鞍下熟成肉

营业中

休息中

餐廳新開張，見到Menu有A5和牛，幾吸引！價錢都合理，依個品質唔算貴👍🏻先講食物質數，牛肉有分薄片同埋厚片，兩款都非常不錯，個Misuji打頭陣非常出色，口感軟嫩又多汁，自己本來唔食生蛋，但依間店啲蛋冇腥味，而且好濃郁，問店員先知係用蘭王雞蛋，睇得出佢哋幾着重食材品質👍🏻另外店員特別推介一支自家製「霜醬汁」，好重柚子味，清新又解膩。香蔥溫泉玉子蛋飯就一定要叫，味道調得好好，一個人食左2碗。甜品都好特別，卡達拉娜上面有香草，又甜又香，同埋估唔到會配一杯抹茶點茶，苦苦地，但一解和牛油膩感覺，呢樣嘢做得幾好。下次會再黎！

聖誕節到處餐廳都要排隊，行過見依間日式燒肉店新開又唔洗排，因為同朋友都太肚餓就直接入去試吓，估唔到有驚喜！優點：服務員服務態度好好，餐廳介紹話係成隻和牛買返黎，推薦左9品盛合俾我地，可以食哂唔同部位。牛肉嘅品質真係好好，睇得出係真材實料，油花好靚，燒肉爐火力夠大，依個價錢真係幾抵食！缺點：餐牌比較少選擇，主打都係食和牛，對唔食牛嘅朋友會好卻步，同埋食太多會好油膩，希望之後有多啲其他野食。總括嚟講，和牛盛合性價比幾高，幾鍾意入面環境煙霧離漫，有日本商店街燒肉店感覺🤣