風月堂 (已結業)

今晚同男朋友睇完<魔疫>黎呢度食飯啦..點知我地企左係門口十分鐘都無人帶位.. 無人理我地..我地咪諗囉.. 係唔係自己行入去座低就得架喇..點知行左幾步就有個阿姐話: 你地係出面等陣先啦..(我見到係有兩張枱無人既)ok.. 你咁講到.. 好.. 咁咪企係度等下囉...點知我地等多成十分鐘都係照舊係無人理我地囉..ok.. fine.. 算數.. 閃人...服務態度勁差... poor...下次一定唔會再去食...

自從2日前食完青葉，心心不憤，覺得香港一定有更好的日式料理就在《開飯喇》搵到這家餐廳今晚，心血來潮，決定要試入到餐廳，一陣煎格仔餅的香氣瀰漫於半空，可以確定自己冇揀錯餐廳了卡位好過癮，有「Cool筍」一邊一個，好舒服~燈光稍陰暗，格局就是絕妙Order了3個夕餐(套餐)：2客肉眼扒連炸生豪@$981客龍蝦併天使麵@88連餐湯/沙律，甜品，飲品頭盤：1.薯仔湯：每啖都有薯仔蓉2.沙律：酸味搭生菜恰到好處，連唔鐘意酸的都話美味主菜1.肉眼扒：一嚼下去，就是非常嫩滑，口感鬆軟極了2.炸生豪：不太油膩，好味到一下吞掉了3.龍蝦：一進入口腔之中，鮮味龍蝦汁周圍遊4.天使麵：眼看沒特別，入口濃郁的麵味融進舌頭甜品雪糕併格仔餅併忌廉：個雪糕球壓住忌廉之上，一啖暖暖的格仔餅，一啖冰凍的雪糕混Cream絕妙！scrumptious！同上左天堂一樣，是享受的一餐......寫意至極總數：about$312無端端在銀包發現一張優惠券結數：$278張相影得差左，勿見怪"

今日嗌左個好似叫腸仔奄列飯再加個3式鍋夫個腸仔奄列飯好似快餐店D飯咁,冇乜特別, 味道不過不失3式鍋夫, 即加有3個雪糕球(MANGO, 士多啤利及朱古力)在鍋夫上, 鍋夫暖暖地, 不過比起UCC嘅薄咗D, 味道又係普普通通服務一般, 但咁嘅價錢真係唔值囉....

個朋友唔係咁肚餓....所以只係叫左一個set dinner同一個意粉...set dinner係銀鱈魚帶子定食....銀鱈魚燒得好香...好好味...帶子就一般....有湯有飯有生果仲有甜品同野飲...$95好抵...至於個茄汁素菜意粉就保持一貫水準....服務態度幾好...環境唔錯坐得舒服...

等運到（45）：為了那杯熱咖啡睇《卧虎》前，與女伴到這兒吃late lunch。點了份「煙三文魚沙律」下午茶餐（$42），三件捲起的煙鮭魚味道都OK，沙拉係鮮水果切粒，幾chunky，份量恰好係tea set 份量。餐飲要了‘招牌’熱咖啡，依然香濃甘醇，係享受！女伴點了份「公司三文治」（$50），層層蔬菜肉餡（青瓜、蕃茄、西生菜、雞胸肉、煙肉、雞蛋、???），用料四正，唔油唔膩，賣相漂亮。拌碟配菜都好仔細，配食的炸薯角香脆，拌碟的甘筍幼絲清新可愛。（$50 一份Club Sandwich 好似幾貴，但造工精細，其實都算取價公道！）女伴點的凍水果茶（$36），亦是手工之作，以新鮮水果切粒煮紅茶，好香果味，略嫌細杯左些少，…。兩個人，埋單$148，略貴但幾好坐。食品製作仔細，願可保持水準。埋單一環，仍然糟透，第一次叫埋單，女侍應聽完便無跟進，結果十分鐘後再叫多次埋單，三分鐘內攪掂。唉！

補請朋友仔食飯，提議食風月堂，以前新世紀有，就冇興趣食，冇就好想食...三個人叫︰炸雞籃- 誤會朋友仔想食，叫，炸磨菇& 炸雞件，味道一般煙三文魚薄餅- 幾好味日式唔知咩炒烏冬- 都幾好味香蕉玉桂朱古力窩夫- 好好味，唔太甜，窩夫又脆紅豆忌廉酥盒- 賣相好靚，味道ok，但太甜個main & desserts menu都好吸引，尤其係desserts，樣樣都好想食，好難取捨，等奧海城開一定要去食過...係百老匯戲院網有九折coupon...

同同事celebrate birthay，由於壽星女一直想響風月堂食，所以我同另一個人一早就已經去霸定位﹗set lunch$63加一，響kwai fong黎講算貴，不過d位坐得幾舒服，同埋service都幾好﹗食物普普通通，不過不失咁啦﹗值得一提既係餐飲，佢d凍chocolate幾好味，好濃既巧克力味﹗

葵芳一向感覺是隔濊地帶，不過我卻很喜歡去，皆因那裡很多睇。早前某星期日，約了男友到葵芳逛街，順道去風月堂吃甜品。入內發現甜品價錢調低了！從前我最喜歡吃的雪山只是$60，平了四分一。跟男友二人要了一客炸薯角、咖啡朱古力芭菲和朱古力雪山，味道(我指甜品)勁正，杯咖啡芭菲內裡有爆谷，好過癮；雪山一如以往的出眾，但今次唔記得少cream，好飽；薯角太了，同埋吃到有少計胡椒粉味，懷疑是否廚師誤將胡椒粉當成鹽，不過味道又幾得意！

同女朋友及她的幾個中學同學食tea ，我同女朋友叫了一個凍餅+ 雪糕的tea set ，再另試了一杯榛子咖啡! 凍餅要了件檸檬芝士餅，一層檸檬蛋糕+ 一層檸檬芝士餅，口感清新唔太膩，朱古力雪糕好滑，但食不出是那間公司出產的。榛子咖啡有榛子香，整杯口感幾rich，但女朋友寧願飲跟餐的咖啡，不過都真的不錯，無咁甜! 星期日下午人並不多，環境舒服，不錯啦!

睇完‘鬼域’，便跟女友到這兒。週六下午點九，點了份$63 午餐，另配杯$32 凍飲。埋單$105，可以食煙，算OK 啦！前菜是「鮮蝦雜菜米卷」（沙拉菜新鮮，醋汁清新，絕對係比美乃滋和千島汁好N 倍！）。主菜係「扒雞扒煙肉伴炸香蕉配蒜蓉汁和薯菜」（雞扒係雞上腿，算少雪味，幾軟幾juicy。煙肉係少肥多肉那款，唔會過鹹。炸香蕉係裹天婦羅炸漿，唔油膩仲好好味。煙薯角夠熱唔油膩，配上味粉，相當惹味。灼甘筍球和蜜糖豆甜美）甜品係「豆腐雪糕」。飲品挑了「熱咖啡」，配上日式奶精，係特別香濃幼滑，相當醒神。另點一杯「凍檸檬薑蜜」（$32），檸檬係分開上，好貼心。加入薑粒的蜜糖水，幾好味，賣相亦漂亮。店家亦算老實，冰塊唔算多。（最怕飲那些大半杯都是冰塊的加錢凍飲，感覺唔值。）服務態度係麻麻地，但都叫做好過‘麻布茶房’些少。動作係慢，六個女侍應做廿張枱，都慢到扒係到，大概係能力問題！埋單埋成五分鐘！

星期日去左食Set Dinner,價錢由$85-95,只係食意粉其實就貴貴地,但算啦,我想食雪糕Waffle.點知D侍應組姐個個態度惡劣,我地4個人叫左4個晚餐,但有一個遲遲未到,到我2個朋友差不多食完,個晚餐先到.冇幾耐佢地就問我地要什麼餐飲,但冇問甜品要什麼雪糕,我仲諗幾好呀,以為D侍應咁體貼,見我朋友個主菜啱啱上,驚D雪糕會熔,所以一陣間先問(BTW餐飲都問左我地3次飲什麼,唔記得唔該用將紙寫住,唔好懶醒,而且我地只係叫1杯冬OT,ICE COFFEE,熱奶茶同凍奶茶,有幾難記呢).上完餐飲後,冇幾耐居然自動自覺上埋甜品(4個Strawberry Waffle),我朋友問點解冇得"簡",但個侍應唔應佢,放低左就走,而且個雪糕重要係熔熔地.另外,吸煙區冷氣完全唔夠都係問題之一.真係唔明同一個集團,點解沙田同葵芳可以差咁多?唔怪之得旺角嗰間執左粒,再係咁葵芳都就快執.我寫左將意見書架,唔知會唔會有人收到.

復活節假期仍要返工,想食餐好d既,行左幾間都無乜心水,突然諗起好耐無黎過呢度,睇下門口menu又幾好喎,今日就風月一下啦。裝修同以前唔同左,感覺貴氣過以前,望落都幾靚,搵日黎tea tea先。羅宋湯: 味道唔錯夠味夠熱,湯入面仲有唔少蔬菜同牛肉絲,足料,不過可以杰少少更好;甜餐包又係夠熱,加埋半軟牛油,lam晒利!!大蝦三文魚天使麵(香草牛油汁): 睇個名好似好勁,大蝦喎!點知上檯時...呢隻最多咪算係中蝦,點睇都唔覺佢大囉。味道又幾香喎,蝦同魚都煎得香氣撲鼻,蝦肉好爽好味但可惜仲有條腸係度,大煞風景!!三文魚好大片好厚,煎到一面脆卜卜又唔腥,真係好味!!正!!!!天使麵口感好好,唔係淋pat pat,有口感;香草牛油汁都食到有牛油味,但比較漏。雪糕:甜品係一球雪糕,面頭d杏仁片實在太惹味,我食極都食唔出係什麼味道既雪糕,只係不斷食到香脆杏仁片,自己仲未病好,但真係受唔住佢誘惑......咖啡: 虹吸式煮咖啡方式,係客人面前至倒出咖啡,隻藍色杯好靚!!咖啡味道香濃又好夠熱,加左鮮奶仍然好辣口,爽!!!今餐食得好貴,但間唔中一次,ok啦!!

星期六同太太o黎食set lunch，D set lunch 份量細到爆!!銀雪魚個底係墊滿耶菜！扮晒大份！d味普普通通過得去! 食完個銀雪魚餐都唔夠飽要去買麵飽，勁後悔！冇下次!!!!! >_<

一向覺得風月堂係間輕食o既食肆，因為之前食幾次都係a la carte /lunch，d dish o既portion都唔算大~ 但一次食set dinner o既經驗令我完全改觀~　話說早兩日同朋友o係葵芳食飯，大家都想食清淡d，見風月堂晚餐之一係沙律，所以揀依度~ 同lunch一樣，dinner都有跟湯同餐飽，餐飽好普通，個甘荀忌廉湯則水準唔錯，一定好過維苑/Cafe Porto/relaxing teahouse先啦~ 如果再熱d仲好~ 我o既主菜係吉列魚柳拚鮮果沙律，總共有吉列魚柳三大塊，另加蟹籽沙律同鮮果沙律~ 味道無特別，但份量之大令人咋舌；相比之下原來意粉餐會輕盈得多，真係估唔到~ 　餐飲我揀凍咖啡，味道一流!不過都好滯，我估係佢落左大量香濃花奶~ 但最驚人係跟餐甜品：居然有雪糕窩夫!味道仲好好味!原本九成飽o既我，食完甜品即時飽到101%...　食個咁飽o既dinner set，環境仲唔錯，價錢都不過係$70-$90~ 至此，我終於知道原來lunch relatively算貴~ 不過可能係因為平日夜晚新都會人流少，食肆想吸引多d食客啦~(weekend係冇dinner

自好耐之前搵工之後都未黎過葵芳, 是日晚上放工後搭幾個站就到, 算幾方便.環境都唔錯, 起碼坐左咁耐都冇咩煙味, 燈光昏暗左少少, 影相都冇咁靚.檯就細左少少, 三碟已經好逼, 好彩冇打瀉水.初初諗住叫set dinner, 不過睇過都係散叫好一點.日式炒什菜, 此味麻麻, 味道還可以, 但水出得多, 汁也變淡, 不過我都吃了很多.羊扒磨菇, 羊扒雖不羶但幾有彈性腍身, 肉也足, 一碟數件, 加上少少菜沙律, 三文魚菠菜麵, 三文魚都okay, 不過麵好似凍左就變硬左d d, 幸好個汁都唔算太杰.甜品上場, 香蕉朱古力多士少甜, 多士薄薄的又有少少朱古力我食左好多都唔會話甜得滯叫口渴, 最後也給我吃清; 芒果班戟大大件, 女士們見到就心大心細, 又想食但又驚那些豐厚既cream, 我也覺多cream, but anyways 也全數吞下了. 侍應都幾好招呼, 初初話有兩個set甜品, 諗住cut一個甜品,後尾搞錯都有笑容地講唔好意思, 之後都係要返兩個^___^d食物都幾多下, 甜品就食哂但主菜返而剩低左d.食物都可以的, 下次重遊舊地應該都會再來.後記:1.商場個水牌古古怪怪, 沒有