麵麵香

营业中

休息中

土瓜灣街頭撞到寶藏米線店！👀✨ 傳說中嘅「罐罐米線」真身現形～ 四川辣妹子老闆娘坐鎮，麻辣魂直接覺醒🌶️ 必試✨老麻抄手 每日新鮮豬肉手包！皮薄餡足咬落爆肉汁💦 自家熬嘅麻辣醬邪惡到犯規... 麻香纏喉嚨 食完真係會瘋狂回味啊😭 鎮店🔥罐罐米線（揀咗三鮮湯） 老闆娘超貼心❤️ 見我拖住一家大細 主動走雞粉！以為會淡？錯！湯底鮮甜到震👏 秘密在於... 豬潤+新鮮豬肉每日現熬 飲到底都唔口渴嘅真高湯啊～ 重點‼️ 瓦煲上枱仲滾緊🔥 傳統陶罐保溫力MAX 米線索盡湯汁都唔會淋 仲要份量多到懷疑人生... 大胃王都投降嘅巨鍋！ 人情味爆燈💡 舖仔細細得十零個位 但老闆娘記性超神 隔籬枱熟客嘅走蔥走芽菜全記得！午市仲送冰鎮汽水🥤 熱辣辣啪罐可樂... 爽過坐冷氣房❄️ 睇老闆娘講佢之前喺深圳都有店舖，其實佢哋嘅食物真係好好食希望佢可以為我哋帶嚟更加多嘅四川美食🥰🥰而且傾落偈發現佢個人都好有心💓我問佢點解唔賣豬扒雞翼？佢話畀我聽唔想咁多嘅冷藏食物都想用啲新鮮食物製作畀大家食！希望大家都多啲支持你啲用心嘅小店🥰P.S. 一點半後易搵位 但抄手手作限量 晏來隨時沽清👋 ---

新開咗一間重慶罐罐米線，老闆娘帶嚟獨家技術，重慶小麵用糊辣殼炒辣椒乾，採用新鮮食材，半罐湯底半罐料，份量十足，營養豐富！最濃嘅味道係人情味，親切友善嘅老闆娘，笑容滿面！ .🌟金湯米線 米線用罐罐容器裝住，滾開嘅湯底香味十足，睇落煮耐嘅米線，意外有咬口，原來自設廠房，特別製作，適合香港口味，湯底鮮味濃郁兼材料豐富！ .🌟泡椒黃喉麵 麵都係特別製作，質感比米線軟，湯底較濃稠，味道偏濃，黃喉爽口彈牙入味，配上蔬菜，份量十足！ .🌟麻辣牛腱 牛腱肉質緊實彈牙，滷香入味，搭配芫荽小青瓜清新開胃！ .🌟酸梅湯 老闆娘自製酸梅湯，主要食材烏梅、檸檬同桑椹煲成，味道傳統，酸甜度適中，解辣消暑一流！

《罐罐特色米線🫙》———————————————-#麵麵香 🍜-之前行土瓜灣，經過呢間小店，地方光猛～-⭐️ 金湯米線好特別嘅罐罐米線，一上枱熱辣辣，原來小店介有自設廠房，特製煙靭米線，用上新鮮食材製作，營養豐富，份量十足🤩 絕對係好少係香港食到嘅獨家技術，重慶小面以糊辣殼炒辣椒乾，既提鮮又唔會好搶戲，十分開胃惹味🤤-❤️‍🔥 紅油抄手外皮薄薄，裡面嘅餡料超級多汁，紅油醬味道夠辣，食落去口感層次好豐富～-👑 黃金皮蛋如果你鍾意皮蛋，呢個黃金皮蛋都唔可以錯過。佢嘅外觀金黃誘人，味道非常鮮美，搭配一啲醬油，真係好好食，搭配米線嚟食最啱🥳-🌷 桂花冰粉食完辣嘢最啱食呢個甜品，清爽可口，解辣一流，桂花香味撲鼻，冰粉滑嘅口感順滑🌼-⭐️價錢參考：金湯米線： $56紅油抄手： $48黃金皮蛋： $32桂花冰粉： $18 🍌抵deal 指數：7/10

麵麵香地址：土瓜灣馬頭角道53號地舖今次發現呢間真係有料到！原來老闆用咗🇭🇰香港獨家技術，重慶小麵嘅靈魂「糊辣殼」係用辣椒乾炒到焦香再舂碎🌶️，香到隔離枱都聞到～仲要自設廠房每日新鮮製米線，食落煙韌到會跳舞💃！ 酸菜米綫🍜 $56 秘密在於「半罐湯底半罐料」嘅特式罐罐做法！湯底用上面浮住層金黃油花～配料多到瀉出嚟：豬肝片爽脆似打邊爐鮮切🐷、鵪鶉蛋滷到蛋黃都入味🍳，綠豆芽青瓜片脆卜卜🥒，最正係佢哋自醃酸菜，酸度溫柔仲帶回甘！米線吸湯能力MAX，嗦嗦聲食到停唔到口～ 正重慶機場碗豆雜醬麵🍝 $48香港獨家糊辣殼技術！辣椒乾炒到微焦再舂碎🌶️，拌麵時聞到陣陣炭燒香～碗豆煮到起沙口感超綿密🥔，雜醬肉碎帶住糊辣殼嘅煙燻味，麵條彈牙度同香港空氣一樣夠密度💨！ 正麻辣豬耳👂 $38必食！用咗糊辣殼油拌勻，豬耳薄到透光🔍，咬落「咔嚓」聲清脆過iPhone鈴聲📱！麻辣中帶住微微焦香，碟底嘅炸黃豆仲索晒麻辣油，一粒都唔放過～ 正老麻抄手🥟 $48皮薄到見餡👀，豬肉餡混入咗蝦米碎🦐，麻辣油用咗三種花椒煉製，麻味會慢慢爬上舌頭👅～ 正無糖可樂🥤 $8 解辣神器！仲要係罐裝夠凍❄️

最近發現咗一間超正嘅麵麵香，佢哋真係有料到！聽講佢哋嘅重慶小麵，用咗香港獨家嘅 糊辣殼炒辣椒乾 技術🌶️，將辣椒炒到香氣撲鼻！食開辣嘅朋友一定要試吓！🤤除咗麵麵香嘅招牌重慶小麵，佢哋仲有超有特色嘅 罐罐湯底米線 🍲。米線係佢哋自設廠房製作，特別煙韌彈牙，食落口感一流！而且湯底同配料都係用新鮮食材製作，唔係求其貨色。最正係，佢哋個 罐罐 真係半罐湯底半罐料，份量十足，食完包你飽到上心口，營養又豐富！💯而重慶機場碗豆雜醬麵，碗豆煮到蓉蓉地，雜醬肉燥都好足料，撈勻晒啲麵，每一啖都充滿豆香同肉香，口感綿密又滋味😋麻辣牛腱，牛腱片片都吸晒啲麻辣汁，香辣之餘又帶點麻，再配埋青瓜絲同芫荽，口感好豐富，食落好開胃，辣度啱啱好，唔會辣到噴火，但又夠刺激！👍

呢間是開在土瓜灣居民區的，超不起眼的小店老闆就是重慶人，很熱情點了一碗泡椒滑肉麵，一個藤椒罐罐米線老闆還會問你能不能吃辣我要的是正宗重慶辣，吃的第一口感動了泡椒的酸，滑肉，木耳，芹菜配料的鑊氣，辣椒油的複合香味😭😭嗚嗚嗚，太好吃了 辣度過癮，一進嘴就爽到，鮮香麻辣酸，香港別的地方我目前找不到這樣的重慶味麵館 罐罐米線更是一絕，上桌咕嘟咕嘟，一口入魂，藤椒清爽但比泡椒面還麻還辣，直衝腦殼，米線糯糯的，裡面還有鵪鶉蛋，豬肝，木耳等配料吃完幾天了還在想這個味道愛吃辣的推薦你們，愛吃辣但不能吃辣的也可以來老闆很貼心，很好傾，現在街坊鄰裡感這麼重的小店不多了

涼拌麻辣牛腱一道色香味俱全的川式冷盤，牛腱肉的醇厚嚼勁、調料的麻辣刺激感和芫茜的清新香氣，非常適合作為開胃菜或下酒小食。金湯米線用傳統小陶罐（「罐罐」）盛裝，上桌時湯汁仍沸騰，保留食材香氣。湯底以牛骨和豬骨熬製。配料有豆芽、海帶、肉末、牛肉、鵪鶉蛋等。米線口感細軟爽滑，吸足湯汁後入味十足。泡椒魷魚麵老闆娘特別推介這款泡椒湯底，選用重慶或四川泡椒（二荊條或野山椒）。湯底酸辣鮮香，的確是這道麵的靈魂調料。魷魚切花刀後口感脆彈，與泡椒的酸辣完美結合。麵條有嚼口吸足湯汁後十分入味。這家店的老闆娘對每一道菜都親力親為，對香港飲食業的熱愛娓娓道來。她分享了經營過程中的心得與挑戰，還談到自己對食材的執著。她與街坊食客之間的互動，讓整個用餐環境更加溫馨，也讓我們感受到濃厚的人情味。

📍 麵麵香（土瓜灣）呢一間舖頭主打特式罐罐湯底米線🍜勁有特色，吸引老少咸宜，材料方面，由於係自設廠房，唔係買製成品番黎再煮，所米線係特製煙靭，新鮮食材製作半罐湯底 半罐料，豐富營養，份量十足，真材實料💯至於舖頭另一個主打重慶小面以糊辣殼炒辣椒乾，係香港獨家技術整成🤲🏻✨ 西紅柿米綫用大量鮮蕃茄熬製而成🍅做到鮮甜濃郁口感，濃郁鮮甜茄湯！條條米線都索晒茄湯真係滋味×100倍💯 佢個茄湯係濃稠到有啲似茄茸嘅質地，當然就係好茄，亦都無好酸又無好假嘅茄味🍅入邊係包含哂木耳、鵪鶉蛋、豬肉片、豬肝片、海帶𢇁，$56呢個價錢有埋甘多配料，真係底食🥢✨ 重慶小面肉醬多到每啖麵都食到肉碎，再加埋佢既重慶辣，真係愈食愈辣🌶️裹上特调辣油，越吃越香，撈埋一齊食，本人覺得幾特別，有啲似內地街邊檔既風味🥢

泡椒米線 （56hkd）老闆娘一早提醒我泡椒會好辣，但係我都膽大包天地嘗試了一回，罐罐米線的食法是要將米線放入個碗食，就可以冇咁熱，骨頭煲湯，米線煙靭，好滑，辣勁十足，少有地食到有挑戰性的辣🌶️紅燒肥腸面（52hkd）點了小辣，麵條份量超足，好實在，亦好掛辣湯，每一條麵都是麻辣鮮香的紅油，超開胃，重慶小面以糊辣殼炒辣椒乾，夏天就需要刺激下食慾，肥腸好好食，乾淨又有豬味！麻辣豬耳（38hkd）小辣都好麻，份量也不少，脆卜卜有咬口，做小食一流～冰豆花（10hkd）有豆味，紅豆🫘軟腍，解辣一流Ps. 老闆娘都幾有趣，好似媽媽咁關心客人，同街坊都好friend#foodiblum中式

是日有事做來到欣榮花園，之後到左附近搵野食，朋友話食過間米線舖唔錯就去左搵，小店叫麵麵香，舖面細細唔太起眼😅小店有十來個坐位，店員只有老闆一人，示意隨便坐，佢話忙到做唔切，好多餐點都賣晒啦。⭐泡椒豬肝麵想叫的口味賣完，店家介紹左新餐牌，咁就轉要豬肝麵啦。豬肝即係港人叫開的豬潤啦，切成薄片，份量下得多，剛剛熟仲好嫩，口感唔錯😋湯好濃好杰身，鹹鮮微辣啱口味，麵條有咬口，係好食喎！⭐藤椒罐罐米線朋友嚐辣，點左藤椒口味的罐罐米線，即叫即煮熱辣辣，上枱時睇得出非常熱。湯頭鮮味，辣係幾辣嘅但唔難入口，唔係死辣個種，朋友飲晒成罐都無口渴👍⭐黃金皮蛋呢度個皮蛋唔落紅油，而係用上虎皮椒磨碎，鮮辣惹味，正！⭐王老吉食辣野都係要返罐涼茶中和下，哈哈。味道滿分！！店家話除左米線係泡發外，其他全部用新鮮食材，真材實料㗎😆

正宗重慶小麵❤️‍🔥 餐廳主打重慶罐罐米線 自家製的秘製醬料及湯底 多款味道如麻辣、泡椒、藤椒、金湯等 除咗米線仲有自家麵條 見到老闆娘自己一腳踢 仲有好多熟客～====᪥ 泡椒鱔絲麵麵條使用新鮮麵條 煙韌具彈性 老闆娘仲配咗少少黃喉俾我哋 材料都好新鮮 泡椒湯底惹味香辣😌 不過食到最尾有啲頸渴🤣᪥ 金湯罐罐米線罐罐米線嘅配菜都係海帶絲、绿豆芽、青瓜片、鵪鶉蛋、蕃茄、豬肉絲、豬潤同生菜🥬 好特別～！᪥ 蒜泥青瓜᪥ 冰豆花

首推肥腸麵 準備食第三轉之後有同老闆娘傾下計 佢每日都用新鮮食材烹調 冇冰鮮肉從熬湯到備料都親力親為超級香 好吃 😆 良心價錢肥腸沒有腥味，柔軟彈牙湯底香濃 自家製辣椒油超香 辣得爽YY加一勺醋香辣味 直接再升級🌶️大件夾抵食而且價錢平又俾足料辣方面嘅話就見人見智我自己可以食到中大辣當時我叫了小辣辣到正常冇話太辣比起x仔好食好多

老闆娘話佢地自設廠房製成罐罐米線。罐罐米線即係用瓦煲煲嘅米線。用左香港獨家技術：重慶小面以糊辣殼炒辣椒乾製成，唔怪得特別香啦😍！米線口感煙靭、米線用上新鮮食材，營養豐富，份量十足。❤️榨菜肉絲米線和❤️雞雜米線。入面有油麥菜和花生🥜。少少辣好惹味，口水都流埋🤤～推薦❤️金湯米綫👍🏻。唔辣，啱晒唔食辣嘅人，冇味精，食完唔會口渴。湯底上枱時湯重滾～入面有勁多料：海帶、豬肉、蕃茄、金針、青瓜🥒、鵪鶉蛋、芽菜等。❤️桂花冰粉有六款材料：有青提乾、蒟蒻、爆珠、花生🥜粒、松子粒等。冰粉加左少少黑糖很美味😋。❤️冰豆花紅豆🫘甜甜地加上滑溜的豆花，正👍🏻！

啱啱試話酸辣粉，啲粉都ok,夠煙韌，不過個湯底淡咗啲！我叫咗中辣但唔夠辣。不過不失，但如果想食酸辣粉，又唔會令人第一時間諗起佢囉！可能新開張冇耐，未知應該預備幾多材料，本身想試個肥腸麵，店員話肥腸未有住，仲浸緊，如果唔一早預備好就會好啲！