麵心湯麵專門店 (已結業)

現在吃一碗日式拉麵..動輒七八十元或以上偶有發現這間售賣湯麵的小店..最便宜的也不過四十元左右～～店面不大，一進店舖就只見到約十多個座位，原來還有樓上雅座的！和家人分別點了黑椒鴨胸豬骨湯麵和炭燒豬頸肉豬骨湯麵選的都是拉麵還點了一杯凍珍珠奶茶黑椒鴨胸豬骨湯麵，湯底豬骨味濃郁而不油膩拉麵軟硬度適中，爽滑但不算好彈牙除黑椒鴨胸外，配料還有椰菜﹑木耳絲﹑甘筍絲和粟米粒鴨胸的黑椒味香而不嗆其他的配料增添整碗拉麵咬口的豐富度！炭燒豬頸肉豬骨湯麵，豬頸肉的份量都多！帶炭燒味，而且爽口有嚼勁珍珠奶茶，$8加配奶茶的沖調尚算不錯奶和茶的味道不會傾重任何一邊，夠香滑，不會過甜細珍珠煙韌有咬口，單吃的話會偏甜了一點～這頓午飯充滿著昔日學生年代的回憶以往吃的拉麵就是用上這些配料，沒什麼紫菜，溏沁蛋的！不過這店的拉麵，不論湯底或麵質當然都更勝一籌～有時吃日式拉麵吃得多會覺得油膩偶爾嚐嚐這些清淡一點的港式拉麵也是不錯的選擇！

豬扒王朋友上月吃過呢間小店，誠意推介，襯今日放假專程搭車入大埔會一會佢！小店門前有花籃數個，心想「乜間舖新到仲收緊花嘅？」抬頭望望舖名依然是麵心喎？熱情阿姐一直向我招手，好啦有理無理入去先算。誰知⋯⋯ 餐牌不停出現啊霞推介各式餛飩？！說好的豬扒人間蒸發！「老細，你地餐牌無豬扒嘅？」「無呀，我地不嬲只做餛飩！」我不惑地望著牆上的一張芝心豬扒poster，老細才尷尷尬尬指出小店已易手。唉⋯⋯ 支持小店唔通下下都要與時間競賽?

呢間餐廳嘅「豬骨湯麻辣厚切豬扒烏冬」，黎到香噴噴，廚師將件豬扒，原本由完整的一塊切件，豬扒相當大件相當厚，重大過我隻手板，味道一流，廚師將豬扒煎得恰到好處，而且帶有少少麻辣味道，咬落去一啲都唔會覺得韌，食落去每一啖都會有豬扒嘅汁流出黎，味道濃郁好味， 口感爽口。再配以自家製嘅手打烏冬、粟米同埋蘿蔔絲等等配料，用咗好濃郁豬骨湯做湯底，味道相當清甜，嚟到必食。「沙爹雞中翼」有六隻，香噴噴大大隻既雞翼散發好惹味嘅香味，雞翼皮煎得好香口，裏面啲雞肉很嫩滑，再加埋佢特製嘅沙嗲汁，好滋味嘅雞翼，推薦！「日式豚肉薯餅」廚師炸到時間啱啱好，熱辣辣嘅豚肉薯餅炸到恰到好處，用刀仔切開佢，見到非常足料嘅豚肉碎蓉，食落去外脆內軟嘅口感，入口即溶。「吉列雞扒」很大件 ，切開成十幾件，兩個人食一定夠食，新鮮嘅雞肉肉質相當嫩滑，炸得外皮好香口，再加埋佢特製嘅醬汁，是一個非常好味嘅小食，必食推介。飲品方面，我叫了一杯凍嘅「香芋奶茶」，好大杯，兩個人飲都足夠份量，香芋味道相當香，再加埋佢煙煙韌韌嘅珍珠粒，是非常特色嘅一杯特飲。果然價錢超值而且合理，埋單都只係＄150左右，食物質素高而且好味，值得一試。

<多元化既大埔麵店 麵心台式飲品仲好好味添🍹>🍜😀大埔中心多野食係人都知 有時有d細細間會走漏眼😃 好似呢間門口細細專食湯麵既麵心 鋪頭主打有唔同湯底 唔同麵線 既湯麵 好似龍蝦蕃茄湯🐲🦐🍅 麻辣湯 仲有上海麵 拉麵 烏冬等等選擇 🍜🍝 仲有唔同特色小吃 都幾值得試下😃🍴金錢展麻辣豬骨湯麵 58 蚊🌶🐷💀大大碗既豬骨湯麵🐷 麵身點左上海麵 麵比較粗身煙靭 帶有少少爽滑😋 都幾吸湯底 湯底點左中辣麻辣🌶 麻辣味香濃 加上蘿白椰菜 木耳絲🥕🌿 同上海麵一齊食 好有口感 而主角既牛展 因為係豬後腳既金錢展 所以好軟滑 🐷👍🏻 再加上厚切令到夠肥美同有口感 yummy 👍🏻😋🍴吉列芝心豬扒 🐷68 蚊 龍蝦番茄湯 烏冬🍅🦐🐲雖然係龍蝦蕃茄湯 但其實佢龍蝦味偏濃 少蕃茄味🐲🦐👍🏻 而且龍蝦炒過有d焦燶味 飲多幾啖都唔會膩 , 湯底既烏冬肥身爽滑 加上椰菜木耳絲幾有口感 而重點既 豬扒分開上 🐷 豬扒吉列得好香脆 一整開 入面半溶既熱芝士漏哂出黎十分邪惡😈🧀 芝士味香濃😈 點少少准鹽仲惹味 yummy 👍🏻😋🐷🍴沙嗲雞中翼 36 蚊🐥一碟4 隻雞翼 雞翼上面搽左好香既沙嗲醬 炒

第一次食呢間麵店，地方唔算大，但環境整潔同乾淨。坐底睇咗一輪餐牌就叫咗四個菜，兩個拉麵，一個芝心豬扒，一個日式豚肉薯餅，兩杯飲品。除咗個芝心豬扒其三個菜同兩杯飲品都好好味，個芝心豬扒其實都唔錯，只係芝士味太淡，食落只係得豬扒味冇乜芝士味，如果可以用返一啲比較重芝士味嘅芝士嚟整，就應該會好好味。仲有嗰兩杯飲品，如果你係叫凍飲，麵店係會用一隻保凍杯沖比你，即係隻杯內層有啲液體，先放入冰箱雪凍再用來沖飲品，非常有心思。

麵心也開業了好一陣子，取代了之前的西餐廳。好幾次經過也沒進店一嘗，因為餐單不算吸引。但見這店在openrice中評價滿好，於是就前來試試。周六的下午六點來，顧客不多。也還好客人不太多，不然狹窄的環境令人更侷促。進店後，店員會送暖暖的茉莉花茶，清香撲鼻，服務頗好。___『珍珠奶茶 +$8』飲品先上，這店是台灣風格為主。夏日來杯珍珠奶茶，配上翠綠的杯子令人透心涼。特別喜歡小店製作的珍珠奶茶，不太甜，牛奶新鮮，珍珠也算Q。『吉列雞扒（大）龍蝦蕃茄湯拉麵 $56』因為被這款湯底吸引，但這款湯底只配搭四種主菜選擇（芝心豬扒、厚切豬扒、吉列雞扒和香煎牛舌心）。除雞扒外的其他都不太合心意，惟有選這個，多點選擇會更好。雞扒份量真的很多，而吃這個真的很飽！我很欣賞雞扒早已切件上，懶人如我就方便得多，一口一口嘗。而店員提醒我們可以用桌上擺的鹽灑上扒上，會更有味。但煎炸得有點油，吃下去也無味，不然真的要多下點鹽。店員在下單時提醒我們湯底會蝦味較茄味重，而事實上是吃不到茄味，或許可作改善。麵質一般，不算彈牙，配菜則比較多，均衡油膩感。整體而言，我覺得這碗拉麵不吸引，不是正宗日式的拉麵，是為台式或港式拉麵。有點

同阿仔去完圖書館去食晏， 用咗大概五分鐘行去南盛街，揾到哥哥介紹間小店。小店開咗大概半年， 裏面非常整潔。我揀咗午市套餐， 真味豬扒-豬骨湯拉麵， 湯底飲得出係用新鮮豬骨淆製， 味道濃郁 仲有唔少配料，粟米，甘筍，木耳絲 ，葱... 麵質軟硬度適中， 豬扒夠入味，一口豬扒一口麵一湯，好味到停不了我追加咗個酥炸洋蔥圈， 外脆內軟， 最吸睛佢嗰隻碟， 咁嘅價錢真係難得。套餐仲有配飲品叫咗杯胚芽奶茶。阿仔散叫咗個吉列雞件豬骨湯麵， 吉列雞件分開上， 唔怕浸住湯底淋曬，讚佢仲加咗日式豚肉薯餅， 外面炸得香脆， 裏面薯蓉軟綿綿， 加埋少少豚肉碎喺裏面， 增添鹹香。凍台式奶茶， 隻杯好靚阿仔嗰個麵明明係散叫， 點知道埋單嘅時候，佢個小食同埋飲品都當套餐咁計， 佢哋話我嗌咗一個套餐， 第二個麵嘅小食同飲品都當套餐計，好抵呀！鋪仔細細 ，出品一啲都唔求其， 無論係食物， 餐具， 裝潢都花過心思， 有heart嘅小店。阿仔仲攪笑到話如果第日中學佢會嚟呢度食lunch喎，等等喇，小學生。

有一晚諗唔到食咩，所以求其見到就入左去。點左個牛展拉面，我朋友點左個龍蝦蕃茄烏冬。我朋友個個好快就到左啦，我個牛展拉面等左好耐都未到。到最後到左一食既時候，塊牛展完全係凍既，我唔明點解咁都可以攞比個客食。成個面味道好一般。我朋友食個個蕃茄面，佢話一D蕃茄味都食唔到，龍蝦味又無。到最後埋單差唔多成二百蚊一位。我認為呢個價錢可以做得好好多囉。真係愈食愈燥，心林真係衰過自己係屋企煮公仔面。

每次想食麵都不自覺地想起去「麵心」，無他既，又平又好食店員又勁有禮貌，用心既小店就係應該支持！店內唔大，但好整潔好舒服例牌地叫我最愛既「原條鰻魚豬骨湯麵（$78），男友就叫「無骨豬手豬骨拉麵」（$52），一個炸餃子。另加一杯胚芽奶茶同珍珠奶茶。拉麵好快上枱，鰻魚真係好厚好入味！真材實料但只索價$78，抵！相信呢個價錢超市應該也買不到咁大條鰻魚！豬骨湯奶白色，感受到滿滿既骨膠原而男友既無骨豬手一如既往又軟又香！略帶咸味但又無令人有口渴感！煎既時候迫走油脂，大大減低肥膩感今次第一次叫脆炸餃子，總共有3種口味，分別係雞軟骨，泡菜同菜肉。三種都好好食！餃子炸得香脆，配上沙律醬，非常惹味奶茶都非常有驚喜，雖然跟餐加$8就可以飲到，但餐廳一D都唔馬虎。奶茶係新鮮既奶泡茶，口感細滑。用上冰杯而非單純在奶茶中加冰，所以味道完全無被改變！仲大大杯埋單$176，食得飽飽非常滿意

早幾日放假特登去到大埔行街，經過餐廳門口見到佢哋嘅餐牌，覺得食物款式啱自己胃口之餘，價錢亦都係算相宜，所以就入咗去試吓。正值係下午茶餐時間 (價錢方面就更加經濟啦)，我叫左一個炭燒豬頸肉烏冬（轉烏冬要加＄5）。豬頸肉嘅邊燒得好香脆，肉嘅質感亦都好爽口，有驚喜另外我覺得店家比嘅配菜份量比一般麵店都要多，唔通廚師係想食客有均衡飲食所以俾多啲蔬菜 ？😁 仲有想讚一讚呢間鋪頭嘅烏冬，烏冬做得比一般嘅麵店粗身，彈牙，食完之後會覺得呢5蚊係加得值得嘅另外仲點左一個極上鰻魚飯，呢個飯一上枱，我哋即刻look大對眼實在係無諗過條鰻魚會咁大，相當吸睛！鰻魚嘅闊度拍得住部iPhone 6除咗外貌吸引之外，味道都唔錯架！鰻魚配上燒汁，合拍度確實係100分！

上星期六晚上經過門口已大排長龍，所以揀平日收工黎試試，晚上7：30左右都坐了近一半食客， 相信此小店質素都唔會太差睇睇餐牌，食物款式都好多，湯底又有豬骨湯， 麻辣湯，龍蝦蕃茄湯等， 用黎配拉麵烏冬都幾特別炭燒豬頸肉豬骨湯烏冬， ＄55轉烏冬加＄5， 首先第一啖試下湯底， 豬骨味夠濃，豬頸肉係食到炭燒味， 加分， 另外仲有配菜蘿蔔絲，木耳絲，椰菜， 粟米等， 加D蔬菜更健康極上鰻魚，龍蝦蕃茄湯， ＄78朋友點的， 原條鰻魚，好香口， 大滿足，試左一啖龍蝦湯底， 蕃茄味較少，店員話龍蝦先炒再煮湯， 可能會有少少燶味，但飲一啖後又唔覺， 覺得炒左龍蝦味更突出沙嗲雞中翼， ＄36小食款式都好多，最後揀左唔係好多地方有既沙嗲雞翼，一碟四隻， 雞翼入味，每隻上面仲有沙嗲醬， 微辣，雞翼炸得岩岩好，好嫩滑台式飲品熱飲加＄6，凍飲加＄8就可以飲到， 凍飲杯好吸引又大杯， 原來用呢款杯係防滑， 都幾細心

放假如果不外出，我都會跟男友去屋企附近吃飯，今次試到的拉麵新店想不到好有驚喜。 我跟男友各點一份麵心之選，大約十分鐘熱辣辣的拉麵就上枱了。 吉烈芝心豬扒配辣豬骨湯烏冬 切開豬扒有大量芝士流出極之邪惡。 豬扒炸得香口，外面脆卜卜，配上軟滑芝士味道豐富。 有兩款湯底選擇，我選了豬骨湯底，豬骨味道濃郁不會太鹹，而烏冬非常彈牙滑身。 男友點的香煎牛舌心配拉麵，我試了一件牛舌心，好爽口有油香，調味很好。 跟餐熱飲加$6，凍飲加$8，凍芒果紅茶酸酸甜甜好解喝，天氣熱飲好爽。

今日到大埔廣福道揾朋友，大家有少少肚餓，就揾個地方坐底食 d 嘢，關心下大家近况先小小的店子「麵心」，入去試下先鹽燒牛舌心，配上一角檸檬，或可加少少椒鹽增添味覺，牛舌心較爽口日式團豚肉薯餅，將豚肉同番薯伴在一起，再以吉列呈現，炸物十分新鮮吉列芝心豬扒拉麵，配上豬骨湯底感覺健康，吉列芝心豬扒用上兩塊豬扒再夾上芝士，好食到一個點......，看見亦有很多客人點呢款芝心豬扒蘋果綠茶襯返隻靚靚杯，個人飲起上嚟都開心 d餐牌有多款選擇

現在香港人,食的文化就是速食和快餐！但有些食肆會按店主的飲食理念有截然不同的態度！用心煑,用心奉客!以上這幾句子, 是大埔一家麵店在menu背后的格言！它們叫就在那個晚上跟仔仔在大埔找吃,發現此小店, 吃麵也是我地的喜好！一於入去試下先!我地揀了以下食物:小辣豬骨湯味濃配上軟硬適中的拉麵,幾有水準!雖然麵店強調用心慢煑, 但出餐時間大約10零分鐘,应該可以接受啦!麵餐可以加錢選飲品, 我地揀了蘋果綠茶特飲, 味道很有水準,加上特式盛杯,再加分!他們做街坊生意,價錢經濟,又可以做出美食！应該多D捧場！

其實大埔都有很多不同類型食店。今晚偷懶吾煑飯，同屋企人出街搵食。大埔墟有間拉麵店，食評吾錯，就去試下。價錢實惠，又多選擇，有飯有麵各適其適，冇揀錯地方。小店格式，整潔但又吾會太迫。豬骨湯底拉麵，湯底不太油，濃度剛好。麵質亦適宜，不會過硬。配原條鰻魚分開上，窩心，讚如果喜歡吃鰻魚，必定大滿足。炭燒豬頸肉豬骨湯拉麵，加小辣，味道一流。炭燒頸肉質佳，厚度適宜。小食種類都多。脆炸雜餃子不錯。吾知點解，好鍾意食餃子配拉麵。情意結啩。呢度有台式飲品，隻杯好特別靚。中日合璧拉麵店，選擇多，性價高。不錯。又多一個食點。