響一品 (沙角商場)

营业中

休息中

叫火鍋 由1845 等到 1940 等足45分鐘 其間冇人理會其他人黎左 食完走埋 都未有野食半個鐘後吹左一次黎左個鍋過多15分鐘後吹多次先開始有食物到旁邊客人坐下不足十分鐘 叫了火鍋後就到齊食物其間有火鍋料倒在朋友身上 只有一句 你不介意吧更沒有更換火鍋料 副經理 不停要求用請飲 飲品 作為補償語氣十分輕挑 沒有一句 抱歉最後只說會轉告經理經理只是不停道歉 其他員工並沒有半點歉意總結而言 整餐飯和服務都十分差勁 本人奉勸千萬不要吃這餐廳 除非你希望比錢買難受 本人不會再入此餐廳用餐

瀝源附近，唔想坐大排檔，又唔想行去新城市同人迫，最好選擇瀝源廣場，仲有呢間日式新選擇~唔洗等位，快快有得食~雞扒定食~用心製作，雞扒係即叫即製，夠香夠脆!豬軟骨拉麵~肉質夠霖，湯底唔錯，重點，食完唔口渴!價錢好合理，50幾蚊碗~夠平!!可以再試!

虎蝦$68蚊8隻。同爭鮮一樣價。但幾千光年。好唔新鮮。好難食。無甜味之餘，以為自己食緊魷魚，擺到起晒膠，仲得個咸字，仲要奶白色，已經唔係半透明。左口魚$8件，無味。同元氣，峰壽司一樣，差幾千光年。

一行入餐廳，帶位員安排嘅四人座位都幾凍吓(我只得兩人)，當時有五六張四座位吉枱，就問問店員可唔可以轉去角位坐(已向店員表達我好快食完，如有需要時我可以轉返張枱俾你)，點知帶位嗰位姐姐👇🏻 死都唔肯，咁唯有算囉！首先，餐廳食物種類唔多我叫咗個和風牛肉拉麵(北海道地獄湯底)拉麵冇特別，湯底唔夠辣之餘仲淡茂茂個女叫咗個紫菜滷蛋烏冬，個湯底鹹到七彩，啲紫菜林啤啤，隻滷蛋似豉油蛋多啲囉另外，叫多咗個芝士炸年糕，好似返炸再返炸咁，啲油完全滲入年糕內，想點先~~🙄最後杯菜蜜連茶餐廳嘅質素都未攀得上，有色無味，淡到似水呢吓好嘢，要做到呢個效果都唔容易😪總結:唯有👋🏻👋🏻，永別啦！

第一差 : 服務態度差，一開叫左個小食，已經轉頭就叫轉個小食，個服務員話試下叫入面轉，點知最後話入面整左，轉唔到。轉碟小食都轉唔到，個態度好似話你叫左就要硬食嫁啦。第二差: 食物質素差，啲拉麵啲湯汁淡蓼蓼，令人唔開胃。隻拉麵熟蛋(suppose 溫泉蛋)凍到好雪櫃拎出黎咁。個海鮮拉麵啲帶子又有沙。第三差: 接受意見態度差。同佢講啲食物點點點，佢只係駁你，完全唔會聽下或者感到抱歉。雖然你地係屋村商場食店，但你做得日本野，開得咁既價錢(一個普通拉麵$58，未計加一)。唔該比番少少態度同質素。你覺得住公屋既人就要比呢啲錢食你地啲劣食?食完好火有感而發，你地簡直係侮辱緊日本食物。