韓屋

营业中

休息中

疫情下想去韓國旅行都幾難，好在香港都有唔少韓國菜館，今日就去咗尖沙咀金巴利道韓屋，餐廳主打正宗韓國菜， 提供多款熱湯、石鍋拌飯、餃子等等。餐廳裝修風格時尚，地方整潔。前菜係辣醃蘿蔔，食落小辣辣，口感爽口。韓國人喜歡夏天食蔘雞湯進補，所以我們都order咗一鍋，用石鍋上枱，溫度勁熱，飲落熱辣辣。湯底又鮮又甜。啖啖都散發出蔘味。原隻雞夠份量，肉質嫰滑，啖啖肉，雞內的糯米，紅棗，白果，混合湯底，增添口感。炒豬肉石鍋拌飯，個飯材料好豐富，有紫菜、菠菜、紅蘿蔔、大豆芽菜同炒豬肉等，絲絲的芝士溶入飯粒，惹味又滋味。如果食得辣，再混入韓國辣醬，層次感豐富。餃子王，韓國餃子大大隻，皮薄同香，餡料份量又足，有肉碎和蔬菜，好味！