韓屋

营业中

休息中

終於捱到星期五，約埋媽咪黎尖沙咀呢間以「零味精」見稱嘅「韓屋」見識下😆當晚去到，7點幾已排哂長龍建議想黎嘅朋友，如果吾想等位切記要Book定枱🥺.【餐牌】.【參雞湯 $148】必點參雞湯😈你會有意想不到嘅驚喜！雞湯好香濃，雞鮮味混合住陣陣人參香。味道吾會太好重，易入口😎目測有成隻雞，雞肉肉質好鮮嫩，吾嚡口。重點係連骨都好軟化，相信以慢火燉煮而成。驚喜之處係原來雞裡面包左吾少米飯，米飯吸收哂雞湯精華，軟綿入口，好有味🥳.【原味石鍋芝士拌飯 $108】呢個石鍋飯最特別既地方係選用左紅米做底。有咬口，香味更濃，伴菜有脆玉瓜，芽菜，蛋絲，紅蘿蔔絲，紫菜，菌菇等，再拌上大量芝士，邪惡至極😈💡建議一上枱盡快攪拌，否則芝士冷卻左難拌D.【韓式煎餃子 $68/5隻】脆皮餃子係粉絲蔬菜餡，雖然跟醬油汁，但小編建議換上黑醋汁味道會更好🥰.【餃子王。泡菜餃子王 $16/隻】餃子王係店舖人氣Signature Dish。Size有如長洲大魚蛋咁大隻！以迷你蒸籠承載，So 可愛😍前者係韭菜豬肉餡，後者係泡菜豬肉餡。個人偏愛泡菜餃，味道酸酸地又辣辣地😆

和同事午餐覓食，路過這家門面海報主打韓國餃子的舖頭，令我們滿懷好奇地選擇進內試試。打開餐牌，嗯。。。除了餃子之外，選擇真不多，就是一些湯飯和拌飯，連麵食都沒有。算了，反正我們是被餃子吸引進來的，其他也不關我們的事。餃子有分蒸的和煎的，我們就各選了一款。蒸餃子（HKD68），最原味的選擇，只是上桌讓我大失望，無論是樣子還是味道，都和在超市買的20多30多一包的韓國餃子沒分別，而這裡5粒就要盛惠HKD68另加一。煎醬牛小排餃子（HKD78），這個煎餃味道就好很多，餃子金黃香脆，餃子裡肉肉滿滿也Juicy，只是餃子個頭本身不大，所以份量也顯得不多，另外值得一提的是醬汁很提鮮。醬炒牛肉拌飯（HKD98）。本來以為點2份餃子就可以解決午餐，是我們太天真了，見到勢頭不對已經立刻加點了一個拌飯。拌飯材料看起來還可以，只是拌飯醬沒什麼味道，肉肉也不多。底下的米飯是紅米飯，感覺比較健康，顏色也漂亮。飲品沒有套餐價，只能單點，一罐罐裝汽水就要HKD25左右。兩份餃子加一份拌飯再加飲品埋單HKD320多，但作為午餐還是吃不飽，不知是我們大食還是這裡的東西精緻了。結論，不是說食物不好吃，只是真的是“貴夾唔飽”

@尖沙咀韓屋同朋友敘舊，帶咗佢哋嚟呢間我之前食過嘅韓屋。一樣係咁多人，咁受歡迎！如果想食最好訂位先，因為多人所以入座時間為75分鐘左右。醬炒牛肉石鍋拌飯 ($108)呢個好好食，有石鍋夠曬熱，我中意佢仲有少少飯蕉添。雖然係一啲簡單嘅材料，例如菇、菜、蘿蔔、芽菜、紫菜，但係撈埋佢嗰張醬好好食。有興趣嘅仲可以加芝士添！餃子湯($118) 加蕎麥麵 (+20)呢個係韓國嘅家常便飯，豬肉湯入邊有啲皮薄餡靚嘅餃子。餃子都係豬肉餡，簡單好食！帝皇蟹膏蟹肉煎餃子 ($78/5)呢個上次已經想試，今日仲要有得叫！大大隻，好脆添！除咗蟹之外，仲有其他材料，相當豐富。

🇭🇰韓屋🥢🥢👩🏻又黎左韓國街搵食揀左呢間人氣好高既韓屋6點半黎到 舖頭唔算好大 已經排隊會唔會太誇張😩餐廳走少女風 好粉色同neon light 仲會播kpopMV Staff 普遍都好忙做唔停 不過態度同服務都依然好好🤓🥟餃子王(💰$16/pc)見到menu 既餃子好大隻 忍唔住叫用小蒸籠一個個上 黎到有手掌咁大好可愛 精緻餃子王皮係厚一點個種 餡料好足非常飽滿食到豬肉同菜既鮮味 唔洗調味已經不錯🥟泡菜餃子王(💰$16/pc)泡菜味岩哂鐘意辣味既朋友🌶🌶辣味有返咁上下 泡菜餡料一樣飽滿不過要我揀既話會鐘意原味多點 味道層次高一點🔥醬炒牛肉石鍋芝士拌飯(💰$128)石鍋熱辣辣 跟左自家製醬汁用左紅米飯做飯底🍚牛肉🐃帶點甜甜的 芝士做到拉絲仲有紫菜 紅蘿蔔🥕芽菜 翠玉瓜🥒等等攪勻食感覺非常健康 就算落左醬料都冇好heavy既感覺🍲牛排骨湯(💰$153+$20配紅米飯🍚)佢地標榜零味精零防腐劑既熱湯所有湯都可以+$20配紅米飯／蕎麥麵熱辣辣♨️湯底清甜 排骨已經煲到骨肉分離牛肉非常軟腍 仲有粉絲等配料 不過配料唔算多但好欣賞熱湯真係0味精 飲完唔會口渴同heavy清清地但有食材本來的味道 配

由於我好鍾意食韓國嘢嘅關係，我係食過無數咁多間韓國餐廳嘅🤭多數都係食邪惡嘅炸雞，飯卷，年糕等等，但係今次就嚟到尖沙咀呢間韓屋，係主打食韓國人地道家常菜，好受歡迎喎，去到要排隊等第三張枱。等咗大概10分鐘就有位，睇Menu叫嘢食嗰陣見到有好多餃子嘅選擇，有一大大隻嘅餃子，亦都有細細隻嘅煎餃子。我哋兩款都叫咗，另外仲叫咗一個拌飯同埋湯。🥟餃子王 $16🥟泡菜餃子王 $16蒸餃冇諗過咁足料，成隻餃子都係好實淨好脹卜卜，$16呢個價錢又唔算唔錯喎。覺得本身都好夠味，連豉油都唔使點，辣豉油比較偏鹹。🫓帝王蟹膏煎餃 $78唔算話食到好濃郁嘅蟹膏，但係煎餃子都幾乾身實淨，唔錯，亦都係唔使點豉油都OK。🍚炒豬拌飯 $128我哋仲揀咗有芝士嘅呢一款，都幾濃郁芝士味，撈埋落去熱辣辣。🍲泡菜湯 $118因為我好鍾意食泡菜㗎，而且好鍾意佢辣辣地好開胃，今次叫咗呢個泡菜豬肉湯，好多料，食極都有料，對得住個價錢。5星為滿分*😋美味：⭐️⭐️⭐️⭐️💰價錢：⭐️⭐️⭐️🛋環境：⭐️⭐️⭐️⭐️🤵‍♀️服務：⭐️⭐️⭐️⭐️🚶‍♀️回頭：⭐️⭐️⭐️⭐️

🇰🇷筆者係韓國菜支持者，但有時喺香港都覺得變化唔大，食嚟食去都係炸雞，燒肉，拌飯等等🤔其實唔通韓國人真係日日炸雞燒肉咁熱氣咩？🙊😂今次去咗一間賣韓國地道家庭嘢嘅餐廳真係好有新鮮感，主打係韓式餃子同湯品，款式特別之餘味道都好出色，唔怪得日日排長龍啦🙉🙉🇰🇷餃子王 + 泡菜餃子王 ($16@1) - 而家先知韓食都有蒸點心😍勁大隻餃子用小蒸籠上，外皮煙韌，入面係韭菜粉絲豬肉，餡料份量十足，味道唔錯😋其實同平時中式嘅都差唔多～而泡菜款就更有特色更好味，加咗唔會太辣嘅泡菜，味道層次更出同埋更有韓式滋味🤤🇰🇷煎牛小排餃 ($78) - 同樣地都幾似中式味道，但佢個牛肉餡料嘅醬油香調味係更加特出，即叫即煎熱辣辣，高質👍🏻🇰🇷釜山豬肉湯 ($128) - 韓國湯品飲嚟飲去都係牛肉／海鮮／人蔘雞？🤔我都有咁嘅感覺，所以見到呢度有香港少見嘅釜山豬肉湯就即刻叫咗，一飲覺得不得了🥰湯十分清甜又唔HEA，肉塊超多，又唔會煲到似湯渣，仲係好好食！配料有蝦醬同辣醬，加小小去飲同食，成個感覺仲有提升😍真係誠意推介大家一試💯🇰🇷嘆地道韓國菜最重要都係燒酒啦，太耐無飲過啦，今次叫咗柚子味燒酒實在太正，柚子香味強烈但又唔

假期朋友想食吓韓國野，咁就走左去韓國街個邊行吓見到呢間韓國菜小店都好多人食，就決定入去試吓😆雖然店面唔大都座得幾舒服👍🏻咁食得韓國野就梗係要叫個人蔘雞食吓啦😆一試果然冇叫錯，雞湯十分之香濃又夠晒足料，人蔘味唔錯，雞煮到非常軟身骨都食到😆最正係個底有啲超級香既飯粒，絕對正宗韓國人蔘雞👍🏻👍🏻👍🏻另外就叫左個薯仔排骨湯，都係正宗韓國野啦，香又spicy非常開胃，送飯一流👍🏻最後加咗兩隻大餃子，真係超大粒，好滿足🤣

韓屋 尖沙咀今日想食韓國野…就醒起呢間韓國餐廳…因為之前經過俾佢個霓紅燈豬吸引住。加上佢左右都好多韓國餐廳…係呢間特別旺場。排左20分鐘有位。呢度地方唔大…地方比較窄…望下餐牌…呢度以韓式湯為住…見到有人蔘雞…雪濃湯…薯仔排骨…好多選擇。我地點左個香辣牛肉湯…因為鍾意食辣仲追加左個五穀飯。另外加多個醬炒牛肉拌飯同帝王蟹膏蟹肉煎餃子。香辣牛肉湯黎到…以石鍋上…黎到d湯仲滾緊…正。個湯熱辣辣帶微辣…好香牛骨味…最緊要個湯唔會好油膩。牛肉份量都幾多…仲有好多大蔥同蔬菜。我就將個五穀飯倒落湯當湯飯食…湯會跟個醃蘿蔔…酸酸may may幾開胃韓屋 尖沙咀今日想食韓國野…就醒起呢間韓國餐廳…因為之前經過俾佢個霓紅燈豬吸引住。加上佢左右都好多韓國餐廳…係呢間特別旺排左20分鐘有位。呢度地方唔大…地方比較窄…望下餐牌…呢度以韓式湯為住…見到有人蔘雞…雪濃湯…薯仔排骨…好多選擇。我地點左個香辣牛肉湯…因為鍾意食辣仲追加左個五穀飯。另外加多個醬炒牛肉拌飯同帝王蟹膏蟹肉煎餃子。香辣牛肉湯黎到…以石鍋上…黎到d湯仲滾緊…正。個湯熱辣辣帶微辣…好香牛骨味…最緊要個湯唔會好油膩。牛肉份量都幾多…仲有好多大蔥同蔬菜

韓屋🇰🇷🌟尖沙咀出左名係多韓國餐廳，之前同朋友誤打誤撞就去左韓國街，求其搵一間餐廳食都唔錯。今次就試下韓屋，佢地既裝修真係幾有少女心，打卡一流。出面都一直有人排隊，相信尼間餐廳都幾有人氣。佢哋仲放咗兩部大電視一路播緊kpop MV。又真係幾有氣氛。🐣鮑魚人蔘雞湯$168用熱鍋上台，保持到湯既熱度。除左有一隻完整既雞，仲有一隻鮑魚。鮑魚彈牙，尚算新鮮。不過雞更為出色。已經煮到連骨都變到好軟，骨同肉簡單又輕鬆就可以分開。雞入面仲釀左米飯，米飯吸曬湯汁，變左係精髓。雞湯十分鮮甜美味，反完夜更去補一補都幾好。可以配埋蕎麥麵食，更加飽肚，建議可以兩個人分黎食，再order其他野食。🥟餃子王 $16超級大隻，用蒸籠裝住。餃子皮超薄，餡料很多。味道唔錯，唔太似平時既餃子味道，佢都係用左韭菜同豬肉製作而成。🥟泡菜餃子王 $16同樣都係好大隻，但內餡就唔同，泡菜味好重，真係幾辣下，唔食得辣既，建議可以食其他餃子～味道好濃郁又刺激。🥟🦀帝皇蟹膏煎餃子 $78食得出有蟹膏既味，鹹香鮮味。外面好脆，配上醬料，有d酸味，減低油脂感。🍻Milkis $25

已經係第二次嚟呢度，今次我哋7點左右嚟到，竟然要排長龍，唔通其他人都好似我咁覺得太熱想食啲湯鍋之類濕濕哋開胃啲🤔下次想食都係早啲嚟好啲。薯仔豬排湯$148一上枱見到座排骨山，好多肉排，豬排煲得好淋，用筷子一撩就起到啲肉。啲肉排完全唔會又乾又嚡，佢依然保持嫩度，最好食係有啲位黏住啲膠原軟骨。個湯有一點點辣，好香，配菜有薯仔、大荳芽葉同埋其他蔬菜，可以加配飯或者麵食。雪濃湯$138呢個牛湯望落好清、雪白，但係唔會冇味，飲落去好香牛味，鮮甜，加上有好多洋蔥、香蔥，令到味道更加香濃。個仲有好多牛肉片，雖然用嚟煮湯，但又係唔乾唔柴，多多都食晒。餃子皇/泡菜餃子皇 $16/隻巨型餃子用小蒸籠裝住，一籠一隻好得意。原味係韮菜豬肉，好香好多餡。泡菜餃子少少辣，有泡菜韮菜豬肉，幾惹味。

好耐冇食韓國菜，去左尖沙咀金巴利道搵食，果到出名多韓國菜食，行過呢間叫韓屋既餐廳門口特別多人排隊，我見隔離附近啲餐廳入面一個人都冇，依家係座無虛席。舖頭有啲細，樓面服務員雖然得兩個人都服務得好快，都好快安排到我哋入座。餐牌只有三類：湯類、石鍋飯、餃子。我哋每樣都嗌左一樣試吓，牛膝湯係有驚喜，入邊好多牛膝，應該好豐富嘅骨膠原，另外如果想送飯，只係加多$15，送面就加$20。另外佢個石鍋飯，係有芝士係入面，熱辣辣嘅飯令到啲芝士慢慢溶咗，造成拉絲效果，味道都相當豐富。泡菜餃子係少辣，但比起平時普通豬肉餃子我更喜歡。

金巴利道呢一頭有好多韓國餐廳，今日興起同朋友想食韓國嘢，於是就嚟咗呢條街搵野食。8:00呢個時間基本上間間餐廳都要排隊，我哋最後揀咗呢間韓屋。>>>薯仔豬排骨湯 $148呢個飲落去有少少辣，個豬排骨煲到肉質好淋，一夾就骨肉分離，另外配料有芽菜薯仔洋蔥etc，全部都幾入味，同埋飲完唔會覺得好重味精既感覺。醬炒牛肉石鍋芝士拌飯 $128材料有炒牛肉，蛋絲，紅蘿蔔，菠菜，冬菇，紫菜，翠玉瓜，芝士，另外會有兜醬俾你撈落飯到，個醬甜甜地，用咗紅米+糙米飯幾健康，撈勻曬會見到拉絲嘅效果，幾好味😋泡菜餃子王 $16本身嗌咗個湯同埋拌飯都已經夠食，但我見個個都嗌呢個餃子王，所以我都想試一個！用個BB蒸籠裝住上枱真係好得意😍個餃子王皮薄餡靚，入面係泡菜豬肉餡，食落去都幾辣下，唔使點豉油都已經好夠味

韓國菜真係好難唔愛，因為選擇多多之餘亦好多元化，加上韓國飲食嘅歷史源遠流長，吸收左好多唔同地方嘅飲食文化之外，係韓國，每年都有全新嘅韓國菜被發明出黎，所以係新舊文化嘅衝擊下，韓國菜真係好正🤤呢間餐廳有種韓國家常菜嘅感覺，叫左牛膝骨湯、炒豬肉拌飯、煎牛小排餃子，上台嘅速度都好快牛膝骨湯好清而且有好多牛膝骨係湯入面，勁多鈣質同骨膠原🥰炒豬肉拌飯就係一如既往嘅韓式口味，加埋甜辣醬撈勻之後好味，👦🏻有一個新食法就係用牛膝骨湯做湯飯，係另一種味道😋最後嘅煎牛小排餃子，大大隻，脆卜卜，牛肉味都幾濃😊評分：7 / 10

打完針之後好肚餓好肚餓😨好彩打針地點附近係韓國街，打完針梗係食清啲，醒起呢間韓屋主打冇味精自家製濃湯系列🥰.▪️釜山豬肉湯$128如果有去過釜山嘅大家，都唔會對呢個湯感到陌生，因為基本係釜山必食嘅名物，當然啦喺韓國咁多好嘢食，通常呢啲湯飯就係早餐先食既，幾鍾意呢個湯清得黎夠濃，豬肉量又多，加$20配埋蕎麥麵清清地好夾。.▪️ 帝王蟹膏蟹肉煎餃子$78 韓式煎餃既特色係配料好韓國🤣今次叫呢個帝王蟹膏蟹肉煎餃子🥟果然好特別又好香蟹味，裡面仲有條條粉絲好爽口，煎餃個餃子皮會相對比較好，但仍然好好咬勁。.▪️餃子王$16食完煎餃之後食蒸餃，呢隻餃子王夠晒大隻，裡面就係菜肉餡，皮會比較薄同多汁。.呢間人氣店實在太多人食，每次都要預左係門口排隊，但如果想食韓式湯類又真係值得等既😘

朋友好鍾意食韓國菜, 今日同大食妹睇完戲, 點都要去韓屋排隊食dinner韓屋同其他韓國餐廳好唔同, 主打韓式餃子同石鍋飯, 晚飯時間超多人, 想食記住早啲去排隊<餃子湯>餃子湯係韓國嘅家常料理, 湯底係豬肉湯, 再係裏面加入蛋花同紫湯, 味道唔錯餃子係薄皮嘅豬肉餃子, 配搭豬肉湯, 簡單好食<泡菜餃子王>泡菜餃子王係巨大化嘅蒸餃, 用蒸籠上菜, 非常可愛泡菜餃子王外皮比較乾身, 但裏面好足料, 係泡菜、粉絲同豬肉碎混合而成嘅美味<炒豬肉石鍋芝士拌飯>炒豬肉石鍋芝士拌飯芝士唔係好多, 但勝在石鍋夠熱, 有飯焦加入韓式甜辣醬炒一炒, 又香又飽肚<韓國蜜桃梳打及韓國青蘋果梳打>呢隻韓國蜜桃梳打同韓國青蘋果梳打比較少見, 果香味突出, 邊食飯邊飲就啱啱好