韓牛牧場 (已結業)

今晚約埋阿女放工去左銅鑼灣搵食，心血來潮想食燒烤，就去openrice search 下睇下附近邊度有好介紹，搵倒韓牛牧場日韓燒烤放題，大致都獲好評，一於衝上去醫下個肚😆。餐廳門口有放沙律🥗、韓式前菜、海鮮吧冷盤嘅任食區域，行過小小就放飲品嘅雪櫃，乾淨整齊；入到餐廳見到每枱都係用德國寶個款光波爐，唔會覺得有燒烤油煙味，呢個非常重要，起碼食完都唔會有周身燒烤味👍🏻。世子牛盛$298極上定量製作：6色刺身併盤 ： 刺身有光澤，三文魚同油甘魚厚切肥美；帶子大大粒，鮮甜；仲有北寄貝、墨魚同甜蝦。醬油蝦，蝦身同蝦頭緊接，相當新鮮，入口黏滑鮮甜，醬油味唔太重，咸度剛好。法式羊架，燒完仍充滿油脂，入口甘香，羊羶味唔算太強，容易比唔太愛好嘅我接受嘅味道。手作刺身韓牛壽司🍣⋯⋯第一次食生牛肉，感覺有啲似食緊魚生，黏黏滑滑🤣。4合海鮮燒烤併盤，有墨魚仔、蝦、青口同扇貝，最好味就係青口，放係青口面嘅牛油燒溶後，包著整隻青口，既鮮甜，入口充斥牛油香氣。任點部份超過60款食物，有豬、牛、雞、海鮮、蔬菜、韓湯、炸物、天婦羅、炒飯、年糕。牛仔骨油脂豐厚味道濃、牛舌味濃彈牙有口感、小甜薯黏糯，燒菠蘿🍍又香又甜，60幾

真係好耐冇去旅行啦 無意之中問咗一間食燒肉嘅就去試下啦 價錢都幾抵呀 如果四人同行仲送人參雞湯 🐔一入到去就有2個自助吧檯 有好多唔同嘅韓式小食 kimchi一定唔少得㗎啦 仲有啲醃製咗嘅芽菜菠菜黑木耳蓮藕等等 呢間韓燒係主打無煙火 所以佢係用光波爐去燒烤 坐低冇耐就上咗個海鮮拼盤 有蝦青口同大蜆 我覺得佢啲蝦好出色 好新鮮 肉質彈牙 然後有一盆安格斯牛 仲有刺身 三文魚油甘魚甜蝦帶子 其實淨食佢送上黎既野都飽啦 另外韓式梅花肉我都encore 左幾次 燒完好香 又唔油膩 雞軟骨都好好食 脆卜卜 好有口感炸物都係任食不過肚有限 唯有下次啦 另外如果有朋友仔中意食生啤就一定要追加$28 任飲生啤 真係好爽 🍻🍻

一入門口已經見過好大個冰櫃沙律吧,蟹子同蟹柳絲故都可以無限任加,鍾意食沙律嘅一定唔可以錯過呀!!隔離仲有好多唔同款式韓式小菜;泡菜﹑荳芽﹑蓮藕…….120分鍾放題時間,可以坐係度慢慢食!!!😋 6色刺身拼盤一落完單,侍應就拎左盤刺身俾我地享用,款款刺身好新鮮,真係估唔到黎韓燒都有咁高質嘅刺身呀‼️好食指數 8/10‼️推介指數 8/10😋 手作刺身韓牛壽司第一次食牛肉剌身,無想像中嘅腥味,而且食落口好滑口,未試過牛肉刺身都一定會鍾意食~‼️好食指數 9/10‼️推介指數 9/10😋 4合海鮮燒烤拼盤海鮮拼盤有大大隻帶子﹑海蝦﹑墨魚仔﹑海螺﹑大硯……樣樣都好新鮮,墊枱紙仲教埋大家點樣燒先可以帶出各種食物最正的味道,真係又貼心又細心!!!‼️好食指數8/10‼️推介指數8/10😋 安格斯牛肉眼扒4格木盒裝住唔同部位嘅安格斯牛肉;里脊﹑一口牛粒﹑牛仔骨﹑牛胸肉﹑牛舌……唔同部位有唔同口感,一路傾計一路食‼️好食指數 8/10‼️推介指數 8/10除左以上既限量款式,餐單仲有好多款式嘅肉類,炸物同韓式小食俾大家揀,120分鐘放題真係飽到落唔到樓~~🍽️ 韓牛牧場📌 銅鑼灣登龍街28號永光中心3樓 (港鐵銅鑼灣站

呢間韓燒位於登龍街嘅樓上鋪，餐廳望落乾淨闊落，坐得好舒服。佢呢間好特別，用一個類似光波爐既爐去烤肉，不過今次我同朋友都選擇番燒烤爐，因為佢鐘意食香D的味道。佢外面有海鮮吧冷盤，仲有刺身、海鮮、韓牛壽司及醬油蝦。刺身就正常合格啦，始終唔係呢度嘅主角，就唔多講啦。海鮮嘅都唔錯，特別係蜆，幾新鮮。不過墨魚就冇乜味，應該要加啲醬先好食。牛就有提供唔同部位嘅肉，全部都食得出肉味係比較重嘅，唔似平時出街食嘅雪藏肉。另外仲有兩支羊架，肉好嫩唔會um.佢之後點餐嘅都係可以透過手機落單，好方便。佢嘅雞肉同埋豬肉都唔錯，特別係佢嘅五花肉，肉質結實又有肉味。炸物唔差係新鮮整，不過湯就比較咸左少少。仲有好多唔同味道飲品同雪條可以選擇。整體而言，佢既肉係比其他自助式韓燒好，座位舒適。設備比較新，網唔會痴肉，燒咗兩個鐘都仲係好乾淨， 唔使好似其他餐廳咁要成日換網。

平時食開牛角覺得悶悶地，聽朋友介紹《韓牛牧場》好抵食，所以過嚟試吓！-6色刺身拼盤三文魚同甜蝦都好正🥰本身以為韓式放題，三文魚應該麻麻哋🤔但🍣係新鮮既，而且充滿滿滿既魚油☺️keep住refill😆-一坐低仲俾咗幾款靚牛我哋試咗先🤤4合海鮮燒烤拼盤牛舌不得了！好好味！必食🔥爽口彈牙又多油脂🤤-硯同蝦又係不得了！硯肉鮮甜而且無沙！大家要好好珍惜呀！無得refill嫁！🦐隻隻都仲生猛！食d海鮮已經回曬本🥳-飯後仲有甜品！有榴槤味雪條呀😍-《韓牛牧場》真係好多樣化又抵食

//用光波爐燒肉初體驗🤣//光波爐好處係冇咁大油煙，壞處係個盤不斷自轉有啲難燒🤓·120分鐘燒烤放題，平日夜晚$298加一 😆·💫非任食：✨韓國醬油蝦🦐要食慣生蝦先鍾意食，口感有啲黏口✨手作刺身韓牛壽司細細舊，唔係好食到牛味✨安格斯牛肉眼扒雖然重牛味，但偏韌🤦🏻‍♀️✨法式羊架都係偏韌🙈·💫任食：包括刺身、海鮮、牛豬雞、甜品、飲品等等✨自助區熟蝦、翡翠螺、青口、泡菜、沙律🥗等✨刺身拼盤三文魚、帆立貝、希靈魚、油甘魚、甜蝦、八爪魚，正常發揮🤣✨海鮮拼盤新鮮嘅，但燒貝類要小心啲爆殼會飛彈✨肉類牛肉類中，安格斯肩里脊同牛舌比較好食🤤，其他一般雞肉類食咗雞翼同雞軟骨，味道不過不失豬肉冇食到✨炸物種類頗多，推介炸餃子🥟、天婦羅蝦、芝士年糕、炸紫心香芋丸，味道不錯，新鮮即炸✨海鮮清酒煮蜆ok，多春魚冇春😂✨甜品有多款韓國雪糕自取，我就揀咗曲奇雪米茲，👦🏻就揀咗榴槤雪條·🌟牛類質素一般，呢個價錢嘅牛應該要好啲，真係要改善下🧐反而其他種類仲好食啲😂🤣仲有韓式主食供選擇～·📍韓牛牧場 銅鑼灣登龍街28號永光中心3樓·多謝你睇到呢度，歡迎追蹤 @eat_better_worldwide ✈️·👇🏻#eatbe

今日嚟到銅鑼灣食韓牛放題，一坐低職員會送上一份刺身拼盤、韓牛刺身壽司🍣、羊架、牛肉，同埋醬油蝦。刺身拼盤包括有帶子、三文魚、甜蝦、油甘魚、八爪魚等等，刺身都算新鮮帶子大大粒。另外有一個沙律bar🥗，有翡翠螺、蝦同埋青口，另外仲有幾款涼拌選擇，牛舌涼拌都幾特別。肉類方面有韓國牛肉、豬肉同埋幾款串燒選擇。嚟得呢度食韓國嘢，就梗係唔想返有埋啲韓國小食叫啦，呢度有韓國炒年糕韓式炸雞🍗等，今次就叫咗個韓式炒魷魚🦑，魷魚大大碟，係平時韓式炒年糕嘅味道。到最後就食返幾條韓國雪條同韓國雪米糍😆

又嚟想念外國嘅味道，所以去食韓燒!! 😍呢間餐廳主打韓牛，採用無火旋轉燒烤爐，溫度高少油煙，我都係第一次用呢隻爐，每枱有張紙提你每樣食材要煮幾分鐘幾貼心!! Lunch係半放題形式，order lunch set包左飲品沙律前菜任食，前菜比較特別嘅係辣味豬脷，其他大路嘢有沙律菜、中華沙律、粟米、蟹柳、Kimchi、芽菜等等…其實都非常夠食!! 1++韓牛韓燒定量午市餐(二人份）$238呢個餐份量都唔少，咩都有得食下，有牛有豬有海鮮有，蔬菜，一開始燒要習慣吓呢個爐，自己比較鍾意食韓牛同埋五花腩，可以喺出面攞啲生菜包住肉一齊食!! 火炙1++韓牛爆丼王 $198除咗燒肉仲叫咗一個丼飯share食，有肉眼、肋骨肉、肩胛肉等等，牛肉整體水準唔錯，1++級韓牛油花豐富，有牛味，我覺得好味過自己燒，因為自己燒太忙碌有時唔覺意燒得耐左!! 😆

好耐冇食燒肉，今日初試呢間「韓牛牧場」，顧名思義主打韓國牛肉，我諗香港都比較少地方可以試到韓牛。頭盤有醬油蝦，因為朋友唔食生冷野，我自己食晒！正！個醬幾特別。最期待嘅畫面。。韓牛拼盤，有肉眼扒，肩里脊，一口牛，牛仔骨等。肉味香濃，尤其是肉眼扒。所以怪唔得肉眼扒係冇refill，唯有瘋狂order其他補數。哈哈！羊架幾有驚喜！少食羊的我怕會有羶味，點知非常惹味。食完肉想食下其他野都好多選擇，剌身壽司蔬果等。亦有好多韓國小食，炸香芋丸唔錯，可惜只有一個胃試唔晒咁多樣。最後感覺呢間鋪都幾舒適，座位闊落幾好坐，個光波爐都幾夠力又唔會太多油煙，出門口時完全唔覺成身會一陣味。約埋三五知己黎輕鬆燒下肉都幾開心。

🥢世子牛盛🥢 $298/位，食2小時。主打光波爐，無油煙，唔洗落油燒，唔會點痴底，健康得多。光波爐會自動轉圈亦會自動停，而且好高溫，D野好快熟，搞到我都想四返個係屋企開Party用。每檯送極上定量美食，未點野已經上左成檯野。🥢6色剌身拼盤🥢🥢4合海鮮燒烤拼盤🥢🥢手作刺身韓牛壽司🥢🥢韓國醬油蝦🥢🥢法式羊架🥢韓燒都係包菜最正，包埋泡菜生蒜，食多D無有怕。牛腸勁肥美，外皮燒到脆身爽口，果D油脂真係不得了，食完膽固醇超哂都值得。安格斯牛仔骨用左韓色醬醃過，肉味濃郁，咩都唔洗蘸就好正。厚切牛舌柔軟得黎又有嚼口，口感好有彈性。炸物都好正，不過韓式芝士年糕好少見，要介紹一下，外脆內煙韌，包鹹香既芝士。最後用燒菠蘿收尾，好甜好fres好juicy，好飽既情況下一個人都唔小心食左4件。

今次去咗銅鑼灣呢間韓燒試下佢地嘅世子牛盛任食一開頭每枱都會送一個6色刺身拼盤，韓牛刺身壽司同醬油蝦個韓牛刺身壽司嘅牛肉好新鮮 而啲飯已經一早用咗韓國嘅醬汁調咗味 咸咸地甜甜地 好似燒汁咁醬油蝦好鮮甜 帶少少海水嘅咸味個醬汁啱啱好cover到海鮮嘅腥味 令到怕腥嘅我都食到除咗送嘅刺身拼盤 刺身都係可以無限嗌嘅呢到落單好方便 用qr code scan就可以 仲要上菜時間好快 基本上5分鐘一定送到 所以120分鐘絕對夠食 佢仲有自助嘅salad同小菜bar蘿蔔泡菜絕對值得一試唔會似出面一般泡菜咁酸 辣味重啲 好啱解膩涼拌雲耳同蓮藕都好惹味 少少麻辣呢到嘅特別之處就係用光波爐 健康少油啲之外 仲唔會搞到好大煙 唔怕食完成身都係韓燒味牛肉全部都好新鮮 唔會有冰鮮味 牛味好濃 特別推薦牛舌 同 安斯肩里脊 同 韓式醬醃牛仔骨牛舌燒完之後好爽口 啲肉質好淋肩里脊薄薄一片 燒起上嚟好方便 而且大大片 包住泡菜 同蒜片食一流韓式醬醃牛仔骨醃得好入味 而且肉質好嫩滑海鮮方面一開頭會送一個4合拼盤 有 帶子 青口 蝦 同墨魚仔帶子加咗蒜蓉好香好惹味青口都放咗牛油係面 燒嘅時候啲牛油香味入哂去青口到 食咗

好耐無食放題，今次要試新野，友人帶左我黎呢間銅鑼灣登龍街既韓牛牧場，顧名思義，係食韓牛既放題。一心諗住黎食放題，點知原來友人話食套餐，但係其實都算半自助，因為全部都包飲品，沙律，前菜及小食任食。餐牌有兩款二人套餐，仲有韓式製作湯飯，製作定食，招牌製作燒肉丼，韓石燒，同招牌製刺身丼。1++韓牛韓燒定量午市餐(二人份) $2381++韓牛韓燒定量午市餐(二人份)包1++韓牛牛肋骨肉，韓醬1++韓牛肩胛，西班牙黑豚五花腩，韓式雞腿肉，同虎蝦拼半殼青口。成個餐用左個好靚嘅六格木盒上枱，仲有沙律菜同少量雞脾菇，翠玉瓜，同冬菇伴碟。枱面嘅枱紙有建議唔同肉類嘅燒烤時間。1++韓牛牛肋骨肉六片，燒左分幾鐘。牛味可以又唔太韌。韓醬1++韓牛肩胛六片，燒左幾廿秒就食得。呢塊牛肩胛超正，個韓醬原來係蒜蓉，味道好好，最難得係肉質好嫩口。西班牙黑豚五花腩六片。豬味濃又多肉汁，係要咬吓。韓式雞腿肉四件，要燒五分鐘。脆皮而肉質嫩滑。虎蝦兩隻唔算太大，不過都好新鮮，啖啖肉而蝦頭帶膏。半殼青口餐廳建議燒一分鐘，我地穩陣啲燒足兩分鐘。兩隻青口係新鮮貨色，質感算幾嫩，而個汁好香牛油味。上個餐俾我哋之前，服務員上左三格燒肉汁

今日同朋友到銅鑼灣食燒肉，食燒烤最怕煙大，呢間「韓牛牧場」係無煙燒肉，用光波爐燒，第一次用唔識掌握時間😂好彩檯上有提示，好貼心。四合海鮮燒烤拼盤：牛油青口、蒜蓉扇貝、魷魚仔、鮮蝦，服務員很貼心提醒烤四分鐘就OK啦，夠鹹鮮夠爽口！韓國醬油蝦：真啲覺得呢個蝦好味，本身醃製好，香濃醬油味，蝦肉紮實鮮甜，值得一試！法式羊架：醃製好，烤好完全唔騷，肉質夠淋。燒烤點可以少佐牛肉呢，安格斯牛肉眼扒、肩裡脊、一口牛粒，牛肉味香濃，唔會油膩，肉質軟嫩。如果無想食燒烤，仲有熟食，嗌佐韓式辣炒年糕、炒粉絲、鰻魚炒飯，一份唔會好多，小小份，好味。120分鐘放題，好多嘢都無食就好飽，下次再來嘗試其他嘢！

中午時間和同事去食lunch, 訂了位, 去到全場得2張檯有客, 所以訂位與否都冇分別; 餐廳安排我們3個人坐卡位, 但卡位似乎是for 2人的; 我地order了2份2人餐, 放上檯後加上有個大光波爐,  沒有太多空間放飲品及小食, 坐得不太舒服; 以平價韓燒lunch來說都尚可接受, 盡量快D食完快D走; 無煙光波爐方便食完返工, 唔會一陣味, 呢點幾好, 其他食物質素就一般, 整體來說一般。未有享用餐廳提供的用餐優惠

最近銅鑼灣開咗間主打韓牛嘅餐廳。👫試下最平嘅世子牛盛（$278起），可以食到韓牛壽司同埋美國安格斯牛肉。店員先送上每枱一份刺身拼盤、海鮮燒烤拼盤、刺身韓牛壽司、醬油蝦、羊架。刺身一般放題貨色。🦐燒烤海鮮幾鮮甜，海蝦值得encore。🍣刺身韓牛軟滑鮮嫩。🦐醬油蝦少少腥食唔慣。🥩羊架脂肪較少但好多肉汁。跟住就有以木架盛起嘅燒肉拼盤。牛舌超晒班。採用牛舌芯部份，雖然好厚切，但肉質偏向軟腍。肉味好濃郁。任食肉類、海鮮、蔬菜，亦有各類韓式主食及天婦羅。雞軟骨大大粒又爽脆，仲有好重孜然香味。菠蘿清新解膩又無渣。飲品任飲，亦有melona雪條同lotte雪米糍。自助區嘅冷盤都好受歡迎。