風車

营业中

休息中

同朋友喺大圍覓食，經過油站附近見到呢間風車cafe，個招牌好光猛， 望入入面反而燈光昏暗，好有情調，見時間尚早入面唔多人，朋友又想食西餐，就試下呢間吧。我地諗左好耐，最後老細介紹二人套餐，但朋友唔食得牛，老細特意幫我地將肉眼扒轉做三文魚，好好人！餐前小食:呢個有啲似西班牙嘅tapas, 鬆脆面包上有蕃茄蓉，，開胃之作。是日餐湯：龍蝦湯湯煮得唔算太濃，有加入橄欖油，飲落唔會好濟。凱撒沙律沙律菜新鮮，芝士煙肉都足夠，二人份量剛剛好。波士頓龍蝦意粉呢個意粉睇得又食得，份量好多，龍蝦熱辣辣，芝士在半溶狀態要趁熱食，龍蝦肉新鮮爽口彈牙，冇霉冇鞋，好好食！香煎美式三文魚厚件三文魚好難剪得靚，呢度整得得啱啱好，擺碟好靚，有好多配菜，車厘茄好甜，配以三文魚啖啖魚肉，好快食哂。飯後甜品老闆話晚晚甜品唔同，今日係檸檬芝士餅，酸酸甜甜，食埋呢個就飽哂！

今日難得準時收工~決家帶媽媽去大圍食一間同事大力推介嘅西班牙菜嘅酒吧~ 見到佢有個二人套餐~二人同行價都只係338~頭盤就有凱撒沙律二人份量~湯我哋一個西式餐湯另一個係龍蝦湯~主菜就係紐西蘭肉眼扒配焦糖菠蘿~另一個就係波士頓龍蝦意大利粉~跟住嗌咗兩杯水果茶一熱一凍~等緊食嘅時候就欣賞下餐廳嘅萬聖節氣氛同裝飾~好鍾意佢有盞吊燈好靚呀~前後都有大電視睇~一上檯嘅就係番茄橄欖油麵包~不愧係西班牙菜嘅餐廳~之前喺巴塞隆拿旅行嗰陣時~當地嘅西班牙餐廳就真係有呢個前菜㗎!!個蕃茄麵包脆脆口幾好食~凱撒沙律份量都唔少呀~啲菜又夠新鮮~仲有啲麵包脆片~個湯就係甘筍南瓜湯同埋係龍蝦湯~兩個都用料十足~媽媽表示好鍾意濃濃既南瓜味~而我就好鍾意個龍蝦湯!係真係食到有龍蝦肉喺入面!!真材實料!!個龍蝦意大利粉一上枱我哋兩個都WO咗一聲!係好大隻嘅龍蝦!!好鮮甜!!而且我好鍾意佢啲意粉炒到非常之彈牙!唔會過林!用料十足!仲有蘑菇仔同埋蘆筍仔!個紐西蘭肉眼扒配焦糖菠蘿仲正!竟然係一大條原條菠蘿上枱呀!!新鮮菠蘿非常之好食!肉眼扒因為我哋叫咗五成熟~非常之正!唔會好似有啲餐廳咁煮到過熟過硬~見到佢咁鮮嫩又紅紅地既肉

今日黎大圍搵朋友食飯，我話想去間靜靜地可坐低傾下計嘅餐廳，佢就帶我黎呢間餐廳。呢間係restaurant & bar，所以𥚃面環境比較暗，但幾靜，而且播住英文歌，令人感覺好放鬆。我地點咗2個appetizer，2個main course，都好有驚喜，原本只諗住隨便搵個環境舒適嘅地方，點知食物質素都唔錯。蒜香一口牛個汁甜甜地好香濃，再配上香蒜，十分滋味。意式辣肉腸炒大蝦辣肉腸有好重cumin嘅香味，好特別，蝦嘅肉質好爽口。帕爾瑪火腿薄餅好traditional 嘅菜式，pizza底好香脆，上枱時仲係熱嘅，配上有鹹香嘅Parma ham同火箭菜，非常好吃😋香煎鱸魚配鮮茄蓉個魚好嫩滑，尤其是魚腩部分。茄蓉甜甜酸酸，十分醒胃。

上星期約左朋友一齊到大圍食飯朋友住在馬鞍山 所以約食飯都會約大圍🤣 唔使特別入去 今試一間朋友講環境錯的西餐廳 佢是一間restaurant and bar 睇波時節應該好多人一齊黎飲野睇波 今次我地黎時冇波睇😂 所以餐廳環境都是静静地好適合想食美食又傾下計的人黎我地叫左個Set Dinner 因為想試下唔同湯 所以加左15蚊轉左一碗龍蝦湯🤣龍蝦湯十分香濃而蘑菇湯都好足料 係新鮮蘑菇蓉 唔係罐頭湯如果想試兩種湯的朋友 記得飲蘑菇湯先🤣因為龍蝦湯香濃過蘑菇湯好多 前盤有蕃茄脆麵包 分量細細地 剛剛好仲有沙律前盤 沙律就是普通沙律😂Main 有龍蝦配意大利粉龍大利粉比較淡味咗啲但龍蝦係唔錯仲有肉眼扒配焦糖菠蘿肉眼扒正常發揮 係唔錯我想特別講一講菠蘿酸酸甜甜好好食 💛仲有甜品同花茶~~甜品細細件 好香草莓味❤特別中意花茶❤❤❤ 真係好香 食完晚餐 飲住花茶同朋友傾下計真係好正

趁住秋高氣爽，決定同男朋友黎個大圍大埔單車遊。臨入黑前要番黎大圍還單車，運動量大，腳又攰，對腳好似唔係自己咁，一定要搵個環境舒服既地方食野，慢慢坐下抖下，西餐應該係一個好選擇。誤打誤撞，俾呢間bar既餐版吸引左入去。雖然係一間bar ，但裏面唔嘈，有情侶亦有一家三口既黎食，咁岩又有波睇，正呀！一坐底就有餐前小食，蕃茄配上脆多士，酸酸地，好開胃。🍺BBQ黑椒雞翼:黑椒同蜜糖味我最like。雞翼連裏面d肉都好入味。🍺香煎鵝肝：鵝肝煎脆左表面，鵝肝下面仲有脆多士同青蘋果，仲伴住d酸酸甜甜既汁，好估應該係d野莓汁，成件事好match，一齊食一d都唔流。🍺三文魚pizza：煙三文魚，加薄餅底，好好食。如果用黎送酒一流👍🏻🍺法國春雞：雖然係春雞，但係勁多肉又好juicy。春雞應該用左好多香料，味道好豐富，單係食雞已經好好味。想重口味d，仲可以點佢付上既醬汁，好得意有d薄荷同辣辣地既味道。最正係佢地出菜好快，岩晒我地做完運動勁肚餓，要急急補充體力既人。

今日係anniversary 我就book咗呢間係大圍嘅西餐同女朋友慶祝🙊 呢度環境雖然偏暗 但勝在好有氣氛 靜靜地傾吓計都好舒服😌 店員好有禮貌 招呼唔錯我地嗌咗個番茄水牛芝士沙律 蒜香一口牛 香煎海鱸魚配鮮茄蓉 Parma Ham Pizza一嗌完餐 店員就送咗碟餐前小食俾我地 呢碟係西班牙沙律包 份量雖然唔多 但麵包好香脆 而且醬汁酸酸地幾開胃😋前菜嘅番茄水牛芝士沙律🥗 夾住番茄同水牛芝士 幾fresh又唔會好膩蒜香一口牛 呢個整得幾好 唔會話好韌 味道亦都好夠👍🏻香煎海鱸魚配鮮茄蓉 呢碟魚好有驚喜🐟 魚柳好厚 而且好鮮味 好嫩滑多汁 配埋鮮茄醬更加好味 下面嘅薯蓉亦份量好夠⭐️ 旁邊仲有番茄仔 成碟都充滿番茄🍅Parma Ham Pizza🍕 有好多芝士😻 仲有得拉絲添🧀 個邊好脆 非常吸引😗腌尖嘅女朋友都好滿意今日嘅餐廳🍴 佢仲話下次要再黎🤭 好開心老細佢咁滿意☺️

大圍出名都多野食, 但比較有格調氣氛的就不太多, 經過見到呢間餐廳, 兩個人想靜靜地食下野傾下計係一個唔錯的選擇, 夜晚仲係酒吧, 有波睇, 但個人覺得光線比較暗, 可以光返少少, 我地落左order後, 就即時上了一份餐前小食, 應該係包, 但就好脆口的, 表面舖滿鮮茄醬, 味道清清地, 但又食到醬的新鮮, 配上脆口包, 好match, 凱撒沙律, 蔬菜唔係太多款, 但好新鮮, 沙律醬汁恰到好處, 好啱我口味, BBQ黑椒雞翼, 微辣, 濃濃的BBQ醬包住每隻雞翼, 肉質亦可保持嫩滑, 喜歡濃味的朋友, 一定要試試, 主菜一份西班牙黑毛豬, 好厚身, 肉質嫩, 肉汁多, 味道偏淡, 但就可以食到黑毛豬本身的味道, 另一份香煎海爐魚, 份量多, 有兩大塊, 好抵食, 本身不太好魚的我, 都試左不少, 下次想約朋友飲返杯又唔想出九龍, 又多一個選擇了, 

愈來愈多人特登入黎搵大圍搵食，豬仔雖然住呢頭但到未試哂大圍既餐廳，無意之中喺OpenRice見到風車呢間評價相當不錯嘅西餐廳，就相約男友一齊去試吓新野餐廳環境唔錯，而且原來仲係一間酒吧黎得閒可以約埋朋友仔睇下波飲下酒一坐底，職員就送上蕃茄包作餐前小食麵包火金呢度既菜式都幾多，除左散叫，仲有套餐可以選擇豬仔最後揀左2個自選套餐同一客帕爾馬火腿配哈密瓜好抵！！ 點一份套餐就可以以優惠價$39 享用哈密瓜好甜，配上帶有咸香既火腿片一齊食，味道口感一絕頭盤揀左手撕豬肉鑲薯皮手撕豬肉好入味，鑲入烘得微脆既薯皮再配以撈左黑醋汁既沙律菜一齊食酸酸甜甜好開胃波士頓龍蝦意粉龍蝦夠新鮮，面頭怖滿左芝士好正紐西蘭肉眼扒配焦糖菠蘿🍍份量足，仲有D 蔬菜同薯角作伴菜焦糖菠蘿第一次食超好食，一覺唔覺意食哂成舊豬仔男友見到我無留俾佢食佢怒視左我10秒肉眼扒揀左5成熟肉味香濃嫩滑呢一餐食到好飽2個人食人均$250， 價錢尚算合理

本來想去大圍搵食市集試下新嘢但見座位唔多 而且環境比較迫夾於是就四處行下 見到呢間西餐廳門面幾雅致， 自己都鍾意食西餐 於是就試下啦價錢中等 ，環境亦算唔錯麵包比較硬 ，而且乾身， 有啲番茄鋪麵包上面。是日餐湯係蕃茄湯， 都算幾開胃酸酸甜甜味道唔錯加錢轉換龍蝦湯， 味道香濃 仲有少少龍蝦肉 感覺比是日餐湯好好多凱撒沙律簡簡單單作為一個開胃前菜都算唔錯意粉份量太少 ，龍蝦肉亦唔新鮮， 口感較"鞋"， 入口不佳。五成熟西冷牛扒肉質都算唔錯， 牛扒都算幾厚身唔知係紅莓定係紅桑子嘅甜品蛋糕， 酸酸地都算唔錯水果茶 幾清香整體感覺都算不錯， 都叫做可再一試

約朋友出去食飯及飲嘢，多數是去尖沙咀，但今天朋友推介及帶我哋入到去沙田大圍（風車），這餐廳是有酒吧連餐廳一站式， 餐廳設計得好輕鬆休閒， 環境好舒服，仲帶點英式風格，享受美食之餘又可飲杯嘢，暢談一番，而且交通都十分方便，所以下次我們都日後可以移師到大圍，找找有風車的餐廳。先嚟免費餐前小食，西班牙蕃茄包。韓式炸雞$65 炸雞有少少辣不過外脆內軟甜甜哋又幾好味。海鱸魚配蕃茄仔$159 廚師將鱸魚煎至金黃香口，而肉質保持嫩滑不老，十分有水準。鵝肝$109， 將鵝肝煎至香口，好香鵝肝味道。帕瑪腿薄餅$119 我最喜愛就係食到薄而脆口，好似餅乾的pizza，不是那些厚厚的，同時再加埋用帕瑪腿舖在面層，味道一流。Strawberry Coland $65飲落去好有士多啤梨味道，好香好軟滑，最緊要係夠凍。Cool Mint$65味道好清新冰凍。

一直都聽朋友講呢間餐廳係大圍好好食，今日終於試下。由大圍站行大約7分鐘左右，好食嘅鋪頭果然會偏遠少少。鋪頭外面令你以爲只係飲酒🍻點知食物又幾好食喎呢個係額外送嘅, 上面有fresh🍅包皮超脆🤤我同朋友7點就到咗，所以鋪頭冇咁多人，食到一半已經開始多人我地兩個人叫咗個二人餐沙律🥗fresh👍👍個醬又好食我地加$15叫咗個龍蝦湯🍤，同粟米湯估唔到龍蝦湯真係真材實料，仲有蝦肉係入面👍好濃好好飲，新鮮粟米湯夠曬濃龍蝦又大隻👍但略厭意粉偏淡，應該係凸岀龍蝦嘅鮮味肉眼叫咗7成，薯角夠曬脆整得岩岩好，未去到全熟，肉質幾靚，肉汁鎖實係入面，幾juicy ，汁又幾特別甜品🍮係熱情果芝士蛋糕🍰，岩岩個餐已經好飽，細細件夠曬體貼，上面個層係新鮮熱情果整成🤤唔會好甜，個餅底又配搭得幾好👍我同朋友都覺得呢餐真係完全值呢個價👍行過大圍一定會再試其他

落左個幾星期雨，心情跌到谷底既時候，食番餐好既調整下。大圍都幾多咁野食，呢間真係第一次黎食。前菜係茄蓉多士，酸酸地幾都開胃。荳蓉湯，好真材實料，食到啲蓉。同埋又唔會好草青味喎。蕃茄醋帶子沙律，個人都幾鍾意沙律配醋，仲有帶子個種少少海既味道。原來睇住外面落住雨飲野真係幾舒服，有啲想訓着。Peach Cosmo, Green Lily。個人鍾意Green Lily夠清新芝士龍蝦露筍炒意粉，欣賞佢個龍蝦汁好夠龍蝦味 露筍都好嫩燒春雞半隻，雞肉唔un，薯仔好入味。

呢日去到大圍想搵間少人啲靜啲嘅餐廳食晚飯，行到積存街見到呢間酒吧，環境唔錯，望吓個餐牌，有二人餐 — 頭盤、湯、主菜、甜品都包，都唔算太貴喎~鍾意呢度夠寧靜，入面唔大煙味，又唔會好嘈，好適合嚟傾計～上菜前店員俾咗盤西班牙蕃茄包，比一般嘅西餐餐包好好多。套餐嘅係粟米忌廉湯同 caesar salad。龍蝦夠哂大隻，意粉唔係用啲咩出色醬料或用好多材料，反而能襯托出龍蝦嘅味道。肉眼扒都唔錯，有啲脆邊，特別之處係配咗焦糖菠蘿，估唔到又幾夾喎。最後仲有甜品，係熱情果芝士蛋糕，味道都幾甜，但好彩佢嘅份量唔大，唔會食到滯。

放工後, 朋友提議黎呢間酒吧食飯話保證小妹會滿意, 於是就充滿期待黎到 因為小妹有小小路痴, 朋友比左個指示: 只要大圍站A出口一出, 一直行到尾轉右就到 果然6分鐘就到! 好搶眼既門面!雖然叫酒吧, 但座位都幾闊, 同隔離枱都有一定距離 酒吧當然要有大電視播球賽乾淨整潔既水吧, 抵讚 menu 有Set dinner, 有drink list小妹就散叫左以下:Ginger Ale & Coke (各$35): 因為第二日仲要返工, 決定唔飲酒   西班牙番茄包($0): 你冇睇錯, 呢個係免費既小食,  酸酸甜甜既蕃茄醬同脆身既麵包條好夾! 好開胃 parma ham蜜瓜($39): 見佢做緊特價, 所以叫黎試下, 蜜瓜清甜! 呢點好重要, 可以中和parma ham既鹹  蒜辣大蝦 ($72): 有5隻蝦, 薯仔, 同腸仔 , 配搭好有風味, 雖然叫 蒜辣大蝦, 但係係唔辣既, 蝦鮮味同大隻 三文魚薄餅($119):  大大塊既煙三文魚配薄身既薄餅, 燻香既風味加上有彈性的三文魚肉, 配熱騰騰薄餅既感覺真好 乳豬拼薯角沙律($179): 呢個係店員介紹既, 真係一大塊既乳豬上枱,

朋友係大圍住，佢話風車係呢區算做得出色，無論食物烹調及餐廳氣氛都好好，而且坐得好舒適。早幾日朋友就終於帶我去一試，我地叫左個套餐，是日西式餐湯係粟米忌廉湯，另外仲附上送湯嘅鮮蕃茄多士。自選頭盤就揀左BBQ手撕豬肉釀薯皮，食落有少少辣好惹味，係道開胃嘅頭盤。主菜我地就揀左香煎海鱸魚配鮮茄蓉，醬汁好特別而魚塊煎得好甘香，蕃茄就非常新鮮。另外仲叫左個珀瑪腿薄餅，熱騰騰又香脆嘅薄餅配搭西班牙火腿和橄欖，食得十分滋味！