風月日本料理 (已結業)

好即興約朋友食飯，朋友原來放假，結果很意外地入了荃灣，順便在這個曾幾可時經常踏足的一個社區周圍逛。朋友堅持不要吃大集團經營的店，要食"地道野"，結果來了這兒。蠻喜歡她的野菜拉麵，野菜很多很新鮮，拉麵不是平常吃的質感，比較"lup"。朋友的炸軟殼蟹芝士焗飯，份量驚人，望見已覺漏，吃下去，芝士味頗重，炸軟殼蟹我個人覺得很差，好無味道，大而無當，朋友卻不介意。鹽燒多春魚不錯，唯味道稍淡；餃子雞翼一般。服務環境可以。朋友很感激我帶他來這兒，頻說要再來。對他這個屯門人來說是可以的，我呢。。。

以前去過兩三次都係晚市, 聽朋友講lunch set平但好少夾到時間, 試過2點幾到佢地就已經落場平日下晝去風月, 大約2點都仲會有lunch set但主意, 只係平日先有, 同埋佢地比較早落場果日入去問下啦~ 咁岩仲有不過正當我睇完menu諗住叫野食ge時候...佢就同我講呢款停左, 果款又停左...我心諗...無咖喱, 無雞, 無天婦羅... 都無左1/3個menu...不如你地早d 落場算數啦~最後叫左個燒牛肉定食, 豬扒鍋蛋飯, 同埋我最想食ge 鰻魚壽司!以前食呢間都係最鍾意佢地d 特長鰻魚壽司~ 又抵食又好食而d fd就鍾意佢地d 特長三文魚壽司, 因為更平!不過依家已經無哂優惠價之外, 仲左價...等左陣d 野食終於送黎, 不過奇怪ge 係...以前食佢地ge 鰻魚佢地一定係即燒, 仲燒到我都聞到不過當日我完全聞唔到燒野味...唔通佢地係整落ge? 一試...真係無以前咁好食不特止, 口感好差, 唔多新鮮咁...即刻好失望... 諗住睇下lunch set點啦賣相都仲ok, 不過味道呢...牛肉d 味好怪, 我女友愈食愈唔對路, 最後淨番好多豬扒鍋蛋飯仲犀利... 擺明係

今日同上星期四因為去左附近既育嬰園實習而朋友話依間野食ok所以我地就來左都0岩既,食物係幾好上次食燒牛肉定食跟沙律,麵豉湯同野飲($33)個定食味道好似吉野定既牛肉,但佢d飯好唔得,勁淋沙律好味!今次食滑蛋天婦羅,都有沙律,麵豉湯同野飲($35)天婦羅唔錯,但d飯又係唔得..好似尋晚賣剩既飯咁..!!!!同埋依間野既服務態度超差有個女侍應好似黑面神咁好唔得!

服務勁差出野食勁慢又唔係好食過人...等佢d野食仲耐過食野既時間呀落錯單...打返轉頭啦..等左幾勁..之後聽到個師傅好大聲咁問頭先個個仲要唔要架..我一聽到即刻取消佢走人呀.....激死!

尋晚(21-9-2007 Fri)舊女同事M請我食o既生日飯,大約7點到o黎,冇咩人,我o地坐o係最入面最貼整o野食o個張兩人枱,我o地叫o左:1.招牌蟹子肉鬆沙律(細)M同我都好掛念呢個招牌菜,其實一直都知佢從最初抵食夾大件到成名後,size好快就縮水,不過呢樣真係幾好食,所以要叫.有幾片生菜墊底,幼幼o既青瓜絲上舖有肉鬆同蟹子,份量小o左好多,食落,蟹子有啲腥,不過我o地唔介意,因為咁即係話呢啲係真蟹子,唔係假o野.青瓜絲依然夠清甜,配上肉鬆同蟹子,口感係一流.M察覺到幾乎每枱客都叫呢個沙律.4.碗仔刺,列明有兩隻甜蝦,四片墨魚,四片帶子,四片北寄貝,四片三文魚一直欣賞呢個名改得幾好,但尋晚第一次食.所有刺身整整齊齊咁排列o係蘿蔔絲同冰上.刺身尚可,但略嫌北寄貝同墨魚切得太薄,墨魚更切成條狀,且有根.但三文魚則較厚及比較大件.2.炭燒雞串及3.炭燒燒汁豬頸肉上面淋有同樣o既燒汁,幾杰幾濃,食落,好似食唔到雞味,豬頸肉份量唔小.味道都係一般.我略嫌燒汁鹹o左啲.5.汁燒牛肉拉麵牛肉似係打邊爐o既肥牛,麵身夠淰,味道都OK.份量亦唔細.我o地成晚都要你推我讓,因為真係幾飽.埋單$197

張相係幾個月前,刺身新鮮,鰻魚燒得夠香,雜錦海鮮鍋燒烏冬亦都好好味,不過大家緊記唔好太早去食,因為質素絕對差好遠....前幾日,因為太肚餓,六點一開門就入去,到六點半都係得我地一枱客,點知...佢d壽司飯全部係冷硬飯,連個焗飯都係咁,因為怕胃痛,我幾乎無食d飯...不過我相信只要七點後去應該無問題既

上個星期同個同事夜晚放工去石屋食野，因為以前不嬲去開隔離，今次過左黎試下，嘩，好大驚喜！三文魚好低！我地仲食左芝士炸蝦反卷同魚生冷面，真係好好味！！我地都叫左個清酒煮蜆同蟹子沙律，一個細既沙律都超級大！又好味！值得推介地方都幾企理，幾舒服，但個洗手間就驚少少，滴水，燈光又暗！另外最搞笑既係有個爆炸頭既待應生係咁同我地講野，佢好搞笑！幾個待應生服務態度都好好，好好笑容！但我地最鐘意都係爆炸頭哥哥！！

已經幫親過好多次, 覺得幾抵食同最重要係味道都唔錯!都有留意到有時唔夠staff, 野食會出得較慢亦有見過有waitress 幫隔離枱落錯單. 不過都唔係成日都係咁. 整體都oksalad 份量好大, sashimi 算新鮮. 不妨一試

此食肆服務態度其差...給錯食物不特止...後來才送上岩0既食物...當時我們已經食得很飽...便取消左碟野...個職員再行返黎話佢地好難做...強行要去我們要左碟野食...最後我地都冇要到...點知0個d職員就0係水吧與廚房之間對住我地指指點點...間野咁細...以為我地唔知...諗住同佢地理論...之後仲要同我地鬧交...咩職員黎架...叫佢地叫個老闆出黎...佢地仲求其搵個洗碗阿姐出黎頂當...明眼人都睇得出啦個阿姐唔係老闆啦...鬧交鬧到想打d人顧客...大家千祈咪去呢間野...俾$食野仲要受氣...

其實服務都唔係差者....我前個個禮拜有個朋友帶左我去食Lunch...我同個朋友一人叫左個set Lunch食...咁order完就梗係周圍睇下個環境架la~點知一抬頭就見到個待應忙到踢哂腳...一邊入客~~一邊加茶~~又要幫人落單又要出餐又要出飲品....(=-=)從一開始就冇見佢停過一秒....但係其他人又要不停叫個待應(加茶~追單~攞呢樣個樣)叫人唔到就話人地服務差...慘就慘在個待應唔係唔應..宜係慳係應唔到...最無陰公既係人地成個鋪面得人地一個女仔做得你邊樣丫??....見住其他客明屈....又有一晚行過~又諗起間野抵食夾大件咪又去食下囉～～點知．．．order完之後聽到隔離枱大大聲叫<我都唔係叫八爪魚,我係要芥辣八爪魚阿>個待應好無奈咁走去轉過第二碟比佢~~當個待應攞到過去既時候...個人又叫<我都唔係叫呢碟..呢碟咩黎架?>個待應話<係芥辣八爪魚>點知個人就(再次尖叫,務求令全鋪頭既人都聽到)講<我唔係要呢碟ar...我要既係紅色好細隻既八爪魚喎>跟住我見個待應死死地氣咁攞返碟野過去壽司枱(仲要比人(好似

幾次都係夜晚去, 不過夜晚$33可以埋單ge日本菜真係少之有少, 但食落差過吉野家少少, 唔係真係太差次次去都叫個牛肉定食, 味道真係唔錯不過係D牛太肥, 肥肉太多, 其他野都OK午市去風月食左一次, 仲平, 而且定食選擇仲多D添, 我覺得佢午市個牛肉定食好食過夜晚, 唔知係唔係唔同師傅呢?不過侍應態度就麻麻, 唔識主動加茶加水, 午市既態度就更加唔好, 可能想d客食完快d走做第二水客啦

1. 服務奇差- 十問九唔應一入到門口同佢講要兩位, 服務員(相信係老闆)響度唸緊比邊個位我地, 但佢竟然唔應我?! 你唔應我我真係唔知你聽唔聽到, 我連續講左3,4次佢都冇理我, 最後安排左個位比我都依然冇正面同我講過野, 真係好大牌, 好似唔怕冇生意咁, 雖然係星期六好多人, 但都唔使咁對D客呀? 我睇你幾時執!- 要我地飲人地飲過既水因為我地個位係人地換比我地, 佢地桌面D水有冇飲過我真係唔知, 所以我要求換過杯水, 佢居然同我講話之前人地未飲過, 人地有冇飲過我唔知, 我只係知道唔放心, 而家個客叫你換就換啦, 多多聲氣, 換杯水都有問題?- 食魚生壽司冇醬油我地個位冇醬油樽, OK我唔怪你, 我知你地想桌面多D位, 但我叫左呢D野你係咪應該自動自覺比我呀, 下下要凡開聲問?- 整野食奇慢隔離幾張枱遲過我地叫竟然可以早過我地上, 甚至我地落左ORDER先入來凡客人都可以早食過我地, 唔係魚生宦咁難整下話?2. 味道/質素-同晏晝果餐有乜分別?我中午時係自己煮既, 夜既去左呢度食, 個大廚居然整得出我咁平庸既咪道, 真係厲害! 原來阿豬阿狗都可以做大廚.- "雪完美"魚生d魚生好

家姐帶我黎食LUNCH，當慶祝生日。●三文魚刺身(1磅)：好肥美新鮮~●壽司：帶子、北寄貝、甜蝦普通，唔鐘意甜蝦連埋個頭上，蚊個頭出黎時吊住D野~ 好核突咁~(一n 一" )●大蝦北寄貝沙律：店員話無哂大蝦，但係我地又想食北寄貝沙律，問佢可唔可以落多少少北寄貝~ 佢又唔得~ 同埋話無左大蝦價錢都係一樣喎~攪錯呀~佢晏晝開舖無耐就無大蝦已經唔o岩~ 仲要唔肯比多少少北寄貝~ 過份~ 不過我地都係照叫左~(一.. 一" ) 嗚~ 感覺好蝕底~※整體黎講食物質數都幾好~ 如果近近地去開呢頭都會去呢間o既~

芝士軟殼蟹焗飯e個真係唔好揀~唔係唔好食~係好"漏"~和風牛肉鍋飯~e個真係好食~又多wor~跟著叫埋最抵食既三文魚壽司~都已經可以好飽最緊要係便上次5個人都係食左280$到風月值得推介

下晝去左依度食飯壽司方面,叫左個88元拼盤, 壽司o既飯幾實, 唔會夾幾夾就爛晒日式炒蜆, 係幾辣架, 但幾好食服務態度都幾得, 唔覺得有問題