韓牛牧場 (已結業)

最近銅鑼灣開咗間主打韓牛嘅餐廳。👫試下最平嘅世子牛盛（$278起），可以食到韓牛壽司同埋美國安格斯牛肉。店員先送上每枱一份刺身拼盤、海鮮燒烤拼盤、刺身韓牛壽司、醬油蝦、羊架。刺身一般放題貨色。🦐燒烤海鮮幾鮮甜，海蝦值得encore。🍣刺身韓牛軟滑鮮嫩。🦐醬油蝦少少腥食唔慣。🥩羊架脂肪較少但好多肉汁。跟住就有以木架盛起嘅燒肉拼盤。牛舌超晒班。採用牛舌芯部份，雖然好厚切，但肉質偏向軟腍。肉味好濃郁。任食肉類、海鮮、蔬菜，亦有各類韓式主食及天婦羅。雞軟骨大大粒又爽脆，仲有好重孜然香味。菠蘿清新解膩又無渣。飲品任飲，亦有melona雪條同lotte雪米糍。自助區嘅冷盤都好受歡迎。