韓樂 (海之戀商場)

营业中

休息中

難得公眾假期屋企人放假 梗係要出街行下食下野咁啦 咁岩行開海之戀Donki 又諗唔到食咩 路過見到呢間韓樂既食物款式都幾多 乜都有 價錢都唔貴 餐廳入面又坐滿人 咁應該唔會太差掛 門口又有堆人排隊買豬身同燒雞 咁就入去試下啦 原來唔洗等位 直接有位入得 餐廳都幾大下 座位數量都幾多 但侍應就真係冇幾多個 眼見得四個 門口收銀一個 入面得三個 啲枱人走左但就冇人汁枱 一坐底 見到枱底好多垃圾 感覺都幾污糟下 張枱都唔太乾淨 餐具都杯都比較舊 對呢度既食物已經冇乜期望再睇睇餐牌 真係好多選擇下 有西式既飯意粉Pizza牛扒 韓國既石頭鍋飯人蔘雞等等......我地叫左一個滋味雪耳人蔘雞 一上到枱熱辣辣出晒煙 個湯飲落幾鮮甜 雞係得半隻 不過味道都唔錯 食晒岩岩好夠飽仲叫左個烤西班牙豬鞍扒配薯條 呢個係餐黎 會跟埋果仁柚子沙律 仲有杯柚子檸檬蜜 一上到枱塊豬鞍係好大塊下 賣相都唔錯 食落都幾好味 望落以為好乾身 但食落又唔會話好乾身 唔會好鞋 但呢塊應該唔係豬鞍黎 似係普通既豬扒 薯條黎到個陣已經凍晒 不過又幾好味 但跟餐個杯柚子檸檬蜜味道真係唔太好味 飲落怪怪地 前菜個果仁柚子沙律食落啲菜

日日都去食早餐，食物服務都好好！唯每次叫凍飲都每給你無盡的冰，叫少冰或少冰x4 都沒用，有次仲聽到水吧姐姐話：打咁多次仲咩，睇到眼都花埋！（你見到架咩😡🤬🥵）真係唔知講咩，希望改善下，聽下客人需要！

我同我老豆去海之戀食飯，見呢間野好多人去食咪去食囉。入到去，見個服務員係度抹檯，叫我地係走廊等著陣。就係等緊嘅時候，出面樓面叫左下一號飛嘅人入嚟，之後再叫返佢地出去。坐低後，我叫左一份牛排套餐，我老豆叫左豬排套餐，兩個人都係飲凍柚子檸檬蜜。我從入去嗰刻就覺得呢間野個氛圍好似茶記，但係間有韓式裝修嘅茶記囉。服務員俾嘅嗰杯水裏面係有一粒黑色野係水入面浮下浮下，叫佢地換水救叫左幾次都冇換。跟餐嗰杯柚子蜜根本冇蜜，飲落同凍檸水一樣味。侍應送沙律嗰陣時根本唔知送去邊，拎住盤嘢係我地嗰邊不停問你有冇嗌到。嗰盤沙律陣味好奇怪，咬左一啖就lur返出嚟。我份牛排叫左7成熟，出嚟嗰塊係5成熟，重要係凍㗎！！！薯條都係凍嘅！佢地俾咗個兜裝茄汁，嗰兜入面係有水㗎！簡單啲講，分餐係凍㗎。我老豆嗰份豬排係熱嘅，薯條上面嗰啲係熱嘅，下面都係凍嘅。啲檯距離近到可以拎埋隔離檯啲嘢，餐具又唔齊。餐廳管理混亂，食物質素不佳，衛生不佳。百幾蚊茶記就話算啫，三百幾真係不了啦

-之前還好 但係依家態度仲差過傳統茶記-講真呢啲價錢本來就唔應該奢求有服務但係以前就係因為佢平得來又有正常服務先幫襯-今日10:45去到已經乜都冇得食 冇包 冇魚 叫乜冇乜-跟住叫嘢飲嘅時候 個阿姐好專心咁撳機 我冇留意 講嘢飲嘅時候 竟然大大聲叫我收聲-食緊嘢嘅時候 有客人係出面等 另一個阿姐又好大聲咁講 冇位喇 唔想等就過主啦-埋單我有現金卷 佢就話咁少錢就比現金啦 死窮鬼 我窮又關你事 用卷就窮 叫你公司唔好派啦太精彩喇 我完全感受到親切嘅待客之道

就而言食物味道okay嘅，但服務態度真係好唔好，由落單開始一直到埋單走都係差，落單時問佢可唔可以俾多個餐牌嚟睇，佢話好遠，落完單至去攞喎，我單都落完，仲洗咩餐牌啫！叫佢攞碗仔，佢叫自己去攞，咁我自己行去攞完問佢俾多兩隻义，佢話好忙喎，最後杯嘢都未飲完，佢哋拿拿收枱，一嘢攞埋仲有半杯嘅飲品走，叫住未飲完喎，佢一嘢放番低，大姐呀，疫情呀，收枱員同上菜員要分開㗎！佢之後話沖過杯俾我哋，都走啦，咪話咁攞走吧，佢話咁要收1蚊外賣喎！我哋唔係要5星級服務，但唔好差到咁囉！正所謂己所不欲，勿施於人，你哋自己出去食嘢人哋咁態度服務你，你自問可以接受嘛！味道就算好，但態度咁差，生意唔係咁做嘅，冇下次(當然預埋如果你睇到呢個post你一定話自己係冇錯，仲會話唔care你幫唔幫襯呢個反應)。

約咗舊同事食午餐，間野喺荃灣西鐵站隔離地舖，幾方便，一入內幾舒服，餐廳好大間，揾咗近側門玻璃窗位置坐，有陽光射入又有海景，好寫意。朋友唔食牛和雞，所以以海鮮重點，呢個忌廉煮蜆都唔差，份量十足，個湯好香濃又唔搶過花甲鮮味，好好食😋海鮮pizza份量十足泡菜炒飯外表好似普通，但味道okay，唔會太辣，因朋友唔係好食辣，好惹味😋

🍛溫泉蛋·豚肉·石頭鍋珍珠飯 💰62見到石鍋拌飯仲唔即刻叫！簡直好似喚醒返韓國D記憶咁🙈入面有個好大嘅溫泉蛋！有D雜菜係四周 但係豚肉可能係五花腩 我個人就覺得太過肥啦🙈不過大家都明叫豚肉就唔係想食豬架啦🤣撈左D韓式辣醬（雖然冇乜味）但係有飯焦係底！所以超級惹味！推介推介😋🧆韓式牛肉野菜炒粉絲 💰59牛肉有幾舊 類似乾炒牛河D味道 幾入味！都會有D菠菜等等係粉絲入面 整體覺得粉絲偏水潤 唔乾身 但係我幾鍾意呢種口感🤣係有D過鹹 如果落少D調味料可能會好D🤔🥙芝士白汁煙肉焗西蘭花 💰（正價30；跟餐+15）呢個有D坎坷😢我地本身見唔到有+15 單都係打正價 但係隔離檯就話+15就有咁大碟 所以我地最尾去左cashier 個收銀姐姐竟然話我地唔講明 正價會大份D wor😅 最後佢都係變左+15 雖然唔係好大影響 但係我覺得店員應該講清楚😂整體來講芝士白汁幾多！而西蘭花都偏大件 幾好食😌🍗韓風香酥炸雞 💰38勁多台都有嗌呢個！而佢韓式甜辣嘅風味真係做得唔錯！炸得超幾入味！D雞皮位都好似有肉咁❤️仲要超級大份 38蚊真係超抵 呢個比讚😋環境算ok可以睇到海景嘅 但係嘈雜度就係普通茶餐廳咁😂話曬佢

夜晚同屋企人黎食 7點左右已經坐滿曬 野食方面其實係韓風+西餐混合風格 仲有d薩x亞既feel ...所以價錢都唔算貴當然試下佢個炸雞先甜辣炸雞 又唔錯喎 唔會得d炸皮芝士炸雞 芝士味係冇既😰蜆肉 星期五既特價小食 都係麻麻地 有幾隻都係冇肉/未開既雞翼用既醬感覺同炸雞一樣 所以都係好食既黑松露海鮮意粉 一黎到已經好香 味道唔會差 不過好重汁 其實就係食味精味 海鮮飯都係一樣 汁就真係好多 多到似食撈飯多d 野飲呢個芒果蘆薈梳打 其實就係雪碧 叫左咁多野 埋單300頭 合理 不過都係感覺似薩x亞

當我第一次租住荃灣如心酒店，好姊妹聽見住酒店一晚送一晚優惠，有見及此！她也租住一間！實行拍住隔離一齊住！ 她住兩日便回家！在第三日的下午，我自己走到酒店附近的海之戀商場地下韓式餐廳 <韓樂 MoMoKu> 食下午茶餐！食客只需在店內自助取籌機取籌，等候叫號碼！環境韓式下午茶：由 $28 ~$42 選擇多又抵食！不設加一服務費韓式下午茶韓式泡菜豚肉牛角酥 $36暖暖的牛角酥滿載香辣而凍冰冰的泡菜豚肉，令人醒胃！ 這個配搭有新意！凍柚子檸檬梳打 (少冰) 原價 $26 配餐 +$8在當日最高氣溫30度的初夏，入口透心涼，就算要求少冰，依然真多冰給我呢！ 口味是微微的酸甜！

我們於11/2（四）約早上11:30預訂了餐廳外賣，叫了2個午餐，分別是：三文魚石頭鍋飯及雪耳人蔘雞髀飯。三文魚石頭鍋飯（$67）：由於用紙盒包裝，故飯是不熱的，保暖效果一般。有幾片三文魚及一些粟米和很多生葱花，白飯較多，亦有附上醬油及辣醬，味道一般。雪耳人蔘雞髀飯（$66）：有一隻雞髀放在雪耳人蔘湯內，打開餐盒是較熱的，也有一些人參，人參煲得很軟，另附上一盒飯，但湯則較油膩。總括來說，本次外賣的食物水平一般。

海之戀地標擁有荃灣西海景，不少單車友途中停下作休息，韓樂位於海之戀商場門口相當易找。今天同朋友趕住11.30am 前吃早餐，順便在此享受美好的風景。早餐點了“香茅雞扒湯通粉” 和“ 野菌牛肉沙爹湯意粉”。沙爹牛肉都是香港人最愛食品之一。這裏的沙嗲牛肉味香濃而不死鹹，牛肉腍滑富牛味。意粉要滑和彈牙，加上野菌也非常有口感。這裏的雞扒不薄，有一定厚度才有嚼勁，煎炸要夠香口又要不失肉汁。牛油炒蛋滑順，配著香蔥一起吃，簡單美味。職員話這裏的檸檬是新鮮榨的，但感覺有點像檸檬粉溝水 但我們認為，$70 在此能夠享有優質友善的服務，也是非常值得。

這一次，放工帶了阿仔來荃灣行街，主要行的地方就是新開的海之戀商場。當時，可能是當年的售樓廣告太洗腦，我一行入商場，沒有被那間日本激安店的主題曲洗腦，而是腦海中長期播著 C All Star 的名曲 "一刻戀上" 啊。的確，有了該日本商店，這商場的確令大家 "一刻戀上" 的。Shopping 完後，也就是在這幾吊腳下的商場尋食的時候了，而令我們  "一刻戀上"  的，就是這一間說是韓國餐，但又充滿了香港風味的食店，名叫《韓樂》(MoMoKu)。當日經過時，未看餐廳名字，我們就一眼認為這是一間做得比較西式少少既港式西餐廳。當我們當正式決定來這餐廳吃時，看見《韓樂맛집》這一個名字，才知道這地方雖然主打是食西餐，但其實整間餐廳都帶點韓風氣。之不過，點了餐的我們，都是食香港式既西餐為主。因為我們叫了一個牛扒套餐，所以會有一份好外國風的純蔬菜沙律。沙律好不好食，所用的蔬菜新鮮與否佔了好大的因素。而這一個沙律，所有菜都新鮮爽甜，也有炸蔥粒令到有脆卜卜的口感，不錯。另外，我們點了一份韓風香酥炸雞來作前菜小食。點的原因不是因為我們想吃炸雞，而是既然來到一間所謂的韓國餐廳，而且餐牌又有潮流仍然興的炸雞，沒

朋友推介呢間位於海之戀商場既餐廳, 多選擇及環境不錯, 由於新商場所以地方幾乾淨闊落,  同埋幾多坐位所以唔使等位, 再睇下餐牌, 仲有三字頭既下午茶, 價錢同茶餐廳差唔多, 見到隔離食緊雞批薯條都幾令, 我地就揀左 黑松露野菌炒滑蛋香脆牛角酥, 半溶芝士肉醬鮮茄扁意粉, 韓式芝麻燒汁焗雞扒飯. 雖然卞午茶價錢三字頭連飲品, 但牛角酥呎吋不少, 裡面既沙律+蛋都真系唔少份量. 而雞扒飯同扁意粉系放向平底小鑊 , 食物新鮮即做. 飲品叫左玫瑰花袖子茶味道幾清香唔係好甜🍝🥤

剛開業時各方面水準良好， 包括服務、座位、食物質素。可是在短短三個月内，表現多次令人失望。仍有晚飯堂食時，跟餐的薯條送到餐桌是硬的。5時的下午茶時段落單，待應不想拿餐牌給客人，因為部份餐牌已收起，唔想麻煩。落單後20分鐘才有食物。自取的外賣晚餐要等25分鐘，取得食物盒時只有微温，證明不是訂單多，而是漏了送出。韓式沙律莱是2件翠肉瓜和ㄧ片生莱。雖然是$98的超值牛扒晚餐，但比起大家樂和大快活的扒餐就大為遜色。令人不想再幫襯的餐廳。

近期值得推介既一間👍🏻抵食好味我地4個人叫左5個餐承惠$228 銀魚仔大蝦卡邦尼意粉$59 ：同平時既卡邦尼有d唔同，辣辣地，冇影相唔記得有咩料雞髀薯條$35 ：雞髀外脆，肉質好juicy 👍🏻魚柳薯條$32:普普通通魔鬼芝士一口炸雞$34: 好玩好食🤣芝士唔會好膩，mix埋好夾好味流心芝士西多士：又係西多士🤣好好味，唔係好流心，不過咸咸甜甜我鐘意加$10 有2隻雞翼，我地加左4隻，唔乾，juicy 既加$8有泡菜，又加左2份，味道普通，不過解下油膩