靠得住粥麵小館 (MegaBox)

营业中

休息中

天氣凍，好想食碗暖笠笠嘅粥 ，雖然叫外賣，但係嚟到屋企仍然係非常熱辣辣， 好夠火候。 靠得住呢個米芝蓮店出名做粥，個粥底就真係一流嘅。絕對唔會係水汪汪 ， 粥有口感，夠綿。 我 好鍾意食佢嘅 粥底，有鮮味。 花生都好多。網上平台叫外賣，荔灣艇仔粥再加個鹹肉粽總共係九十一元連運費。 可惜艇仔粥材料唔足夠。 材料好少。魚片淨係一片完整，其他都是1/3隻指甲咁大的 魚片碎。 魚片碎到咁，仲有兩條多骨。V字骨，仲卡到喉嚨。粥的材料份量比起以前食開嘅少。覺得有啲失望，質素開始下降。 希望有改善。

8:10pm 要開場睇戲，7:30pm 到餐廳，打算食碗雲吞麵時間應該充足，同店員講明趕住去睇戲，要盡快出單，等到7:45追問先話漏單😡中途一路都冇人理我哋，第一個接待員又冇禮貌，唔明白點解可以叫做米芝連餐廳，絕對冇下次。

外地公幹回港之後有幾天都沒有外出， 今天終於要回公司工作了， 諗住揸車到九龍灣megabox 沒有太多人的地方吃下午茶， 誰知原來都幾多人啊！ 入到靠得住點了兩款下午茶餐～細蓉雲吞麵配混醬腸粉$38 ＆ 好味牛丸牛腩麵配銀芽炒麵$38， 薏米水$8， 蘋果茶每位$3。細蓉雲吞麵～ 雖然是下午茶但份量也挺多的， 雲吞有五小粒， 麵的質地彈牙鹼水味淡。好味牛丸牛腩麵～ 牛丸煙韌好味， 但牛腩 肉質偏紅口感太硬。混醬腸粉～ 腸粉質地香滑軟腍， 配上甜醬麻醬，很美味。銀芽炒麵～ 炒麵也算不錯， 食落不太油膩。薏米水～ 甜度適中， 健康飲品。蘋果茶～ 茶位每位$3， 茶味偏淡大有點蘋果香。整體價錢合理， 座位舒適光猛， 見到店員有為每一張檯消毒， 環境衛生。