頤東酒家

营业中

休息中

同屋企人太子飲茶，都係第一次嚟食。前身係鳳城酒家，「頤東酒家」有兩層，舊式酒樓裝修，金龍金鳳佈置。連續兩年獲得米之蓮，有得食傳統順德菜手藝，最正係有懷舊點心。✥瑤柱灌湯餃 $37係前身鳳城出名嘅點心，近年已愈嚟愈少見，黃色餃皮薄，脹卜卜餡料十足，有蝦、有仿翅。呢款係湯浸餃版本，上湯用瑤柱熬製，味道清甜，加埋紅醋，食到傳統味道。✥蓮蓉焗西米布甸 $30以前去鳳城必食嘅甜品，好鍾意佢嗰層焦燶煙靭嘅表皮，熱辣辣，吉士味香夠滑，粒粒西米晶凝。發覺近年好多食肆都配合市場口味，將甜品都改成低甜，我鍾意嘅，係覺得蓮蓉唔夠搶眼，可以再俾多啲。✥懷舊糯米雞 $38糯米粒粒分明，個底唔會好濕，有鹹蛋、叉燒、雞肉有別於傳統，佢係用大條雞柳。夠晒大隻，呢個價錢都抵食。✥上湯炸粉果 (4隻) $30前身鳳城名物，呢種傳統點心，唔係度度有得食，精粹在於要將炸到脆皮嘅粉果，浸過碗韭王上湯先放入口，口感滋味十足。✥頤東蝦餃皇 $42一籠有四隻，拍皮唔算好薄但勝在煙靭，蝦仁餡料夠爽口。✥娥姐蒸素粉果 $30最難拿捏就係粉果皮，晶凝軟身，夾起無黐住筷子，又無夾爛皮，素餡料十足。✥蝦米煎腸粉 $37比平時腸粉卷得細條，多蝦

我同朋友都係點心愛好者，無時無刻都想嘆茶食點心知道佢係米芝蓮上榜，專程慕名而來唔洗排隊，地方亦唔難搵但係無想像中咁好食，反而有啲失望環境夠大夠闊落，都好好坐，同朋友、屋企人傾計絕對無問題點心都多款，但款款都無乜特色🥲普通到不得了，同一般酒樓冇乜分別椒鹽鮮魷（如圖所示）份量都多，但都係正常感覺唯一比較深刻嘅係「西米蓮蓉焗布甸」🍮唔係間間酒樓都食到價錢方面都合理，唔會太貴叫左好多款都係人均$200左右

當日叫了糯米雞，鳳爪，雞球大包，韭菜角，棉花雞。糯米雞 - 裡面嘅汁杰撻撻似食漿糊，而且唔多料。鳳爪 - 有2隻鳳爪、幾米花生食落口有陣酸酸餿餿味道。雞球大包 - 外熱內凍。韭菜角 - 係咁多樣點心裡面最好食的

頤東酒家今早去太子彌敦道一間懷舊米芝蓮推介酒家飲早茶一一頤東酒家,據聞前身係鳳城酒家,原班人馬在熟客接手下開了頤東酒家,裝修沒有太大改動,菜式和菜單亦都如舊,接手後2022年2023連續2年獲米芝蓮推介,酒家十分旺場,食客飲茶限時90分鐘。雞包仔$16.8軟滑薑汁糕$12.8娥姐粉果$25叉燒酥$28鮮蝦腐皮卷$33早晨孖寶A$42北菇棉花雞鮮蝦炸春卷早晨孖寶B$49鳳爪排骨飯娥姐蒸素粉果早晨孖寶B$49香煎蝦米腸粉蜜汁叉燒包

曾經飲過幾次茶，舊式傳統點心出色，覺得米芝連必食推介確係好介紹。今日母親節打算試吓順德菜😋！店員提議幾款名菜需要預訂，但我們打算隨緣、隨心會更開心，但也預留了鮮魚雲拆肉羹；Wow!各人只嚐了第一口都不約而同地說著：「好彩訂左咋！」鮮魚雲羹，湯底奶白濃滑、so creamy, 魚肉鮮味、入口即融，此物真係人間美食😘見到隔離枱碟蝦多士的賣相吸引，馬上點了，味道水準頗ok,蝦又大、又爽，也不覺有味精，應該係食材靚不需要加味精。一家人食飯，最後都係點家常菜：紅燒豆腐、蟹肉扒介膽、桂花炒魚肚和燒乳豬，碟碟都有兒時和母親到小街坊酒家吃小炒的味道，還有稀物：西蓮蓉焗布甸😘今天是母親節，想念在遠方的母親、今晚頤東給了我一個非一般的母親節晚餐🥰

👯和一大班朋友聚餐，飲茶是其中一個首選，大圓桌可以互相看到對方方便聊天，還可以點更多不同款式的食物，不過缺點是環境比較嘈吵😅現在能夠吃到傳統中式點心的地方越來越少，難得這裡仍保存留不少懷舊點心款式，加上舊式酒樓的環境，立刻勾起不少童年回憶。這次我們人強馬壯一共14人，幾乎將點心紙上的食物全部都點了，放滿一整張桌子。傳統點心當然不會令人失望，當中個人最推介叉燒包、合桃叉燒酥和合桃包。🥢叉燒包雖然一籠只有兩個，但大大個的，叉燒餡料豐富，醬汁美味，蒸包的時間控制得好，軟硬適中。有別於一般長方形的叉燒酥，這裡的🫓合桃叉燒酥是圓形的，鬆化的酥皮加上合桃和香甜的叉燒餡，層次更為豐富。🌰合桃包不是很多地方有，精緻的賣相已經非常吸引，外形就好像一粒真的合桃，而內裡亦真材實料有粒粒合桃，加上類似奶皇的流質餡料，味道極之香甜，口感非常豐富，十分有驚喜。新式點心方面最推薦🦐沙律鍋貼蝦，其實它就是蝦多士，炸到金黃色的蝦外脆內軟，吃起來又不會油膩， 裡面是原條開邊的蝦而不是蝦膠，鮮味十足。🍮蓮蓉西米焗布甸是頤東前身鳳城酒家的必吃甜品，表面的皮略嫌不夠脆身，但蛋香豐富、西米爽口，底部的蓮蓉香甜順滑，整體口感層次豐

與家人星期天午膳。取票等候入座(期間並沒有其他正在等位子的客人)。其後有兩人想直接入座，被知客告知要取票等候。後來其中一人直接與伙記溝通，才得知她是熟客，其後更被直接安排入座。與知客理論，她還辨清自己在講電話，說對我們被打尖毫不知情。而安排熟客直接入座的那個員工，更對我們說：「都係爭嗰一張枱啫，依家你都有位坐。」態度還理直氣壯，不知所謂。既然如此，何須叫客人取票等候，個個話自己是熟客便可以安排入座。員工服務態度低劣，食物更美味都冇用。

昨晚和家人在此晚聚。3個字'超失望'! 以昨晚餸菜水準，真要問問'米芝蓮'評分標準。一行7人叫了魚兩食，炸子雞，乳猪例，生腸例，蒜子白菜和生炒糯米飯。魚兩食還可以，生腸上枱是凍的，明顯剛從雪櫃取出，乳豬和炸子雞皮脆但完全無肉味，生炒糯米钣竟然钣面灑鹽，这是新食法？問部長，他也不明所以。炸子雞，乳豬生腸味道口感和從前鳳城真的差別太大，餐後送的紅荳沙只见有紅豆皮在明顯混和了不少生粉的糖水內漂浮，但却不見'沙'。若前身鳳城未有'米芝蓮'推介，现今的颐東又有甚麼實力獲'米芝蓮'力推呢？另外，个別員工服務水平亦要認真檢討！

今日去頣東酒家飲早茶，見枱上膠片貼了兩個貼紙才知道這間酒樓於2021及2022年都獲米芝蓮推介，果然食物的質素吾錯，而且好足料。雖然叉燒包一籠只有兩個，但大大個的，有好多叉燒粒，叉燒的醬汁又好味，蒸包的時間控制得好，軟硬適中。菜苗餃一籠有三件，皮薄餡多。臘腸滑雞飯都有水準，雞夠滑，臘腸夠腍，蒸飯吾會乾硬。點心拼盤中的薑汁糕好煙韌，薑汁味又濃。蟹籽燒賣也很足料，而且好彈牙。最可惜的是沒有蒸腸粉供應，只有煎腸粉。11:30 前埋單才有優惠價，三個人合共$193。

星期六時間過來只有門口位，我們都照坐下先，茶茗綠茶鐵觀音比較少見，因綠茶底是偏貴，有加分，我們叫了點心約十多分鐘就開始來到。上海小籠包幾多汁，肉都不少幾好味。可能舊式酒樓關係，香芋鴨腳扎味道真心唔錯又足料，鴨腳都好入味。蝦餃皇好大隻蝦都幾爽價錢好似$40少貴但都可接受，起碼幾高質。少可見到的雞球大包，個包都幾軟熟，又不至於好大但都可以，入面料堅足竟到雞腎碎，在其他地方比較少有。這裡的點心價格有點貴都可以，但這個合桃义燒酥是全餐最失望的點心，可能是預長條型普通义燒酥，所以不覺得不好而且仲要是凍。

太子舊鳳城結業後, 原班人馬在熟客接手下, 就開了這酒家, 同類情況並不罕見, 例如金橋小食的車仔麵在熟客支持下就變成了來多碗車仔麵, 現在甚至變成了連鎖麵店. 裝修沒有太大變化, 菜單和菜式也是, 就是順德經典菜式再加上一些抵食大件的一般粵菜菜式, 和老友吃飯, 簡單又開懷.炸子雞原隻二百九十元, 雞肉鮮味豐富, 外皮香脆而帶雞油, 顏色偏深但沒有焦燶, 特別之處是除了淮鹽外, 也有檸檬汁作伴. 中和其油膩. 連東寶小廚的半隻炸子雞也收我同樣價錢呀, 這裏相對來說已算超值. 經典菜式如蝦多士和大良炒鮮奶不是驚為天人, 但味道和口感熟悉, 不會過燶過老. 反而平時少吃的焗西米布甸, 從一大碗作為飯後甜品難以KO, 換上可以獨立一碗的份量, 吃起來剛剛好, 外表香脆, 中間蛋香豐富之餘, 也有爽口的西米, 底部的蓮蓉順滑, 層次豐富, 是舊鳳城的經典.Eton Restaurant is opened by the chefs of original Fung Shing Restaurant that can provide traditional Shunde cuisine. Th

朋友成日講笑話食完呢間野就可以直上去太陽城~ 咁我地有個好玩得既朋友生日咪去左呢度食囉！孖寶套餐 - 鮑魚雞煲 + 時蔬鮑魚講明有3隻，仲要係超大隻，好入味，D雞係雞塊個種~ 賣相都唔錯~份量算多，清湯底，乾淨脆口，唔錯~百花釀蟹鉗同一般唔同的係佢真係用真正的蟹鉗整，入面真係有蟹肉，趁熱食幾香口~是日杏仁豬肺湯好濃杏仁味，有湯渣提供，不過例牌只有5碗，性價比唔夠高。炸子雞 (半隻)比想像中份量多，個皮係幾脆嘅，不過呢間價錢相對比較貴~大良炒鮮奶全世界都睇錯以為係炸的~ 大良奶成日都覺得就係炸, 呢碟野賣相麻麻地, 咸咸的, 未必係大眾心水~蓮蓉西米焗布甸 呢個推介一下，好滯肚，雖然我見唔到佢真身係點，上菜就已經變成咁樣 (幫我地分左)，但味道好食嘅~多西米，唔會話好甜，又有蓮蓉味道，幾正！椒鹽豆腐腰果幾好食，但係豆腐唔入味，好多炸蒜，工作姐姐表示我哋好識嗌😂😂😂

成日都嚟呢間酒樓飲茶，必點炸魷魚鬚，從前嘅又大條。又好味，而家係又細條，口感又唔係以前咁樣，失望。。了解過原來換咗點點心師父，所以出品都不同了。。真心希望酒樓會有所調整吧

每次去到假期 都一定會同屋企人飲茶🫖呢一間茶樓 個人最推介就係佢個沙律鍋貼蝦！佢其實係蝦多士🤣炸到金黃色 賣相勁靚！炸到外脆內鬆軟 食落唔會好油 入面仲有原條開邊蝦唔係蝦膠 鮮味十足🦐

好耐冇同屋企人飲茶了。屋企人揀選左呢間喺太子站瞓覺嘅傳統茶樓～原來佢仲係2021年米芝蓮之選嚟㗎茶樓總共有兩層不過位置唔多所以要來嘅朋友記得要訂位先啦嗌咗好幾個唔同嘅菜式～分別有炸魷魚、肉碎米粉、炒飯、蟹肉東茸樣樣都非常出色而且係有一種好耐以前飲茶嘅味道炒飯非常乾身值得推介炸魷魚都非常香口鬆脆好好食肉碎米粉味道非常好好似係屋企煮嘅咁樣蟹肉更就比較一般總括而言呢間茶樓嘅味道非常唔錯覺得可以再返嚟食，下次再去試佢多啲唔同嘅點心先