順興美食坊 (已結業)

收工時突然想食泰式鳳爪, 所以行返屋企經過時買o左一盒返屋企食~25蚊都好大盒都好多鳳爪, 正宗泰國人主理真係唔錯呀~ 好夠辣好好味呢~下次一定再o黎試下其他泰國菜~

內地員工特派採購員再次出動,順道在這邊買午餐;今次我被這間泰式小店的"海南雞飯"($25)吸引著。泰籍阿姐即場在廚房裡斬雞至pok pok聲,好震撼!雞件以雞腿混雞胸,份量還算可以;雞皮泛著黃油,外表是ok的 ,雞肉沒甚雞味吃來質感一般,雞胸部份稍粗, 味道微咸還算可以; 用雞湯煮過的油飯隱約有點咸味及油香,只是混得稍為不均勻,少量米飯像白飯多一點,不過油份總算不多,不會感到太肥膩。 海南雞飯的三色醬汁也是好吃的因素之一,這裡就欠缺醬汁和蔬菜, 幸好雞件還算有味道,不然就如乾啃了!最後以幾條芫茜當菜吃, 真的有點乾。附送泰式龍眼冰/青檸冰, 今次選了前者; 糖水頗為濃味, 要不是冰塊溶了應會更甜; 龍眼肉有7-8粒,以免費飲品來說份量算多的了, 最驚喜是龍眼肉還是爽口清甜的,甜甜的當飯後果, 抵銷沒有蔬菜的不足。等候雞飯時看到門口車仔的三餸飯款式不少而且對眼,最重要是價錢超便宜嘛!每盒只是$15,學生價更只是$12!!! 便宜sssssssssssss,決定翌日一試!誰知嘗試當日小店太好生意了,每款餸菜只賣剩少許,結果泰姐像掃餸尾的將三餸變五餸飯給我,二十個抵食!!!三款餸尾的魚香茄子

唔係第一次幫襯美食坊，由於地方唔大，覺得食物水準一直都保持到．今晚因為要睇巾幗梟雄大結局，所以又近近哋幫襯美食坊．　燒鳥頭魚 - Keep 住水準，真係好夠油，又唔腥，每次都要幫襯　咖喱炒蜆 - 鐘意食甜咖喱既就好鐘意，份量好大　辣椒羔炒蝦 - 蝦既份量略少，但個辣椒汁好好味　鹹魚炒通菜 - 上次試過蝦醬炒通菜，啲通菜好新鮮，鹹魚都好味喎　串燒 - 個沙爹汁不嬲都掂擋，但今日啲牛肉”梅梅”地　$8大大杯龍眼冰，超值啦!!街坊菜隔局，兩三知忌，飲啤酒食小食都唔錯架~~上次用蝦餅，魚餅，魷魚配啤酒都OK架!!

葵芳既小小泰菜館否係好多人知係邊,但佢係我時常會去食飯既地方,因為好平既價錢就食到真正泰菜,係一家小型家庭式作業泰菜館, 由媽媽煮而女兒招待客人。平日我總會點"工車攬霸"即泰底生蝦,但這晚想試多一點其他菜，所以點了以下１。海鮮泰式SALAD -- 蝦不太新鮮..魷魚好新鮮,好有泰國風味,$40 係極辣...小心2. 沙爹..一雞一牛，$5一串，軟滑好食3. 大 TOM YUM..叫左大， $40...最好味,酸辣岩岩好,有蝦同mushroom之纇4. 蝦糕炒飯, 味濃，十分之愛裡面既立賜...係泰國入口,比香港的甜5.燒魚 我本來估燒魚係好似煎一樣,脆既但原來個皮係吾食既,D魚鱗仲係度,掀下皮,入面既肉有好多汁,好滑,魚汁比皮鎖住水份,點左泰式汁好野味PS, １０：１５pm之後可到外面加卓,爽好多!!!

呢間野難搵到呢.............佢係條橫行個度既不過渣車去都仲有個停車場但係衰在晚飯幾多人下....咖哩炒蟹---真係好香,不過隻蟹唔夠新鮮,但係個汁真係好正生蝦---有名你叫.生蝦,不過加埋個汁,絕妙蝦醬炒飯---聽落好咸,食落又另一回事,咸香加個甜加個脆,等於好食唯一問題就係,坐位比較少一多人就要露天食(食煙既人既天堂)

上星期六同女朋友去開葵芳...肚仔餓去搵野食...食來食去都係個幾間..今次行過neway個邊搵好野食..機緣巧合下搵到呢間鋪仔...間鋪的確好細...如果要搵真係幾難...我地走到門口見到原來食泰國野..一見價錢牌即刻被吸引住!!!見咁平咁岩又有位就即刻走入去..我地兩個人點左 : 泰式炒通菜($25):幾唔錯..少油夠味泰式鳳爪($25):非常好食!不過係少左d同辣左d,我好食得辣就無問題..我女朋友就食左幾隻就放棄.串燒2豬2雞($5一串):都ok..不過醬汁夠多都唔錯雞絲湯河($18):雞肉好嫩,河粉幾滑,不過雞肉少左d埋單$88!食泰國野..兩個人食到飽...質素又有返咁上下..算非常抵食了!!!全店老闆娘加員工都係泰國人...夠晒地道..店裡仲有咖哩蟹食,不過餐牌無..亦唔知幾錢..0個日仲見到個個都叫燒鰂魚食,睇下價錢...都係30幾蚊! 仲要幾大條下!下次一定再試!!