菜都新鮮，又多薑粒，晤錯晤錯。🥬差唔多每間大排檔都會幫手加工海鮮，但價錢唔一樣，可以打電話去問吓先。☎️

好耐無返去大埔食大排檔(以前住大埔), 雖然店在市政大廈裡, 但我係都係叫大排檔改不了口, 我相信許多大埔人甚至好多人都係一樣叫 "大排檔".當我寫食評時才發現, 現經營者應該是新頂手來做的, 因為我記得以前不是樓面這些員工. Anyway, 當日是因為我家有人登五加上父親節就一起食個飯慶祝下.一早預訂了, 17位兩張枱, 5時半, 去到零等位, 即時入座, 枱舖好枱布好乾淨, 膠椅好穩陣, 點解咁講, 因為有老有小, 加上我都D份量, 特別覺得依點值得一讚. 枱上仲有紙巾供應(非卷紙), 不錯不錯, 好貼心.當晚點了以下餸菜, 來料加工的將會註明.椒鹽豆腐 炸得乾身又唔油, 非常香口, 大排檔必叫的椒鹽系列椒鹽鮮魷炸得乾身又唔油, 非常香口, 大排檔必叫的椒鹽系列紅燒乳鴿基本上直接攞去細路仔枱, 搶咁清晒, 完鼓椒炒聖子皇 (來料加工)最怕炒完淨番D殼, 但我反而覺得點解咁多肉好似仲多咗咁既, 汁掛得剛好, 夠鑊氣, 重點配料極新鮮, 三色椒清甜, 無錯平時沒有人食的配料, 今次都食晒, 不得了.爆醬鵝腸我未來得及食, 已經無晒, 明就明啦!花面星兩食(來料加工), 先來起肉炒西芹,

味道真一般，七個海鮮加工，五人吃，約每種海鮮一斤多，約百元一樣加工費，怪！六時坐，吃了三樣海鮮后，等了四十分鈡后才上其他！追了服務員，她說很多客，輪住上！大埔吃過幾間，都不會這樣！做吾切，應該收少D客，或改善廚房速道！上湯花甲一斤收115,5隻聖子收115，例吾係 95, 就115。收費不公道！很難有下次

在大埔行完山，又來到港鐵站，要諗吃什麼，又沒什麼頭緒，加上下起雨來，決定還是到就近的大埔墟熟食中心晚飯。好一段時間沒在晚上來到，以為只有一兩間吃小菜的營業，原來也有一兩間較新的小店，見到食味道小廚幾多人，就試試這間小店。兩個人，叫了三款菜式，加一支啤酒，消一消暑氣。一個是沙薑雞腳$38，然後有紅燒乳鴿$60，還有金銀蛋白菜$38，價錢都蠻相宜的。埋單不到二百元。沙薑雞腳略鹹，紅燒乳鴿最好吃，很新鮮肉嫩，調味又不太鹹，金銀蛋白菜不過不失，份量頗多，但味道較清淡。

今天由大埔騎自行車到大尾篤，晚上就回到大埔晚餐，在大埔墟街市二樓走一圈就決定了這家，坐下便點了一道菜兩碗飯，分別是炸豬大腸及小炒王，本身也滿有期待，他先上了炸豬大腸和一碗飯，有部份豬大腸只有皮。然後等了很久也未等到小炒王，問了服務員，她說很快就會上就走開了。再等了數分鐘再問另一位服務員，才發現沒有落單，另一碗飯也沒有落單，便覺得被耍了般。菜的味道一般，服務也有待改善空間。本身我也很喜愛大排檔的地道小菜味，可是這趟卻多了點氣。

朋友推介食味道小廚, 約埋三個老友過黎試。大埔街市海鮮出名, 預先訂左D。留肚食大餐果然冇失望😋😋, 仲有驚喜添! 鮮味帶子大大隻、酥炸生蠔夠香口不失豪味、豉椒炒爽口聖子。。。味味都好好味! 海鮮之外仲有ㄧ味不能錯過既就係佢地既XO醬扇貝炒韭黃, 香甜中帶小小辣, 我啱我口味! D送每碟大大份, 埋單仲出乎意外的平, 真係抵食夾大件👍。唯一就係環境比大酒樓輸蝕！

食海鮮原來不用走得那麼遠，就在大埔這麼近，舊同事係大埔住四圍捐去搵食，今次他約齊一班老朋友來大埔墟市政街市三樓熟食排檔的「食味道」實行來料加工，買料好方便他先帶我到樓下海鮮魚檔買齊自己想食海鮮，然後我們就搭扶手電梯上三樓進行加工，當然係交比 「食味道」靚姐話事啦！除了海鮮加工這裡都有好多撚手小菜，就像這碟椒鹽九肚魚，炸得外脆內軟椒鹽鴨舌同樣無得彈，香口惹味越食越滋味，最後我們橫掃了三碟先夠喉又一碟椒鹽鮮魷，外脆不過肉欠鮮味海鮮上場第一道白灼大尾魷，清、爽感覺豉汁炒聖子鑊氣十足，鮮甜彈牙清蒸陳皮鮑魚這道菜都是食其鮮味!薑蔥炒魚卜鑊氣十足豉汁蒸盤龍鱔豉汁剛好不會太濃搶走魚味炸美國生蠔蠔味鮮香，炸粉不厚，咬落回甘，滋味無窮油浸筍殻魚筍殻魚肉質比較淡口所以廚師建議用油浸，果然外脆內軟滑，非常香口！花雕蛋白蒸蟹花雕酒香味四溢配上蟹汁和蒸至恰當的蛋白嫩滑無比，蟹肉鮮甜味美今晚我們一行八人個個都飲醉食飽捧腹而歸

係大埔住左咁多年間中都會去下大埔墟街市食野,今日又同屋企人上去搵食,一出電梯就被其中一檔個老闆娘熱情招待,見佢又咁落力所以就試下啦,座下後佢就推介個春卷叫我試下,心諗春卷平時成日食啦有咩咁特別,佢就話同出面食開果d唔同架,所以就試下啦,同埋佢仲話蒜蓉炒窩筍都好正,咁就試埋佢啦,跟手就叫埋我最鍾意既蠔餅,召鹽雞軟骨并豆付同乳鴿等,等左一陣就黎左個乳鴿,食落好香口,唔太油都幾好,跟住到老闆娘推介既春卷,見到個樣真係同出面唔同,好大條,但又唔太油膩好好味,窩筍食落好爽口,出面都未試過,其他野都幾好味,同埋d伙記都好細心,見我地成檯野食放唔晒都主動幫我地換張大d既等我地坐得舒服d,聽佢地話個雞煲同羊腩煲都好正,下次凍凍地都上黎試下先^^

念住去梧桐寨前食個午餐，就揀左大埔熟食市場入面食，本來念住求其食就算。兜左兩個圈，見到椒鹽豬扒同沙薑雞C我同狸米都岩食，仲有奶茶飲。就試呢間！！一黎到，哇！！咁多椒既。。。辣椒好彩椒鹽豬扒系我叫既 (我比較食到辣) ，不過連我食都覺得真心辣同慶咀，豬扒肉幾好！！軟熟，細細件，夠入味，唔會乾柴硬！！味道就肯定好夠啦，不過肯定比外面d食肆辣三成可接受。份量系夠既。無睇距好似得三件，底仲有幾件壓住。狸米食既沙薑雞 (有包例湯飲)沙薑雞上面落左芝麻，仲食落好似有浸麻油味感覺無媽呼煮。雞肉嫩滑，黃色既肥都唔會厚，不過我都無食皮既 。一上菜果下，系覺得咦？細份左dd Wo。但其實系夠食，不過狸米系男生份量，可能份量要多兩件雞肉會更好啦~ 咁就爽飽~*附: 狸米話好扺食！因為岀面食都好貴。岀面一個餐價錢，呢度食兩個餐啦~