順興茶餐廳

营业中

休息中

假日就去排了半小時隊，終於到我們了！要食滑蛋豬扒飯加滑蛋菠蘿油！滑蛋豬扒飯的滑蛋很滑沒錯的,時間掌握很好,豬扒煎得剛好,沒有很柴;而滑蛋菠蘿油真的很出色,菠蘿麵包的包新鮮加上滑蛋很配,沒有不融合的感覺。推介

周日搵食遊呀遊，到了大坑的順興大排檔茶餐廳。此店分兩邊，有餐廳，有排檔，是次看人龍短一點，排了餐廳。想不到此小店外排了十數人，還挺誇張。點了招牌滑蛋叉燒飯連熱飲($50)。滑蛋是煎成一大塊，蛋剛剛熟，味道帶有甜味。叉燒主要是瘦的，不過還不會太韌。白飯配上少量蛋汁及豉油，不消十分鐘便已經清碟。熱檸茶由茶檔主理，吃完飯還等了五分鐘才到，不過紅茶不算太濃，解渴還不錯。如果剛好來了大坑，沒有太多人排隊，一試無妨，但我覺得未必需要特意朝聖，迫爆橫街窄巷。

自從去咗天后返工之後，間中老板出trip唔使咁準時返到公司，我就會行去大坑幫襯 順興茶餐食番個個滑蛋飯，午飯時間比較多人，但等位都算快，每次大約等五至八分鐘到就會有位。我個人比較悶每次去到唔係食滑蛋蝦仁就係滑蛋魚柳飯，呢兩個都係佢哋嘅招牌推介。今日我就揀咗食滑蛋魚柳飯，D蛋炒到啱啱，大大塊魚柳放上蛋面🤤加埋特製甜豉油，成碟飯比我食到一粒米都冇淨，加埋支豆䊢，好飽呀🤭晏晝好彩唔使開會，慢慢行番公司消化下先。

平時好少去大坑果邊，雖然搬返去港島工作差不多一年了,，但來來去去都係銅鑼灣同中環，多啲選擇同方便丫嘛。 聽男朋友講得多呢間滑蛋叉燒飯, 但一直都未試過。 星期六放工, 12點幾去到, 有5,6 個人排隊, 這都系意料之內既事，等候時間還好，5分鐘左右就安排就坐。餐廳雖細，但坐得算舒服，都乾淨企理。 主菜來喇! 滑蛋叉燒飯 $50滑蛋叉燒飯咁出名果然系有原因既。滿滿既滑蛋舖系飯面，個樣已經夠吸引，味道更是吸引，除咗蛋滑外, 個豉油先係精髓，叉燒細細舊，完全帶出成個飯既味道。 奶茶夠滑

今日難得去左大坑, 好鐘意呢個寧靜既小區, 又有好多美食同小店, 忍唔住影左好多相。黎到大坑, 第一時間就去左順興車仔麵大牌檔, 上次已經想黎潮聖, 但係咁岩撞正新年個期, 所以無緣, 今次終於試到喇!原來除左鐵皮屋大牌檔之外, 仲有一間地舖! 不過我地鐘意大牌檔個feel, 就冇入到地舖, 揀左坐係戶外既位。 雖然有D 曬, 但係好彩有D秋意, 唔會熱。原來大牌檔由早上6點開到下午4點, 我地去到已經就快3 點, 所以已經冇哂叉燒, 冇魚, 冇蝦..有d 可惜! 不過我地叫左秘制豬扒飯同滑蛋豬扒飯, 都完全冇令人失望wo! D豬扒略炸過但又唔會油, 肉質鬆軟~仲切埋片, 食起上黎好方便.滑蛋豬扒飯半熟既蛋好滑好薄身, cover哂成個飯, 分量好夠! 我仲食哂成個飯~ 秘制豬扒飯朋友就叫左秘制款, 豬扒都係一樣, 唯一唔同就係個蛋~ 不過我地兩個都覺得滑蛋略勝!跟餐有汽水.我就揀左奶茶, 都唔錯呀!

等咗食車仔麵好耐，大坑哩間未食過就試下啦。先喝口湯底清爽而夠味，唯性格不鮮明。幼麵輕飄飄，似天使麵多啲。餸就唔錯喎，豬血有彈性有口感，入哂味，帶甜唔會過咸。雞豬腸以為顏色淡淡，原來都夠味，質感軟軟淋淋。雞翼尖滷得入哂骨，一食就化開，都唔錯。魷魚甜甜都入味，魷魚鬚好食過肉身。蘿蔔實的的，甜入心，完全無渣。紅腸就無咩好講，大路貨，正常都唔會出錯。油麵煮得太淋。豬皮好夠味，索哂汁。勁辣魚蛋唔辣，軟軟散散，食落先係甜味再係紅黃辣椒嗰隻甜辣。

大坑到處餐廳食店林立，在遠處就看到這間茶餐廳排滿了人，還很巧合的碰到Iron Man在買外賣！作為兩個蛋控又怎能錯過這個大坑名物滑蛋飯呢 嘿嘿幸好只等了十分鐘就有位子了！餐牌上有很多滑蛋組合：叉燒、豬扒、牛肉等等，而我們這一次點了滑蛋蝦仁飯和滑蛋魚柳飯！半熟蛋漿很薄身，覆蓋了整個飯，質地非常滑溜之餘蛋味亦很香濃！蝦仁大大隻，爽口彈牙。魚柳炸粉很薄，肉質厚實。而秘製的熱油醬油味道很棒，再加入少許蔥花，令整個飯更加滋味呢！下一次一定要預留肚子的位置再來試試滑蛋豬扒飯、滑蛋叉燒飯和滑蛋波蘿油！！！

👉🏻招牌滑蛋叉燒飯🍛💲50(午餐奉送熱飲☕️/荳漿🥛/汽水)大坑名物😋薄切半肥瘦叉燒一啲都唔乾! 同埋個半熟滑蛋真係好好食🤤啲豉油汁加埋香蔥成碟食都好甜好滑好好味😋又抵食👍🏻〰〰〰〰〰〰〰〰〰〰

自從食過一次順興後，我真係搵唔到香港有邊間滑蛋豬扒飯好食過佢，每個月唔食一次都會心思思。試過滑蛋牛肉、蝦仁、叉燒，都係滑蛋豬扒飯最好食！好少食店會幫你篤埋檸檬，岩晒我呢啲懶人！第一次試呢到個鮮油奶多，唔係間間茶餐廳有得食，估唔到呢到有得食之餘仲要好好食！烘到好脆，同時牛油又處於半溶狀態，雖然好邪惡，但真係好好食呀！！好多車仔麵店的蘿蔔都唔甜又有渣，呢到蘿蔔都唔錯，我次次都會叫蘿蔔，因為佢煮得又淋又無渣。下星期六同樣時間都係：例牌滑蛋豬扒飯，凍檸茶，再加多個鮮油奶多，唔該晒！

身邊嘅朋友一直都推薦話依到嘅滑蛋豬扒飯好食，做完嘢一支公就走過毒毒食。跟餐嘢飲係大和豆漿，都幾正，好過溝水豆漿！其實呢度都有唔同嘅滑蛋配撘。不過第一次食就梗係試吓佢個招牌菜啦！第一眼感覺非常之好因為啲色好靚。而且覆蓋晒啲飯，得蛋同豬扒嘅感覺非常之令人個心好舒服！十足10好似啲漫畫畫嘅滑蛋飯咁正。佢又唔只得個樣味道都非常之唔錯滑蛋非常之香濃有蛋味。而且豬扒非常之滑而且好香味道啱啱好唔會太濃唔會太淡。分量方面亦都係啱啱好食食下就識唔會有過飽嘅感覺！一句講完！好食！

記得以前讀書時期，每當到銅鑼灣的中央圖書館溫書，都必定會到大坑的順興大牌檔午餐。記得以前去吃時曾經遇過EASON呢！所以早前見有空，就想回去懷緬一下，想不到以前只有戶外位置的小店如今連室內都有了，這幾年變化真大！ 菜單好似比以前更多選擇，但我想也沒有想就叫了個滑蛋叉燒飯 ($50)，因為這是這裡的招牌菜，超級好吃！如果去普通茶餐廳吃飯，我一定不會叫滑蛋系列，因為很多都是水狀的，不跟你說你也知道自己在吃蛋。但是這兒的滑蛋就不同了，是名副其實的滑蛋，而且煮得剛剛好，完全不會有老的感覺。這裡的叉燒也十分講究，沒有多餘的肥肉，吃下口一點都不會覺得「鞋」，跟滑蛋真的很搭！

去開大坑搵食的朋友, 對【順興】絶不陌生. 相信雖然價錢不算便宜, 但勝在味道相當不錯. 賣相吸引, 份量足呢度最出名既係滑蛋飯, 配搭有好幾種, 個人最愛滑蛋叉燒飯, 滑蛋滑溜, 配上叉燒, 口感更為突出 再淋上豉油, 一道美味而不簡單既滑蛋叉燒!!! 令人回味.

由細食到大嘅冰室、茶餐廳，舊屎真係唔當咩美食，唔識欣賞。而家反而有時被遊客帶動番轉頭，重新搵番啲回憶。唔敢講話食物好好食或者精緻，但梗有一兩樣拿手野令人心甘情願排隊。坊間有唔少出色嘅叉燒蛋飯，位於大坑嘅順興可算係當中表表者，此外菠蘿包亦都幾有名，可惜當日售罄了。天時暑熱，我都係坐室內比較穩陣，大排檔嗰邊咪搞我。入得黎就預左搭枱，親密啲。招牌叉燒滑蛋飯 $50 豬扒滑蛋飯 $50煮黎煮去呢幾味，蛋依然係主角，配叉燒、豬扒、蝦仁等。煎pan size嘅蛋覆蓋整碟飯，滑蛋油就梗架喇，並非頂級滑，但合格有餘。蛋漿薄身，少啲層次，但咁薄身都唔顯蛋老，時間掌握得好叉燒薄片，冇乜特別，唔會要求舊叉燒要好靚，冇雪到死哂，乾硬化收貨。豬扒炸過，切片上方便食，唔油唔柴，加上新鮮熱辣，對得住價錢。豉油另上，當然係重點，鹹鹹甜甜。其實份量就唔係話好多，男女都食得哂。係咪一定要黎，又不至於，不過諗到求其喺啲茶記叫個叉燒滑蛋飯，嚇死都收40幾啊。大坑黎講50蚊個飯唔貴了，午餐凍飲都係加兩蚊，行開行埋口痕又想食

大坑一向美食雲集，午飯時間特地來到覓食，眼見這間裝潢不起眼的餐廳濟滿食客，看到是出名吃滑蛋的啊超級蛋控的我立即排隊等候，期待可以試試看這間好評超多的餐廳等了不消一會就有位子坐了。點了滑蛋蝦仁飯和豆漿，簡直是完美的配襯滑蛋非常嫩口，蝦仁爽口彈牙，豉油汁調得好好味非常配襯，整碟飯完全沒缺點可言(唯一就是滑蛋油脂應該很多？)不消一會就滿足了 食客不停很快的轉換，餐廳的環境超級忙碌啊看到叉燒好像也很吸引，下次想再來試試看呢

中學時代在附近就讀，以前每逢中午飯點，必（狗）衝其滑蛋叉以去，每每恨不得把碟都吃掉。今日想重拾舊時美好，可惜人面依舊，佳餚已然不在。首先滑蛋滑而不綿，口感欠佳。叉燒如粗糧石米般，咬下去一片死實，猶如嚼蠟，比起以前多汁鮮甜之味大相逕庭。蔥花醬油本為飯之佳伴，可惜由於食客太多的源故，明顯熱的時間不夠，導致未能把蔥香散發，惜之。至於服務態度方面，由於個人對排檔文化甚喜，所以服務也屬正常。走時放下50元，金雖不重，舊情不復返。