韓燒大叔

营业中

休息中

無意中發現呢間超正嘅樓上鋪韓式放題環境舒服品種非常多，肉類質素相當高質！$298一位，汽水任飲，雪糕🍦任食服務態度好Nice，仲會幫忙燒嘢食因為想飲酒既關係，查詢下，加$88原來有得任飲啤酒，生啤同啤酒任飲，岩哂我地d酒鬼！同埋有韓團睇，仲要仲要讚吓呢個#麻甩醬#原來係自創，其他地方食唔到甜品種類幾特別，仲有埋刨冰同埋自製雪糕，但我見到有爆谷機未開，又想食，問左之後先發現原來試業中，未有得食，話下星期應該提供到叫我地下次再黎，甘呢個價位都唔算貴，可次人多想食都會再黎既！美中不足係軟件爭啲啲，飲品汽水未夠多選擇。

喺樓下阿姐派嘅宣傳單張，見佢派到身水身汗，又落力介紹5樓新開韓燒大叔，就上去試下心態，點知上到去，都幾靚幾新正，食物質素都好，性價比高。$298全包，現在4位以上包西冷，我同5位朋友另外叫左份韓式牛肋條(hkd 328，包埋超級出色，有埋waitor親自下廚，🫢係自助吧，面積稍為細咗啲，蔬菜只係得4片，好快就比人夾晒，fill得唔夠快，我估係人手唔夠，但總括嚟講高性價比。食到最尾，我地重食左燒菠蘿，以及燒豬皮，燒豬皮非常特別，點佢私家醬，感覺都幾match。最後，想建議餐廳提供西瓜蜜瓜作甜品結尾。

一直係香港食開韓燒都好少搵到啲比較高質嘅。咁啱前排朋友講開，話有間唔錯嘅，今日就黎踩踩點🤣食完三個重點總結，第一係環境唔錯，冇咩煙味，有時去燒肉店最怕就係大煙味，呢間係呢方面做得幾好。第二係食物種類多，同樣價錢，種類真係比其他我平時食開嘅多，而且啲肉都幾靚幾juicy，放入口嗰陣唔會覺得好柴，好有肉味嘅。第三，燒肉外嘢食都多選擇，一啲比較少見嘅魚板、韓式煎餅都有得食，真係少見。美中不足係飲品種類同甜品唔多，都係一啲比較大眾嘅飲品，如果呢度多啲就好👍🏻不過服務幾好，都幾值得推薦。總體而言，呢個價位嘅韓燒店裡講係幾高質嘅，會回頭。

近排睇得多韓劇,心血來潮同埋屋企人去食返餐韓燒放題,見佢依間做緊優惠$298任食就試試佢 食物質素唔錯 款式都幾多下 我就鐘意食牛 落左好多次單都出足 出餐速度都好快 呢樣我好滿意👍😋）重有個雞翼都係必點最重要係佢冇乜油煙味 位置都夠闊 幾好坐最後重食埋個雪糕先走😋😋😋😋

呢間餐廳呢個價錢算係高質嘅韓式燒肉，前菜飲品醬料好多款式任拎，牛肉質素都不錯，唔會醃過龍，有肉味，食落個肚仔好c伏，仲有好多韓國菜式可以叫，有泡菜煎餅，蛋卷，韓式飯卷，炸雞，醬油蟹，醬油蝦，魚餅，牛骨湯，燒酒，重要嘅係上菜速度好快，唔會拖你時間，一定可以令你飽住離開，食完仲可以岀去裝雪糕拎甜品食，完滿收尾。而且佢嘅冷氣抽煙系統十分強勁，食完件衫不留半點油煙味，有下場嘅一啲都吾會尷尬。總結，兆萬個啲燒肉店可以準備轉行了

喺旺角E出口嘅旁邊，有一間韓燒大叔，真係冇諗過係香港冇試過嘅高質韓燒。首先整體裝修簡潔，冷氣充足，可以好舒服咁嘆韓燒。然後頭盤黎到，啲肉一睇真係唔似食平時嘅韓燒咁咩都一pat醬，反而係好似日式燒肉咁簡潔，靠本身嘅肉質去比客人享用，基本上舖頭真係對自己入嘅貨好有信心，亦不負所望，我食到肉質鮮甜，最驚喜就係佢嘅碎牛肉，真係贏其他香港韓燒九條街。另外佢嘅其他野食都好正，例如係炒粉絲同埋飯卷，食肉食得耐轉下口味食呢啲都唔錯。希望嚟緊香港都可以多啲呢類高質韓燒。

有好多唔同嘅肉菜小食同甜品，一開始會俾唔同種類嘅肉俾你試，可以試到邊個啱食再叫，但要睇下食完本身嘅肉唔夠先再叫，如果唔係可能太多。特別推介小食，例如柚子雞翼，粉絲春卷，仲有燒鰻魚。飲品同雪糕都有得任添。場內一直會播KPop MV, 不過可能會覺得有啲嘈，同埋歌單唔夠多元化，好似來來去去都係嗰幾團嘅歌。整體坐得舒服，高質素韓燒。冷氣好夠，但坐得耐可能會凍。

新開韓式燒肉店 - 韓燒大叔呢個星期好多慶祝活動，早兩日先食完自助餐，今日又食。。。不過見佢新開張姑且試下🌝以往食既韓國燒肉都係一早餣定，通常都好咸🤮呢到d肉好多都係原汁原味，就咁點下本身有嘅燒肉汁已經好ok🫢有好多款前菜，泡菜，芽菜，醬燒章魚，醃蒜頭，酸蘿蔔😍男朋友好鍾意食燒肉，但係我就鍾情韓式小食🤤有蛋餅、牛肉、雞肉豬肉韓式飯卷、炒粉絲、炸雞軟骨、柚子單骨雞翼、泡菜餅。🤭仲有韓式蘿蔔牛肉湯🥺全部都above average 👏🏻雪櫃有少量甜品，不過就麻麻哋啦，係日本嘅包裝卷蛋，有個黑糖mochi幾好食。抽風系統幾好，食完之後件衫都冇臭崩崩

仔考完試，揾咗間韓國餐廳食飯，又有驚喜喎！地點方便，旺角地鐵一上就係，環境好乾淨，座位闊落舒適，用QR code落單，好多唔同種類, 又有質素，食主食同配菜都出色！值得推介！

今日經朋友推介去呢度食韓燒，交通非常方便旺角港鐵站一出地面就係，環境場地夠大，抽風系統做得好👍🏻枱面夠大可以放好多食物，細細的碟仔可以圍住個爐燒好方便，職員上菜都好快，屋企連一向唔多吃肉的長輩都食不少肉類和海鮮類，職員姐姐亦推薦唔少食物和醬料俾我地，特別推薦👉🏻鰻魚 炸雞 牛柳粒 豬皮👍🏻韓式生牛肉水準一流👌🏻有好多款泡菜可供選擇，推薦芥末醬👍🏻蒜蓉牛油👍🏻甜品都好味😋好難得有刨冰食。

話時話近呢幾年都係食日燒多今次轉下食韓燒咁啱見友誠翻新左就上嚟試下點知一試之下又真係唔錯喎首先前盤配菜係自助區攞個辣醬魷魚同醃紫蘇真係冇得頂返兜左好多次主食梗係牛肉同豬頸肉，呢兩個肉味都濃仲有d炸物，我就推薦雞軟骨啦，一個字！香脆！總結嚟講呢次隨便試試都真係唔差

太耐冇落旺角，見到銀行中心個頭全部唔同哂，甘岩有人派緊傳單，韓燒大叔？好似聽傳單姐姐講重新裝修開既上到去唔太多人，可能岩岩開冇耐，掃QRCode電子落單,我叫左個辣醬石頭鍋飯真心，有飯焦！！！好耐無食到邊間仲可以有飯焦既餐廳！我個人認為份量絕對夠飽，而且位置都好坐。套餐包野飲同湯，因為呢個石頭鍋飯我絕對會再返黎再食的同場見到有人唔食lunch set 直接叫左自助餐模式，見野食都幾多野提供，又汽水任飲，又有雪糕食，下次可以帶朋友黎試下