響一品 (沙角商場)

营业中

休息中

咁岩經過呢度，見到有間餐廳，望落以為係中式料理但原來係日本野，睇一睇佢嘅外賣套餐相當抵食！見到佢仲有推出抗疫套餐，一共有10款特價套餐，價錢由$39至$51。揀咗鰻魚飯，出邊食鰻魚飯普遍都要$80以上，呢度$48就可以啦！鰻魚都幾大條，而且鰻魚汁夠多，配埋飯相當夠飽。呢個價錢佢一啲都唔求其，相當足料！有紫菜絲、蛋絲、芝麻，外賣來講賣相相當唔錯！套餐仲包飲品，基本上咖啡、檸茶，檸水之類。呢間餐廳真係平民價錢，抵！

屋村商場中呢間嘅日本料理，裝修幾靚，而且食物價錢親民，有散叫、有晚市套餐😀而家外賣仲有抗疫套餐，價錢更加抵~~我就揀咗日式汁煮豬軟骨炒烏冬$48，外賣加兩蚊，埋單$50。包飲品，揀咗冰紅茶。😎外賣大概等20分鐘左右，豬軟骨份量都唔少，而且幾入味~~😋面上有好多日式炒椰菜，有菜係健康啲。🤩而且仲有啲蔥、蒜粒調味等等。面上嘅芝麻亦都增添左香味，烏冬炒得都唔錯，唔會過林。呢個價錢來講真係算OK😃

而家天氣咁熱，公司又出名係沙漠，周邊根本冇野食，到Lunch時真係唔想出去食，係公司飯堂已經出名係劣食，都已食咗好多日同好多餐，卒之都頂唔啦！我哋就叫咗外賣。🤣🤣🤣@響一品自家製咖喱吉列豬扒飯送到過黎，個吉列豬仲係好脆，咖喱就日式咖喱，甜甜地帶有少少甘，份量都唔少，真係食唔晒 。🤩🤩🤩赤蝦壽司拼盤份量真係多，有12件，起初都擔心，外賣送到過黎唔知會變成點又或者會唔會熱晒唔新鮮呢？但黎到比想像中好好多，魚生都新鮮，其實外賣都唔可以要求咁多啦！🤣🤣🤣韓式炸雞唔知太厚粉，好脆，唔會乾，食落仲有好多肉汁，鷄肉嫩，唔會有雪味。👍👍👍汁燒雞肉串唔會（鞋）,雞肉嫩，但個汁就偏甜左少少。👌👌👌提子流打我一心諗住佢係人手做既，因為午餐轉飲品都要加$12，點知黎到係罐裝飲品，呢個就d失望啦！🙈🙈🙈整體黎講，佢既食物都算係中上，價錢唔係好左貴。大家可以去試下或者叫外賣啦！😀😀😀

今天在屋邨商場楝飲擇食，楝呢間「響一品」，因為午市每次經過都見到客似雲來，都沒有一嘗，可能受疫情影響，並未滿座，也做就我有機會一試。自家製咖哩吉列豬扒飯自家製咖哩有BB微辣，味道帶微甜、濃而不鹹，吉列豬扒鬆軟香脆，白飯熱騰騰，整體非常滿意。鐵板三色椒牛肉粒飯吱吱喳喳地上枱，鐵板的樂章引動食欲，牛肉粒沒有使用鬆肉粉，味道和肉質都正常。兩份套餐好食又扺食！沒有加一小費，跟餐有味噌湯和餐飲，我們都選擇熱奶茶。

簡直唔想再去，8:30pm入座，嗌完食物，一路食緊，8:38pm有職員行埋嚟抺枱，我望住佢，佢好似嘗試等我攞起碗麵俾佢抺咁，見我無返應就行開，同埋當時有好多張吉枱唔抺，就係抺我坐個張，跟住8:40pm另一職員行過嚟掃地，佢掃唔到你張枱底，掃你張櫈，跟住同你講對唔住，試問仲坐唔坐得落，嗱嗱淋埋單走人，下次都係行遠少少去第二間食拉麵

剛下樓 想了又想 去哪裡食 只想食碗麵就算 咁行去這間 「響 一 品」食 第一次比錯餐牌 算 再比過好啦 睇了很久 終於選了一碗餃子湯拉麵 咁我問侍應 可不可不煎餃子或炸餃子 （佢話無）算 咁我要煎餃子 （這個餐不是下午茶的）咁來了食物 餃子是炸的 （我問穿著白衫的女人）是炸？ 她說 是炸 還要的是凍 雖然我知道不是你落單 但我要的不炸還有是食物份糧問題 不是下午茶 都已經咁細 實在太嬲 食都唔食就走 錢可以照比

今日行開沙田，夜晚打算食埋飯先飯屋企。點知行左幾轉都諗唔到食咩，因為沙田d 餐廳普遍都比較貴，而且又多人排隊～行左成大半個鐘都搵唔到食咩，就行埋過瀝源村果邊。無意中就見到呢間日本餐廳，雖然唔太多人喺餐廳食緊野，但我見出面個餐牌價錢唔算貴，同埋真係太肚餓，所以就入左去試下。我就叫左出面餐牌嘅燒靖魚定食再加一個鰻魚手卷～定食黎之前有個前菜～煮蜆仔同埋面鼓湯😃跟住就係定食喇～估唔到平平地都幾大份條魚都燒得好靚，食落口感同味道同我去貴價日本餐廳食過嘅一樣好味！另外，我好欣賞佢個配菜，有炸紫薯紫🍠，真係好正！外脆內軟，仲熱辣辣！總括黎講，呢間餐廳喺沙田黎講算好抵食，環境都坐得幾舒服😌😃😃值得推介！

講真今時今日幾個朋友仔出街食野都幾有難度，每人口味不同，估唔倒呢間日本餐有推出一人一鍋(火鍋)真係要比湯底又多，蔬菜又新鮮，肉類，海鮮鍋好有驚喜，我b朋友贊我今次約得好，食得開心，所以好野要分享。

行過佢門口正想揾食，比佢個歺牌吸引住，(大满足)，就睇下有幾滿足，入座点歺，開始陸續上餐,，，，驚喜嚟喇，每款份量吾小，心念两條友食吾食得晒！除左份量夠，款式重好正，有石板烧，火鍋(記住龍蝦湯必食丫)，魚生，寿司。食饱走人，埋單比埋贴士(D姐姐服務值得比)都吾駛$320.呢歺真係大滿足，心念又多一個開饭地區。

多牛肉，湯底味道剛好壽喜燒2018/09/22星期六嘅早上，同朋友食完早餐睇完早場電影，11:40沙田到處都係人，星期六嘅中午特別難搵食，朋友有兩聲咳，但佢好想食壽司，因為沙田新城市的壽司店好多人等位，於是我地行到了這間屋村中嘅日式店。店內有中午的set,我選了$62壽喜燒，店內不用加一，大部分set也$5×-9×，個人喜歡食魚背所以也點了一舊壽司$9。很喜歡這壽喜燒的湯底，我覺得這餐的主要賣點係抵食。壽司來說我是左口魚的忠粉，肥美的魚背，入口的感覺令人滿足，但舊飯太大而且暖暖的令餐廳食物質素只降回屋村日式店。這樣的價錢，這樣的質素是可接受的，而且此店多數公假都唔洗等位係好事。另外，如果大家光臨千其唔好點拉麵因為真係同屋企煮的冇分別，唔想大家失望。麵質會大失所望。

原本4個人去食，比我地坐連枱，我地好正常咁坐4個位啦，之後有熟客黎，坐我地隔離，2個人霸4個位，2個位用黎擺袋。繁忙時間出面仲有人等緊都可以咁坐，個侍應仲同個客講個位係佢既，可以坐得寬落啲。咁之後我地想加多一個人，見佢地既然個位用黎擺袋姐，咪問侍應我地可唔可以再加多個人，個侍應話冇位點加比你，跟住就叫我地調入去5個人坐4人卡位。明明就有位，叫熟客2個人坐3個位都唔係好過份姐，佢地啲袋又唔係特別多，我地夠有袋啦，又唔見你一人比一張櫈我擺咁調位果時我都有講左句，明明就有位，個侍應唔知聽唔聽到，冇特別理我啦。之後我地再叫野食，因為坐最入，我怕冇人睇到，咪舉到隻手好高，熟客個侍應明明睇到我舉手，但扮睇唔到，唔理我仲再即刻背住我地，我嬲嬲地勁大聲講唔該，個個都望過黎，果個侍應都冇諗過黎，最後咪另一個男侍應過黎囉。咁既態度做熟客生意夠晒啦，我唔會再食囉

屋村入面有日本餐廳, 都唔會有太大希望, 都知係一分錢一分貨, 但想食日本嘢, 於是走去試試~ 豬軟骨拉麵拉麵配半只滷水蛋、粟米、筍、海帶、日式魚蛋, 好基本嘅配料, 呢個係配豬骨湯底, 不過唔係好濃豬骨味, 反而有啲鹼水味, 同埋個湯底唔夠熱, 拉麵唔算彈牙, 而且好鹼水味, 可能煮麵時過唔淨啲鹼水, 好難食, 好差~ 吉列豬扒烏冬個炸粉都幾厚, 上下夾埋同塊豬扒差不多, 同埋都係偏油, 墊底果張紙都吸滿哂油~ 雖然係炸得好脆, 不過都係濕一濕湯好啲~烏冬都配半只滷水蛋、粟米、筍、海帶、日式魚蛋, 好基本嘅配料, 個豉油湯底夠味但唔夠熱, 烏冬都算彈牙, 以屋村質素嚟講算係咁~ 天婦羅軟殼蟹炸粉都幾厚, 而且都幾油, 但如果趁熱食都還可以接受, 但太細只囉~ 希靈魚、劍魚腩、馬刀貝、左口魚裙邊壽司刺身都算新鮮, 但唔係好夠凍, 同埋求其啲, 都係就咁放塊刺身响嚿飯上面就算, 完全各有各~

午餐想食日本野～所以決定搵最近既日本餐廳..見到個menu，呢間餐廳既lunch set都幾平，所以就入去試下佢~~麵鼓湯覺得佢個麵鼓湯麻麻地..飲落無咩麵鼓味，唔算太淡但覺得有好大浸清酒味..唔係幾岩我口味...牛肉壽喜鍋有驚喜既一個鍋~佢個壽喜燒汁好味喎~入面有好多蔬菜，d菜煮到入哂味，大食妹掛住食菜都無咩點食d牛肉。btw.用d汁撈飯好正~~鹽燒鯖魚條魚都燒得幾香口，食落覺得有少少鞋...不過整體個味都係ok 既~~題外話~佢個白飯係日本既珍珠米~~所以碗飯好好食~~碗飯令到今日成個lunch加分

自己住喺呢條村，收到傳單先知有間日本餐廳(響一品日本料理)，今期推介東京吉列牛(杜如X介紹過)，我呢D牛魔王，今次近水樓台喇。6点半去到，有冇咁早爆場丫，好彩早到姐，入座，二話不說点菜，就兩份吉列牛。菜到,一睇就知冇揀錯，D牛肉油脂豐滿，正，嗱嗱聲煎件試下，吉列外皮超脆口，牛香味極濃，配搭埋佢哋自家果隻椒鹽食，味道更佳(經理果然冇介紹錯)。食飽，走，估唔到，屋邨都有咁高質素野食。

我同男朋友每次返亞媽度，媽咪推介我地來呢間日本餐廳🍴食 ，今次我地叫左個 同刺身井] 再加埋三文魚刺身仲有一個好健康既三文魚🍣雜菜沙律🥗我同媽咪都覺得真係好有滿足感😋 好在上次媽咪黎食既時候，個侍應幫我地join左會員❣️今次仲有88折添！我覺好抵食👍🏻