順興茶餐廳

营业中

休息中

大坑一向美食雲集，午飯時間特地來到覓食，眼見這間裝潢不起眼的餐廳濟滿食客，看到是出名吃滑蛋的啊超級蛋控的我立即排隊等候，期待可以試試看這間好評超多的餐廳等了不消一會就有位子坐了。點了滑蛋蝦仁飯和豆漿，簡直是完美的配襯滑蛋非常嫩口，蝦仁爽口彈牙，豉油汁調得好好味非常配襯，整碟飯完全沒缺點可言(唯一就是滑蛋油脂應該很多？)不消一會就滿足了 食客不停很快的轉換，餐廳的環境超級忙碌啊看到叉燒好像也很吸引，下次想再來試試看呢

中學時代在附近就讀，以前每逢中午飯點，必（狗）衝其滑蛋叉以去，每每恨不得把碟都吃掉。今日想重拾舊時美好，可惜人面依舊，佳餚已然不在。首先滑蛋滑而不綿，口感欠佳。叉燒如粗糧石米般，咬下去一片死實，猶如嚼蠟，比起以前多汁鮮甜之味大相逕庭。蔥花醬油本為飯之佳伴，可惜由於食客太多的源故，明顯熱的時間不夠，導致未能把蔥香散發，惜之。至於服務態度方面，由於個人對排檔文化甚喜，所以服務也屬正常。走時放下50元，金雖不重，舊情不復返。

之從因為另一半工作關係，開始係大坑覓食，就愛上了順興。車仔麵，豬扒飯，奶醬多，都係我至愛。今日食了滑蛋豬扒飯，蛋非常滑溜，豬扒鬆軟。但下次我會叫秘製豬扒飯，樣子平凡，但豬扒有蜜味，唔怪得之我另一半次次都要叫，原來塊豬扒的味道係唔同的。呢個奶醬多，一定次次都叫，麵包鬆軟，用了粗粒花生醬，d醬超多，漏出來咁款，超正。熱愛順興的程度，係會特登揸車過海，就係為了食個順興早餐或午餐。車仔麵都好正，係撈的，特別又好味。

自己本身其實好少去大坑戈邊，長期系港島番工，但去得最多始終系銅鑼灣，因為系最多野食嘛。大坑其實就系一個小區，系銅鑼灣道一帶，據我所知戈邊最多既應該系cafe或菜自己經營既茶檔。講開話少去戈邊，咁點解突然會去戈邊呢？事源就系同男朋友系某一日去開戈邊行山，然後又想食定啲野打底先行，就記起「順興」系好出名既一間茶餐廳，然後就去左試。其實我之前一睇網上啲人介紹既滑蛋叉燒飯系另一間叫順X茶檔，位置其實都系戈邊附近，但吾知點解去到行左成3、4個字都搵吾到間餐廳？然後睇啲人講呢間既食物竟然系同順X茶檔一樣，吾知系咪combine左。另外又有樣野幾好奇，好奇在明明系一間茶餐廳，但系又叫自己大排檔，明明吾系專賣車仔麵，但又叫自己車仔麵大排檔🤔去到要排隊都系意料之內既事，等候時間還好，20分鐘左右。餐廳比想像中細小，但坐得算舒服，至少乾淨企理。以茶餐廳黎講空間亦不算太窄，但系由於餐廳細，所以系要搭枱的。由於有人排隊，不停翻枱也是常識，一枱走完好快又會有另一枱，生意吾憂做。滑蛋叉燒飯 $50做滑蛋叉燒飯可以做到咁出名果然系有原因的。一黎到已經見到有滿滿既滑蛋舖系面，淨系個樣已經夠吸引，味道更是吸引，並吾系每

跟同事黎左呢度食lunch試試個招牌滑蛋三寶飯🤔但係因為敏感唔食得牛肉所以走左🙁下次黎既時候要食番個正常版！睇張相都覺得個滑蛋好滑無令人失望蝦仁又彈唔會食到雪藏味配埋個豉油perfect!

習慣在家吃早餐的我，今早特別想吃順興的芝蛋多😍實在太美味😋它有一間舖在附近，而今天第一次選擇在大排擋享受快速早餐很香口的多士配香滑炒蛋及溶化芝士實在感到好滿足😍芝蛋治烘底加熱檸水$34

早前和同事食過，一直都心思思想同家人再去食。見今日天氣很好，便和家人一起到大坑一試等了大約15分鐘，終於可以在露天枱入坐。餐廳的滑蛋飯有多款選擇，有三寶，有蝦，有叉燒，有豬扒。點了滑蛋豬扒飯和滑蛋三寶食（叉燒，蝦，牛肉）。等了一陣，滑蛋豬送到，蛋滑，豬扒外脆内漱，一點都不乾身。連平時嘴饞的家人試了一口後，都說非常不錯。而且份量很足夠，連飲品都只是hk$55. 而滑蛋三寶飯都很好，蝦是鮮蝦，不是急涷。另外，我們點了涷奶茶，有驚喜，頗滑。整體值得再來一吃再吃，而且性價比非常高。不過個人比較喜歡豬扒。喜歡飲奶茶的朋友，都不妨一試！

🍴滑蛋豬扒飯😊👍🏿: 豬扒好香，軟身，好好食。😥👎🏿:沒有整體/意見:🌟🌟🌟🌟🌟非常值得食！！！🍴滑蛋叉燒飯 😊👍🏿:蛋香，叉燒新鮮。飯質感好好😥👎🏿:沒有，不過如果再厚啲啲蛋，會更滿足。整體/意見:🌟🌟🌟🌟🌟已經唔係第一次食，但都覺得好好食。黎問大坑一定會食依個飯。無錯，係一定會。對於愛蛋一族，佢嘅蛋係幾高汁。份量適中，同行男朋友都可食飽，而且跟餐仲有永和豆漿，的確非常加分！不過中午時候就要比小小時間等下位，不過可以坐下來食到好食嘅嘢已經好足夠。

滑蛋蝦仁飯$62滑蛋叉燒飯$50好食指數:7/10其實我食野好麻甩 最鐘意食local野 講到local又點少得茶記既炒蛋放假去左大坑覓食 有好多foodies推介既大坑名物 就算要排隊 要過海都難唔到我坐低 本來想叫滑蛋菠蘿油 點知賣晒所以揀左兩個飯試下先滑蛋蝦仁飯 蛋炒得比叉燒較滑 但缺蛋香 蝦仁都幾彈牙 大大隻既 葱可以加多d 會香d滑蛋叉燒既蛋就比較熟 唔夠滑 反而叉燒質素唔錯 大概七成瘦三成肥 適合我呢d鐘意啖啖肉既人飯粒夠乾身 portion大 豉油就普通 無特別覺得佢為碟飯畫龍點睛🤔anyways, 我都係鐘意上環蛇竇多d 個蛋滑d香d

屋企附近都幾多野食，而依度既滑蛋叉燒飯都出晒名好味，好多人特登嚟食〜不過我本身就唔太鍾意食叉燒，所以就叫咗滑蛋豬扒飯一嚟到見到碟飯賣相已經好吸引，啲滑蛋金黃色再有一舊舊豬扒整齊放喺上面影完相呃like就可以將甜豉油淋喺蛋上面食了〜每啖飯都啱啱好有蛋配埋一齊食好滿足豬扒本身都有調味，唔會淨係得個咸字，讚〜

真的很久沒有到大坑這一帶了。多得小友，因今天要到圖書館幫他借書，借完後自不然順帶過一過來，看看有甚麼好吃....大坑這一帶，食肆每隔兩步路就有一間，食店之間競爭自然大。今天這舖位是茶記，可能隔多一陣子就變成西餐廳了....但區內有幾間老字號，多年來仍屹立不倒，人龍經常都健在的。排檔"炳記"是其一，另外也不可不提已入了舖的"順興"....一味滑蛋叉燒飯及車仔腸粉，已足可以讓這兒揚名立萬令不少人趨之若騖過來朝聖。小弟許多年前來食過 (當時仍是痞在排檔內吃)，的確那滑蛋是相當出色的....如今事隔多年重臨，點的仍是這招牌滑蛋，不過配料就由叉燒升grade至蝦仁....賣相依舊引人。蛋入口依然滑如絲絹；蝦仁色紅噹噹入口雖爽口但味道卻十分淡欠鮮味....墊底的白米飯的份量就真的太少，少得我想可能連一個弱質纖纖的女仔都會覺得不夠食，更何況是我這個大隻仔 ?蔥豉油一如既往量很少，而且嗒落有一咲師傅味....為免喉頭受罪，還是淺嚐為妙....感覺上入舖後，東西水準已不如往昔。不過有一樣則是和從前沒變過，那就是木口木面，冷冰冰cool到爆的服務態度....

終於同朋友去大坑食呢間滑蛋叉燒飯，果然係即興最易約💪🏼😂耐吾耐食滑蛋叉燒飯係正既，影相又吸引🤤真係望見都流口水呀！胃口大增！午飯時段，排左15分鐘左右，流水式既隊好快入得。座位吾多我同朋友吾洗諗一人一個招牌滑蛋叉燒飯 $50，包餐飲，我地都飲荳漿。原來係呢隻荳漿😂 跟餐有支裝荳漿都幾好。.本來仲想試下個滑蛋菠蘿包 但佢話賣晒🙄叉燒飯好快有得食，從圖中可以見到滑蛋睇落好滑、非常大份！但食落並非咁滑🤔 有少少失望🙈 吾知係咪有時會失準🙊 勝在叉燒肥瘦適中，食到最後都吾會覺得油膩，份量仲好多😍👏🏻不過如果多啲蔥同埋豉油甜啲會更加正！

聽講話呢度腸粉好食咪過嚟試吓囉，食個腸粉啫，點知呢度睇場嗰個大媽惡到呢，成間舖啲客都要比佢喝㗎喎。我慘喇，唔受得氣個類，仲要係一大清早，由門口等位開始要睇人面色（嗌交咁聲：你齊人未？），到坐低咗又被人喝叫起身（喂你坐過去比個位我），落單都無表示過咩嘢吖但又被喝（全部嘢食都要等嘅）。你係我耳邊都咁大聲都算，你講呢啲咪係趕客囉。又唔係真係好多檯人，憑咩比氣人地受呢？舊區街坊舖有人情味個類呢度無份。當食個大排檔呢度價錢又貴。唔會推比人囉

港島有好幾間以滑蛋飯為主打既茶餐廳但我最愛既始終係大坑既順興間中都要去食下可惜係佢收得早,唔係時時都有時間去食.之前去親都係去茶檔個邊,叫親都係叉燒或者三寶今次就去室內既呢間試下佢既豬扒飯啦食飯時間,有唔少人,不過好彩唔洗等位落左單後等一等就有得食啦滑蛋豬扒飯 $55水準依舊,色水真係一流,黃色既蛋炒到半生熟,有啲蛋漿殘留係度係最完美既炒蛋豬扒亦都係煎到金黃色,而且剪好一條條,唔洗成塊要自己咬咁麻煩另外一杯仔豉油自己落,想淡啲又得濃啲又得,視乎個人喜好我就鍾意落多少少既,滑蛋豬扒豉油飯全部撈埋一齊食,口感豐富,味道都係一流既不過滑蛋飯黎講,都係同叉燒比較夾啲,下次都係食返滑蛋叉燒飯茶走送熱飲,平時都會加錢飲凍奶茶既但天氣涼涼地,都係飲返熱飲,試下佢啲茶走先飲落既味道係...偏向熱奶茶茶走黎講,煉奶既份量好重要下次黎都係飲返奶茶算因為佢啲奶茶係沖得幾好飲既係茶檔同埋室內食既風味唔同都係鍾意係茶檔食個種環境同感覺多啲

其實上次嚟已經好想食，但因爲我地晏咗去，所以最後都係緣慳一面😔仲枉我辛辛苦苦咁特登搭車過去😭今次我地醒啦❗️晨咁早就嚟，無計啦，為咗呢個傳說中嘅滑蛋叉燒飯，值嘅😂食物款式唔算多，一版寫晒！但勝在樣樣味道都唔錯基本上入得嚟食嘅人，超過一半都係叫滑蛋叉燒飯，可想而知佢係幾受歡迎😍蛋炒到八成熟，食落仲有啲蛋汁，口感香滑👍🏻配埋軟腍嘅叉燒同秘製甜豉油，食完就會明白點解一間茶檔，單憑一碟滑蛋叉燒飯，都可以成日爆場😂😂