靠得住粥麵小館

营业中

休息中

今日去MegaBox，突然間想食粥，所以就去咗靠得住！竟然見到$50 一粥一小食嘅餐，小食仲可以揀腸粉，我個心早兩日都想食腸粉！所以一見到就叫咗兩個餐再加一隻 $48乳鴿！$50 艇仔粥加混帳腸粉多魚少肉，味道都可以！腸粉係自己落醬，所以鍾意多麻醬嘅我非常滿意 😌另外再叫 $50皮蛋瘦肉粥加油條瘦肉好多，皮蛋就得好少，值得一讚係油條好脆！個粥係幾好食嘅！最後我哋仲叫咗隻豉油王乳鴿，一嚟到嘅時候忙到好失望，因為好似擺咗好耐咁，肉唔算多，不過$48都唔敢要求太多！不過下次就未必會再叫！埋單$174，下午茶嚟講，好似有少少貴🙈可能一個乳鴿有啲失望，所以會覺得貴，下次叫少隻乳鴿應該就會開心啲不過服務好好！拉個平衡👍🏻呢$174我願意俾

星期六同朋友來咗企業靠得住食下午茶餐，50元就有一個主食加一個小食，真係低食，食物都OK，而令我驚訝既係，呢張餐檯既檯面可以擦得這麼乾淨，睇得出工作人員的工作態度認真，值得一讚👍

出外旅游了几天回来，想吃点清清的，下午和朋友来megabox靠得住吃下午茶餐，有侍应安排入座，然后上了一壶苹果红茶给我们，我们点了2个下午茶餐，苹果红茶几好饮、有茶味和苹果味，罗卜糕煎的刚刚好，望落去令人好想吃，云吞面就特别了，用个壶来倒汤，汤倒出来时好香，整体来说，食物简单好食又唔贵，服务态度都几好，环境整体干净整洁😀会再回来光顾的

今晚來到megabox，商場人流比較少，唔知想食D乜嘢好，係10樓門口見到靠得住，望入去環境真係唔錯，收拾得井井有條👍，係門口徘徊一下，隨即有位林生拿著餐牌出來向我介紹，熱情招待下便跟林生入座，一坐下我便繼續睇餐牌，林生給我遞上一杯熱水，並對我說小心水熱，於是我點了一個蒸皖魚腩飯，到奉上餸和飯時都提醒我小心熱，到埋單時，林生問及我食物意見，侍應都有向我說拜拜！今晚用餐好愉快😃真係靠得住👍

今日約了朋友去MegaBox溜冰，溜完冰3點幾之後有少少肚餓，但夜晚又約了屋企人食飯，點知經過靠得住見到門口有個細蓉雲吞麵配一杯飲品都係$38一杯飲品，啱晒我們細食的女士，同一些寫字樓的又想食少少，又唔想食太多嘅靚女，咁當然要入去試吓啦😋之後姐姐用一個金色壺倒湯給雲吞麵裏面，個姐姐仲話D湯熱D面會爽啲，好有禮貌好親切👍👍👍

2024年3月3日去九龍灣MegaBox看一套叫‘’白日之下”的電影，很沉重的啊。看戲前在一間有米子蓮的餐廳叫“靠得住”吃晚餐，點了梅菜扣肉和北姑蒸雞，很幸運第一次來這間餐館，味道很不錯，扣肉半肥不瘦，蒸雞很入味，簡簡單單的一個美味晚餐，家常菜那種，很喜歡一些餐館煮一些傳統的美食，不誇張不做作，不亂攪綽頭，其實是沒有做好自己的菜式。今次吃完沒有口渴，返來吃的旨數是100%，下次可以再去其他分店試試！

雖然成日去MegaBox, 但因為有好多食肆選擇，次次都會食左其他野。今次咁啱屋企人唔舒服想食粥，都係第一次食呢間靠得住！近期食肆生意好似麻麻地，8點幾餐廳得半滿，直入有位。主食可以加錢轉A 餐或B餐，選擇都唔少。兩個人點左粥及撈麵，一個叫A餐，一個叫B餐！我地點左蘋果紅茶，味道幾清香幾特別！👍叫左A 餐豬膶魚腩粥配鹹肉糉$88，豬膶及魚腩都好滑，粥底夠綿而且甘甜好暖胃😌鹹肉糉食落好有家鄉風味，而且好足料，鹹蛋黃夠沙，越食越開胃！B 餐點薑蔥滑牛撈麵配唐菜 $76，望落唔係好大碟，但其實係麵幼，越食越有，麵質有咬口幾好味，浸湯食好似細蓉感覺，鍾意佢夠多蔥，滑牛唔錯不過有d 凍左...估唔到唐生菜配腐乳，感覺新鮮！👍

因為口腔唔係太舒服所以搵粥食估唔到德福除左大型連所既海x粥店之外，都仲有呢間粥店生滾粥既選擇都幾多👍🏻👍🏻我就揀左唔係間間粥店都有賣既蠔仔粥🥰🥰當時係朝早啱啱開門，唔多客，都幾快出餐外賣黎食過左幾個字都仲好滾👍🏻👍🏻蠔仔份量都有十幾廿粒，而且都算大粒，漲卜卜，都幾鮮，幾好食👍🏻粥入面有幾多姜絲，冇食到蠔有腥味😆調味都好好味👍🏻一打開成屋都聞到香😆😆😆粥米都煲得夠細 啱啱好

呢間雞粥真係好好味！個雞肉鮮嫩，同埋粥嘅湯汁一齊煮熟，味道好濃郁。食落令人心暖又飽足。係一個令人感到舒服同埋滿足嘅下午茶選擇。（艇仔粥味道都ok ,料都好豐富。）炒面好香好味，比起街食嘅炒面，這家的面香係尤其好食，香味十足！豉油嘅醬汁不會太咸，味道濃郁。好簡單的餸但每一口都帶來滿滿的滿足感，絕對係一道令人上癮嘅炒面。

今天（1712.23)下午3：17落豬肚雞鍋加白飯＄119，等到3：59分離開前，催了幾次，都無食物到，女侍應根本無去追，是否做生意呢？really pissed off!! 大家留意這間超過份唔想做生意的食肆!之前惠顧其他分店，都無呢間咁離譜。一分都不值，可惜個系統要填，唔該整個負分選項。

🤩🤩同朋友一齊食下午茶，路過見到靠得住嘅價錢都唔算好貴，就諗住入去試吓，都幾有驚喜😆😆😆😆😆😆我叫咗一個炸醬撈麵，好多肉絲，仲有好多菇✨✨✨✨✨✨✨✨✨非常足料！！！！炸醬麵嘅味道，酸酸甜甜，非常開胃⭐️⭐️炸醬撈麵仲配一個韭黃湯，韭黃湯唔咸，非常好飲😋😋下午茶仲可以配腸粉，腸粉好滑，仲可以自己飲加花生醬同甜醬，鍾意多醬嘅人可以自由加！！！！！！最後仲煲咗杯熱豆漿，熱豆漿豆味濃，又唔會太甜味道適中！

因為看到這間粥麵店是米芝蓮，所以入去試一下😛這個粥麵套睇落不錯。粥嘅賣點係用魚湯作為粥底可以令粥的味道更加鮮美，而且魚湯還含有豐富的營養素，對身體非常有益。佢另外可以加一款小食，哈哈我貪心啲要鹹水糭，因為怕食粥唔夠飽同埋另外啲菜啊，腸粉感覺比較普通。見到鹹水糭都係推介名物之一，所以就試吓啦。個鹹肉糭口感幾好，不過就冇想像中食完曄一聲嘅驚喜🤣🤣正常發揮兩者比較落嚟，我覺得魚湯粥值得試多d。🤤

一直都有食開靠得住，尤其鍾意食佢d糉同粥。今日遲放工，本身同朋友諗住去沙田分店食個快飯。野食靠得住，staff靠唔住！一坐低見佢哋有個QR code 落單，心諗估唔到靠得住而家都有得自助落單，咁就快快手落單。落完單之後諗住double check 點餐記錄，點知再掃個QR code，個system話我地無點餐。諗住搵staff check單，但個個又好忙。咁我地再落單，點知再submit order幾秒後有個staff 送餐過嚟，我地同佢講我地頭先check無落單記錄，所以落多左。個staff 即刻好大反應：吓？！我地話想佢幫我地取消多左ge order , 佢JIP一聲。我地又無心落多，落完一分鐘內發現duplicate左都即刻通知佢地取消。當然最好係搵staff check 左先再落，本身諗住掃QR code 都係check system, 自己都做得唔夠好，但個staff駛唔駛JIP晒，西晒面咁…

嗱！老實講一句啦。今日黎食靠得住，單單睇名已經覺得靠得住啦！靠得住紅油餃子，每一個餃子都鮮美可口。此外，紅油餃子的口感鮮美，以其獨特的辣味和口感，令我一試難忘，成功進入我的最愛列表。作為中國四大發明：粥粉麵飯之一。靠得住的王牌粥品還是令人滿意的。雞肉已經去骨，可放心大大啖食用，雞肉肉質鮮嫩，口感滑爽。吃上如此美味一碗熱騰騰的滑雞粥，入口溫暖、滋味鮮美，加上胡椒粉味道更上一層樓。粥品本身更是綿滑、稠而不黏。王牌當之無愧。隨餐附送的一杯熱豆漿，都令人難忘。豆漿微甜，也很大杯，大滿足！普及一下：豆漿是一種非常健康的飲品，富含蛋白質、脂肪、碳水化合物、維生素等營養成分。有助於補充能量，增強體力，並且有利於消化和排毒。

我和同事一向最喜歡下午茶吃傳統港式湯粉麵，這間連鎖集團的茶餐廳有下午茶套餐，而且可以叫湯粉麵或粥還，可以免費配小食下午茶的款式頗多，有雲吞麵、豬手麵、豬軟骨麵，牛腩麵等，又有生滾粥例如蠔仔粥或牛肉粥，普通的艇仔粥、皮蛋瘦肉粥，粟米雞絲粥。最特別的是這個下午茶餐配特色小食，包括脆卜卜的油炸鬼，銀芽炒麵，混帳腸粉時令菜和蘿蔔糕。今日我叫了牛腩麵，湯底甚濃，牛腩滑溜溜醃得很好，麵質爽口。油菜也算大碟，灼得鮮綠！👍🏻同事叫了豬軟骨湯麵，他覺得很不錯，肥嘟嘟食落成口骨膠原，配埋混帳腸粉，真係飽到不得了