靠得住粥麵小館 (Citylink)

营业中

休息中

繼上次試過這𥚃的雞粥和腸粉, 今次再來試試其他食物 😊 由於已是第二次來敝店, 環境各樣就不多加說明。咸肉糭 $34糯米煙韌軟糯, 蛋黃甘香, 質感柔軟, 容易咀嚼, 一入口已經溶化 ☺️ 豬肉半肥瘦, 加上甜鼓油, 味道一流 😋生滾牛肉粥 $55跟上次一樣粥是軟綿綿的, 一塊塊厚切牛肉, 鮮味十足 👍🏻 牛肉鮮味已與粥融為一體, 非常入味。星洲炒米 $88炒得十分乾身, 並不油膩, 算夠鑊氣, 唯一不足是咖喱粉, 多一點應該再香口一點。酥炸雲吞 $28鮮蝦新鮮彈牙, 命名酥炸並沒有錯, 有別於一般茶樓的炸雲吞 😌 不是一片片的脆口, 感覺相對幼細。蛇羹 $38眼見有新嘗試, 就點來看看, 果然這個並非餐廳強項 🙃 蛇羹比較流質, 沒有羹的口感, 味道普通。雖然這次某些食物未到最佳狀態, 但味道也在一般餐廳之上 🤭 而且餐廳好像多了年青侍應, 服務周全, 比上次好 🤓

更新以下資料：2個星期前(4月29号晚上約08:30)同太太第一次在這沙田站光顧： 一共點了數樣食品如下🔽1.油炸鬼(連埋加一$30.8)，竟然可以(油冧冧)給客人吃。2.豬什粥(心肝寶貝)，開始是太太吃，但差不多吃剩餘約1/4給 我吃，發現粥有少少(偏黃及異味)，我沒有吃剩餘的粥。3.炸大腸，給我們我已聞到有少許異味(之後退回)4.雲吞麵及餘下等等食物，除了這碗麵可以外，其餘上述食品連一間普通食肆也不如。5.結帳時竟然沒有扣除我退回(炸大腸)的費用，隨後我叫該員工查單時，才減回多收的款項。 最後為何共予8個向下手指，(食物有問題也給人吃，3隻手指。)另服務不佳(因是收10%服務費)及結帳時(多收已退回食物的費用)給予5隻手指。 溫馨提示：各位結帳時記得查單 簡直就垃圾👎🏿👎🏿👎🏿👎🏿👎🏿👎🏿👎🏿👎🏿

下午茶時段還未進饍, 想輕食一點就試試這間粥麵店。以粥麵店來說, 裝修比較摩登, 牆邊層架擺放著各式各樣的裝飾品點綴著, 不會太單調。 店鋪分開兩個空間, 座位與座位之間不會太緊迫, 環境舒適。下午茶有炒粉麵飯和粥品以供選擇, 聽聞這裡的星洲炒米和乾炒牛河都很出色, 不過下午茶並沒有這個選項, 所以點了粥類。生滾拆骨鮮雞粥 + 混醬腸粉 $58混醬腸粉腸粉一上枱已經放了豉油, 甜醬, 麻醬, 一應俱全, 腸粉比較彈牙有口感。 由於坊間實在太多出色的腸粉店, 滑溜的程度並未達到極致但都不俗, 也許是份量上要稍作微調, 另外再放多一點芝麻會更理想。生滾拆骨鮮雞粥有兩類粥品選擇, 分別是靚粥與生滾粥, 生滾粥則貴$10。粥的口感很軟綿綿, 雞肉嫩滑, 雞的味道完全浸透在粥內, 齒頰留香, 吞下一口粥雞肉的鮮味仍然長留口腔。由細吃到大的“大圍雞粥”可算遠近馳名, 我覺得這裡的雞粥絕對可以媲美“大圍雞粥”, 只用幾十元就可以買到這份滿足絕對超值!! 😋靠得住這個名字並非浪得虛名, 食物果然靠得住, 米芝蓮之稱也是實至名歸! 👍🏻

已到下午茶時間，但連晏都未食，就諗住去就近食靠得住碗粥。本身對佢地服務都無特別期望要求，之前食過幾次都覺得食物質素OK，但這一次去，結果係最後咩都無食就起身走了。平日下午飯3點多到，當時人唔算多，一位男侍應帶位，佢帶我去完一邊話原來無位又去另一邊，OK啦!到想落單，佢應我，但又好似好忙咁叫我等一等，OK啦！然後隔住另一張枱叫我講食咩野，個距離係要我大叫先會聽到，唔OK，連另一位女侍應都忍唔住叫佢行埋個客度落單啦，終於落左單......我等，過一陣已覺得比平時耐，都等多左陣，然後搵另一個女侍應問有無落單，原來無！應該有個比較高級女侍應即刻過嚟話即刻幫我落，我叫佢搵返個位男同事過嚟，佢一開口即刻正確講到我叫左咩，到問佢有冇落單，佢問隔離阿姐 - "唔係你幫我落咩？"  跟住當然互相推卸......我無眼睇，即刻起身走。呢間靠得住，有個靠唔住既侍應，真係有幾多粒星，幾好食都無用！

朋友介紹嚟食好食粥店！坐得舒服叫咗蝦子麵同埋粥份量都好夠薏米水好好飲，會再黎不過每次嚟到都要排隊，大概要等20分鐘至半個鐘第一次係12點嚟食第二次係大概夜晚七點

秘製牛腩麵$46好味指數：6.5/10牛腩🐮煮得好淋，仲跟咗少少牛筋，五香味好重，湯底好清甜，食到陳皮味道，上菜嘅時候店員仲會喺你面前用個鐵壺🫖幫你加湯，加到你覺得足夠為止，呢一點好加分，麵底🍜都好彈牙。荔灣艇仔粥$46好味指數：7/10好足料，入邊有魷魚🦑，魚片🐠，豬皮🐷，花生🥜，生菜絲🥬，粥底煲到好綿，食落去好鮮甜，而且魚片都冇骨，廚師刀工🔪唔錯，正常發揮。

靠得住呢間粥店我細細個就聽過呢個名，因為出名所以定價都偏中上。個人覺得呢度食物質素中規中矩啦，唔會話好特別。爽滑肉丸粥配腐乳通菜$66- 肉丸幾香好滑，應該落咗唔少肥豬肉，同埋都好似有少少蝦肉。一碗粥入面有五至六粒豬肉丸，都算唔錯。粥底有少少稀，個人覺得落咗味精，食完呢一餐晚餐之後都有少少頸渴。一直都怕食粥會唔夠飽，所以配埋一碟腐乳通菜，會有多啲纖維希望飽肚啲。結果嗰晚都唔需要食宵夜，不過就要飲返多啲水嚟解渴。

本身想叫心肝寶貝 黎落單嗰個應該落錯左變左做及第粥？ 我又趕時間等唔切重新煮多個唯有照食 粥唔差既 不過跟餐果個炒麵就油得有啲誇張 食左幾啖都食唔到落去了下次有機會就食粥算😅😅

好多人排隊的連續11年米芝蓮餐廳。係好食既。招呼都好好。價錢抵食。個粥好綿，魚片好甜但牛肉真係好少囉！菠蘿好freah咕嚕肉外脆內軟。炸兩夠脆，香口。陳皮泥鯭好新鮮。

今日食左2007年米芝蓮推介既店舖但最我唔係食佢出名既野相反食左個酸菜魚做晚餐 酸菜魚$108 唔記得左個名,但酸菜魚酸度我個人覺得慢慢好,好多酸菜,同埋豆卜,而魚大約有4-5舊左右,湯底用黎送飯一流,如果多幾舊錢就正>.<套包埋飯/粥。

好耐冇食過一個好食的撈麵，放工見有時間就來試吓，話哂同系有米之連，應該差極有限。晚上有set，一個粥/麵再加一個小食，由59-90左右。今日叫了個牛腩撈，牛腩似是一早切定，所以有少少碎，入面有强烈的陳皮味，牛根好淋，又入味，麵下面又好多腩汁，先食原味，之後加少少辣椒油，又係另一個風味。跟麵有一個例湯，好有蝦籽味，上面有銀芽，似冇味精。另外佢個茶好特別，入口清新，可以解去油膩感覺，估唔到連呢啲細節位也注意到。

平時一到紅日假期，沙田新城市廣場都一定勁多人，今日下午時段黎到呢間位於沙田連城廣場既「靠得住」，我叫左個豬軟骨米粉配腐乳生菜，個湯底係ok既，至少飲左幾啖之後唔會覺得好口渴，同埋我幾鍾意佢隻米粉質感，係平時出面食唔到既不過不失

話說我地嗰日下晝由旺角一路遠足到荔枝角，一共行咗一萬四千幾步，再坐車返到沙田。去到沙田已經過咗六點，所以我地只能夠買外賣囉。我地揀咗靠得住，當時冇乜人排隊，於是我地睇啱咗食咩之後就落單喇。十分鐘之後，就拎住一大袋去附近嘅公園去享用我地豐富嘅晚餐啦！我點咗淨鳳城水餃跟菜芯，男友點咗豬手麵跟鹹肉粽。水餃一共有五粒，每粒都皮薄餡靚，而且非常飽滿。豬手煙煙韌韌，補充返腳骨力。鹹肉粽味道唔算太鹹，食到有綠豆嘅清新香味。總體嚟講，靠得住果然係靠得住！

又係米芝蓮推介食店🤔，仲要連續10年，好吸引喎！一於入去試吓先。招牌雲吞麵🍜，麵質軟腍度適中，好有咬口，只可惜鹼水味太濃，唯有加啲紅腊。雲吞有五粒，細細粒咁，每粒都有原隻鮮蝦及豬肉，但鮮味不夠。湯底較淡，加有韮黃。價得推介係佢嘅辣椒油🌶️，落咗三分一茶匙已經有封喉嘅效果。混醬腸粉，麻醬、甜醬、辣醬已放在每枱嘅調味架，客人可按個人喜好加落腸粉🥰。腸粉挺身軟滑，粗幼長短都恰到好處，味道一流！👍

下午茶時段...沙田揾食，呢個時段好多間都要等位。黎到連城，呢間最入，少啲人等，見有大大個米芝連公仔做招來，又未食過就試下。我地叫左個心肝寶貝粥拼腸粉（$57）同鴛鴦蟹子三文魚炒飯（$58）：個粥都幾足料，帶子有兩片，豬潤三大片，就遮埋個粥😁豬潤無奇怪味，帶子有少少鮮味，粥底咁綿滑，美中不足係豬潤有少少硬... 唔知係咪太厚切？個腸粉呢...😆😆醬料自己加，好滑，好味喎。初時以為粥同腸粉唔會食到好飽，點知...飽到🙄鴛鴦蟹子煙三文魚炒飯：飯炒得粒粒分明，啖啖都食到煙三文魚，蟹子加多重口感，味道正常，不過不失。食完印象幾好，相信會再食😊