順興茶餐廳

营业中

休息中

係久仰大名嘅滑蛋飯呀！今日終於有機會品嚐啦位於大坑嘅順興係偏僻左啲 但老實大坑的確有唔少好野食架熱辣辣出哂汗行一敞都值得嘅 為食好西真係可以去到好盡呢！下午三點到達 聽講平時大排長龍 但去到竟然岩岩好唔洗等位！實在太滾動了！不過都有唔少人等外賣中順興都真係唔休做喲哈哈 營業時間係0700-1600 想覓食嘅朋友仔留意番啦 免得摸門釘環境係一般茶記feel 不過都算係乾淨企理嘅 見到十枱有九枱都係食滑蛋飯可能已經接近打烊 最想食嘅招牌滑蛋叉燒飯已經賣哂 最後叫左滑蛋牛肉飯！另加一個滑蛋菠蘿油滑蛋牛肉飯好快就上碟啦 Wow！！！屬愛蛋之人嘅豬小姐見到滑劣劣水潤嘅滑蛋不禁心心眼加吞口水豬先生見到我尼個為食豬樣表示非常無奈哈哈呈漂亮橙黃色嘅流心半熟炒蛋平均咁鋪係白飯面 蛋香香氣撲鼻 真的抗拒不了滑蛋做得真好！半生熟蛋液緩緩流出 口感滑溜柔軟 加上青澀蔥粒作陪襯 已經無得輸唔止有滑蛋 仲有滑牛！ 牛肉已經預先醃製過 棕色嘅牛肉入味有肉汁 口感軟腍 唔會有筋或帶韌 抵讚仲有加分位 就係放在旁邊嘅熟油豉油 油香令成件事更完美更滋味！令主角滑蛋無需調味已足夠有餘 趁熱食真心好滿足！！！ 仍在回味中……

大坑這個小社區，中西滙聚，除了有很多新式型格的餐廳，但仍保留着幾間地道的食肆，而每年的舞火龍更是大坑的盛事，吸引不少市民和遊客前來觀賞。在云云的食肆當中，大坑還保留着一些鐵皮大排擋，而我今次去的順興車仔麵大排擋，是茶餐廳形式，有冷氣，位於餐廳斜對面是順興茶檔，是沒有冷氣的鐡皮屋！兩間順興，供應同樣的食物，鐵皮屋主要料理飲料，飲品預備好再由侍應拿過對面街的餐廳；茶餐㕔內則是主理麵食和飯類，相反地對面鐵皮屋的飯麵則由餐廳這邊煑好後由侍應拿過去。今天本想吃他們的滑蛋菠蘿油，但可惜，去到已賣哂！招牌滑蛋义燒飯（$48）這個叫得做招牌滑蛋义燒飯，當然有番咁上下，义燒切成薄片，混合滑溜的滑蛋，賣相已不錯。最重要就是一定要加上他們的秘製豉油，𥚃面可以看到葱粒，隱隱聞到香葱的味道，甜甜的豉油汁令這碟飯有畫龍點睛的效果。整體來說，能夠把一個看似簡單，人人都識得做的飯做成餐廳的招牌美食，當然要試試他們的過人之處。午餐奉送熱飲，涷飲加$2。車仔麵 （三餸$46）這𥚃的車仔麵有八種麵底可供選擇，其中最特別是有腸粉。可以選擇湯麵或撈麵，亦可選辣汁或腩汁。因應自己喜好選擇自己專有的車仔麵，這就是車仔麵的特色所在。

滑蛋豬扒飯 ($53)-順興最岀名既莫過於❤️滑蛋豬扒飯❤️(同埋滑蛋叉燒🙈)因為依度既叉燒係薄薄一片吾係厚實實一大舊岩哂女仔奇怪既胃口😳🙈滑蛋連埋豬扒一齊炒滑蛋係好大份到遮哂成碟飯食落幾滑溜 蛋汁滲哂入飯😳豬扒係必試 必試 同埋 必試!!!❤️入味之餘帶有表層既陣陣蜜糖味😈重點係唔鞋唔乾 (似BBQ豬扒)-🔺建議可以試埋依度既車仔麵 記得要腩汁撈同埋配咖哩魷魚!!!!😏👍🏻🔻

順興茶餐廳聽好多friend講好多次無奈地點太吊腳 無咩機會去到今日終於有機會一試星期六既中午 已經有條頗長既人龍餐廳簡潔選擇唔算太多但根據朋友既推介我都係嗌左 滑蛋豬排飯（$54而朋友就試左滑蛋叉燒飯（$48價錢包一杯飲品可以揀枝裝豆漿 都幾好可以拎走飲！個滑蛋飯真係好出色豬排入味唔係得個鹹字甜甜地 好好送飯 而且豉油另上比客人自己落 雖然d姐姐 都係吹你快d還台希望做多幾轉都合理既 出面睇見人龍都唔好意思坐咁耐啦😅😅下次要試埋朋友推薦既滑蛋魚柳飯先得!!!!!

.招牌滑蛋三寶飯 | 滑蛋豬扒飯 | 滑蛋菠蘿包.大坑美食不能不提既就係順興啦🤤🤤份量十足 滑蛋炒得多香 係熟和流質中間😍蝦仁雖然唔係最新鮮 但唔會有雪藏味😋 叉燒亦唔會有過多脂肪 豬扒肉質嫩滑☺️ 另外亦可自行加上特製甜豉油😋 菠蘿包既滑蛋一樣咁好味 再加上底層既牛油 好邪惡啊👅.👅 9 / 10💰 HKD 62 | HKD 53 | HKD 22

周末既late lunch變左下午茶，想食D野但又唔想太飽影響晚餐食欲，一碟碟頭飯似乎可以滿足兩個需求。順興似乎好出名，但小妹係無意中有一次係對面食日式拉麵，好奇見到對面咁多香港人排隊食茶餐廳，想必一定內有乾坤。果然今次一試真係有驚喜！店內主攻蛋包飯（我認為叫「蓋飯」貼切D）同車仔麵，基本上每位客人黎到都必叫。可惜呢日我地late lunch已3pm，好多材料已經賣晒，淨番牛同豬，所以就一碟豬扒蛋，一碟牛肉蛋試一試。﹣豬扒滑蛋飯：豬扒已經去骨切好，油光令令相當吸引；旁邊配一小兜甜醬油，好似淋腸粉既果種醬油咁，我加左小小已經覺得夠味，並不需要太多。豬排較薄身，肉質好嫩，兩面煎得頗香，配上滑嘟嘟既滑蛋及小小蔥花，原來美食就係咁簡單！﹣滑牛滑蛋飯：同豬排相比的確遜色少少，不過亦不錯；牛肉味道腌得剛好，但肉質因為要‘滑’所以比較鬆散，不需要多加咀嚼（適合懶人！）也不會難吞；另外，飯粒用的是泰國米，長而乾身，配合濕潤多汁既滑蛋，整體感覺都不錯見到不少食客叫左車仔麵，睇黎下次都可以一試！同埋要早D黎食埋個滑蛋差燒！

D蛋好「孩」 選擇少 飲品常拿錯‼️豉油好甜，超級難吃 不能選位置，被big搭枱 大排擋超級熱😓🔥🔥🔥，那裏的風扇不好，吹不到人 😡不環保，1.用膠餐具，2.開兩個冰箱3.牛腩分開兩個碗放 4.用紙下單有時候把食物在馬路上搬來搬去，阻塞交通‼️🚙❌ 不誠實，客人要A 食物，他給B 食物，等客人自己發現才認錯說沒有A😡😤☠️👎🏻👎🏻👎🏻👎🏻👎🏻😡😡😡😡😡😡😡😡😡😡😡😡

順興出左名啲蛋係滑過滑蛋，除左好出名既滑蛋三寶飯之外，原來隱世 #滑蛋菠蘿包 先係高高高手！細細張圖係牆到真係唔發覺都發覺唔到有賣呢樣正野呀，例牌菠蘿包外層都係脆脆熱辣辣，焗到好鬆軟仲有牛油香，再加埋佢地既自家製の滑到冇得再滑既滑蛋，一咬落去真係好滿足好好味 🤤 睇落真係好厚好大個，咁大個咁重份量真係一個都頂到一餐呀！——————————————————————#滑蛋菠蘿包 $22——————————————————————#順興車仔麵大牌檔大坑京街第一巷

之前一早就想食呢間架啦，不過佢逢星期一休息🤢 所以上次就摸左門釘🤦🏻‍♀️ 今次就再去食🤤🤤 佢本身係户外大排檔，依家就真係係正對面開多間分店，有冷氣岩晒我地呢啲汗人👦🏻💦👧🏻💦-佢地既叉燒🔥🐷同秘制豬扒🐷都好好味，有陣淡淡既甜味，又唔會好韌🤤🤤🤤🤤 蛋又真係好滑🍳🍳 食得好開❤️😚😚😚-

本身係(山卡啦)地方返工，想係附近搵間好食既餐廳都難，所以平日Lunch都係帶自家製飯盒。今日男朋友專登千里迢迢送飯盒俾我，已經非常開心，仲要神神秘秘咁唔講買左咩。打開先至知係我一直想去試，位於大坑(又一山卡啦地方)既順興大排檔出品既「滑蛋叉燒飯」，當然外賣飯盒一定唔及現場熱辣辣咁食，但外賣放左成個鐘，食既時候都仲係熱熱地，証明即叫即炒，鑊氣十足。原本以為(倒汗水)會影響飯盒既質素，不過有男朋友提醒下，已將飯盒剪左2個窿，所以食既時候都冇濕納納，滑蛋依然好滑👍🏻面頭仍然有光澤👍🏻叉燒切得夠薄，又夠腍👍🏻(食完唔需要liu牙)加埋個少甜少咸既豉油👍🏻真係好好食。希望下次可以親身去一次食，應該會更好(唔駛排隊又有冷氣既話~)同場加映:車仔麵 (男友語錄:去得，就買埋其他野一次過試)所以買左碗車仔麵，當然我自己一個人冇可能食得晒，所以同同事一齊分享，其中牛腩同腸粉評價最高。牛腩超級腍(仲有少少牛筋tim)，腍得黎d肉又唔散👍🏻腸粉(係早餐個D腸粉)代替左粉麵改用腸粉，加埋腩汁，又幾得意幾好食喎。

顺兴车仔面已经开了几十年，车仔面做得很出彩，配料的猪大肠和牛杂很入味，配上特制酱汁，果然值得最好的评价。在铜锣湾一带，吃过几家推荐的车仔面，都觉得名副其实！这一家是让我觉得最好吃的，忘了拍照，请自己想象，点了白萝卜、红肠、肥肠、猪皮…猪大肠真的好吃！不会太烂，又很入味，猪皮都ok，还有白萝卜，很甜，都不会有丝！一大盘，吃的好饱！第二次去，因为已经吃过中餐，想带小伙伴去试试猪大肠，店员态度都很nice！我弱弱的只点了猪大肠，店员没有给脸色看，还很体贴的给了两双筷子！赞哦

去大坑永遠只有一個目的，就係食順興。無論周圍有幾多幾吸引既餐廳，我都無唔會揀其他黎食架，忠心不二！今日三點幾，平日，已經賣哂叉燒不會牛肉都唔錯既一大碟飯上枱，雙眼發哂光，成個碟咁多既滑蛋同好似唔洗錢咁多既牛肉。不過重點都係個豉油，我經常性逼一齊食既朋友落哂豉油，因為個豉油真係好正呀一啖食哂滑蛋飯加豉油，食到我全日都好滿足

幫襯左幾次，叉燒蛋飯同秘製豬扒係好味的，車仔NOODLE都唔錯！但今次食野既體驗感覺太差...嬲到不得不打食評。一向都聽聞有個中年阿姐好燥態度唔好，今次真係經歷到....事緣係我同同事一齊係門口等位食晏就飯，見有張台就諗住入去，阿姐就破口大鬧：「未執好，出去等啦！」算...！之後仲要自言自語繼續鬧。我地見佢執得七七八八，入去時佢又話：「未得呀...你幾多個呀...得4個位，你6個得夠，等多陣啦！」(破口大鬧聲音)個一刻已經唔ALLLIKE佢...算！出去等...我同同事申左幾句：「洗唔洗咁串呀？」好衰唔衰俾我同事聽到佢回應「唔等得咪唔好食LOR」個一下真係想鬧爆佢。哩間野幾好食都好，唔洗咁樣做生意既！將自己做野既燥發洩係客人身上。我一定唔會再幫襯佢...同事都唔會再幫襯...叫哂所有新邊既人唔去！我相信會有好多人繼續留言....鬧佢.....

呢日天氣涼涼地, 有事到銅鑼灣, 經大坑, 咁難得黎到又到食飯時間, 又咁0岩天氣唔算太熱, 食大排檔都幾得意, 就黎呢家出名既大排檔食下.座低睇牌見到無乜選擇, 但明顯有個叫招牌, 咁就叫黎試下, 跟杯熱飲。個飯黎到, 睇落似蛋包飯, 叉燒平均在蛋面上, 蛋又平均薄薄覆在飯面, 飯量適中, 配番成個份量, 好誠意。炒蛋炒得熟中帶微生, 變得好滑好香, 叉燒係揀手貨, 全部食到, 唔會太肥太瘦甚至三尖八角既質素。另配膠兜豉油。成個飯送到上黎,  因為叉蛋本身就易配, 但成個餐就係一個好細心既做法, 令人食得開心。熱飯用紙杯上, 紙杯用上厚質杯, 查落手都唔會熱, 而且目測又比較大杯, 感覺抵飲。枱面有匙, 叉, 竹筷子, 質量也是較堅固一種, 用完即棄, 省卻人手, 做法快妥。大數50蚊既價錢, 食到咁既質素, 算係物有所值

因為已搬了家，已經超過十年沒有幫襯， 今早再去食車仔麵，食味風味人情味依舊一樣， 三十年如一！大腸夠火侯，魷魚惹味， 蘿蔔、豬皮入味， 還有只此一家的螺肉， 配上一碟幼麵底，一碟粗麵底和一碟腸粉底， 還有一開四的奶醬多， 搽上的是粗粒花生醬， 真的好像時光倒流30年！ 雖然四個人食一頓早餐花上$204，但我還是覺得物超所值！