韓屋

营业中

休息中

原味拌飯上菜時暖暖的， 因為不是用石鍋所以比較少油，適合素食 及健康人士，  有蛋絲， 翠玉瓜，紅蘿蔔，蘑菇類 ， 菠菜，芽菜等！ 原味石鍋芝士拌飯石鍋令整個拌飯都暖笠笠而且可以有飯焦食， 冬天食非常適合！ 芝士有拉絲，好香濃！也有蛋絲，翠玉瓜，紅蘿蔔，菇類 ， 菠菜，芽菜！ 餃子王皮薄餡靚，比 一般嘅餃子大隻😍  不會乾身而且肉汁鮮甜， 而且有菜同粉絲！ 泡菜餃子王有香濃泡菜味，比較辣， 有粉絲😍 另外蒸餃子仲有跟泡菜餃子，牛小排餃子，人參餃子王等 煎餃子有很多款式！有粉絲素餃子，煎醬牛小排餃子帝王蟹膏蟹肉煎餃子外皮脆口，一共有五隻， 有蟹肉味都幾鮮甜，而且煎得很香口！

話咁快又到左Happy Friday😊，約左老友去尖沙咀#韓屋，主打韓國人煮的地道家常菜，零味精熱湯、拌飯….，韓國人喝熱湯養生是常識吧，韓屋出品零味精、零防腐劑韓式住家熱湯，還有薯仔豬排骨湯，因唔係間間有， 故專程拜訪下。 🥘薯仔豬排骨湯，滾熱辣的湯上場，梗係第一時間飲一口，湯味濃郁帶微辣，豬排骨都有4至5件，煮得很淋，連d骨都好易咬開，內有大量蔬菜🥬、蔥等。食完成個身都暖笠笠。 🥙炒牛肉石鍋芝士拌飯，第一時間將飯拌均，拌飯有很多配料，除了牛肉同芝士外， 還有紫菜、紅蘿蔔絲、翠玉瓜同芽菜，拌起即見芝士拉絲效果，食到最後仲有少少飯焦，呢個又係暖肚佳品。🥟餃子王、泡菜餃子王各一，一籠一隻的買相很cute , 我食原味，內有豬肉韭菜餡料飽滿，老友話泡菜辣辣的夠惹味，餃子皮食落有韌性，即叫即蒸關係，故都等得耐了點😙。配埋啤酒🍻就十分滿足😘。

天氣涼涼地，食返啲熱辣辣嘅嘢就最正！呢日喺尖沙咀行完街，就揀左到 #韓屋 食韓國🇰🇷餐，雖然只係六點幾但外面已經好多人排隊。呢度地方唔大，以粉紅色調為主，仲有隻招牌豬豬，仲不時播放住k-pop，有點像置身韓國餐廳嘅感覺。原味石鍋拌飯熱辣辣超足料，裏面有蘿蔔絲、芽菜、紫菜、翠玉瓜等，感覺更加健康，配埋佢哋嘅韓式醬汁辣辣地好惹味，而且仲有我最愛嘅飯焦牛排骨湯味道濃郁鮮味冇味精，啖啖都充滿着陣陣嘅牛骨香氣，而且牛肉煲到好林，飲完個湯成身人暖晒皇帝蟹膏蟹肉煎餃子好大隻煎得好脆，食落仲好多餡

已經好耐無食韓國菜啦 今次黎到尖沙咀韓國街 揀左間人氣高既餐廳試下😋 呢間餐廳地方細細 但門口排哂隊等入座 好誇張喔🤩好快上菜既係韓式牛小排餃子，外皮煎到金黃色，咬落去好脆卜卜 入面既牛肉好多汁 加埋餃子醬汁一齊食真係好好食👍🏼👍🏼真係幾有驚喜😍 另外仲試左大大隻既蒸泡菜餃子王👑 但呢個就辣d 唔食得辣既要注意🔥🔥主菜一定要試下我最愛既泡菜豆腐湯，平時配白飯，呢到係配紅米飯，幾特別！個湯唔太辣，好開胃，正😍😍另外試左邪惡炒豬肉石鍋芝士拌飯，呢個好推薦🙆🏼‍♀️ 撈完食好好食，食到低仲有脆脆飯焦，鐘意食飯焦既會好開心🥳呢間餐廳店員都好友善，下次一定會再黎食😋😋😋

#跟住我食唔中伏.上次是因為全店粉紅色吸引我試試吃過之後一直都念念不忘，總是想再去吃😆上星期有假期立即決定帶寶寶去吃！.必吃的一定是［石鍋芝士拌飯］，這次選了豚肉拌飯。豚肉一片片很薄身，有點乾身，加點麻油就很棒😋芝士拌飯香香的，配料又多非常好吃！.除了石鍋拌飯，這裡的韓式湯都令我十分掛念😍而且是零味精的韓國菜，很適合帶小孩來吃❤️第一次吃［牛膝骨湯］，因為餐牌的文字介紹很吸引(圖9)味道很不錯！牛膝骨份量超多，沒有酥味，煮得很軟淋，連寶寶都很愛吃😏PS 我跟她說吃了會變美，她立刻吃超多…她真會吃😂.另外再點了韓式餃子，夾著泡菜吃更好吃💖建議避開午餐時間去吃，因為必定要排隊呢…🤤....#ca師奶餐廳_尖沙咀.韓屋尖沙咀金巴利道69-71A號美園大廈地舖

呢間韓國菜開左一段時間已經好出名，假日十二點幾去到都已經要排長龍等位小店型式經營，都係得十張枱度，有韓國店員沅。店內都有啲燈飾裝飾打下卡。最出名係食餃子當然要試喇，餃子王真係頸大隻塞滿成個籠，泡菜味酸酸辣辣，另一款肉餡都超多超飽滿再叫一款煎餃，醬牛小排餡料，牛肉都多仲係保留到肉汁，調味岩岩好，餃子再脆小小就好人蔘雞食得多，加埋大大隻鮑魚抵食，雞同人蔘份量都好多，人蔘甘甘地，雞係煮到軟嫩連骨都就化既口感餐牌：

以藍色、粉紅色霓虹燈為主調 並由韓國大廚主理熱賣零味精、零防腐劑韓式住家熱湯🍲一坐低ᴏᴘᴘᴀ就提供開胃前菜辣蘿蔔😚 正!🔖 蔘雞湯原隻燉雞 隻雞已經燉到骨肉分離 肉質非常軟腍湯底亦有濃濃嘅人蔘味 加埋雞肉嘅鮮甜 即刻成件事變到好滋補ദ്ദി ˉ͈̀꒳ˉ͈́ )✧🔖 餃子王/泡菜餃子王真係比平時嘅餃子大粒好多 唔怪得叫「王」😂皮薄餡多 一咬開便是填得滿滿的肉料 仲要一隻餃子 一個小蒸籠 好盞鬼呢呢個價錢嚟講都係可以接受的～🔖 炒豬肉石鍋芝士拌飯豬肉同配料份量都多 誇張啲講仲多過飯要自行加入韓式辣醬再攪勻 加埋芝士真係好出色 又惹味又多咗拉絲效果仲食到少少飯焦呢! 幾好食嘅☺️🔖 醬牛小排餃子應該煎餃會好食啲 唔小心叫咗蒸🥲

要講最熟悉的外地，韓國確實當之無愧，自中學迷上Kpop，韓國文化就深植在我腦中～回想起三年前的韓國之旅，最有印象就是在寒風中吃了碗薯仔排骨湯，想不到在香港亦可回味當時的味道！——————————🔹薯仔豬排骨湯 $148見到餐牌居然有這款湯，毫不猶豫點了一碗！排骨燉得軟稔，湯頭有骨香亦有韓國菜乾的濃香，入口濃郁但不會厚重，雖不及當地巷弄餐館的風味，但在香港吃到這個味道已經好滿足！🔸醬炒牛肉石鍋拌飯 $108石鍋拌飯是韓餐comfort food，材料做法簡單，但往往是我的必食料理！醬炒牛肉甜香不韌，與紅蘿蔔、豆芽、菠菜、辣椒醬等拌勻，偶爾食到香口的飯焦，確實不錯！🔹煎醬牛小排餃子 $78/5隻朋友喜歡吃煎餃，所以今次再點了曾經吃過的牛小排口味～餃子不算大隻，但餡料亦算飽滿，內餡帶甜，好有中毒性，相信小朋友會好喜歡！

嚟到尖沙咀韓國街，緊係嚟食韓國嘢啦哈哈🇰🇷唔知幾耐食韓國菜係食炸雞而唔係呢種傳統地道啲嘅......人蔘雞湯!🤩🥰·✨蔘雞湯🐔 $148原隻雞，雞好腍，連骨都腍哂，真係煲得好耐但唔會鞋口，不過食嘅時候好易食到碎骨🤣湯好入味又濃郁，啖啖都係精華呀😍原來隻雞係包有糯米，雖然唔算多，但都煮到索哂湯好腍身😙人蔘就都有幾條細細條，都食到人蔘味嘅😚·✨炒豬肉石鍋拌飯 $108石鍋飯夠熱，豬肉份量都多而薄😌飯仲有魚糕絲、菇、菜、芽菜、翠玉瓜、蘿蔔絲等呢個石鍋飯係用紅米飯，諗諗下好似之前未試過咁食😛配有韓式醬，甜而不辣，開胃惹味✨餃子王 $16/一隻餃子王入面係菜同豬肉，一籠一餃幾得意😎餃比平時嘅大粒，似魚皮餃咁嘅形狀蒸比我地想像中乾身·✨泡菜餃子王 $16/一隻我就試呢款，有泡菜、豬肉、粉絲，都幾特別😀·🌟冇諗過咁爆場，keep住有人排隊，呢間韓國菜質素都真心唔錯呀

朋友突然間想食韓國嘢 行行吓見到呢間韓屋 好多人排隊所以一齊排埋一份 等咗大概20分鐘終於入得啦！太肚餓 所以叫咗個炒豬肉石鍋芝士拌飯 裏面有好多唔同嘅配料翠玉瓜紫菜紅蘿蔔絲同芽菜 面頭再灑上芝麻 素菜都可以食到好有型有格佢係用糙米嚟做飯底 感覺好健康有營養除此之外想飲碗熱辣辣嘅湯 就嗌咗個泡菜湯 食韓國嘢真係唔少得㗎 裏面有熱辣辣嘅豆腐啲豆腐食落去好滑好軟身 泡菜又唔算太辣味道仲可以接受裏面仲有豬肉同蔥花 嘢飲方面就叫咗幾罐果汁汽水 🥤最鍾意飲青提汽水 食到大大粒青提好正呢

【 尖沙咀 爆芝石鍋飯 巨大餃子】🥟🥘呢條街真係有好多韓國餐廳🤣今次試咗呢間 見到佢嘅巨大餃子好似好吸引😆.👅醬炒牛肉石鍋芝士拌飯 $128性價比唔高 有啲覺得唔值咁貴牛肉係普通嘅質素🥩同埋啲飯太稀 好似糊仔 呢個質地唔係太好🍚不過好值得讚嘅係☺️石鍋飯佢真係比足料 好多配料 每一啖都有味同埋佢啲芝士真係勁多 多到可以拉絲🧀好少會比咁足芝士架 好邪惡～！.👅泡菜餃子王 $16好大一隻🥟啲餡好飽滿原來都真係有啲辣 幾過癮🔥——📍韓屋 (尖沙咀)尖沙咀金巴利道69-71A號美園大廈地舖#kanteen尖沙咀 #kanteen韓國菜

看見這間餐廳的食評一般都很高！滿心期待！排隊等位等了1小時也沒所謂！但結果雷聲大雨點小！非常失望的午餐！這次午餐點了血腸湯、泡菜湯、煎餃子及一碗紅米飯！收費$360 （兩位用）！作為一個午餐，價錢並不特別便宜！而且味道只屬一般，沒有特別驚喜！泡菜湯的豆腐並不特別嫩，而且肉很少，找來找去只得一兩片，食完也不覺飽！這樣的食物質素，收這樣的價錢，貴貴貴！餐廳環境有限，座位也並不特別舒適！服務員態度並不專業！明明是最先點菜，結果是最後落單，等了很久才上菜！整體非常失望！非常失望！非常失望！只此一次！下不為例～這應該是排隊等位的人的喜訊！

朋友很早以前已想試這餐廳，剛好今天放假，便相約一起來試一下，由於我遲了幾分鐘到達，所以趕不到第一輪午餐時段，但還好等了40分鐘後便到我們了，很快我們就選好了泡菜湯、血腸湯和韓式素煎餃，可是這竟是不愉快的用餐經歷的開端……🥲等了快20分鐘後，我察覺不對勁，便跟朋友討論剛才甚麼時候點餐，問侍應生是否漏了我們的單子，誰知侍應生竟說我們下單比別的客人遲，所以遲是應該的，但明明就是我們先下單，然後她在接了我們的單後再去接別的客人的單，最後更把我們的單放到最後處理，讓我們少了20分鐘用餐時間😡(餐廳用餐時間只有70分鐘)，這樣處理客人下單的侍應生，真是第一次遇上😑，盡管食物質素不差，但這樣的服務態度，真叫人無語，「可一，不可再」😠😤이 식당의 서비스가 별로 안 좋습니다.한 번 가도 괜찮지만, 다시 갈 수는 없습니다.

要喺香港搵到日本旅行感覺可以去Donki，但如果係韓國當然係尖沙咀金巴利街！呢幾日咁悶熱忽然想食韓國菜，於是去咗一間小店搵食，店內唔算多位，如果繁忙時間都可能要等一陣。蔘雞湯（$148）呢個蔘雞湯特別之處係蔘同雞都處理得好出色，蔘味唔會太濃太藥材感（啱香港人口味），而雞嘅份量大得嚟又仲保留到肉質好嫩滑適中，最正嘅係佢煮到啲雞骨都好脆，成隻雞係可以連骨食！醬炒牛肉石鍋芝士拌飯（$128）拌飯調味唔錯，而且芝士明顯可以拉到絲！不過牛肉份量可以再多啲，同埋石鍋熱力再高啲就可以食多啲飯焦！醬牛小排餃子（$78 / 5隻）佢嘅餃子係有分蒸同煎嘅，為咗無咁熱氣都係揀咗蒸餃。醬牛味好濃好入味，但蒸餃又唔會皮太厚，食落一啲罪疚感都無！味道: 🌕🌕🌕🌕🌗服務: 🌕🌕🌕🌕🌑環境: 🌕🌕🌕🌖🌑價錢: 🌕🌕🌕🌕🌑－－－－－－－－－－－－📍 韓屋尖沙咀金巴利道69-71A號美園大廈地舖－－－－－－－－－－－－#tiufufoodie在尖沙咀 #hkfood #hkiger #hkfoodie #hkfoodlover #食到尖沙咀 #尖沙咀美食 #香港foodie #食好西 #香港食評 #香港食好西 #food

行親韓國街都見呢間舖有好多人，嗰日撞正附近間SSAL **** SSAL落場時間，就嚟伏咗呢間餐廳。-我同朋友叫咗一個釜山豬肉湯(飯)同泡菜豆腐湯(飯)，睇餐牌見後者嗰頁下面寫飯係要加錢，點知原來連豬肉湯飯個飯都係要加錢先有嘅，真係唔知咩道理嚟🤔-之後上咗兩碟小菜，一碟係跟豬肉湯(飯)嘅醬，一碟係蘿蔔泡菜。味道正常，因為相信都係大企業嘅味道。朋友問有無大白菜嗰種泡菜，職員答佢哋無👍🏻-嗰日三點左右到，舖入面都算多人，但我哋都等咗三四個字先上菜。--首先講下我個豬肉湯(飯)，湯底偏淡，淡到有啲似水，豬肉份量唔多，唔算鞋，但都唔係好好味。-朋友個泡菜豆腐湯(飯)，豆腐只有相入面睇到嘅三塊，湯都係偏淡，無泡菜香味，而且啲泡菜係黃晒，係唔新鮮嘅 (雖然醃製食物唔會稱為新鮮，但佢嘅泡菜真係黃晒梅晒嘅樣)。-噉啱見到隔離枱叫咗個煎餃，一眼望埋去就係7*9阿*屋有得賣嘅bi**go 煎餃，一大包可能賣緊十幾廿蚊，但望下餐牌，佢收緊$68/5隻，好在無伏☺️-埋單嘅時候因為個湯都百幾蚊，飯要另加錢，再收埋無服務嘅加一服務費，係要$304，係一個好貴嘅大伏。