風雲丸

营业中

休息中

I wanted to have Japanese ramen with my girlfriend. And we decided to go to Fuunmaru. We finally got inside after queuing for 30 minutes, once inside we got escorted to our seats, and started choosing which dishes to order. But what happened next was just more and more waiting, as the waitress just seemed to go past us every single time, or simply just ignore us. After some time we finally got our orders placed. It took an hour for me and my girlfriend to get our dishes after placing the order.

知道這間拉麵已經開業了一段時間，當天晚上，難得看見它的比較少人排隊，便進去試一試。看完了餐牌後，便點了一碗豚王拉麵，等了一會兒，終於上菜了，第一眼看見這種拉麵，我被他的份量嚇到了，一碗大拉麵配上四至五塊肉，份量驚人。我相信，這裏已經是一份東波肉的份量，再加上450g食拉麵，這碗價值$128的拉麵已經值回票價。拉麵的口感，比較像烏冬，吃落肚子時，十分彈牙，加上擔麵的你秘制醬汁，送麵一流。實在值得推薦。

成日見好多人排隊，剛好6:30pm經過未有人排就入去試下啦我叫左 “石燒濃厚豚骨魚介味玉沾麵”，朋友叫左 “石燒咖哩豚骨魚介沾麵”沾麵汁：好咸! 我食基本口味 - 豚骨魚介沾麵汁，係有d魚味，但係好咸好濃，食唔到仲有其他層次嘅味道。朋友個咖哩沾麵汁仲慘，又咸又濃，到最後都食唔到落去，咸到放棄左通常沾麵最後一個食法係可以加湯飲埋個汁，但呢到完全冇可能飲埋個汁囉….  呢間個Menu寫最後可以追加飯撈埋個汁，我地都覺得根本係挑戰腎功能極限石燒鍋：上枱時d汁都仲好滾好翻騰，呢樣係幾好，沾麵最怕食食下個汁凍晒或者唔夠熱，石鍋就唔會咁易凍晒麵底：我地都叫左冷麵，但係都唔係凍嘅，仲係微暖。質地ok，不過不失豚肉：係唯一可取之處，味道咸咸地，肉質不錯味玉：普通，冇乜特別，好似冇乜味，可能d汁太咸太濃都食唔出有味最後埋單佢送左兩張coupon俾我地下次用，我地即刻將coupon送俾排緊隊嘅人。成晚飲左幾杯大水都解唔到d咸味…

今日一個人去尖沙咀食飯，女朋友星期六要番工開會唔得閒陪我，我唯有自己食個lunch再去接佢收工啦！突然間好想食拉麵，去到尖沙咀馬上就諗起「風雲丸」的龍蝦沾麵啦！大大隻加拿大龍蝦，見到張相都夠哂吸引啦！星期六中午黎到餐廳，人客非常多，要排左大約30分鐘先入到座。我坐底就叫左龍蝦沾麵啦！麵條粗身，麵粉味道濃郁，入口彈牙有咬口。湯底非常濃郁，味道偏重口味，比較黏稠。拉麵掛湯力非常高！龍蝦大大隻，龍蝦膏非常多，鮮甜夠濃香，肉質又夠爽口！溏心蛋味道濃香，蛋味十足。

經過呢間店好多次，終於睇戲前同朋友入去食個lunch，見裝飾好多日式燈籠🏮格外風味！檯上擺放整齊用具，蒜粉、一味粉， 檸檬清水！豚骨魚介拉麵 $88最喜歡夾夾荀，大蔥，豚骨精髓融入湯中，湯底唔算油膩且濃厚，加上特製魚介粉，味道豐富，濃厚惹味豚肉肉質軟稔得黎又有韌口，肉邊小小焦，好香口，自家製麵爽滑嚼口！羽根燒餃子 5件 有原味 /辛口/燒汁，稱得上皮薄餡靚！沙拉唐揚炸雞 5件 都係有原味 /辛口/燒汁，肉質鮮嫩！點埋支三矢蘇打，有氣的，爽爽呀！

今日同男朋友都遲收工，去到尖沙咀都差唔多九點幾，但都仲見到呢間餐廳出面有條人龍等緊 😳 好奇想知呢間餐廳到底有幾好食，我同男朋友都決定等一等！餐廳主打拉麵同沾麵，餐牌介紹話啲拉麵每日都係新鮮製作：可以揀唔同份量嘅麵，由200g到400g都唔洗加錢：枱上面有啲漫畫介紹應該點食沾麵：我同男朋友每人都叫咗個石燒濃厚豚骨魚介味玉沾麵($93)：個石鍋真係超級熱，啲湯上到嚟都仲係滾嘅！而且個湯真係好濃味！😋我哋仲叫咗燒汁羽根餃子 ($38)：個餃子皮煎得好脆，加埋燒汁甜甜哋，好啱我口味！

路過風雲丸，開左咁耐都未試過，於是今日去開就去試下。點左石燒濃厚豚骨魚介味玉沾麵，朋友點左拉麵，另加一客餃子。等左一陣，沾麵黎先，因為湯用石鍋上，所以聞落都幾惹味。麵揀左冷麵，質地係ok，但係食第一啖已經覺得好鹹（已經落埋檸檬汁）。因為石鍋既關係，d湯就好似一直煲住咁，越食越鹹。湯底除了鹹味，就食唔到其他既味道...再來是羽根餃子，上碟既時候脆皮已經有少少倒汗水，可能蒸氣處理得不是太好。另外，因為坐廚房吧枱位置，中間有試過被濺出既熱水彈到...如果大家要食沾麵，可能會有更好的選擇。

位於街角的風雲丸長期滿坐，即使這天特意下午兩時到訪，仍然是滿滿的人潮，非常受歡迎。原來星期一是風雲日，沾麵買一碗，第二碗半價。沾麵亦是這裡的招牌菜，當然要一試。一直也知道風雲丸是以沾麵聞名，沒想到沾麵湯汁更是以石鍋送上。點了石燒濃厚豚骨魚介味玉沾麵($93)，男友則點了石燒野菜豚角豚骨魚介沾麵($103)。石鍋燒熱需時，大概等了十數分鐘，就熱騰騰的一拼上桌了。沾麵有冷、溫之分，冷得吃起來更有嚼勁，溫的帶麥香。兩者均十分掛湯，每條麵條都有種被湯汁厚厚包裹著的質感。一般的沾麵，有一大片灸燒豚肉，非常肥美可口。我的是豚骨魚介湯，非常濃郁，可加檸檬汁調味。吃到最尾口味略為偏重，但熱騰騰的時候非常惹味，就不要讓湯放涼了。至於男友的野菜版本，湯底、沾麵亦有野菜和豚角煮。野菜讓濃湯帶一分甜味，更覺清新。

牛油玉子豚角飯$78牛油飯用石鍋盛上，保持溫度更做出誘人的飯焦，襯熱把流心滑蛋和牛油，拌勻米飯，豚肉沾上蛋汁後，更熱呼呼、香噴噴，豚肉入口嫩滑，滋味停不了，是簡單而美味的皇牌。野菜豚骨魚介沾麵 $103湯底用大量日本豬骨熬製十個小時而成，湯底特別香濃鮮甜，偏油而不肥膩，鮮味突出，魚湯用石鍋分開上，彈牙的拉麵掛上鮮甜的濃湯，配上肥瘦均匀的豚肉及雜菜，材料豐富，感覺健康，十分滋味。照燒餃子$38五件餃子入面材料豐富和飽滿，餃子表面微脆焦香，口感濕潤，充滿肉汁，愈食愈滋味！

之前經過尖沙咀成日都見到佢門口排晒長龍，心諗應該質素都唔差啦，難得今日見到冇咁多人排隊，一於去試下先😏 點了一碗豚骨魚介拉麵🍜賣相都還可以，但一見到豚肉嘅肥瘦分佈就已經扣晒分😰豚肉嘅size大約有一隻手掌咁大，但係肥膏嘅部份就已經佔據了成塊肉嘅三份之二，再食埋個麵口感不硬不淋，咬落去怪怪地，以呢個價錢，不如食個出前一丁好過！講到湯底，本身我食拉麵嘅時候好鐘意連個湯底都飲埋，但今次真係飲唔到，實在太咸太咸啦🥴🥴

裝修好日本東洋風味 , 入口彩色日式燈籠相當吸引。豚骨魚介沾麵$88沾麵分冷麵和溫麵 ，可免費加大 沾麵由200g到400g， 湯底用加入大量日本豬骨熬製十個小時而成， 濃稠味甜， 鮮味突出， 湯底用石鍋分開上， 所以沾麵不會發脹， 亦可保持溫度， 很貼心。 豚肉一大塊脂肪比例， 三分肥肉，七分瘦肉， 賣相吸引 ， 有入口即溶的感覺，一點也不覺肥膩。 沾麵用日本小麥粉每日新鮮打造，爽口彈牙， 每條麵都掛上湯的精華，好味到唔停口。羽根燒餃子$35 五隻餃子皮薄身， 煎得香脆可口， 材料豐富， 充滿肉汁， 好滋味。沙拉唐揚炸雞$38炸雞外皮炸得金黃香脆，熱呼呼， 火候控制剛剛好， 雞肉入口鮮嫩多汁， 配埋沙律醬，更清新開胃， 好惹味 。

一放工超肚餓，想大食一餐又唔想食放題，所以揀左風雲丸，排左一陣隊就走得，間鋪好細，不過客人都好合作，食完就走，所以唔算等左好耐親身試伏，綠茶汽水無乜綠茶味，味道類似波子汽水，偏甜餃子煎風好脆，唔算好油，好快就ko一碟炸雞都好新鮮，岩岩炸起，照燒汁甜甜地，加埋芝麻好香野茶偏淡，只得椰菜同芽菜龍蝦沾麵好好食呀，份量好多，建議同人share,一個女仔食唔哂，欣賞佢個石鍋令個汁保溫，由頭食到落尾都咁熱，龍蝦汁好香濃，龍蝦份量多，肉質較結實加左隻半熟玉子粟米係冰凍，所以落左去龍蝦汁度食有味素既飯加埋龍蝦汁好惹味成餐飯三百幾蚊，每人百幾蚊，好抵食

今日同朋友去尖沙咀搵食，想食d重口味野，就去左風雲丸食，好在係閒日，排左一陣隊就入得！叫左支綠茶啤酒，包裝好靚，但飲落似波子汽水醬燒炸雞，雞肉嫩滑，外皮鬆脆，甜甜地既醬汁令成件事無咁乾餃子不過不失，無咩特別，但係即煎熱辣辣叫碟野菜感覺健康d😂無咩特別，係椰菜加芽菜主角黎喇，一上台個龍蝦沾麵汁好滾，石鍋可以保溫，超濃龍蝦味，沾麵好粗好煙韌，龍蝦有肉但係肉質偏韌，鮮味欠奉，好在龍蝦汁搭救叫多左個粟米撈龍蝦沾麵食，無咁漏最後加左個飯撈汁食，飽到嘔最後食左三百三蚊，都算抵食，不過兩個人下次唔會叫咁多，太飽喇，會再翻兜

朋友好鍾意食拉麵，特登上網搵吓邊間出名。見呢間就係西鐵站附近，就過嚟試吓。豚骨魚介味玉沾面 $93我自己比較喜歡食軟面，所以都揀咗較軟。可能平時食得比較清淡，覺得個湯底有啲鹹，但朋友就話唔錯，因為始終Jim面個湯都係比較鹹～塊肉唔錯幾香，味玉算不過不失。

次次行過都見好多人排 諗住去試下啦點知中左大伏嗌左個豚肉魚介味玉沾麵 明明要凍麵 啲麵係暖既...... 而且淋到一個點塊豚肉成個手掌咁大塊乾到食左一半就唔冇食個味玉仲要係係熟既......嗌左走筍變左走蔥......侍應太多 多到冇嘢做係度大聲吹水🤷🏻‍♀️仲要服務態度惡劣👎🏻👎🏻👎🏻呢間野咁劣係開係尖沙咀先有遊客落搭👎🏻👎🏻👎🏻永久blacklist👎🏻👎🏻👎🏻👎🏻👎🏻