麵心湯麵專門店 (已結業)

作為一個新界人，對大埔自問算係熟路，不過確實幾年無行過大埔，今日一行，發現我所認識既南盛街已經不再認識，以前大多係一啲古舊小店，宜家成條街已經變成做好多食店，今日口淡淡決定同太太食麵!黎到呢間叫麵心，餐廳以小白磚佩水泥牆，係我喜歡的style!湯麵專門店當然係黎食下佢地既拿心麵啦!呢度除咗拉麵外，仲有上海麵可以選擇小食及台式飲料選擇算係多元化而且食客會可以透過玻璃睇到製作過程，感覺安心好多!太太點左黑椒無骨豬手上海麵，賣相吸引，份量也啱啱好，佢上海麵本身唔會太索湯既咸味，所以佩埋豬手食真係好match而且豬手味道極好，薄薄既豬手有好香黑椒味，而且豬手仲係好有咬口唔太林我自己就點左麻辣牛筋豬骨湯拉麵，我都算係食得辣既人，中辣對我黎講唔辣，下次可試大辣，呢度拉麵硬度算中等，抵贊既係牛筋有水準，有咬口又唔會太硬!芒果綠茶夠凍，好飲柚子熱飲老婆話好足料 夠濃味，少少偏甜鹽酥魷魚鬚好味，炸到熱辣辣金黃色，佩埋沙醬及泰式辣醬特別好味!最後兩人埋單152蚊，算係抵食!

今日同男朋友係南盛街探朋友見到一間新開既拉面店 作為日本嘢大粉絲既我二話不說就話入去試試外面招牌唔大 所以一不留神就走漏眼餐廳門口用趟門 充滿日式風味一坐低 侍應姐姐就俾兩杯暖既綠茶我地，而唔係一般水對一d唔飲凍飲既女仕嚟講真的好貼心加分打開menu，選擇都算多 而且原來係帶有fusion風格既拉面湯底主要係豬骨濃湯同龍蝦蕃茄湯食辣既朋友仲可以選擇麻辣豬骨湯麵就有拉麵、上海麵同烏冬選擇唔食麵仲有飯可以選擇 唔怕揀唔到心水食物經過一番掙扎，我最後選擇左鰻魚龍蝦蕃茄湯烏冬男朋友就要黑椒豬手豬骨湯拉面再加一個沙嗲雞翼同一杯蜂蜜綠茶等左大約10分鐘就有得食嘩 個鰻魚一嚟到睇到咁大條好開心因為我係一個鰻魚迷！鰻魚食落去啖啖肉 仲有微微炭烤味烏冬係讚岐烏冬 彈牙之餘吸左龍蝦湯之後簡直人間美味試左一件黑椒豬手 好驚喜煎得脆但又juicy 迫左豬油後亦大大減低左肥膩感不得不讚店主既細心用冰杯裝飲品keep到凍又唔會溝淡味道100000個讚小食沙嗲雞翼不過不失沙嗲同雞翼本來味道已經好配合加上雞翼煎得香脆好開胃成餐飯兩個人埋單先$174 以店主既用心同食物既質素嚟講 真心超值！温馨提示星期六晚記住7點前去

|| 麵心湯麵專門店 || 跟好姊妹在網上看到麵心湯麵的吉列芝士豬扒便到大埔舊墟一趟去覓食 去程時不想迷路 便在大埔火車站乘的士到南盛閣 沒有跳錶便到了回程時認得路便知道怎樣去啦 原來走路過去，地方也不難找 我們衝著芝心豬扒來，第一樣食物當然點了（1）吉列芝心豬扒湯烏冬（豬骨湯底） － ＄68 豬扒超大塊 比我的iPhone SE還要大呢 切開後流心芝士從豬扒內流出來 是勁流心的那種 要趁熱吃喔！ 吉列豬扒外脆內軟 肉質嫩滑 豬扒內裡有香草做醃料 吃起來口感豐富 香香的 灑上淮鹽更好吃 烏冬除了豬骨湯底，另有龍蝦蕃茄湯底選擇有粟米、木耳絲、蘿蔔絲、菜等多款配料很豐富－－－－－ （2）香煎牛舌心湯拉麵 － ＄78 牛舌咸咸的 超有咬口 爽爽的 超級美味 我跟姊妹對牛舌心一致讚好 而且每片都蠻大片的 －－－－－（3）鹽酥魷魚酥 － ＄36 魷魚酥小吃有三款醬料可選擇 包括：泰式辣醬、茄汁、沙律醬魷魚酥的份量挺多的 吃起來魷魚酥比較軟身 並不難咬 跟泰式辣醬配著吃 味道很夾 －－－－－ （4）餐飲 （跟餐凍飲加＄8） 左邊是姊妹的珍珠奶茶 右邊的我的蜂蜜柚子茶 超大大大杯呢！

今日難得放假，決定帶媽咪出去食飯撐下枱腳！行行吓，媽咪就提議去一間叫「麵心」嘅湯麵專門店，話朋友食過後大讚喎，好啦就去試下！「麵心」位於大埔南盛街附近，有少少隱蔽，一不留神，好易走漏眼！行入湯麵店，店內白色的磚牆、深啡色的木地板，好warm，好有家嘅感覺！店員非常認真和專注，獨個兒在烹調湯麵！揭開餐牌，媽咪二話不說揀左軟滑牛筋麻辣豬骨湯麵$50同蜂蜜柚子茶，而我就揀左極上鰻魚（原條）豬骨湯烏冬$78，再嗌多個炭燒豬頸肉$52同媽咪開心share先嚟蜂蜜柚子茶同炭燒豬頸肉！柚子茶微甜，入口啖啖柚子肉，非常足料！茶底有淡淡的紅茶味，唔錯！豬頸肉燒至表皮微脆，肉質鬆軟不黏牙，配上泰式雞醬，酸酸甜甜，一陣就KO哂成碟！再嚟軟滑牛筋麻辣豬骨上海麵！先説湯底，有濃濃嘅豬骨湯味且帶有少許藥材味！儘管麻辣味唔太出，但媽咪依然大愛！牛筋炮製得非常腍，有咬口！此外，配菜亦令湯麵增添不少色彩，健康又美味！再嚟極上鰻魚豬骨湯烏冬！一見到原條燒至微焦嘅鰻魚，對眼即時閃閃發光！肥美嘅鰻魚配上甜而不膩嘅醬汁，鮮嫩無腥味！烏冬非常煙軔，有啲稻庭烏冬嘅感覺！呢碗烏冬嘅蔬菜份量亦非常多！鰻魚x烏冬嘅配搭，唔錯！

放咗學之後就返咗大埔去睇下有乜嘢嘢食，基本上好多餐廳都收咗鋪，但係仲有一間係專食拉麵嘅新鋪頭仔，佢轉左型大約兩三個月，所以就入去試吓。入到去佢都有幾多款式選擇，有晚飯套餐，同埋拉麵套餐，我哋就揀左一個「咖喱雞扒飯」同埋「超級巨型豬扒配麻辣豬骨湯拉麵」，店員仲可以俾我哋選擇辣嘅程度，我哋最後揀咗微辣。個咖喱雞扒飯賣相好吸引，而且雞扒炸得好香口，遠處都聞到，仲要切開細細粒，好細心，咖喱汁好香，食落去原來唔係好辣，適合不同人士嘅口味，係好食！至於個超級巨型豬扒，再配以麻辣豬骨湯底烏冬，佢豬扒係另上，因為佢炸得好香口，如果加埋落去個湯底入面上嘅話，就會浸林咗啲豬扒。所以整體來講，炸豬扒配烏冬係好好食！下次我再試吓呢一間嘅lunch！埋單都係＄200唔使兩個人

一行6人想搵個地方食晚飯，睇到餐牌，晚飯價錢都係ard 50~就行左入去lu~叫左個豬扒麻辣豬骨湯(上海)麵($48)....一黎到!超級大碗!!!即刻分左一半俾友人xdd麵條軟硬適中，尚算掛湯~湯底唔算太辣,普通豬骨濃香~而豬扒好林好香好好味!仲有大量配菜:木耳絲'甘筍絲'粟米'葱花...顏色好靚好吸引!友人分別叫左咖喱魚柳飯'雞扒拉麵'牛肉拉麵'朱古力奶茶...全部都大大碗!飲品都好大杯!仲係一個好靚既杯裝住!絕對可以有下一次xdd

陪家人回大埔覆診後，就於大埔墟午餐. 經過南盛街見到一間小店有不少食客，我們也趁熱鬧試試看~ 小店座位不多，其後再有食客內進，店員安排他們坐樓上，原來除了地下一層外，也有閣樓位置的，一直對有閣樓的餐廳很好奇，好像別有洞天似的，有沒有人如我般喜歡坐閣樓呢? (哈哈!!) 不過這次是坐樓下的~ 由於幾肚餓的關係，我們各自選了一款麵食套餐再加了一客小吃一同享用. 凍檸水 (跟餐加$2) 以帶紫色的透明杯盛載的是冰涼透心的凍檸水，有助解膩啊! 凍檸茶 (跟餐加$2) 媽媽的凍檸茶以透明杯盛載仿似變身凍檸樂，但其實它是名副其實的凍檸茶呢! 鹽酥魷魚鬚 ($36) 即炸的魷魚鬚份量也真多，不過魷魚鬚比較硬身，不夠鬆脆，有點失望~ 厚切豬扒麻辣豬骨湯拉麵 ($68) 媽媽要了小辣的麻辣湯底，試喝了一口，辣度輕微，但帶有濃濃的豬骨湯味，很好喝的~ 厚切豬扒就如其名般真的超級厚，咬下去肉質也嫩滑，相當好吃，值得一試~ 吉列雞扒豬骨湯拉麵 ($48) 即炸的吉列雞扒已細心地剪成小塊，方便進食. 雞扒炸得乾身不油膩，雞肉亦嫩滑多汁，份量亦相當多，即使男士亦夠飽. 豬骨

初次嘗試的麵心給我驚喜很大我同媽媽都是愛辣之人，二話不說就選了麻辣湯麵第一驚喜是連這杯茶都好喝，清香的茉莉花茶啊 媽媽點了黑椒無骨豬手麻辣豬骨拉麵 $52豬手用黑椒煎過，非常惹味，而且肉質爽口，少少咸，配麵一流，拉麵麵質煮得剛剛好金錢肚麻辣豬骨湯麵 $48金錢炆得好軟第二驚喜是這個湯底用了日式豬骨湯底加上中式麻辣香味，一個好成功的中日合壁店員還說不夠辣可加辣，但我想說的是這個少少的辣作調味令豬骨湯的甜味發揮得更淋漓盡至，而且令豬骨湯沒那麼單調，我相信廚師用了很多心思去嘗試才有這個比例恰恰好的湯底蜂蜜柚子茶，第三驚喜是這杯飲品，柚子是一粒粒的配上微甜的蜂蜜很完美，而且麵心應該是以茶作招牌之一，由剛才那杯茉莉茶跟這杯柚子茶都有茶的甘香埋單才一百元，這個價錢會否太值了？？下次想試試這些招牌湯麵

估唔到係大埔都有咁好食既拉麵。入到去鋪頭不太大，開鋪近兩個月，拉麵主要有三個湯底，龍蝦，豬骨，麻辣豬骨，湯底係自己餚，正！夠濃味！侍應服務好好，我地叫左四個麵，兩個芝心豬扒，一個厚切豬扒同一個肥牛，肥牛係用洋蔥炒過唔係就咁白烚，好香好大塊抵食。吉烈芝士豬扒香脆内軟，重有肉汁，厚切豬扒夠大件又鬆軟，總括而言好味道。會推介食品！吉列芝心豬扒，原條鰻魚，厚切豬扒，餐廳價錢合理。堅正！全部份量都大大件，大胃王唔好錯過一定要黎試下。

今日同男朋友揾食揾到入大埔，途經「麵心」，見到menu幾吸引，價錢又平，就決定一試。「黑椒無骨豬手麻辣豬骨湯麵」$52喺我心大心細之際，店家推薦我點的，果然有水準。豬手肉質好腍，連豬皮一齊食，簡直係香氣四溢。份量都唔少架，有三大塊，冇骨更加係適合我呢d懶人。湯底方面，我選左麻辣（中辣），雖然比較似小辣，但的確食到麻香，唔錯。「炭燒豬頸肉豬骨湯麵」$50呢碗係男朋友嗌的，佢話拉麵麵質夠爽，仲要加左好多椰菜同蘿蔔絲，連佢都讚不絕口。「芝心豬扒」$42熱辣辣炸起，一切開就狂bill芝士，豬扒同芝士的配搭好有特色，十分邪惡地推介！「鹽酥魷魚鬚」$36有三款醬揀：沙律醬、辣醬、茄汁。我地揀左沙律醬，魷魚鬚炸得香脆，比較乾身，點醬食剛剛好。「珍珠奶茶」原價$18，跟餐只需加$8個杯好靚，勁吸睛，但份量較少，好快就飲晒，如果可以大杯少少就好。食完咁多野已經飽到唔想郁，埋單先$188，原來冇加一的，真係好抵，下次要再黎過！

今日送貨到大埔，經過見到一間食拉麵專門店，我要搵位放低架車都唔容易，兜了幾多圈我同老婆終於可以入到去試吓。鋪內裝修簡潔舒適，只有幾枱客，沒有壓迫感。最適合我地喜歡清靜嘅地方。我點左肥牛麻辣豬骨湯拉麵配凍啡。我叫左後都怕肥膩，但店員送來後感覺完全唔同曬，湯低係純白色豬骨湯加左麻辣，湯清甜中帶辛辣味，令人食慾大增。再要講當然係主菜肥牛啦，店長是用心去研製出來嘅味道，不是放入湯內煮熟個款，是加洋蔥配料落鑊去炒熟後再倒入麵中。這樣就可以鎖住肥牛鮮味。我都係第一次食。好味。另外我老婆就叫左豬扒拉麵。碗麵都唔錯，湯煲到像豆漿咁白，味道有清甜有豬骨味。豬扒肉質 鬆軟。我食完再看看四周，發現有一幅圖寫上（用心慢煮，用心待客）。就覺得呢位店長時個非常細心嘅人，會努力為客人服務。

今日去左一間有心思店鋪食拉麵，比到我另一番意義，一個簡單設計冰杯，寫上 TO DAY IS A FURIT DAY. 給我一個好sweet 感覺。可惜個杯唔可以取走，留番比下個客人感受另一番感覺。店內掛上持式推介拉麵、飯和小食。圖片是黑色做低可以帶出食品色彩，比客人容易選擇。我叫左真味豬扒豬骨拉麵，凍蘋果綠茶。冰杯內倒滿帶有蘋果味清甜嘅綠茶。其實唔多多冰，但已夠凍。熱騰騰拉麵好快就送上，純白色濃郁豬骨湯加上肉質嫩滑豬扒，配搭得非常好，無油膩感，拉麵爽滑彈牙，好味豬扒係切開小件，令客人容易品嚐。湯低要烹調到純白色，要煲最小8個鐘，先有這個效果，仲要不停處理佢，小D心機都唔可以。店長真是用心烹調。我朋友就試左肥牛麻辣豬骨湯麵，店員送上來時已經撲鼻濃郁肥牛味道。一定係肥牛加洋蔥炒過後才放入麵中，這樣做法可帶出肥牛鮮味。豬骨湯加上麻辣，又有另一番味道。跟著我們再加一碟小食。有豬軟骨，泡菜，豬肉餃子，勁熱加脆卜卜，餃子皮簿身，內裏肉質香稔軟嫩。大門口裝飾都是用心去設計。好容易找到。下次必試吉列芝心豬扒，因我見到隔離枱客人嘗試得津津入味，豬扒內仲有芝士流出來。

今日同同事係大埔見完客, 上網SEARCH下附近有咩好食, 見到呢間餐廳好似好吸引, 哈哈....坐低後我地就即刻睇下餐牌, 價錢一D都唔貴喎, 我就叫左麻辣豬骨湯牛尾烏冬, 牛尾勁正, 炆得好夠淋, 入口即溶既感覺, 烏冬仲好彈牙, 麻辣湯底仲好香TIM, 唔會只係得辣.同事就叫左麻辣湯底吉列流心芝士豬扒拉麵, 嘩....呢個流心芝士豬扒一D都唔鞋, 仲係厚切TIM, 一切開就見到好多芝士, 好邪惡呀, 老闆還跟我們說枱面有佢地自家制的調味料, 可令豬扒味道豐富, 而拉麵軟硬度剛好.飲品我地叫左珍珠奶茶同蜂蜜紅茶, 哈哈...個柸好有特色, 開頭以為係外賣柸, 點知一拎上手, 係保溫既膠柸, 仲有個蓋TIM, 真係好特別.我地仲要左個小食, 牛舌, 燒得好香, 而且爽口的, 正!!

咁啱經過一間舖頭仔…見佢無乜人靜靜地所以入去hea下當試下新嘢!我睇menu見到原條鰻魚拉麵都係$78個侍應仲同我講成27cm心諗係真唔係呀！?不過我都係穩陣啲試左個肥牛拉麵先!我3點零鐘去…$38一碗拉麵+$2仲有杯勁大杯嘅凍檸水飲!真心好抵!!!初初諗住咁平都應該係是但灼熟就比我食…但黎到竟然係用洋蔥炒過嘅肥牛!真係估唔到尼到啲師父咁好心機!食落仲好好食!同個麻辣豬骨湯底超夾!下次得一定要黎見識下$78嘅鰻魚到底好唔好食

星期一来新开張麵心湯麺専门店，食左一个炭燒猪頸肉日式咖哩饭，跟餐送嘢饮热OT（哗）大杯，猪頸肉好味，曰式咖哩好食下次再试吉列芝心扒和厚切豬扒仲有好多特色小食超爽！