韓正屋韓國料理 (海壩街)

营业中

休息中

30/5/2021平民價韓國正野料理屋今日行完南豐紗廠之後,黎左近近地既海霸街搵野食係門外見到Menu D 相好吸引, 加上價錢都算平民價. 另外,六點幾未到食飯時間裡面已經坐左唔少人, 所以就決定食呢間韓國料理。店員安排坐低之後好快就叫左野食。見到佢有個二人餐, 真係好抵食不過由於時間仲好早, 都唔算好肚餓, 所以我地決定散叫, 試下D 特食D既食野。海鮮純豆腐湯 (配白飯)好多海鮮好足料, 而且調味好岩, 唔會太咸, 有辣味之餘又食左豆腐既特別香味。鐵板燒雙併 (牛肉﹑豬肉) (配白飯)鐵板上既時候仲係熱㷫㷫, 豬肉有微辣, 隻辣味好有韓式既風味. 另外, 牛肉有牛味之餘亦唔會有陣雪味。份量都當相大份。單點泡菜小食由於我地無叫二人餐, 所以無頭盤, 不過見到格黎位既泡菜幾靚, 所以叫左一份黎食, 味道都真係唔錯!韓式無骨豬手(小)呢款推介小食真係無叫左, 份量好夠, 同埋豬手整得好好食, 唔會太瘦或太肥, 加上有大量巴蒜頭同生菜夾黎食, 真係好似去左韓國咁! 生菜好新解, 咬落好爽口, 夾埋跟黎既泡菜有小小辣味更加好食!起初我地唔知道湯係會配埋飯, 所以前後有兩個飯, 食到飽飽先離

尋日係父親節，去左食晚飯，兩個人叫左三樣野，包括泡菜豆腐湯，芝士泡菜豬肉石頭鍋飯同韓式炸雞。起初，食物黎到嘅時候，熱辣辣，感覺唔錯。但就係我地滿懷歡喜咁食我地d食物嘅時候，係豆腐湯入面有蜆，於是乎我就食蜆啦，食食下，發現有異樣，於是乎將個蜆殼吐咗出嚟，發現到有隻曱甴係度，成件事好嘔心。我地馬上搵左老闆娘，佢介係自己叫周小姐，周小姐就同我地講左一句，我地有用殺蟲水，成日都有曱甴，於是乎我就反問老闆娘，咁要點處理，佢就講左句唔好意思就走左人，其後我窮追不捨咁追住老闆娘問佢係唔係應該要去廚房到倒曬d湯呢，個衛生環境太太太太太恐怖。其後老闆娘先話去廚房倒曬湯去。成件事好恐怖，當晚我諗起就要去廁所嘔吐，嘔左4次。重點在於老闆娘嘅點答話成日都有曱甴，而且會係廚房使用殺蟲水，所以唔係遇到曱甴就會食埋殺蟲水。雖然最後老闆娘free左個豆腐湯比我地，但我都覺得發生左始終就係發生左，所以要比大家知道間店舖嘅衛生環境係幾咁惡劣大家若果去光顧前請先自行判斷去唔去光顧啦。

好耐冇食韓國野🇰🇷，今日去到海壩街呢一間韓國餐廳食晚餐, 餐廳位置不多，如果唔想排隊就早d黎好d, 睇餐牌見到二至四人餐價錢都非常親民👍🏻👍🏻韓式無骨豬手（細份）配麵豉醬 泡菜 生菜 蒜片$78雖然叫細份， 但份量都唔少，先夾上豬手，沾上麵豉醬， 再加上泡菜蒜片放入生菜🥬 包起再吃 豬手彈牙而口質幼滑，配上口感不同既配菜， 味道同口感豐富韓式炸雞$48炸雞非常香脆、肉質都算鮮嫩，一口一粒😳沾上甜酸醬一同食🍗非常美味

中午開飯.. 今日有少少落雨.. 超想食啲熱同辣辣地嘅嘢..就韓正屋啦.. 中午人流都算多.. 座位就比較迫坐得唔係太舒服..不過快閃午餐就唔好理咁多啦... 佢嘅選擇都幾多... 好似韓國嘅飯XX國點左個泡菜豬肉鐵板飯... 中午包埋飲品... 我就揀咗蘋果蘆薈茶...少少甜又有啲咬口幾好味... 講返個飯有菜有肉.. 好似都幾健康.. 肉同泡菜嘅比例都唔錯.. 又唔會過鹹....佢呢度用咗肉片去煮都唔會太鞋....係午餐經濟之選...

荃灣海壩街 都有幾間評語超高嘅餐廳😍 之前已經試過另一間 今日就嚟試吓韓國嘢 我哋6:30就到，所以唔使排隊就可以入座，餐廳座位唔多 都算闊落 睇吓餐牌，就覺得價錢優惠，我哋三個人就叫咗一個二人餐再加小食二人套餐 $215前菜泡菜&海帶人蔘雞湯都非常知足料，用人參、糯米、紅棗等等嘅材料讓入喺雞入面，雞熬煮後仍能保持外形而雞肉都比較滑鐵板燒牛肉牛肉薄薄，但肉質亦都唔會鞋，配上醬汁非常惹味，但略嫌少少濃味石頭傳統雜錦雞肉飯石頭鍋非常之熱辣辣而重身，鍋裡拌上辣椒醬同埋半熟的雞蛋，非常好吃。蘋果梳打水+$12柚子梳打水+$12兩款飲品都非常清新解瀉

呢個韓國雞湯的確唔錯中左化骨綿掌入面真係有條人參入面啲糯米真係好入味成個湯真係一百分雞翼可以啦 甜甜地個芝士飯好細心個辣汁另上芝士多 又拉絲飽到豬咪咪間野人氣都幾高想食真係中少少😂差d想走先

✨韓式無骨豬手 - 細(💰$78)雖然係細份 但份量都幾多 2個人食就啱哂😌豬手食落幾入味 肉質夠腍 而豬皮就幾彈牙😙用生菜包住豬手 蒜片 泡菜同麵豉醬一齊食味道同口感就豐富啲😆😆😆😆✨石頭傳統雜錦牛肉飯(💰$58)有3款石鍋飯揀 除咗牛肉🐮外仲有得揀要雞肉🐔/豬肉🐷嘅餸菜有牛肉 紅蘿蔔 菠菜 大豆芽 雞蛋 翠玉瓜再加啲韓式辣醬 撈埋一齊食就啱哂😙另外 石鍋飯仲會跟多1碗韓式海帶湯嘅🥣✨韓式芝士蛋卷(💰$52)蛋卷幾厚身 而中間就有啲芝士🧀加埋啲茄汁同芥末醬一齊食就冇咁膩😆✨罐裝韓國白提子汁(💰$12)✨罐裝韓國梨汁(💰$12)味道偏甜 啱晒鍾意飲甜野嘅人🤣Menu:

周不時都會係荃灣試下d小店, 呢幾日朋友就介紹咗呢間 CP值高的韓式餐廳小店, 價錢貼到之餘, 又免加一, 份量亦相當豐富. 兩口子最後要打包.小店姨姨推介菜包豬肉(前菜)$75 同石鍋芝士香辣豬肉飯(主菜)$65. 菜包豬肉$75 賣相好吸引, 一見到就上試, 生菜上邊放咗香辣嘅韓式豬肉同紫菜, 生菜亦好新鮮同大塊. 石鍋芝士香辣豬肉飯再拌入韓式辣醬, 攪起上嚟, 見到一條條嘅芝士絲, 好食得嚟仲好有口感. 熱天最適合食凍嘅主菜 - 我哋就揀咗韓式蕎麥水冷麵 $45， 個麵配咗d蘋果, 消暑之餘又好開胃.最後要推介嘅係韓式無骨豬手$78， 包上生菜, 再配上泡菜蒜片,特製醬料,食落充滿層次感.

首先，waiter 嘅態度簡直不知所謂，又串又大聲。第二，啲野食又唔新鮮又難食，完全係用韓國做招牌。第三，成個餐廳環境好差，食緊野嗰陣好嘈，然後餐廳有陣臭味，聞到係想嘔。第四，啲價錢係完全唔合理，唔係非常貴，但佢唔值。

朋友一向都鍾意韓國，Kpop 韓劇好多有追，佢當然連食物都唔放過啦😂，所以今日就帶佢食一間韓式食店俾佢開心吓。舖頭位於香車街街市後面，相對來講都算隱世，但最緊要好食就得啦😉今次叫咗個二人餐 $220雜錦雞肉石頭鍋飯份量都唔細，而且拌埋韓式辣醬一齊食十分惹味，食落仲有少少麻油香，而且石鍋食到尾都仲夠熱，唔錯👍🏻鐵板燒牛仔骨3大塊牛仔骨上到枱仲「咋咋聲」，而且醃料味道適宜，唔會搶咗肉味，咬落仲有肉汁流出來，性價比相當高。海鮮純豆腐湯從外觀睇初時以為會好辣，但原來係韓式醬料令到佢咁紅，裏面仲有唔少蜆肉同埋魷魚其他海鮮，所以湯底飲起上嚟非常鮮味。另外再叫多一個小食韓式芝士蛋卷 $52蛋捲煎得鬆軟，而且中心仲有芝士係裏面，食落🧀味十足。

有冇人好似我咁鍾意食韓國菜呢！雖然我食唔到太辣但都好鍾意食！日日有一餐韓式都無問題！🤣今日又發現咗間韓國菜但我未食過嘅，所以約咗朋友嚟試下！其實韓國菜都有辣有唔辣嘅，所以食唔到辣嘅人都有好多選擇！而今次呢間選擇都好多，而且仲有啲二人餐或四人餐選擇，可能太多選擇唔知揀咩嘅時候就可以揀啦👍🏻！而我哋今次都揀咗個二人餐，初時驚唔夠食仲加多咗個小食，但其實個二人餐都好足夠，我哋揀果個二人餐包括咗個石頭鍋飯、海鮮純豆腐湯跟一個白飯、鐵板燒牛仔骨，仲另外有兩杯嘢飲同一碟前菜，望落好似唔多，其實本身個二人餐份量都真係唔細😆因為個石頭鍋飯已經好大個，再加上其他嘢，真係好滿足！而最估唔到係個鐵板燒牛仔骨，真心好食😋又唔會好鹹，而且個燒汁仲甜甜地，食完一塊接一塊👍🏻另外個海鮮純豆腐湯雖然望落好紅，但原來唔辣🤣一開始見到有啲嚇親，以為會好辣驚食唔到，泡住飯食越食越滋味！

作為港島人平時多數去路得圍同其他商場，今次朋友就同我去咗海壩街， 呢條街有好多食肆，其中一間係韓國菜，見到價錢合理同多款式就試下。 🍗人參雞湯 $98 雞肉非常大隻，容易拆肉，仲可以落埋調味，鹹鹹哋，幾惹味。雞入面都幾豐富， 包住糯米, 紅棗同人蔘。清甜雞湯撈埋飯食一流。🫓韓式海鮮煎餅 $38雖然係韓式，但係唔辣幾大塊，有魷魚，蟹柳同蔥段，但係味道較淡口。小編夾埋 豬手伴碟嘅泡菜食。🐽韓式無骨豬手 細份$78豬手配上麵豉醬、泡菜、蒜片，用生菜包住放入口，食落都幾清新。豬手份量亦唔少。#韓國 #旅行 #人蔘雞

韓式無骨豬手呢個餸餐廳幫你將豬手去骨務求令你食到啖啖肉豬手新鮮肥瘦均勻餐廳除鐵會跟埋生菜同泡菜包埋豆瓣醬一齊嚟食更加滋味韓式芝士蛋卷呢個蛋卷煎得好香 芝士份量都唔少食物賣相精美 顏色鮮艷 見到就想食蛋卷上邊款淋上兩款醬料 比較新奇嘅食法韓國柚子茶味道有啲淡但係不過不失呢款傳統嘅韓國飲品我去每間韓國餐廳都會叫雖然好多時飲得出唔係新鮮沖嘅呢間係荃灣比較出名嘅韓國餐廳餐廳乾淨衛生 服務員態度唔錯絕對係值得回頭嘅一間餐廳

放工落荃灣諗住醫肚，見到門口都幾多人等位，諗住應該唔錯。等左應該有半個鐘至一個鐘，入到去叫左四樣野食，分別係炒粉絲，泡菜煎餅，芝士蛋卷，部隊拉麵。蛋卷應該係預先做定，落單無耐已經到，芝士有拉絲但係唔熱，蛋亦都唔太軟身，邊位仲有少少乾，普通料。炒粉絲，正常味道，無驚喜，好肚餓既話食都OK既。泡菜煎餅，如果你中意食面粉既，我覺得岩你食既，因為成口都係糊～千年油加淡淡地面糊，味道自己諗😎 部隊拉麵，重口味既你不要錯過！好咸！咸到要問佢拎杯熱水加入去😑比較少見公仔麵咁既情況😀P.S食左兩道菜，啊姐開始問野食黎齊未，仲執枱拎走啲野，好似想催人走咁。食緊部隊麵果時又再次執野😓望下門口又無人等位嫁喎⋯⋯吹脹！

Bookmark咗呢間韓正屋韓國料理好耐！前排放假終於得閒同男朋友嚟試下，menu選擇超多，同埋價錢真係好平！二人套餐 $220，我地兩個人share 份量剛剛好，餐前小菜有泡菜同埋芽菜，酸甜的泡菜帶有幾分開胃。芽菜爽口好好食👍🏻👍🏻石頭傳統雜錦豬肉飯（微辣）豬肉份量夠多，加上不同的配菜令口感更加豐富。韓式醬汁濃郁，又幾入味，甜甜辣辣所以好惹味，味道恰好👍🏻石鍋夠熱做到有飯焦，食到最後仲係熱的！鐵板燒牛肉，選用的是牛仔骨部位。牛肉一早已經醃得好，所以食落好濃味。肉汁豐富，食落熱辣辣，又香口又惹味😋值得一讚！韓式海鮮湯這個湯底同出面差唔多，唔算太辣，無乜驚喜，味道正正常常但加入魷魚、蝦、蜆肉、新鮮蔬菜等等，頗豐富。雖然食得出是急凍的，但份量絕對是這個價錢。呢個餐亦包兩杯冷熱飲品，幾有誠意。zero可樂同埋蜂蜜紅棗跟餐免費飲品來講，算係十分之高質。食完好飽，喺香港真係冇乜可能仲搵到咁平嘅韓國食物，另外這家餐廳的環境非常闊落，坐得好舒服。  希望保持水準 ！