韓閣 (富裕樓) (已結業)

#荃灣之前搭車經過見好多人排隊, 早前搵埋荃灣友一齊試! 其實係陪我試, 荃灣友一早食過, 皆因此店已開業6年! 😮🧀超人氣雪花三重芝士味炸雞半隻 $118 ~ 超濃的芝士香, 未放落枱已經聞到! 雞肉嫩滑, 連胸都滑, 外皮炸得香脆, 芝士咸香, 絶配! 🐄牛肉雜菜手卷 $46 ~ 滿滿的餡料, 牛肉腍滑又多蔬菜, 飯粒唔硬唔散, 不錯! 🦐豆腐海鮮湯 $52 ~ 唉, 第一次飲 "走辣" 豆腐海鮮湯, 好彩, 湯頭都好甜, 豆腐超滑, 海鮮又多, 有青口、蜆、蝦、魷魚, 如果唔係我應該會鬧人! 🐖五花腩炸醬麵 $58 ~ 失算, 份量大到一個點! 五花腩食極都有, 唔會勁肥, 入口即化!  麵身唔會好腍, 撈埋濃濃的炸醬同食都唔會好膩, 讚! 🍋青檸柚子蜜 $15 & 凍苿莉柑桔蜜 $15 ~ 好有驚喜的柑柑蜜, 滿滿的茉莉香, 好清爽舒服! 

十分值得推薦的一間餐廳，食物質素好，而且價格合理。入店時將近六點，員工禮貌提醒下午茶就快截單，咁先發覺仲有 Afternoon Tea 可以叫。炸雞特餐（$102），炸雞半隻（有3款味揀，斬件後有5件），要咗甜辣味（唔太辣），即炸，脆卜卜，外脆內嫩有肉汁；仲有蟹肉沙律，淋上柚子蜜糖漿，食落好開胃；同埋香草薯條，同樣係即炸，薯條朴咗少少粉炸，所以更香脆，但冇乜香草味；2杯餐飲（凍飲+$2；特飲+$6）因為諗住係食晚飯，一份炸雞點會夠飽呢，所以叫多一個午餐（係呀，係午餐，仲做到6：30）。牛肉韓國伴飯（$48），大量（切條）牛肉，再加大量配菜如芽菜、菠菜、紅蘿蔔、脆肉瓜，及雞蛋，大大碗份量十足，仲有2款韓式前菜，加多碗牛骨清湯。

噢媽想食韓國野，唔要炸雞同烤肉，我就諗起韓閣，之前喺舊址食過1次下午茶，而家搬咗地方大咗好多，入到店內有少少韓國感覺3個人叫咗6樣野，食得好開懷-         牛骨湯($108)，湯好清澈而有濃郁既牛騷味，好飲-         泡菜炒五花肉($68)，辣辣地好開胃，好想配白飯，但因為叫咗好多野，所以無加白飯-         秘製辛辣冷麵(撈麵)($58)，加少少有醋撈，中和咗辣味，感覺好fresh，係韓國既感覺呀~~-         香烤小食併盤($138)，噢媽為咗15cm既燒魷魚筒而叫，除咗魷魚筒之外仲有蒜蓉青口，蝦，雞槌，好豐富；果然燒魷魚筒無失望，好厚身彈牙有咬口，唔會un，噢媽激讚燒魷魚好好食好新鮮唔乾又唔老，蒜蓉青口都唔無得輸….. 成個併盤好抵食!-         特調辣醬炸雞半份($118)，特調辣醬味道幾特別，但略為過杰身，癡住咗，而雞亦炸得有D乾，雞胸位少少鞋，如果辣醬稀D就可以點醬應該可以COVER到雞胸鞋口-         泡菜煎餅($62)，正常好食，但無乜特別-         唔少得要返支真露，跟野食叫加$28食物份量多抵食，價錢唔貴，味道好

好耐無食過韓國野，拌飯同埋紫菜包卷都唔錯，拌飯用左香港人成日食既菜肉瓜，呢間就唔算好韓國地道，你當係Fusion左港式食品會覺得比較好，拌飯有提供調味醬比大家加辣，波菜略嫌麻油唔夠，令拌飯唔夠香口。紫菜包飯就件數足夠一口size，不過唔用菠菜有啲奇怪。價錢都好適合年輕人另外仲有軟殼蟹炒烏冬，呢個無影相，感覺似香港既粗炒，但我唔覺得似韓式菜，味道偏咸，同埋好多汁變左有啲水既感覺。食左紫菜包卷、拌飯、軟殼蟹炒烏冬仲有兩個小食，都係～$200左右係咪好韓式就唔算，都混左啲港式，不過濃味左少少，性價比都幾高

荃灣很受歡迎的韓國料理餐廳，這次終於去吃了；餐廳放滿了韓國電影的海報，還有韓國風的小擺設，連最新魷魚遊戲的裝飾也有，加上播著韓文歌曲，很有韓國小店的感覺炸雞🍗特餐(甜辣味)：套餐包了炸雞半隻、蟹肉田園沙律拼香草薯條、2杯飲品，價格十分超值；炸雞炸得香脆，肉質嫩滑，醬汁頗多的但分布有點不均勻，跟餐的香草薯條份量頗多；基本上1個套餐2人吃已經夠飽了紫菜肉鬆蛋卷：吃韓國菜必點，蛋卷一條有6件，份量不少；蛋香味香濃又夠厚身，紫菜肉鬆配蛋卷是絕配👍🏼💯 泡菜煎餅：煎得外脆內軟，泡菜味香濃，是韓國的口味😋店家貼心的在煎餅底放了吸油紙，吃起來就不會太油膩粉紅櫻花海鹽特飲+寒天晶球：十分美的新產品，像櫻花味益力多，海鹽味道不會被飲品蓋過紅棗蜜：紅棗味不算濃，甜度適中，秋冬喝就最適合《韓閣》@korean_loft_cafe📍荃灣青山公路275號富裕樓地下G4-6號舖

韓國係自己其中一個愛去的地方 可能是Running man 吧 太耐冇去有點掛住韓國 於是黎到荃灣一間餐廳食韓國嘢 亞之媽炸雞 -甜辣味道 賣相跟地道炸雞無分別 咬落口外皮卜卜脆 肉質鮮嫩 配上韓國甜辣醬汁 相當滋味芝士泡菜軟殻蟹手卷 入口香脆加上粒粒分明既米飯 即炸軟殻蟹加埋泡菜 有互相平衡之效 韓閣雜錦蛋卷 陣陣蛋香味撲鼻而來 𥚃面材料豐富 蛋卷上加上芝士 好特別 正牛骨蘿蔔湯 啖啖牛肉香味 湯底充滿牛味 加上蘿蔔 成件事好清甜 材料十足 牛骨煲得好淋 紅豆奶茶 大大粒紅豆 奶茶味濃 好滿足 呢度無論食物及環境都有一定水準 性價比高 食韓國嘢其中之選

輪候時間短 Happy Friday 的晚上7點30分到達，沒有想像不用等15分鐘就能入席了！不用排長隊的星期五晚上特別令人心情愉快！上菜時間快90分鐘的有限用餐時間內，不用10分鐘時間就陸續上菜，給予足夠時間用膳！特調炸醬炸雞（一盤5隻） 特調的醬料沒有太辣 開胃不錯 但如果醬汁可以多一點會更好傳統泡菜煎餅 小編偏愛泡菜 覺得煎餅合格心多多蛋卷 （3式） 一次能試3種味 一款各兩件 又好味又不會吃膩鐵板香辣魷魚筒 韓式炸醬汁 略嫌🦑魷魚不夠入味 如果有焦香就更好 價錢還可以 大食的小編與朋友2人 叫了4個菜+2杯飲料。 結算$336

🧀芝士岩漿炒飯 👍🏻鍾意食芝士嘅必試😍 滿滿嘅芝士蛋漿包圍住泡菜炒飯，撈埋一齊食真係超邪惡丫😝而炒飯入面除咗有泡菜之外仲有豚肉片同洋蔥，味道酸酸辣辣，唔會覺得好膩😍🫔🧀 雜錦蛋卷咁多款食物入邊最鍾意嘅一款👍🏻👍🏻蛋卷上邊鋪滿咗蟹籽然後底下有泡菜同芝士😋一口咬落去，味道豐富👍🏻多重口感 🤩 🍲珍寶香辣海鮮湯 呢個湯真係超多海鮮配料😍有蟹、蝦、青口、蜆同魷魚，如果唔夠仲可以額外添加:鮑魚、帆立貝、粉絲、麵辛辣湯底夠濃，配搭麵一齊食確係一個唔錯嘅選擇👍🏻🥘 鐵板辣醬雞 可以自選配🧀芝士/炒麵/粉絲因為個飯已經揀咗芝士🧀所以呢份就揀咗配粉絲😝我幾鍾意佢嘅韓式辣醬，少少辣偏甜，配搭粉絲夠惹味，如果雞件可以大塊少少就更好啦🙈🙈😆最後仲食咗個心太軟做飯後甜品😜兩個人叫咗咁多嘢🙈埋單先三百幾真係非常抵食👍🏻👍🏻👍🏻

荃灣新發現～ 好抵食又高質嘅人氣🔥韓國🇰🇷菜餐廳。餐廳裝潢搶眼，遠處已經見到，入到去更加俾韓風圍繞住，好有feel。菜式提供款式好多，有炸雞、人蔘雞湯、部隊鍋、三重芝士岩漿炒飯等，價錢仲好親民！香葉鹹蛋黃炸雞翼 $68 鹹蛋黃醬嘅香濃撲鼻，雞翼好大件，炸得非常脆口，雞肉保持多汁嫩滑，真係好出色紫菜肉鬆蛋捲 $52熱騰騰🔥嘅蛋捲，咬開仲有蒸氣😌，外面有香口嘅紫菜肉鬆，入面嘅蛋亦做得好滑溜，蛋味濃郁暖暖餃子粉絲鍋 $68好驚訝🙀係佢嘅份量，一鍋入面有6-7隻巨型餃子，仲有幾款餡料，有我最愛嘅泡菜😋 下面亦有韓式粉絲、蘿蔔及素菜，吸收左湯汁，份外好味😍傳統豆腐湯海鮮湯 $52配料份量多，調味唔錯炒雜菜 $35可以揀少鹽，好有心思碟豆花特飲 $15熱🔥牛蒡茶 $5飲品仲有優惠，真係好抵！

成日食得西餐/日本野多，呢晚心血來潮好想食韓國野，收工就響荃灣同男友試呢間韓國菜黃店，唔知點解呢晚冇乜人排隊，我地好順利地直入食野。店面裝修比較新潮，除左有幅好大既韓妹壁畫外，仲有時下大熱既《魷魚遊戲》裝飾，都幾有韓國feel。我地點左餐後，野食都好快上枱。>前菜：泡菜酸酸辣辣好開胃。>珍寶香辣海鮮湯：呢個係大湯碗size，入面都幾足料，有半隻蟹、2隻大虎蝦、2個青口+蜆，鮮味十足，湯底微辣。>韓閣雜錦蛋卷：蛋卷上面好多蟹籽，打卡一流，配埋泡菜+芝士+蛋黃醬食，都幾好味>爆脆雞膇翼﹙蜜糖芥末醬﹚：蜜糖芥末醬份量恰到好處，雞膇+雞翼外層香脆，醬汁唔係好覺有芥末味，甜甜地好快食哂>芝士岩漿炒飯﹙必試﹚：好似瀑布咁多既芝士，撈完之後，啖啖飯都有芝士，重點仲要好拉芝，好邪惡，不過可能我地點左太多野，食到最尾覺得好滯🥲

路經荃灣，見到有間韓國餐廳韓閣幾吸引，而我另一半又話想食炸雞，咁就岩晒食呢間試下啦! 首先一入去個環境有好多韓國電影海報，而且播著耳熟能詳的Kpop，好似置身於首爾的Café一樣。講番食物，首先要介紹蟹三式石鍋飯，首先我本人好鐘意石鍋飯夠晒熱辣辣，已經有好多唔同的配菜，加上蛋汁與韓式辣醬，已經覺得好吸引。而平時主菜通常係雞肉、豬肉或牛肉等，但呢度居然用蟹為主菜! 蟹三式為松葉蟹肉、韓國蟹羔同埋蟹籽，得到三重享受，分別係蟹肉的鮮味、蟹羔的濃味及蟹籽的口感，值得推介!另一道菜就係牛油蜂蜜炸雞，上枱時已經聞到牛油的香味，而呢度的蜜糖好似唔洗錢咁，成個盤底都係蜜糖，加埋牛油，相當邪惡! 而炸雞用同部位，皮夠脆而且啖啖肉，非常滿足!最後點了韓國比較傳統的海鮮煎餅，煎餅上的海鮮料好多，分別有蝦、蜆，同埋依非比較hit的魷魚，而煎餅的皮夠薄，食落去唔會覺得落左好粉的感覺，反而食落去有點黏韌的感覺。而這裏提供了蛋黃醬及秘製韓式醬汁，可以帶出唔同的層次。其次，這裏仲有好多特色韓國食品，例如芝士岩漿炒飯、人蔘雞湯、部隊鍋、雜錦飯卷等，但因為已經食到好飽，留待下次再戰吧!

韓閣係荃灣嚟講頗受歡迎一間韓式餐廳平日中午、夜晚、週末每次經過都見幾Full尤其Lunch唔少學生嚟食(學生優惠-$5)轉左呢間鋪位之後 座位多咗同闊落咗 坐得都舒服啲-下午茶嘅炸雞特餐 有半份炸雞、蟹肉田園沙律拼香草薯條、餐飲兩杯！炸雞我哋揀左甜酸味 即叫即炸 上枱時熱辣辣外皮夠脆雞肉都嫩滑 醬汁甜甜酸酸幾開胃不足係有啲🍗炸得唔熟！-套餐嘅蟹肉田園沙律 加咗柚子醬 可以減低炸雞既油膩感！香草薯條都係即叫即炸 份量唔少-韓閣雜錦蛋卷 有蟹籽、泡菜、芝士三款材料好配合 如果蛋卷嘅蛋香味再濃啲會更好-芝士岩漿炒飯 因為見隔離枱個學生哥食好似幾正咁 食完後覺得年輕真好🤣佢一個食哂 我哋兩個食都覺得幾濟吓！芝士岩漿用咗四種芝士醬 所以芝士味點都會濃 而且有奶香味 夠晒邪惡😆炒飯底係泡菜豬肉炒飯 豬肉係一片片豬腩片 泡菜香味都夠-海鮮豆腐湯飯 配料俾得幾多有蝦、魷魚、蜆同青口 另外豆腐夠滑！湯底味道唔錯 飲落少少辣味 有得揀再辣啲更好！-係荃灣想食韓國菜嚟講 呢度價錢唔貴同質素唔差會係優先選擇！

岩岩到步坽咗飛等咗30分鐘先入到去，等等下發現其他遲過我黎既都入曬去，我一個人反而未到我，要我主動問先帶我入去，原來佢見到邊個就叫邊個入去，吾會點禁飛位搞到我等咗好耐。之後入到去叫咗個拼拼麵，就只係一碗普通拉麵配個三隻餃等咗我35分鐘，見到人地個枱又炸雞又拌飯都到曬，我一個普通麵等咗勁耐，吹咗兩次先上到，仲要淨係上到個麵，個餃隔咗5分鐘先上到，我吾明點解要整咁耐先上到，人地炸雞就咁快到。之後店員態度都吾係特別好，個個西口西面，我吹完第一次冇下文我先忍吾住吹第二次，食到人都炆。已經令我冇慾望再幫襯

朋友忽然提議食韓國菜，剛好在荃灣，就找到這間食簡單韓國料理的餐廳。午餐食得比較遲，所以只叫了三款野食。🦑鐵板香辣魷魚筒魷魚肉質厚實彈牙，用韓國甜辣醬調味，甜甜辣辣的，好野味。連墊底的蔬菜吸滿汁都食得一乾二淨。它是原條魷魚上枱，配有剪刀自行剪開。.🍲海蜆大醬湯比之前食過的大醬湯口味清淡，配料很足，有豆腐、蜆跟少許蔬菜。.🍐秘製水梨辛辣冷麵水梨清甜，配上凍凍的冷麵很適合夏天食，解暑的感覺。但醬汁方面就有一點奇怪，配蜜糖芥末醬，感覺不太夾。.整體不錯，尤其是魷魚特別出色，價錢相宜，下次再去試下其他菜式。

上菜速度快，食物質素一般，員工態度差。 我哋都係因為黃店先會揀佢，不過佢入邊完全冇黃店應有嘅文宣。 明明出邊冇人等，但係未夠鐘就催客走(仲有10幾分鐘，態度又串串共。我同個friend都叫咗杯「少冰」嘅紅豆抹茶鮮奶，不過夾走咗啲冰，得返個杯一半嘅飲品，完全唔夠飲。個泡菜芝士蟹籽蛋卷上個時，個店員dun 曬d蟹籽出嚟👎🏻👎🏻炸雞醬撈唔勻d炸雞，d醬料一忽一忽咁，唔係應該拌一拌先至上菜㗎咩🤷‍♀️最後15分鐘嗰陣時叫左一碟炒雜菜粉絲雖然好快上但係d椰菜未熟透就比客食，當食客係牛🤷‍♀️食呢間野不了，唔會有下次😡😡😡難得同啲friend一齊出街，俾人兜口兜面咁鬧好掃興呀！☹️☹️☹️☹️