影片
开饭介绍
位于葵涌的一间韩国菜餐馆，装修简约，走工厂风格。提供地道韩国美食，例如炸鸡、猪脚、全州拌饭、辣炒章鱼、泡菜煎饼等。
继续阅读
营业时间
星期一
全日休息
星期二至日
12:00 - 15:00
18:00 - 21:30
公众假期
18:00 - 23:00
公众假期前夕
12:00 - 15:00
18:00 - 23:00
以上资料只供参考，请与餐厅确认详情
招牌菜
平时真系唔会写食评，但呢间野真系一次起两次止少....附近都冇乜韩式食店，本身都几期待个韩式年糕好唔好食，点知份量连半个铁碗都冇..年糕得10片左右，仲要唔系韩国个种条状..系超薄个种..明明写住韩式，唔知点解碗野系啡色牛肉得两片都算..仲有堆多过年糕既葱，似食葱多过食年糕..唔知系咪同枱叫左几碗，所以一碗变几碗咁出货..真系冇野食叫隔离比埋碟前菜我食⋯⋯仲要d年糕系硬嫁😭收人68俾d诚意好wor⋯⋯真系搞唔掂...
继续阅读
香港地成日塞车，所以身边有唔少朋友就算有车都未必日日揸车，系去啲偏远地方先会揸。今次有车朋友就带我黎到葵涌光辉围食好西，哩度唔近地铁站，亦唔多巴士直到，如果唔系街坊都应该唔会黎到哩头揾食。朋友食过话唔错，钟意佢铺仔细细老板做野亲力亲为又有心做，最重要系泊车方便，所以耐唔耐都会黎食。四式前菜(免费) - 前菜有芽菜、菠菜、冬菇同泡菜，有辣有唔辣，清清凉凉都唔错，食晒仲可以免费refill一次。韩式惹味甜辣炸鸡($70/四份一只) - 哩度嘅炸鸡除左可以点全只同半只，其实仲有个隐藏版1/4只可以点，不过menu就冇写出黎，通常系熟客先知。1/4只大约都有五件炸鸡，两三个人食其实啱啱好，仲有位食其他菜式。炸鸡上面嘅甜辣酱份量适中，唔会食到周围都系好狼狈咁，炸皮几脆，鸡肉亦唔会太干太鞋，不过留意返，哩度嘅甜辣炸鸡系比出面食倒嘅辣，辣度大约系中辣程度，真系食得辣嘅朋友先好点。炸鸡旁边仲有腌萝卜，酸酸地解辣又开胃。梨太院墨鱼煎饼($75) - 哩个墨鱼煎饼比平时食倒嘅泡菜煎饼或者海鲜煎饼薄身同脆口，所以食落唔会有成口粉嘅感觉，另外因为加左墨鱼，所以亦比较有咬口，蘸埋个酱汁食味道都唔错。大邱炖肉排配麻油香饭($128) - 肉排炖到好腍，连啲骨都炖到腍腍地，骨肉亦好容易分开。排骨个酱汁咸咸甜甜咁，好啱用黎𩠌饭，除左排骨，瓦砵入面仲有红萝卜同薯仔，所以都比想像中饱肚。韩式牛尾汤配麻油香饭($138) - 牛尾汤好清，饮落清淡之中带少少清香味，而且完全冇牛膻味，仲一啲油都冇，感觉系比较健康，似似地韩国嘅雪浓汤。牛尾煲到好腍，同头先个肉排一样骨同肉都分开晒。除左牛骨，同样有加入红萝卜同薯仔。炖肉排同牛尾汤都有跟麻油香饭，用左韩国珍珠米加埋麻油黎煮，粒粒都好饱满，食牛尾汤时，可以加埋香饭入去变成泡饭咁食。无酒精饮料($15/罐) - 食店虽然细，但有酒精同冇酒精嘅饮料都好多款拣。总结，野食唔错亦睇得出用左好多心机去整，虽然楼面得老板一个落单执枱传菜埋单一脚踢，但见倒当客人对menu嘅菜式有疑问或者要求意见时，老板都好耐心答，非常值得支持嘅小店。
继续阅读
是日收早，未到晚餐，想找点小食填充吓个胃。系路上遇到这间不起眼的小店——有酒有小食，就选他吧！进店坐下，是晚第一位客人，侍应生招呼用心，见我只点小食，便热心讲解韩国手工啤。点毕菜后，食物陆续递至。小菜，小店所限，只有四款，但味道很好，特别是菠菜及磨菇，你还会感受到爽脆与新鲜。辣炒猪五花，猪肉软糯滑香，薄薄一片吃下去完全没有肉膻味及肥腻感。坊间很多韩食店都是一味死辣，菜味、肉味、汁水完全独立而行。这里倒令人食出「和味」，椰菜、泡菜、猪肉、辣酱、香油的味道混而为一，很好。泡菜煎饼，上桌时心中一惊「死火，中伏！」，表面有唔少焦香。挟起一块放进心，由大惊变大喜！边饼松化香脆，中心香软惹味，完全没有苦味。一份煎饼，两种口感，不禁令人忆起几年前系明洞内街误撞进去那没有游客生意的老铺，那种传统脆香煎饼的口感顿然令人感动莫名。手工啤是侍应介绍，一淡一浓，很不错。由于没有厨工加持，这里不作评论。趁餐间与侍应闲聊，才得悉他是店主，而且刚来两碟菜是他亲手制造的。至今仍记起他「家中的长辈坚持要这样做菜，我们的出品与坊间有所不同」这种低调的坚持！两个字总结，美味！
继续阅读
星期六的下午，走到旧日工作的地方，怀缅一下，虽然仍想吃很多老店，今次想试一试朋友介绍的韩式小店。光辉围除咗报章杂志时常介绍的一蚊一件煎酿三宝，其实好多稳世小店。行了一个圈，见到这间韩式餐厅，在门口有一个介绍午餐的餐牌，价钱经济实惠。店内装修简约，播着relax的音乐，不是大吵大闹的韩歌本来想吃安东嫩鸡，已经售罄。侍应介绍了炖牛尾汤和肉排只剩一份，心想咁好卖就试吓啦！牛汤先上，热辣辣一喝，好鲜好甜浓郁的牛味；肉排，个汁好惹味，配上薯仔，全碗饭也吃清配埋两罐韩式饮品
继续阅读
平时都懒得写食评, 但今次真系忍唔住 . . .见有新开的餐厅, 而且忽然好想食炸鸡, 所以即管试吓。叫咗半份“奶香芝味炸鸡”, 本来以为同某连锁韩式炸鸡店一样, 系撒满香香嘅芝士粉𠮶种炸鸡,点知佢所谓嘅「奶香」, 竟然系厚厚嘅沙律酱 , 而芝士粉则少得可怜！沙律酱嘅份量系多到包哂成件鸡！即使沙拉骨都唔会放咁多沙律酱,总之就难食到不得了！！！完全食唔到鸡味, 只系成口沙律酱！之后我哋抹走啲沙律酱睇睇, 原来入面嘅鸡皮已经返炸到呈黑色, 炸粉好厚, 肉又干。相信放咁多沙律酱就系为咗掩饰返炸到变黑嘅炸鸡！平时我同老公都唔会食剩嘢, 因为唔想浪费,但今次真系难食到食唔落, 结果剩低大半盘 . . .
继续阅读