靠得住粥麵小館 (Citylink)

营业中

休息中

我本身真係好鐘意食粥，行開沙田留意到有分店，之前食过，都好想再試。脆爽鯇魚片—$49Menu話哩個系鎮店三寶，將鯇魚背部魚皮灼熟，即時津冰水。大概有六七片，爽脆系真既，但其實無咩味道，一定要點辣椒油。兩三個人share就ok，食得多估計會少少漏，無特別驚艷既感覺。珍珠蠔仔粥—$42（凈點）$65（套餐價，多蝶菜）我點左哩個蠔仔粥，覺得好清甜同好鮮。如果唔鐘意蠔既人可能會覺得好腥。用料好足，感覺都有十三四粒，而且又唔算細粒。哩碗粥真係好啱我口味啊，好好味~鱔球黃沙豬膶粥（$79）哩個粥我試左少少，D豬膶都幾滑幾軟，粥都幾綿既。唐生菜 套餐配既生菜，正正常常出品。總結來講，粥既出品其實係算係高質，粥綿滑，料亦都多。當然價錢都唔算平，每人110度，但食完會覺得值既。一百蚊就食到米芝蓮餐廳，食下靚粥，OK架，久不久去食下粥，都係幾好既選擇。

今日買完餸去食粥,其實上次黎食過,味道已經一般,根本唔值米芝蓮的稱號,今次黎食主要係為左碟炒面(其實幾諷刺,係粥出名,但竟然炒面仲好食啲)但味道唔講先,服務太差,叫完粥,出埋單,但等左好耐都未有得食,另一枱迉過我地黎的,都已經上左菜.......問返佢,先知原來無出單比廚房!!!!!!!!!!連小食都未上.....只係得個侍應幫我地催單,但佢好慘,幫我地罐單仲比經理鬧。。。不過今次去啲粥比上次好食 ,炒面反而一般。。。係廚師問題定係。。。?總之水準唔穩定

ㄧ年之計在於春，ㄧ日之計在於晨。😎早餐ㄧ定唔少得啦！不過成日食嚟食去都係煎蛋、多士、火腿通粉，真係食到悶晒!😒今日想轉下😧…不如食個粥，結果走咗去米芝蓮推介嘅「靠得住」食個早餐。 早餐有分中/西式 。中式係粥品，西式係煎蛋、多士、通粉！我當然揀中式啦！ㄧ碗魚片碎牛粥配腸粉，真係ㄧ日嘅好開始! 此店粥低用魚湯淆製，口感綿密， 稀稠適中，魚片鮮味，碎牛加入米粉碎，食落好豐富。另外，幼滑腸粉又可以任意混醬，混出個人喜好的口味。正!!

又來試下最基本的粥和麵，午餐時候排隊等位，被安排坐在bar枱位置，真的每寸地方都用盡。午巿的餐牌滑仔牛肉粥，粥底不是綿綿的，感覺是先磨碎米粒，再煑。牛肉片醃得過咸，粥底也調味得過咸。雲吞麵，湯底好像沒有靈魂，嚐不到有大地魚獨有的香味，麵爽，但屬一般貨式；雲吞反而做得好，5粒雲吞，爽口彈牙，咬開見到蝦、木耳、豬肉碎饀料分明。粥麵餐配了紅油水餃，有3隻，碟底有蒜泥和辣油。水餃做得好，皮薄饀靚！再配了唐生菜，只有一小棵份量，$23，貴得驚人！被指定必要的"蘋果茶"！

呢間唯一我認為食得過的是下午茶，其他時段價錢略為不值。 先講好既係夠熱，係沙田入面粥麵檔好少，其實湯都咸既，但沙田黎講，算可接受。 入去坐低記得同佢講唔要茶，唔係就多謝3蚊位。 始終沙田連城貴租，全層都無一間坐得舒服。呢間服務員我當日都見到有改善，之前餐廳一半無人坐，佢都硬要單丁坐晒兩人枱。唔知而家係人既問題定係受影響，食客同伙記都鐘意大聲傾計，令到自己好似係街市中央食野咁。不過佢下午茶以40蚊黎講都好飽。

天氣凍 晚上有時想吃得輕型點，夜粥配小菜會係其中一個選擇。凍冰冰既天氣 吃點暖笠笠既熱品真係好溫暖呢。靠得住 真係靠得住，最近愛上吃粥。粥品軟綿綿 配上魚片既鮮甜；加上碎牛既牛肉味，清淡不失鮮味呢。而點選既杏汁豬肺湯🐽，杏汁味好香 奶白色既湯頭真係好好飲呢。小菜既口水雞亦很滑🐥，配上炸香花生`芽菜底 不同既口感夾搭住，朋友很愛吃雞呢。最後既蒜蓉蒸海蝦🦐，呢味菜最愛吃粉絲。所有蝦既鮮甜味`生熟蒜蓉既惹味 通通都落晒粉絲其中，真的好好吃。識食一定係食粉絲呢。😋🍴

來到沙田見到有 首間粥店榮獲「米之蓮必比登推介」及連續7年「米芝蓮推介食肆」的「靠得往」當然要去試試。大約是下午4時40分 正直下午茶時間，當然是叫下午茶啦，想叫新鮮魚片粥，沒有！ 那原條泥鯭粥啦 又沒有！油菜想要芥蘭 又沒有 ！ 銀牙炒面 又賣哂！又不是下午茶的末段尾聲，為什麼那麼多食物都欠奉。最後要了細蓉雲吞麵(三粒）配混醬腸粉，雲吞麵的湯底ok 有大地魚香味，麵好爽，但雲吞就一般。腸粉就麻麻啦，沒有軟滑的感覺，好堅挺不容易掉那種。另一套餐吃 荔灣艇仔粥，粥身都綿，餡料有魚片，肉絲，豬皮，脆花生等，這個也不錯，可以的。下午茶時段顧客很多，但只有一位服務員工作，忙到她一頭煙，但她服務態度都非常好，奈何顧客便要多等一些時間。

有些人總愛盲目追捧米芝連餐廳，但其實味道是很個人主觀，評審者的口味並不代表我。以今次這間「靠得住」為例，看見門口貼著米芝連貼紙，再望望菜單，主打粥麵，亦有小菜燉湯，價錢中規中矩，於是抱著一試無防的心態入內光顧。兩個人就點了兩份餐，分別是蒜蓉粉絲蒸開邊蝦及砂窩雲吞雞。說是套餐，其實只是多一碗白飯而已；而且我們後來發覺菜譜內的單點食物比套餐平$10，換言之我們是多付$10買一碗白飯。今晚點的菜對我來說只是不過不失，並不是什麼驚喜之作。蒜容粉絲開邊蝦尙算入味，蝦肉質地不差，整體合格。砂碢雲呑雞煲倒有點令人失望。整體份量較少，雲吞一般是用上海雲吞，而這裡是用廣東鮮蝦雲吞，味道感覺不太夾，雲吞皮的梘水味很奇怪。

星期五的晩飯黃金時段，再次來到沙田＂連城廣場＂，用心挑選餐廳去用膳，走到商場的盡頭，發現了一間＂法國知名書藉＂也推薦的餐廳…一如預料，餐廳已經滿座了，等待了十分鐘，一位配戴眼鏡的男店員以＂指令式＂的口吻示意可以入座。我便跟上前，離遠只見一張杯盤狼藉的桌子，此時他態度傲慢，反問我＂幾多位＂，之後一聲不響的轉身清理桌子，我無奈的站著待他清理完畢了，他亦只是板著臉孔看著我（其間我先後兩次告知人數），並沒有即時安排我坐下，這點令我不明所以。直至一位女店員把另一張桌子清理好，我才得以順利坐下。我點選了＂皮蛋瘦肉粥＂，配小食＂銀芽炒麵＂，另外加了特色小食＂紅油水餃＂。皮蛋瘦肉粥＄40，先吃一口粥，質感軟綿，味道芳香，偏向清淡，不用加胡椒粉之類的調味，已經夠味，而且吃得出沒有添加味精；豬肉鬆化，用匙羹一壓就散開，輕易咀嚼；皮蛋沒有刺鼻的鹼味，味道不俗。銀芽炒麵（跟餐）＄16吃一口炒麵，沒有很重的鹹味，只添加了少量的醬油去炒，均勻沾上每條麵條，炒麵炒得乾身，簡單樸實，質高味美。夾起幾條銀芽，看到短短，是經過挑選的，把過老的部份去掉，非常爽脆。紅油水餃＄19，入口先是陣陣的孜然味，隨後是微辣，味道很驚喜

今日lunch 一個人，無人陪食飯，又悶悶熱熱。走到沙田最多人的一個 shopping mall, 見到一個米之蓮標誌，咦!有咩好嘢食呢？粥品?炒粉麵飯?雲吞麵?米之蓮?真係好想入去試吓。雖然要排隊等位，有人龍，其實好簡單，證明了一件事，呢間嘢一定得。等了約十分鐘，可以入座了。我點了一個咸肉糉和一碗雞粥。隻咸肉糉size 不大不小，糉內有一隻咸蛋王，有咸肉，綠豆充足，十分飽肚。至於碗雞粥，不過不失。粥底夠綿滑，但不算多米，雞肉嫰滑，有鮮雞味。我最欣賞是那壺蘋果茶，味道香濃，在炎炎的夏天，好解渴。整體來說，七十幾元可以嚐到米之蓮菜式，滿足矣!

是日躁底，為左應付麻_煩既呀媽同老豆，返沙田食野，基本上沙田係美食沙漠，乜_都無，有都貴。係老母就淨係鍾意食中國野，是日食左老母最日日都要食既雞，芽菜雞(芽菜細細條幾好味，但雞無乜雞味,好急凍個隻味)，原條魚浸時蔬(魚有炸過所以浸住水都唔會散開，無乜藥味，正常)，正常鼓油雞翼，心肝寶貝粥(幾樣之中最正係粥，keep到第一次黎個陣既水準，啲豬肝夠滑夠彈，唔會好"hai".都會繼續黎食既，未俾其他餐廳取代之前。。。

沙田每逢假日都人來人往，連城廣場那邊連不記得是大家樂還是大快活也排隊買東西吃，排到出電梯口⋯⋯更何況是上一層的食店區？本來想吃點中價位的食店，可惜的是人實在太多，我又很肚餓，唯有吃這家門口沒什麼人，不用等位的餐廳用膳了。什麼都沒說，待應拿了蘋果紅茶給我，但是原來要加$3，還好我未有飲過，可以取消。實在太古惑了！我不喜歡不老實的餐館！而主菜我點了梅菜扣肉菜飯，扣肉份量只有4至5塊，低下一大堆梅菜，吃完也沒有有滿足感。除了是因為份量少，也是因為梅菜太油，像是食物工場預製的食物（不然梅菜不會全都是油），不值$69的一餐喔！

靠得住。灣仔總店已經拎了米芝蓮車胎人平民推介好多年。雖然而家轉左俾太興集團其下。但我食過幾次其他分店都真系靠得住既。質素有保証。食物仲好過太興。今次lunch time時間沙田店。牛腩面。牛腩同牛筋都又淋又香吾嚡口。好入味。湯濃郁有陳皮。面質爽口。豬手面。豬手只有兩舊。都大舊。吾系得層皮。有肉手。炆得淋。汁好香同入味。餐配小食。芽菜雞。只有5件。吾肥。滑身。好小小沙薑。好香麻油味。墊底芽菜選用靚料。粗身肥芽菜。好小見。又索汁。咸淡適中。另一小食。炸雲吞。4小粒。雖然細粒。但即炸熱辣辣。好脆卜卜。蝦肉新鮮爽口。仲有撈埋大地魚粉味。好食。店內有茶$。加一。係蜜桃紅茶包。員工服務態度好。有禮貌。環境ok。經過都会再去食下👍🍜😋

大約2年前隨便進入此食店，不是下午茶時間，兩人坐四座位卡位，感覺舒適，寧靜，第一次接觸靠得住呢間品牌，（好大鄉里啊）讚口不絕！雲吞麵爽口彈牙，雞粥又香又綿，我仲同人講沙田雞粥係零舍唔同。隔了一排又再去，人多了，冇咁好彩坐4座位，都算啦，招呼奇差，好彩混醬腸粉好好食，但麵不再彈牙了。試咗幾次都沒有良好感覺，以為只是習慣了所以冇乜驚喜。昨天，如無意外，應該是同佢講拜拜的一次了，坐位，不太多人也不肯讓你坐得舒適些，派坐的枱面亦已經有壼茶了，又唔講呢壼茶是否新冲的或是我的，叫了雞粥及碎牛粥，初時碎牛粥來了皮蛋瘦肉粥，換過只是幾粒牛肉，差不多冇料，雞肉，三件又嚡又冇昩的難胸肉，算了，最慘係粥底一嚿嚿粉漿，唔知自己食緊乜。以前，混醬腸粉有調好好味的醬在上面，而家白雪雪，佢叫你自己落醬，可能有些人不喜歡醬吧！我自己落極都不以從前。食唔晒都走了，收錢的大叔仍黑口黑面，怕怕！

溫書溫到餓，在假日時間，在沙田想找到不用等位餐廳確是很難，難得見到靠得住唔洗等位，立即講：一位呀唔該～一個人食飯，有心理準備要搭檯坐，我當然無例外。這間餐廳第一次品嚐，我有慣例，必食寫招牌的菜式，今日就試試它的招牌雲吞麵。米芝蓮推介，我抱有相當大的期望，想著外貎平平無奇，應該食落口會嘩一聲！可惜，真是可惜，這是大錯特錯的想法。這只是一碗貴價些的雲吞麵，本人愛好小店雲吞麵多，雖不是味道不好，但不覺有驚喜。重點，食完不覺有飽意。仲會收茶錢，要飲多杯茶。