韓正屋韓國料理 (海壩街)

营业中

休息中

相連幾間係海霸街嘅食店，韓正屋算係比較唔突出嘅一間，經過左咁多次都無幫襯過入內比較狹窄，三人分配左係卡位，餐牌上林林總總各式各樣韓食，每樣都想試試，不過因為不太餓所以三個人叫左一個二人餐加一個小食。二人餐有一個人蔘雞湯，鐵板牛肉同埋一個石鄉鍋飯，跟餐配一個白飯同埋兩色前菜，再叫多個炸雞。雖然話二人餐，但是石鍋飯同一個白飯已經好夠分量所以三人食剛剛好先試人蔘雞湯，其實香港鋪頭嘅韓國菜已經調較到好符合香港人口味，所以雞湯飲落無咩特別排斥，唔覺特別甘口。雞湯頗清，雞肉可能煲耐左所以有少少鞋，但雞體內嘅糯米，栗子🌰紅棗都吸收左人蔘嘅味道，糯米好香綿。凍冰冰可以補左身。石鍋牛肉飯里有好多菜蔬，芽菜，脆肉瓜，紅蘿蔔，菠菜，再加埋韓式辣醬拌食，熱熱嘅石鍋做出嘅飯香飯焦，真係食完成個人暖笠笠。唯一想批評嘅係佢隻辣醬味道唔係好夾。鐵板牛肉就啖啖肉，唔會鞋口。而近年好流行嘅韓式炸雞有驚喜，炸粉唔厚而且啖啖肉

之前友人曾經提及過呢間荃灣韓食店今次就做運動之前去試食下啦時間大概晚上7時半，店裡面都坐滿咁制店員帶咗我哋去店舖較後嘅位置，座位比較窄安可接受我就梗係要叫我最愛嘅辣豆腐海鮮湯啦辣椒味唔會太重，唔會淹蓋曬海鮮嘅味道豆腐份量好多，食極都食唔完，的確唔錯另加咗一個炒粉絲，唔係太出色個粉絲好似煮得太淋，雖然有麻油香，但好似彌補唔到太淋粉絲嘅不足之處友人叫咗人參雞湯，湯夠清甜雞内釀咗栗子，紅棗，人參同糯米成碗食曬一定夠飽但係泡菜要另外叫就好似孤寒咗少少

韓國餐廳，其實很久之前已想來，但是礙於地點比較不就腳，大概位於福來邨再過一點，鄰近香車街，因此，平日可能都會在南豐、力生、或是路德圍那邊，就經已到了其他餐廳。這次突然想起這間餐廳，於是毅然一試。這間餐廳，看起來，內裏也非常大，但是大概七時許、八時，內裏已經人多，非常熱鬧，看似沒有什麼空位。但向店員示意兩位的時候，店員卻能夠在另一邊的窄巷，將我們帶到窄巷盡頭的座位。這樣更加好，因為如果大大的餐廳，坐在中間，更加逼夾。且看看有什麼特別，又有些二人套餐、四人套餐，但是套餐包括的牛肉、牛仔骨，等等都不算非常吸引，於是吾等便寧願散叫了。結果點了一個韓式炒粉絲、人蔘雞湯、以及一個辣豆腐湯。不算等得太久，首先來的是粉絲，不算鑊氣非常之強，但是剛剛炒好，溫度也夠熱，粉絲份量也不算太少，大大箸粉絲，彈牙，味道還好。之後就是辣豆腐湯，豆腐沒有酸味，這個湯的辣味也不算非常之嗆口，配飯吃就更加好。人蔘雞湯，大大隻雞，放在湯鍋之中。湯之中好像沒有其他配料，應該是因為所有配料都已經在雞的體內。結果，將雞切開後，就發現內裏有紅棗、蒜頭、栗子、糯米，相當豐富。煲了這麼久的雞，當然不能說非常滑溜，但是肉非常容易撕下來，

我們點了傳統石頭雜錦牛肉飯($58)及雞肉飯($55), 味道很地道，份量也足，我向服務員要了照燒汁，連同韓式辣椒醬一同拌飯，非常美味，飯焦也很香脆。加十塊錢可以加配韓式泡菜，加三塊可以有凍飲，我們點了蜂蜜生羌茶和韓式凍咖啡，也有水準，下次再來試一試馳名的人蔘雞。

同男友7點半去到，間店好full,好在仲有淨一張4人卡位，比我地放下袋。打開個menu,好抵好開心！平日喺旺角同沙田叫左水冷面都要$60，呢到$45咋叫左水冷面，豆腐泡菜餃子鍋，紫菜卷，海鮮餅，一杯柚子梳打 叫到成枱都係個冷面面質好彈牙，仲有半隻蛋，好多青瓜牛肉蘋果片 可惜牛肉得個香，食落好硬豆腐泡菜餃子鍋，有4-5餃，好多料，不過餃子皮喺個鍋浸到好太淋，一夾就散開左 豆腐好滑，個鍋個湯都幾好味海鮮餅$38，多海鮮，不過略嫌太多粉，食到好飽紫菜卷$28，好多舊，普通啦，所以食淨左整體黎講唔錯啦，下次想試下牛助骨同石鍋飯～見後面張枱d牛助骨食得好乾淨

約左朋友喺荃灣食晚飯，佢喺openrice搵左數間有唔少好評嘅餐廳，最終揀左呢間喺福來邨嘅韓國野。唔知係咪因為週五晚上，都幾多客人等位，朋友先到等位，大概20分鐘有位。餐廳位置唔算多，座位間密密麻麻，就算兩位與兩位間都係拍埋一齊坐…生意咁好，都應該嘅…一坐低，呀店員就飛本餐牌埋黎，明明想飛俾隔離枱又飛埋俾我地，飛還飛，眼界準啲ok(?)不過坐隔離左右表情冇思毫改變，而且幾乎唔洗睇餐牌已經可以落單，應該都係常客，見慣見熟。以小店而言，餐牌選擇都算多，有石頭鍋飯、鐵板燒、板燒飯、辛辣麵、湯年糕、豆腐湯、拌飯、炒飯、小菜、小食、部隊鍋等，定價親民。揀左一陣我地決定一人一份主食、飲品，再單點泡菜餅，於是我舉手叫店員落單，好笑架，有人應左，但你回頭望左望右，都唔見有人喺附近，或者口係見到佢地做緊其他野。終於有位店員應機，我點左水冷麵同泡菜餅後，佢轉身就走左…喂?!我未講完喎…點解走開嘅？你地鋪頭覺得兩個人黎就只係點兩樣野？有人想點埋飲品、點下小食，萬中無一？店員走開左，於是我又要花力氣去搵另一位店員。原來佢地冇收加一服務費，咁好啦，當我講廢話。餐枱偏小，點兩個主食僅僅放得落，額外加嘅小食黎到放唔

果日特登同朋友去試下呢間果斷咁叫左個$178二人份量嘅部隊鍋仲記得果陣食左個幾鐘好足料芝士倒入麵到食好正都算抵食職員服務態度幾好👍未試過其他飯同麵下次有機會會再試🙆

韓正屋韓國料理呢間野都可以算係又平味道又唔錯了！2個人食夜晚都係100幾蚊找數！泡菜餃子豆腐湯$58個湯都幾入咪，啲泡菜餃子好好食，係豆腐老咗少少，佢會送碗白飯比你，送飯正！韓式炒年糕$35個年糕係就係「杰」咗少少，同咸咗少少，但係都唔錯，煮得幾有咬口！韓式煎雞翼$28呢個就煎得岩岩好，同隻雞翼好入味。呢間野個staff好誠實，我話飲品要凍mac茶（加$10），佢同我講杯茶同佢哋送個杯熱既一樣。等我慳返10蚊，抵讚😬👍🏻雖然呢到都幾窄，食啲野唔係好食到上天，但都算唔錯同幾有人情味！

首先，1点去到人不多，約未夠一半人。個中年帶眼鏡女人waitress吾知做乜，乜都沖沖忙忙甘，但恨本吾忙。比menu人佢係懒得行近枱。隔2個身位甘飛menu來。吾係講笑，真的！叫佢落單，佢應左，但佢冇行過，佢搞哩搞路，好耐。。。再叫佢，佢又應左，但去左另一張落單(人地冇叫過落單，但佢行埋去，人地照落order)。好啦，人地落完單，佢都冇過黎同我地落。我再一次大聲話寫野，今次才過來！真係火都黎！發緊夢甘！吃了set lunch,價錢全可接受，不加一，包熱飲。鐵板雞飯103号：雞非常(鞋)，好難食！好少汁，D汁味食一啖就感覺ok,食食下就幾難食。份量就夠多。牛飯 R4号：牛都係(鞋)，好老。份量大，美觀。全部好睇吾好食。熱咖啡，勁甜，飲2啖再也飲不下。凍O茶叫少甜，waitress也應左重覆左，再最後也冇下單少甜！

經濟抵食的韓食晚飯，在荃灣另一邊比較少人的地方(福來邨對面)，星期六也不用等位! 一入去即坐下点餐，見到有韓式部隊鍋、有二至四人套餐，亦可散叫。因為想試不同款式所以散叫，点了海鮮鍋(原來細细碗，材料不多)，韓式煎蛋餅(推介好味)，雞亦，韓式炒年糕。

這間韓國餐廳之前經過見到，好想試，今日終於有機會啦！！12點幾唔多人，餐牌吸引，選擇夠多，有湯，拌飯，年糕,，辛辣麵，鐵板，板燒，石頭鍋飯，前菜，小食……飲品跟餐加錢，價錢合理。我點了泡菜豆腐豬肉湯跟一碗白飯加凍檸茶，同事食韓式牛肉拌飯。也是飯凍檸茶，上菜速度快，賣相吸引，份量也足夠。我的泡菜豆腐豬肉湯，紅卜卜架，豆腐都好滑又多，泡菜唔算十分辣，豬肉也入晒味，食到出晒汗，不過好夠味，又唔係好咸又好濃味。我鍾意，飯夠大碗，軟硬適中，正呀韓式牛肉拌飯，有青瓜絲，甘笋絲，牛肉，木耳絲，芽菜，五色夠健康，仲有一隻蛋。感覺豐富！！12黑幾餐廳未多人坐左一陣，已經開始爆晒，仲要等位添。

上星期舊同學聚會，大家不约而同話想食韓國野，所以我地就去左荃灣海壩街嘅“韓正屋”舖面唔係好大，但裝潢都挺有韓式風情。前菜有泡菜炒蓮藕，好爽口，泡菜亦唔會太辣，挺開胃。主菜黎啦石頭芝士香辣豬肉飯，將芝士同醬汁捞勻，香氣撲鼻，芝士嘅濃郁，再加上豬肉香味，整體配合得唔錯，但略帶少少辣，卻不失原味。沙律配炸餃子，好趣口，餃子食落啖啖口感，但淡左少少，加少少醋就perfect.鐵板燒辣炒鱿魚鬚，就好正，鐵板熱辣辣，魷魚好爽口，帶辣，份量幾多，好抵食。

早兩日同個Friend去左荃灣南豐中心shopping,經過海壩街，見到有一間韓式餐廳“韓正屋”，韓菜係我地至愛，當然要去朝聖一下，我地點左：石頭芝士香辣豬肉飯……老闆娘幫我地將D醬汁攪勻，芝士拉絲超長，好香豬肉味，有D似肉鬆，芝士味濃，亦好有飯香，幾韓式炸雞…………韓菜必食，佢地炸得外脆內軟，粉唔多，好香雞味，非常juicy,炸得幾有水準。鐵板燒辣炒鱿魚鬚………份量好多，但就辣左少少，魷魚都幾入味，爽口彈牙，幾好食。“韓正屋”雖然舖面吳大，但食物份量多，且味道幾有水準，值得推介俾大家一試

晚上到達時已經好多人排隊，幸好等了15分鐘就有位。地方小，座位較迫要將就下。Menu有很多菜式，價格實惠，花多眼亂兩個人點了海鮮煎餅、煎牛仔骨、部隊鍋拉麵。海鮮煎餅($38)，上台熱辣辣，味道中中，雖然海鮮不多，但呢個價錢就要求不多了。不過我有點小失望，因為沒有奉上我食韓式煎餅最喜歡的韓式辣醬汁。煎牛仔骨($98)，上台一樣熱辣辣，三大塊，$3x件好抵食，跟一碗白飯。件件都多肉附帶骨，而且沒有太多肥膏。醃得好入味，食落好香口又唔韌諗起都想食部隊鍋拉麵，麵底係正常辛辣麵，有菜、蛋、金菇、有部隊鍋常見的腸仔、午餐肉，味道一定不會差😂。份量也不吝嗇，每款餸都有3-4件味道好價錢抵！支持小店！今次2個人試不多，一定要再encore

已經幫襯過第3次，唔係話最特別出色，而且無食炸雞，但牛肉年糕拉麵好好食、紫菜飯卷就一般、炒水晶粉絲熱騰騰幾好味道又唔油膩，環境清潔，服務又不錯和收費都好相宜，仲無加一!唯一唔收信用卡，無㩒錢係唔會來食㗎位置唔算多，地點都唔算就腳，但都常滿客，好想試埋其他拉麵，應該都好好味