風雲丸

营业中

休息中

風雲丸都係一間日式拉麵店，佢嘅裝修都別有風格，大部份嘅牆畫，燈飾，枱櫈既都有日本特色，今日就試吓佢嘅招牌拉麵先😆😆拉麵有唔同既食法俾你揀，由佢嘅軟硬度，大小，甚至調味方面都有得揀，真係非常細心，款式唔算多，拉麵，石鍋飯，每款都係得幾種，我哋分別揀咗豚骨魚介味嘅沾麵同埋拉麵🍜🍜拉麵嘅意思相信大家都知道，佢係一個有豚骨濃湯底再加豚肉嘅湯麵，首先佢嘅湯底係非常濃郁，有一股魚香味，相信佢哋嘅湯底係用豚骨熬製而成，所以個味道絕對係非常清新，食唔出有添加嘅味道，拉麵方面就叫咗適中硬度，食得出佢哋對拉麵嘅執着，因為咁啱坐正喺吧枱，見到佢處理拉麵嘅時候係會用計時器，先可以做出咁有彈牙，咁爽既拉麵，另外揀咗適中嘅份量，啱啱好食晒，配料方面都一定會有筍，佢嘅筍好嫩，絕對唔會有根，甚至有啲會有渣，雖然係配菜，但都做得好好👍🏻👍🏻👍🏻另外沾麵嘅意思大概係面同湯分開，湯會再濃啲潔啲，好似變咗醬咁，將啲麵點落醬度，佢用咗石鍋嚟載魚介濃湯醬，所以佢仲熱辣辣，滾緊，湯底方面同拉麵嘅湯底相似但佢會濃兩至三倍，所以味道更出，至於豚肉方面佢肥瘦均勻，雖然唔會好嫩，但成個質感唔錯，好重豚肉味，所以風雲丸都係一間出色嘅拉麵店😋

Long time no 沾麵！🍜1. 天使赤海老櫻花蝦沾麵 $128期間限定 櫻花蝦味超濃郁 個湯嘅咸味好夠 仲要佢保持到個熱力 連個麵底都變左櫻花蝦味 幾特別 櫻花蝦愛好者可以一試2. 豚骨魚介味玉沾麵 特盛 $103招牌豚骨湯 同樣都好濃味 個麵都好掛湯汁 個流心蛋好正 超流心 做到啱啱好 個叉燒都唔錯 肥瘦均勻 入口都半溶 而且都幾大塊3. 唐揚炸雞 $18正常炸雞味 熱辣辣上 ………………………………….🌝裝修幾有日本風 嘢食都唔錯又唔太貴 唔錯🌚位置少逼 多人排隊………………………………….

早幾日出尖沙咀見客順便同2位同事食lunch，經過風雲丸見到佢之前既排除熱潮已經退卻就一心去試下，點知就出哂事了。坐低先落order，我自己就點咗碗豚骨魚介拉麵，兩位同事就點咗一碗辣味沾麵，一碗唔辣。好，點完麵正常都倒杯水飲下，但店舖提供既水係室溫水無冰，通常拉麵店都會提供冰水俾客人沖一沖味蕾去享受碗拉麵。但風雲丸竟然連呢個小小步驟都做唔到都已經心感不妙。等咗10分數左右，我碗湯麵到先，一上檯見到碗邊有d湯漬，已經覺得係咪有必要是旦求其到咁？抹一抹走佢都唔洗花太多時間啫😅 好喇，再嚟試一試啖湯，完全無層次感可言，豚骨無骨味，亦食唔出有魚既味道，相對而言就係淡身但質地就係濃既。之前再睇一睇配菜，價錢都唔係平但只得蔥少量，兩塊荀同埋一塊叉燒，份量可以話少得可憐，湯麵既麵底係同沾麵一樣😅 無彈性，無口感似食緊平價烏冬既感覺，塊叉燒似豬軟骨多d，略肥而且無乜味。個兩塊荀就堅了，酸既😅😅好似變壞咗咁……再試下朋友d沾麵汁先精彩😃用石鍋上就幾好款頭，辣個個汁就完全得個辣字而且好咸😅 唔辣個個汁好似係酒樓食緊鮑汁雞腳整出嚟個個汁咁😆😆😆 成件事就好似係 “鮑汁扒烏冬” 咁既感覺。後記： 終於知道點解

行完M+，攰到唔知食咩好，拿拿聲係K11附近落車就搵食，之前經過幾次風雲丸都排晒隊…今日可能時間尚早，唔洗排隊就有位！叫左石燒濃厚豚骨魚介味玉沾麵配香鬆飯、石燒野菜豚角魚介沾麵同用會員優惠換左隻明太子雞翼。其實平時麵少接觸沾麵，因為味道偏濃烈，不過風雲丸既麵條屬粗身，湯汁掛麵後，冇平時其他沾麵舖偏幼細麵身咁死咸，平均左一貫沾麵湯底太濃厚偏咸既感覺。食完沾麵淨返既湯加香鬆飯入去撈埋變成一個雜炊，雖然咸左少少，但味道唔錯！

我係沾麵Lover黎，想試曬香港所有沾麵店😎今次就去左風雲丸食豚骨魚介味玉沾麵($98)🤪碗野一黎到係超滾，滾到D湯汁都流曬出黎😂個湯超級掛汁，個掛汁程度同個色水，好似炆鮑魚冬菇個D汁😂味道係濃既，但唔中我口味😂麵條幾彈牙，個蛋既流心程度剛剛好，好食🤪個肉好厚，面頭有輕輕燒過，但食落無咩味，有少少Un，D肥肉位又唔爽，又唔軟，得個油字😕整體黎講野食麻麻，價錢又貴，無下次😂

太多人講呢度既食物，所以我就唔講喇，總之係好味又特別既，但服務我就要點評下喇。1. 星期日下午到店，雖然店內客人不多，我一個人，但店員要偏偏要安排我坐埋一對情侶旁邊，位置非常迫夾。2. 叫左3樣野，而且都係再三確認，結果落單只見到兩樣，當年亦只係來左兩樣。3. 食到一半我太飽想休息下，店員想收我啲野食走。如果10分滿分，而食品係8分，再扣3分服務費，咁就5分。香港地外出用餐非常貴，所以服務一定要好先對等起百幾蚊個餐。

話哂 我自問都叫重口味 😹又食得辣既~平時食譚仔 閒閒地都中辣嫁._.點知一山還有一山高😹 呢間餐廳應該係我食過咁多碗拉面之中最重口味味間 真係食完之後口乾到要狂飲水🥲今次試左個辛辣豚骨魚介沾麵着先聞落到覺得果陣香辣味攻緊出黎🤤然後食一啖 發覺比想像中辣多3倍🌝可能有啲人會想試小小香辣味沾麵 但呢個辣度對佢地應該會辣到彈起😮‍💨至於男朋友就叫左個豚骨魚介拉麵而佢都話: 太重口味 太鹹喇😮‍💨兩個人埋單$220左右, 價錢算合理既🙊

平時食拉麵就食得多啦，我自己比較少食沾麵！一場嚟到呢間餐廳，都要試吓少少新野嘅，於是就叫咗呢一度嘅石濃厚豚肉魚介沾麵！呢一度嘅面真係好好食，而且呢一度嘅豚肉燒得好好食，一啲都唔會好肥膩，而且燒得好香口！同埋呢度嘅湯底亦都好好食，非常之吸引同埋濃郁！

第一次食風雲丸個時仲係灣仔新開張大排長龍，有段時間下午茶有85折tim ，跟住好似隔左2年就唔見左。點知有日行到去舊K11 後面 發現原來搬左去個頭。我好鍾意食佢地個石燒肉盛豚骨沾麵。我記得好似可以加大，我有加大tim再加多隻蛋一個人食晒！真係食到變肥妹，飽到嘔但照食晒因為個燒肉好好食！肉好軟身加上唔算太多肥膏。同埋唔係成日黎，特別係tsim sha tsui 有太多餐廳去選擇。如果再黎，我應該會照encore

在家抗疫無所事事繼續清舊文 ...去年 9 月尾在尖沙咀風雲丸食的日式拉麵星期日下午 2 點來到，等了 10 分鐘才入座 ...愛吃沾麵的儍媽點了一份 ... 石燒豚骨魚介味玉沾麵〈HK$98〉沾麵可選冷或溫，麵條份量也可自選正常的並盛麵條是 200G，可以免費加大至 300G 的大盛+HK$5 就食到 400G 的特盛儍媽這碗是溫的大盛〈300G〉豚骨魚介湯以石鍋上枱，可以讓湯底由頭至尾都保持熱度剛上枱的沾湯滾燙至出煙起泡，小心燙手和燙嘴喔 !豚骨魚介湯就是豚骨湯 + 瀨戶內海產的鰯魚製成的魚介粉豚骨的圓潤口感搭配魚介的海鮮風味，味道濃郁惹味配著店家自家製的粗麵條食起來很有口感也很掛湯厚切叉燒帶點肥膏，表面輕輕炙燒過帶點焦香，入口即化還有一隻半熟溫泉蛋，超滿足 ~~儍爸的 ... 濃厚豚骨魚介湯拉麵〈HK$88〉** 以上分享是以我的口味、體質和情況作出分享及感受，一試 / 合用與否請自行決定

香港近幾年了很多食沾麵的日本餐廳。 都試了不少。 今日來到尖沙咀近K11附近大受好評平的一間餐廳。首先入去前到睇了他的餐牌。本身很想試很多不同類型的食品，但是最後見隔離的份量都不少。最後就選擇了石燒肉盛䐁骨魚介沾麵首先講一下燒肉盛肥美易入口，入口即溶！夾住一肥一肉的配搭，簡直是好味道。其實食兩件已經好飽，他的份量超多。而那個骨魚湯底，就非常之鮮味。那魚味濃烈。另外沾麵簡直是煙韌及爽的質感。而沾麵，我揀選左300 g，因為太肚餓但是都吃不完。非常細心有圖文並茂教吃沾麵的方法。如果懷念日本吃沾麵，不坊可到此一試! 總括食物質素有水準

/ /為超濃魚介湯底而嚟(⁎⁍̴̛ᴗ⁍̴̛⁎)超耐都冇食過拉麵，見到呢間日式裝修好有居酒屋feel🏮環境唔錯！石燒濃厚豚骨魚介味王沾麵🍜湯底好濃郁，由魚介同豬骨湯混合製成味道唔會太鹹，加埋有個熱石咁上！食落仲係熱辣辣，麵質好掛湯🤩慢煮叉燒超厚，肥瘦適中，夠腍！沙拉唐揚炸雞🍗炸雞外脆內嫩，食落都好juicy💦仲有沙律醬，食落更有層次口感好開胃，忍唔住一舊接一舊燒汁羽根餃子🥟係我最鍾意嘅日式餃子！煎得好脆，啱啱好！仲有啲燒汁食落甜甜地

好耐無食沾麵，有時都會去下尖沙咀呢間日本過江龍沾麵店，佢個濃厚湯底幾岩我口味，而且店內裝飾充滿日本風。個麵重可選冷麵或溫麵，份量又有分並盛200g、大盛300g-Free、特盛400g +$5、富士山盛800g +$45，夠晒貼心。.豚骨魚介味玉沾麵 $98一場來到當然要點餐廳招牌沾麵啦！叉燒份量十足，肉質肥美。湯底偏向濃味，加上用石鍋裝住，d湯都保持住熱辣辣，真係好啱冬天食。而個麵口感亦好彈牙，沾上湯汁幾惹味；味玉流心，熟度剛好。.辛肉爆彈野菜豚骨魚介沾麵 $108呢個好岩愛辣之人，辛肉爆彈其實係用豬肉、辣椒粉及山椒製成，食落個辣味好惹味，個湯底好濃配上彈牙沾麵真係不錯。

初四，不少人都請多日假可以連放到初七先工，我地都吾例外。星期五出去買野，順便食好啲，好耐無食沾面，去開尖沙咀就順便去風雲丸啦。三個人，叫左一個飯，兩個沾面，其中一個係小朋友餐。吾記得咩飯，但真係好一般，吾會再叫。飯無汁，又無味，肉又勁鞋我知，人地食面既舖頭叫飯係我吾岩既兒童餐，不錯，有朱古力，有橙汁，又有玩具，呢個安排幾好沾面，300g大人份量黎講都夠，食完再請店員加湯飲埋，好正

落雨天不能戶外運動，只好泊好架車去搵嘢食，等待停雨！剛好停起麼地道見到間食日式拉麵嘅餐廳，位置方面，正好同朋友談心午餐！餐廳設計好有日本感覺，每日都有不同的優惠餐，今次同朋友都叫左店長推介的沾麵，見到好特別，佢係用石燒裝個濃湯，麵係自己攞落個石燒湯到沾上濃湯個汁一齊食，好濃的湯味呀，麵質好煙韌！豚骨魚加上檸檬汁，好味。忍唔住叫左個日本沖繩菠蘿🍍啤酒配上。朋友就叫左支日本特色綠茶可樂。再黎一個辛口唐揚炸雞🍗，適合食得辣嘅人試試，好香口好味😋值得再去